OECD: Kreppan lengri og dýpri á Ísland

Af tölum OECD í nýrri skýrslu stofnunarinnar er nokkuð ljóst að kreppan hér á landi er bæði mun dýpri og lengri en í öðrum aðildarríkjum OECD. Þannig spáir stofnunin að hagvöxtur verði að meðaltali 2,7% innan aðildarríkjanna í ár og svo 2,8% á næsta ári.

Grindavík semur við Titan Global um gagnaver

Ólafur Örn Ólafsson, bæjarstjóri Grindavíkurbæjar, undirritaði í gær viljayfirlýsingu við Titan Global ehf. og HS Orku hf. um uppbyggingu gagnavers í Grindavíkurbæ sem noti orku frá fyrirhuguðum jarðvarmavirkjunum í sveitarfélaginu.

Sparisjóðirnir hafa rekið GSM banka í 12 ár

Sparisjóðirnir hafa boðið öllum bankaþjónustu í gegnum farsíma eða GSM banka í rúmlega 12 ár.

Greining: Spáir 7,2% verðbólgu

Greining MP Banka reiknar með 0,1% hækkun vísitölu neysluverðs milli mánaða sem þýðir að ársverðbólgan lækkar úr 8,3% í 7,2% gangi spáin eftir. Mæling á vísitölu neysluverðs í maí verður birt á morgun hjá Hagstofunni.

Landsbankinn býður einkabanka í farsímann

Viðskiptavinum Landsbankans býðst nú stóraukin þjónusta í gegnum farsímann. Með því að fara inn slóðina l.is geta þeir tengst Einkabankanum sínum og sinnt öllum algengustu bankaviðskiptum í símanum, hvar og hvenær sem er.

OECD: Hagvöxtur á Íslandi verður 2,3% á næsta ári

Í nýrri skýrslu frá OECD um efnahagshorfur á Íslandi kemur fram að stofnunin spáir 2,3% hagvexti á næsta ári. Samkvæmt skýrslunni eru efnahagshorfurnar á Íslandi ívið bjartari en fyrri spár gerðu ráð fyrir.

Markaðshlutdeild Iceland eykst á Bretlandseyjum

Markaðshlutdeild Iceland verslunarkeðjunnar á Bretlandseyjum jókst úr 1,7% og í 1,9% eða um 0,2 prósentustig á þriggja mánaða tímabili fram til 16. maí s.l. Þetta kemur fram í nýju yfirliti frá markaðsrannsóknafélaginu Nielsen.

Alterna safnar gömlum farsímum til styrktar SLF

Farsímafélagið Alterna hvetur GSM notendur að gefa gömlum og ónýtum GSM símunum framhaldslíf og koma með þá til félagsins í endurnýtingu. Ágóði af GSM söfnuninni mun renna til Styrktarfélags lamaðra og fatlaðra (SLF).

Aalborg Portland í Danmörku fékk ólöglegan ríkisstyrk

Framkvæmdastjórn ESB metur það svo að tveggja ára gömul löggjöf sé í raun ólöglegur ríkisstyrkur til sementframleiðandans Aalborg Portland í Danmörku. Aalborg Portland muni hagnast um 100 milljónir danskra kr. eða tæpa 2,2 milljarða kr. þar sem löggjöfin losaði fyrirtækið undan greiðslum á mengunargjöldum.

Styrking dollars dró úr lækkun á eldsneyti

Styrking dollars gagnvart krónu í gær varð til þess að að lækkun olíufélaganna á eldsneyti nam ekki nema tveimur krónum á bensínlítrann og þremur krónum á dísillítrann. Þessi styrking lá fyrir áður en olíufélögin lækkuðu eldsneytisverðið í gær, en eftir sem áður er bensínlítirnn aftur kominn niður fyrir 200 krónur í sjálfsafgreiðslu.-

Seðlabankar verða að vera sjálfstæðir

Ben Bernanke, seðlabankastjóri Bandaríkjanna, segir að seðlabankar hvarvetna í heiminum verði að geta tekið ákvarðanir um stýrivexti án afskipta stjórnmálamanna. Hann segir að ef sjálfstæði seðlabanka sé skert leiði það til efnahagslegs óstöðugleika.

