Fleiri fréttir

Alcoa Fjarðaál flutti út vörur fyrir um 74 milljarða

Útflutningur Alcoa Fjarðaáls á síðasta ári nam tæplega 600 milljónum bandaríkjadala, sem jafngildir um 74 milljörðum íslenskra króna, miðað við núverandi gengi. Þetta kemur fram í tilkynningu frá félaginu en rúmlega 349 þúsund tonn af hreinu áli, álblöndum og álvírum voru flutt úr. Verðmæti útflutnings Alcoa Fjarðaáls í fyrra nam því rúmlega 1.4 milljörðum króna á viku, eða rúmlega 200 milljónum króna á dag.

Fjórir Prius innkallaðir á Íslandi

Innkalla þurfti fjórar bifreiðar af Toyota Prius gerð hér á Íslandi en alls þarf Toyota að innkalla 52.903 bíla í Evrópu vegna uppfærslu sem gera þarf á hugbúnaði í ABS-bremsukerfi bílsins. Páll Þorsteinsson upplýsingafulltrúi Toyota segir að þessi gerð af Prius hafi verið kynnt hér á landi í september og að fjórir bílar hafi selst. Þegar hefur verið haft samband við eigendur þeirra bíla sem kalla þarf inn hér á landi og gefa þeim tíma á verkstæði.

Landsframleiðslan á mann enn há á Íslandi

Greining Íslandsbanka fjallar í dag um breytingar á landsframleiðslunni á Íslandi í kreppunni. Þar segir að áhugavert er í því sambandi að skoða kaupmátt landsframleiðslunnar á mann en á þann mælikvarða stóð Ísland afar vel fyrir hrunið með eina hæstu landsframleiðslu á mann í heimi. Sú staða versnar ekki mjög mikið þrátt fyrir kreppuna.

Magma Energy stofnar íslenskt dótturfélag

Kanadíska jarðhitafyrirtækið Magma Energy Corporation, sem á 40,94% hlut í HS Orku í gegnum dótturfyrirtæki sitt Magma Energy Sweden AB, hefur sett á stofn dótturfyrirtæki hér á landi, Magma Energy Iceland ehf.

Íslandsvinurinn Kiefer Sutherland svikinn af nautgripasala

Íslandsvinurinn og stórstjarnan Kiefer Sutherland situr eftir með sárt ennið eftir að hafa verið illa svikinn í viðskiptum af nautgripasala í Bandaríkjunum. Sutherland var svikinn um 869.000 dollara af nautgripasalanum eða um tæpar 112 milljónir kr.

Krónan ætti að geta styrkst gagnvart evrunni

Líklegt er að evran haldi áfram að gefa eftir gagnvart helstu gjaldmiðlum. Krónan ætti einnig að geta styrkst gagnvart evrunni, samfara áframhaldandi myndarlegum afgangi af vöru- og þjónustuviðskiptum við útlönd.

Áhugi á að kaupa eina af stærri breskum eignum Kaupþings

Nokkrir fjárfestar hafa lýst áhuga á því að kaupa, Bay Restaurant Group (Bay), eina af stærri eignum Kaupþings í Bretlandi. Bay var áður í eigu auðmannsins Robert Tchenguiz fyrrum stjórnarmanns í Exista. Kauipþing leysti til sín þessa eign í fyrra.

SAS öskrar á hjálp, tapaði 50 milljörðum í fyrra

„SAS öskrar á hjálp" er fyrirsögnin á einum af dönsku vefmiðlunum í morgun þar sem fjallað er um taprekstur SAS flugfélagsins á síðasta ári. Tapið nam 2,2 milljörðum danskra kr. eða rúmum 50 milljörðum kr.

Arion banki stefnir Björgólfi Thor

Arion banki hefur nú höfðað mál gegn Björgólfi Thor Björgólfssyni vegna persónulegra ábyrgða sem hann og faðir hans tókust á hendur þegar Samson fékk lán hjá Búnaðarbankanum vorið 2003 til að kaupa Landsbankann. Skuld feðganna stendur í tæpum sex milljörðum króna í dag.

Viðskiptaráð: 40% fyrirtækja í samkeppni við hið opinbera

40% forsvarsmanna fyrirtækja í íslensku atvinnulífi telja opinberar stofnanir eða fyrirtæki í opinberum rekstri vera í samkeppni við sitt fyrirtæki. Þá telja 51% fyrirtækja í þjónustu sig vera í samkeppni við hið opinbera, 49% fyrirtækja í verslun og 58% fyrirtækja í byggingar- eða verktakastarfsemi.

