Mikill hagnaður hjá Easyjet

Hagnaður flugfélagsins Easyjet hefur aukist gríðarlega á þessu ári samanborið við það síðasta eða um 56%.

Storebrand fær leyfi ráðuneytis

Norska tryggingafélagið Storebrand hefur fengi leyfi frá norska fjármálaráðuneytinu til að taka yfir SPP, sem er sænskt líftryggingafélag í eigu Handelsbanken. Kaupþing er stærsti hluthafinn í Storebrand. Kaupþing og Exista fara saman með tæp þrjátíu prósent í félaginu.

Flestir lækka, en DeCode hækkar

Bandarísk hlutabréf tóku dýfu í dag og hafa Dow Jones og S&P 500 vísitölurnar ekki verið lægri í þrjá mánuði. Dow jones lækkaði um 1,65 prósent og S&P lækkaði um 1,74 prósent. Nasdaq vísitalan lækkaði einnig, um 1,66 prósent eða 43,86 stig. Gengi bréfa í DeCode er hins vegar undanskilið þróuninni því markaðsvirði fyrirtækisins jókst um 4,72 prósent.

Úrvalsvísitalan féll undir 7.000 stigin

Úrvalsvísitalan hefur lækkað um 3,63 prósent í Kauphöllinni í dag. Hún stendur í 6.955 stigum og hefur ekki verið jafn lág síðan seint í janúar. Gengi fjármálafyrirtækja hefur hríðfallið það sem af er dags, mest í Straumi og Exista en gengi beggja hefur fallið um rúm fimm prósent. Gengi Straums hefur ekki verið lægra síðan í ágúst á síðasta ári.

Chavez: Veldi bandaríkjadals að hrynja

Hugo Chavez, forseti Venesúela, segir veldi dollarans að hrynja og um leið muni veldi Bandaríkjanna hrynja

Geysir Green hefur enn ekki tekið afstöðu

Geysir Green Energy hefur enn ekki tekið afstöðu gagnvart þeirri ákvörðun borgarstjórnar og Orkuveitunnar að ógilda samruna GGE og REI einhliða.

YouTube gegn einelti

Fyrsta stöðin gegn einelti á netinu hefur verið tekin í gagnið á YouTube. Henni er ætlað að hvetja ungt fólk til að fordæma einelti meðal annars með því að setja eigin myndbrot og skilaboð á síðuna.

Atlantic Petroleum hækkar eftir fall

Gengi hlutabréfa í færeyska olíuleitarfélaginu Atlantic Petroleum hefur hækkað um 5,5 prósent eftir að viðskipti hófust í Kauphöllinni í dag eftir tæplega þriðjungsfall í síðustu viku. Einungis tvö önnur félög hafa hækkað á sama tíma en fimm lækkað, þar af mest í FL Group.

Barist gegn sölubanni á Smirnoff Ice

Drykkjarvörurisinn Diageo berst nú með öllum ráðum gegn banni á sölu á Smirnoff Ice í stórmörkuðum í Kaliforníu.

Kínverjar skipa bönkum að skrúfa fyrir öll útlán

Kínversk stjórnvöld hafa með leynd skipað bönkum landsins að skrúfa fyrir öll útlán sín það sem eftir lifir ársins.

Óvíst um framtíð Bjarna

Framtíð Bjarna Ármannssonar hjá Reykjavík Energy Invest er óljós eftir að Borgarráð og stjórn Orkuveitu Reykjavíkur tóku þá ákvörðun að ógilda samruma REI og Geysir Green Energy.

Sex íslensk félög á topp 100 lista Norðurlandanna

Sex íslensk félög voru í hópi 100 stærstu fyrirtækja Norðurlanda miðað við markaðsverðmæti um miðja vikuna. Raunar voru þrjú í hópi 50 stærstu, Kaupþing, sem var í 27. sæti, Landsbankinn, í 44. sæti og Glitnir sem sat í 49. sæti.

Stephen Jack tekur við Fjárstýringu hjá Straumi

Stephen Jack, framkvæmdastjóri Fjármálasviðs Straums-Burðaráss Fjárfestingabanka, tekur við stjórn Fjárstýringar hjá bankanum, þar á meðal Fjárfestatengslum.

Slakt uppgjör hjá Atlantic Petroleum

Tap Atlantic Petroleum, færeyska olíu- og gasfyrirtækisins, nam um 11 milljónum dkr. eða rúmlega 120 milljónum kr. nú á þriðja ársfjórðung. Töluverður munur er á afkomu ef litið er til sama fjórðungs í fyrra en þá nam tapið 250.000 dkr.

Tæp þriðjungslækkun í vikunni

Gengi hlutabréfa í Atlantic Petroleum hélt áfram að lækka í dag eftir breytt verðmat á félaginu í byrjun vikunnar en nú fór það niður um níu prósent. Gengið fór hæst í 2.433 stig á mánudag en stendur nú í 1.692 stigum sem jafngildir því að gengið hefur fallið um tæp 30 prósent á þremur dögum.