Veltan á gjaldeyrismarkaði fjórföld á við apríl

Veltan á gjaldeyrismarkaðinum hérlendis hefur fjórfaldast í maí miðað við apríl á þessu ári. Veltan það sem af er maí er orðin tæplega 2,2 milljarðar kr. Í apríl nam þessi velta hinsvegar 512 milljónum kr.

Búist við að nýr iPhone verði kynntur í júní

Búist er við því að Steve Jobs, forstjóri Apple fyrirtækisins, muni kynna fjórðu kynslóð af iPhone símanum á ráðstefnu sem Apple stendur fyrir í júní.

Herða á refsingar fyrir slæmt hátterni

Setja á stjórnum fyrirtækja strangar reglur og þeim verður að fylgja af hörku. Þetta segir Chris Pierce, forstjóri breska fyrirtækisins Global Governance Service. Hann var frummælandi á hádegisfundi í gær um stjórnar-hætti hjá fyrirtækjum á vegum Viðskiptaráðs, Samtaka atvinnulífsins, Kauphallarinnar og Rannsóknamiðstöðvar um stjórnarhætti við Háskóla Íslands.

Flugfélögin urðu af milljarði í eldgosinu

Áætlað tap íslenskra flugfélaga vegna eldgossins í Eyjafjallajökli er á bilinu einn til 1,3 milljarðar króna. Stafar það bæði af miklu tekjutapi og auknum kostnaði sem hlaust af tilfæringum félaganna innanlands og utan.

SP-Fjármögnun býður 20-40 % lækkun á höfuðstól

Viðskiptavinum SP-Fjármögnunar býðst að lækka höfuðstól erlendra bílalána og breyta þeim í verðtryggð eða óverðtryggð íslensk lán. Í tilkynningu frá fyrirtækinu segir að lækkunin fari eftir myntsamsetningu lánsins og hvenær það var tekið. „Samkvæmt útreikningum SP-Fjármögnunar lækka um 80% lána til einstaklinga um 20-40% en meðaltalslækkun er 28%,“ segir einnig.

Gengi hlutabréfa Össurar féll um tæp tvö prósent

Gengi hlutabréfa stoðtækjafyrirtækisins Össurar féll um 1,99 prósent í Kauphöllinni í dag. Gengi annarra félaga hreyfðist ekki úr stað.

Óvenjulítil velta á skuldabréfamarkaði

Skuldabréfavísitalan GAMMA: GBI lækkaði um 0,1% í dag í 2,4 milljarða kr. viðskiptum. GAMMAi: Verðtryggt lækkaði um 0,1% í 1,5 milljarðs kr. viðskiptum og GAMMAxi: Óverðtryggt hækkaði lítillega í 0,9 milljarða kr. viðskiptum. Þetta er ein minnsta velta á skuldabréfamarkaði í ár.

Horfur á að krónan haldi áfram að styrkjast

Tæknigreining bendir til þess að krónan sé í styrkingarfasa og horfur séu á áframhaldandi styrkingu. Þetta kemur fram í vikulegum Markaðsfréttum Íslenskra verðbréfa.

Blóðbað á Wall Street

Hlutabréf hafa lækkað mikið á mörkuðunum á Wall Street frá því þeir opnuðu nú eftir hádegið. Dow Jones vísitalan hefur lækkað um 3% og Nasdag er 3,2% í mínus í fyrstu viðskiptum dagsins.

Straumur selur 10% í viðbót í West Ham

Straumur hefur selt þeim félögum David Sullivan og David Gold 10% hlut í enska úrvaldsdeildarliðinu West Ham og eiga þeir því nú 60% í félaginu. Sullivan og Gold borguðu 8 milljónir punda eða rúman 1,5 milljarð kr. fyrir 10% að því er segir í frétt í Guardian um málið.

Evrópska fyrirtækjavikan hefst á morgun

Evrópska fyrirtækjavikan hefst á Grand hóteli á morgun, 26. maí. Þar fá frumkvöðlar, fulltrúar fyrirtækja í nýsköpun og einstaklingar með viðskiptahugmyndir tækifæri til að fá heildstætt yfirlit yfir stuðning við nýsköpun á Íslandi.