Gamma hækkaði um 0,1% í dag

Skuldabréfavísitalan GAMMA: GBI hækkaði um 0,1% í dag í 6,2 milljarða viðskiptum. GAMMAi: Verðtryggt hækkaði um 0,1% í 0,6 milljarða viðskiptum og GAMMAxi: Óverðtryggt hækkaði um 0,2% í 5,5 milljarða viðskiptum.

Næsta andlit Iceland verður venjulegur Breti

Verslunarkeðjan Iceland í Bretlandi hefur hleypt af stokkunum samkeppni meðal bresks almennings um að finna næsta andlit keðjunnar. Hingað til hefur Iceland sótt þetta andlit til þekktra Breta en nú á að breyta um stefnu.

Norræn deila um frekari fjárhagsaðstoð til SAS

Norsk stjórnvöld hafa glatað þolinmæði sinni gagnvart SAS flugfélaginu og munu ekki leggja því til krónu í frekari fjárhagsaðstoð. Dönsk stjórnvöld vilja hinsvegar halda áfram að aðstoða SAS.

FME sektar Teymi um 7,5 milljónir

Fjármálaeftirlitið (FME) hefur sektað eignarhaldsfélagið Teymi um 7,5 milljónir króna fyrir að gera ekki opinberar verðmyndandi upplýsingar í apríl á síðasta ári, er vörðuðu niðurfærslu á verðmæti farsímakerfis í eigu félagsins.

Mikil eftirpurn eftir löngum bréfum jákvætt fyrir ríkissjóð

Mikil eftirspurn eftir löngum ríkisbréfum í útboði s.l. föstudag hlýtur að teljast afar jákvæð fyrir ríkissjóð m.v. þá áherslu að lengja í endurgreiðsluferli skulda hans. Jafnframt telur greining Íslandsbanka að niðurstaðan sé afar góð fyrir skuldabréfamarkaðinn.

Atvinnuleysið áfram minna en í öðrum OECD ríkjum

Atvinnuleysið í OECD ríkjunum var að meðaltali 8,8% í desember s.l. samkvæmt samræmdri mælingu samtakanna. Atvinnuleysi á Íslandi er því áfram minna en í öðrum OECD ríkjum að jafnaði en það mældist 8,2% í desember.

Tryggingarfélög hagnast vel á Facebook

Með tilkomu Facebook er það orðið mun léttara verk fyrir tryggingarfélög að upplýsa um tryggingarsvik. Á síðustu fjórum árum hefur tryggingarfélag sparað sér greiðslur á tryggingabótum upp á rúma þrjá milljarða með því að nýta sér upplýsingar af Facebook.

Hlutir í Færeyjabanka ekki hærri síðan 2008

Hlutir í Færeyjabanka hækkuðu um 4,5% í kauphöllinni í Kaupmannahöfn og hefur gengi þeirra þar ekki verið hærra síðan í október árið 2008. Gengi þeirra stendur í 150 kr. dönskum.

Innleiðing INET tókst vel á öllum mörkuðum

NASDAQ OMX Group tilkynnir að innleiðing viðskiptakerfisins INET tókst vel í dag á öllum mörkuðum á Norðurlöndunum (Kaupmannahöfn, Helsinki, Íslandi og Stokkhólmi) og í Eystrasaltsríkjunum (Riga, Tallinn og Vilnius).

Actavis skapar yfir 50 ný störf í Hafnarfirði

Actavis hefur ákveðið að stækka lyfjaverksmiðju sína í Hafnarfirði. Í kjölfarið verða til meira en 50 ný störf hjá fyrirtækinu og framleiðslugetan á Íslandi eykst um 50%. Framkvæmdir hefjast fljótlega og er áætlað að framleiðsla í nýja hlutanum fari af stað um næstu áramót.

HS Orka hagnaðist um 6,8 milljarða í fyrra

Hagnaður HS Orku á síðasta ári nam 6,8 milljörðum kr. samanborið við tap að upphæð 11,7 milljörðum kr. á árinu 2008. Þegar tekið hefur verið tillit til tekna og gjalda færðra á eigið fé er afkoman í heild jákvæð um um 8,15 milljarða kr. samanborið við tap að upphæð 4,7 milljarða kr. árið áður.