Skipti hf. fær frest á skráningu framyfir áramót

Árni Mathiesen fjármálaráðherra segir að ráðuneytið muni taka jákvætt í beiðni Skipti hf., móðurfélags Símans, um að fresta skráningu félagsins í kauphöllina. Verður ákvörðunin um það tekin öðru hvorum megin við helgina.

Meira flutt út af grásleppukavíar en í fyrra

Þrátt fyrir minni grásleppuveiði á síðustu vertíð hefur aukning orðið í útflutningi grásleppuafurða. Á það jafnt við grásleppukavíar og söltuð hrogn í tunnum.

Rapparinn Jay-Z "dissar" dollarann

Nú virðist fokið í flest skjól fyrir dollarann. Fyrir viku birtum við frétt um að ofurfyrirsætan Gisele Bündchen væri hætt að taka við greiðslu fyrir vinnu sína í dollurum. Og nú berast fréttir af því að rapparinn Jay-Z „dissi“ dollarann í nýjasta myndbandi sínu.

Afkoma Icelandic Group undir væntingum

Icelandic Group tapaði rúmum 2,5 milljónum evra, jafnvirði rúmra 220 milljóna íslenskra króna, á þriðja ársfjórðungi samanborið við 953 þúsunda evra hagnað á sama tíma í fyrra. Björgólfur Jóhannsson, forstjóri Icelandic Group, segir áætlanir um hagræðingu og rekstrarhagnað á árinu ekki hafa gengið eftir.

Íslenska hagkerfið er einstakt

Þið ættuð að vera stolt af ríkisstjórn ykkar. Íslenska kerfið er einstakt. Þetta sagði Arthur B. Laffer, einn kunnasti hagfræðingur heims, á fundi Samtaka atvinnulífsins í morgun undir yfirskriftinni „Íslenska efnahagsundrið".

SPRON opnar skrifstofu í Berlín

SPRON Verðbréf dótturfélag SPRON hf., hefur opnað skrifstofu í Berlín og hefur ásamt íslenskum fjárfestum keypt 430 íbúðir þar í borg fyrir fimm og hálfan milljarð króna. Hlutverk skrifstofunnar er að veita ráðgjöf og annast fjárfestingar í fasteignum og fyrirtækjum í Þýskalandi, sem og á nálægum svæðum og bæta með því enn frekar þjónustu við einka- og fyrirtækjafjárfesta á Íslandi.

Bítlarnir brátt aðgengilegir á netinu

Tónlist Bítlanna ætti að verða aðgengileg á netinu á næsta ári eftir því sem Paul McCartney segir bandaríska tónlistarvefnum Billboard.com. Verk hljómsveitarinnar eru ein fárra sem hafa haldið tónlist sinni frá vefverslunum eins og iTunes og Napster.

Lækkanir í kauphöllinni

Hlutabréf héldu áfram að lækka í kauphöllinni í morgun þegar opnað var fyrir viðskipti. Alls hefur úrvalsvísitalan fallið um 1,4 prósent það sem af er degi.

Gengi FL Group ekki lægra í rúmt ár

Gengi bréfa í FL Group féll töluvert við opnun viðskipta í Kauphöllinni í dag en það fór niður um 2,94 prósent og hefur ekki verið lægra síðan um miðjan september á síðasta ári.

Vilja koma í veg fyrir aðra undirmálslánakrísu

Bandarískir þingmenn hafa samþykkt frumvarp sem felur í sér hert eftirlit með bandarískum fasteignalánafyrirtækjum með það fyrir augum að koma í veg fyrir að fjármálakrísa í tengslum við undirmálslán vestanhafs endurtaki sig.

Lækkanir á mörkuðum

Gengi hlutabréfa í Asíu lækkaði við lokun markaða í morgun en lækkunina má rekja til ótta manna um að vandræði í bandaríska efnahagskerfinu séu ekki fyrir bí. Þá styrktist japanska yenið gagnvart dollarnum.

Danir segja FL Group í vondum málum

Danska blaðið Berlingske tidende gerir því skóna á vefsíðu sinni um viðskiptalífið, að FL Group hafi tapað hátt í 25 milljörðum íslenskra króna það sem af er þessum ársfjórðungi, eða eftir fyrsta október.

FL Group ekki undir neinum þrýstingi

Vísir sagði frá því í dag að FL Group væri undir miklum þrýstingi að selja hlut sinn í dönsku bruggverksmiðjunni Royal Unibrew.

Ráðstöfunartekjur heimila jukust um 18,7%

Ráðstöfunartekjur heimila jukust um 18,7% á milli áranna 2006 og 2005 samkvæmt nýbirtum tölum frá Hagstofu Íslands. Þá jókst kaupmáttur á mann um 8% sem er svipuð aukning og mældist á árinu 2005.