Bjarsýni landsmanna áfram á uppleið

Væntingar neytenda halda áfram að glæðast ef marka má Væntingavísitölu Gallup sem birt var nú í morgun. Vísitalan hækkar um tæplega þrjú stig frá fyrri mánuði og stendur nú í 57,4 stigum, sem er hæsta gildi hennar frá því fyrir hrun.

Orkuútrásin byggir á samstarfi við MHI í Japan

Samstarfi átta leiðandi fyrirtækja í jarðhitanýtingu hérlendis var komið á í framhaldi af samstarfsyfirlýsingu Orkuveitu Reykjavíkur (OR) og japanska stórfyrirtækisins Mitsubishi Heavy Industries (MHI), sem undirrituð var í Tókýó 15. apríl sl. Í samræmi við hana er OR að skapa breiðan vettvang íslenskrar sérþekkingar í jarðhitanýtingu.

Orkufyrirtæki sameinast í útrás

Í morgun undirrituðu fulltrúar átta fyrirtækja, sem eru leiðandi í jarðhitanýtingu hér á landi, viljayfirlýsingu um samstarf sín á milli að erlendum verkefnum.

SÍ hyggst koma á uppboðsmarkaði með gjaldeyri

Seðlabanki Íslands (SÍ) hyggst koma á fót uppboðsmarkaði með gjaldeyri sem lið í afnámi gjaldeyrishaftanna í náinni framtíð. Þetta kemur fram í skjali sem Selabankinn gaf út í ágúst í fyrra undir heitinu „Afnám gjaldeyrishaftanna".

Óbreytt stjórnarlaun hjá Icelandair Group

Samþykkt var á aðalfundi Icelandair Group fyrir helgina að stjórnarlaun verði óbreytt. Stjórnarmenn fái 160 þúsund krónur á mánuði, formaður fái 320 þúsund krónur á mánuði og varamenn fái 80 þúsund krónur fyrir hvern setinn fund.

Lego veðjar á Prince of Persia í Bandaríkjunum

Lego í Danmörku, stærsti leikfangaframleiðandi Evrópu, ætlar að veðja á kvikmyndina Prince of Persia til að tvöfalda sölu sína á Bandaríkjamarkaði á næstu fimm árum. Ætlunin er að setja Legokubbasett á markaðinn í Bandaríkjunum sem yrði byggt á myndinni.

Norðursjávarolían undir 70 dollara á tunnuna

Verð á Norðursjávarolíunni fór undir 70 dollara á tunnuna í morgun en það hefur ekki gerst síðan í febrúar s.l. Verðið stendur nú í 69,7 dollurum sem er lækkun um 2,1%. Bandaríska WTI olían selst nú á 68,6 dollara tunnan en verið á henni fór undir 70 dollara fyrir helgina.

Verðfall á öllum mörkuðum

Verð hafa fallið á öllum helstu hlutabréfa í heiminum frá því í gærkvöldi. Í morgun opnuðu allar helstu kauphallir Evrópu í rauðu eftir svipaða þróun í Asíu í nótt.

Kaupþingsrannsókn Breta nær til Lúx

Rannsókn Serious Fraud Office, efnahagsbrotadeildar bresku lögreglunnar, á starfsemi Kaupþings í Bretlandi hefur nú teygt anga sína til Lúxemborgar. Fulltrúar embættisins hittu sérstakan saksóknara í Amsterdam í síðustu viku. Þar voru einnig fulltrúar belgískra rannsakenda sem og heimamanna og efnahagsbrotadeildar Europol.

Grynnka á skuldum ríkis með sölu eigna

„Mælikvarði IMD er misvísandi, hann málar stöðuna of dökkum litum,“ segir Gylfi Magnússon, efnahags- og viðskiptaráðherra, um útreikninga svissneska viðskiptaháskólans á skuldastöðu hins opinbera.

AGS hefur þungar áhyggjur af Spáni

Alþjóðagjaldeyrissjóðurinn hefur lýst yfir miklum áhyggjum yfir veiku hagkerfi Spánar og segir ríkið langt því frá að ná nauðsynlegum umbótum til þess að rétta af efnahagskerfið sem hefur mátt þola þung högg undanfarið.