Álverðið dottið niður fyrir 2.000 dollara í London

Heimsmarkaðsverð á áli hefur stöðugt lækkað undanfarnar vikur og er nú komið niður yfir 2.000 dollara á tonnið á markaðinum í London. Í morgun stóð verðið í 1.982 dollurum á tonnið miðað við þriggja mánaða framvirka samninga.

Hlutabréfaútgáfa upp á 8 milljarða hjá West Ham

Skriður er kominn á hugmyndir þeirra David Sullivan og David Gold um að fá nýtt fjármagn inn í rekstur enska úrvalsdeildarliðsins West Ham. Framundan er útgáfa á nýjum hlutabréfum fyrir allt að 40 milljónir punda eða um 8 milljarða kr.

Toyota innkallar Prius

Japanski bílaframleiðandinn Toyota hyggst síðar í vikunni innkalla rúmlega 300 þúsund bifreiðar af gerðinni Prius í Bandaríkjunum og Japan vegna bilana í hemlunarbúnaði bifreiðanna. Áður hafði fyrirtækið innkallað um átta milljónir bifreiðar víðsvegar um heiminn, þar á meðal á Íslandi, vegna bilana í bensíngjöf í sjö undirtegundum.

Færeyjabanki eignast hluta af útibúaneti Sparbank

Færeyjabanki hefur eignast hluta af útibúaneti danska bankans Sparbank. Útibúin sem hér um ræðir eru staðsett á Jótlandi, Fjóni og Grænlandi. Alls er um 12 útibú að ræða með 30.000 viðskiptavinum. Innistæður nema 3,6 milljörðum danskra kr. og útistandandi lán 3,9 milljörðum kr.

Saxbygg gerði verðmat á eigin eignum

Fyrri eigendur Saxbygg seldu erlendar eignir félagsins fyrir brot af bókfærðu verðmæti þeirra til þriggja fyrirtækja í þeirra eigin eigu eftir að halla tók undan fæti í rekstri félagsins vorið 2008 og ljóst var að stefndi í milljarðatap. Í mars sama ár höfðu lánardrottnar barið á dyrnar og kallað eftir traustari veðum.

Stofnuðu félag til þess að fjárfesta í kvikmyndagerð

Framkvæmdarstjóri í Seðlabankanum stofnaði félag ásamt Steingrími Wernerssyni sem hefur það að markmiði að fjárfesta í kvikmyndagerð. Félagarnir hafa sett milljónir í framleiðslu á heimildamynd sem ber heitið, Feigðarflan.

Meðallaun starfsmanna Glitnis tæpar fimmtán milljónir

Meðallaunagreiðslur til hvers starfsmanns Glitnis eru um 14,6 milljónir samkvæmt uppgjöri bankans fyrstu ellefu mánuðina árið 2009 sem hefur verið birt kröfuhöfum. Þetta kemur fram á vef Viðskiptablaðsins.

Íslensk fiskhausaþurrkun skapar störf í Nova Scotia

Íslensk fiskhausaþurrkun mun skapa um 50 ný störf í Nova Scotia í Kanada á næstu fimm árum. Yfirvöld í Nova Scotia hafa ákveðið að leggja 1,4 milljónir kanadadollara eða um 180 milljónir kr. sem lán í fyrirtækið.

Íslenskt hugvit í norskum rútum

Íslenska flotastýringakerfið SAGA-system hefur selt búnað sinn í tæplega eitt hundrað strætisvagna í Noregi sem eru í eigu rútufyrirtækisins Tide Buss.

Actavis og Teva leggja fram tilboð í Ratiopharm

Actavis og Teva eru bæði búin að leggja fram tilboð í þýska samheitalyfjafyrirtækið Ratiopharm. Talið er að bandaríski lyfjarisinn Pfizer muni einnig leggja fram tilboð fyrir lok mánaðarins en áður hafði komið fram að Pfizer væri hætt við að reyna að kaupa Ratiopharm.

Fagfjárfestar verða mótvægi

Svo kann að fara að fagfjárfestum, svo sem lífeyrissjóðum, verði boðið að kaupa stóran hlut Arion banka í Högum í lokuðu útboði fyrir skráningu félagsins á markað seinni hluta árs og þeir verði mótvægi við aðra hluthafa félagsins sem fá að kaupa í opnu útboði. Finnur Sveinbjörnsson, bankastjóri Arion banka, segir þetta á meðal þeirra hugmynda sem unnið sé með í samráði við erlendan ráðgjafa í útfærslu á útboðsferlinu.

Sjá næstu 50 fréttir

Mest lesið