Segja Panama-peninginn hafa ratað aftur til Íslands

Yfirvöld hafa til rannsóknar 3 milljarða sem Pálmi Haraldsson, oft kenndur við hlutafélagið Fons, fékk lánaða en peningurinn á að hafa farið til Panama í gegnum Lúxemborg og þaðan aftur til Íslands. Þetta kom fram í kvöldfréttum Ríkissjónvarpsins.

Tap íslenskra fyrirtækja gríðarlegt

Tap íslenskra fyrirtækja nam rúmum níu þúsund og sexhundruð milljörðum króna á árinu 2008 og hefur eigið fé þeirra nánast gufað upp. Þetta leiðir til minni skatttekna en útlit er fyrir að tekjuskattsstofninn hafi rýrnað um tæpan fjórðung á milli ára.

Hótel Rangá á lista yfir 100 bestu hótel Evrópu

Hótel Rangá er að finna á lista yfir 100 bestu hótelin í Evrópu. Listinn er tekinn saman af sérfræðingum fyrir breska blaðið The Times.

Ríkisskattstjóri og FME taka upp samstarf

Ríkisskattstjóri og Fjármálaeftirlitið hafa ákveðið að taka upp samstarf og hafa gert með sér samstarfssamning.

Ódýrari leið fyrir skattgreiðendur

Lilja Mósesdóttir, hagfræðingur og þingmaður Vinstri grænna, íhugar að leggja fram þingsályktunartillögu um að farin verði svo kölluð uppboðsleið við afnám gjaldeyrishafta hér á landi. Hún segir þá leið ódýrasta fyrir skattgreiðendur.

Fæðuöryggi falsrök fyrir miklum styrkjum til landbúnaðar

Hagfræðiprófessor segir fæðuöryggi þjóðarinnar vera falsrök fyrir miklum styrkjum til landbúnaðar. Hann segir eldgosið í Eyjafjallajökli hafa sýnt fram á það með áþreifanlegum hætti, og leggur til að landbúnaðarkerfið verði endurskoðað frá grunni.

Nígeríumaður vill hlut í Arsenal

Nígerískur auðjöfur að nafni Aliko Dangote á í viðræðum um kaup á 16% hlut í enska knattspyrnuliðinu Arsenal. Hluturinn sem er til sölu er í eigu Lafði Ninu Bracewell-Smith, en hún er fjórði stærsti hluthafinn í

Heimsins dýrasta frímerki selt

Heimsins dýrasta frímerki var selt á uppboði í Genf í gær, fullyrðir Ritzau fréttastofan. Frímerkið er svokallaður „Gulur þrískildingur“ og er hluti af frímerkjaröð sem byrjað var að gefa út í Svíþjóð árið 1855. Gulur þrískildingur var prentaður í grænu. Það sem gerir eintakið sem seldist um helgina svo sérstakt er að það var óvart prentað í gulum lit.

Neðri deildin samþykkti björgunarpakkann

Neðri deild þýska þingsins samþykkti í gær hlut Þýskalands í eitt þúsund milljarða evra björgunarpakka í Evrópu. Angela Merkel, kanslari, hafði varað við því að evran væru í hættu. „Ef evran bregst þá bregst Evrópa," sagði Merkel fyrr í vikunni þegar hún hvatti neðri deild þingsins til að samþykkja hlut Þýskalands. 319 þingmenn greiddu atkvæði með frumvarpinu en 73 á móti.

Norski olíusjóðurinn stórgræddi á efnahagshruninu á Íslandi

Norski olíusjóðurinn stórgræddi á efnahagshruninu á Íslandi en hann veðjaði á að allt færi á versta veg hér á landi allt frá árinu 2005. Sjóðurinn er einn sá ríkasti í heimi.

Vinstri grænir vildu bráðabirðalög á Magma Energy

Ráðherrar Vinstri grænna vildu beita bráðabirgðalögum gegn Magma Energy. Þetta kemur fram í frétt Viðskiptablaðsins í dag og birt er á vefsíðu blaðsins.

Síminn telur sig ekki hafa brotið lög

Sævar Freyr Þráinsson, forstjóri Símans, segir að fyrirtækið hafi talið að þær aðgerðir þegar Síminn útbjó lista með upplýsingum um mörg þúsund viðskiptavina símafyrirtækisins Nova væru í samræmi við gildandi lög og reglur.