Jarðskjálftar hækka verð á kopar um 6%

Hinir miklu jarðskjálftar sem skekið hafa Chile að undanförnu gera það að verkum að heimsmarkaðsverð á kopar hefur hækkað um 6% í dag.

Úrvalsvísitalan lækkaði í Kauphöllinni

Gengi nær allra fjármálafyrirtækja lækkaði í kringum eitt til rúmlega tvö prósent undir lok viðskipta í Kauphöllinni í dag. Mest var lækkun á gengi bréfa í Föroya banka, sem fór niður um 2,93 prósent. Næst á eftir fylgdu bréf í olíuleitarfélaginu Atlantic Petroleum, sem féll hratt við upphaf dags en jafnaði sig eftir því sem á leið.

Hlutabréf í Björn Borg hafa hækkað um 3.000%

Tennisgoðsögnin sænska, Björn Borg, hefur ástæðu til að brosa þessa dagana því gengið á hlutabréfunum í fatafyrirtæki hans hefur hækkað ótrúlega undanfarin ár. Frá því að fyrirtækið var skráð á markað fyrir þremur árum hafa bréfin hækkað um 3.000%.

FL Group undir þrýstingi að selja í Royal Unibrew

FL Group er nú undir miklum þrýstingi að selja hlut sinn í brugghúsinu Royal Unibrew í Danmörku.

Astraeus alfarið í eigu Íslandinga

Northern Travel Holding hf hefur keypt allt hlutafé í félaginu Astraeus Limited. Fyrir kaupin átti Northern Travel Holding hf 51% af hlutafé félagins og á nú 100% af hlutafé félagsins.

Samdráttur hjá J. C. Penny

Hagnaður bandarísku verslanakeðjunnar J.C. Penny nam 261 milljón dala, jafnvirði 15,6 milljörðum íslenskra króna, á þriðja ársfjórðungi samanborið við 287 milljónir dala á sama tíma í fyrra. Þetta er níu prósenta samdráttur á milli ára. Stjórnendur verslunarinnar segja sölu hafa dregist saman á fjórðungnum og séu horfur á að efnahagurinn muni versna frekar á yfirstandandi fjórðungi þar sem ljóst þyki að neytendur haldi að sér höndum þessa dagana.

Vísa samrunaviðræðum á bug

Orðrómur hefur verið uppi um að bandarísku flugfélögin Delta og United Airlines eigi í viðræðum sem geti leitt til samruna þeirra. Gengi það eftir yrði til stærsta flugfélag í heimi. Forstjórar flugfélaganna vísa því hins vegar á bug að samrunaviðræður eigi sér stað.

Just4Kids oftast með lægsta verðið

Leikfangaverslunin Just4Kids var oftast með lægsta verðið í verðkönnun Fréttablaðsins. Toys R us var hins vegar oftast með hæsta verðið.

Viðsnúningur í kauphöllinni

Úrvalsvísitalan hefur lækkað um 1,5 prósent frá því opnað var fyrir viðskipti í morgun. Í byrjun dags hækkaði vísitalan hins vegar lítillega.

Vilja seinka skráningu Símans á markað

Stjórn Skipta, sem meðal annars rekur Símann, hefur leitað eftir því við íslenska ríkið að skráningu félagsins á markað verði seinkað vegna þátttöku fyrirtækisins í söluferli á slóvenska símanum.

Verðbólga eykst á evrusvæðinu

Verðbólga mældist 2,6 prósent á evrusvæðinu í síðasta mánuði samanborið við 2,1 prósent í september, samkvæmt útreikningum Eurostat, hagstofu Evrópusambandsins. Helstu liðir til hækkunar liggja í hærra eldsneytis- og matvælaverði, ekki síst á mjólkur- og kornvörum sem hefur hækkað mjög í verði víða um heim.

Úrvalsvísitalan á uppleið

Úrvalsvísitalan hækkaði um 0,04 prósent þegar opnað var fyrir viðskipti í morgun. Bréf í Bakkavör höfðu hækkað mest eða um 0,84 prósent.

Hlutabréf í Evrópu falla í verði

Hlutabréf á mörkuðum í Evrópu féllu hratt í verði þegar opnað var fyrir viðskipti í morgun. FTSEurofirst 300 vísitalan féll um 0,6 prósent.

Macy's spáir minni einkaneyslu

Gengi hlutabréfa tók að lækka skyndilega í Bandaríkjunum í gær eftir að bandaríska verslanakeðjan Macy's skilaði inn uppgjörstölum sínum fyrir þriðja ársfjórðung. Verslunin skilaði 33 milljóna dala hagnaði, sem jafngildir tæpum tveimur milljörðum íslenskra króna, á tímabilinu. Þetta er á pari við væntingar markaðsaðila.

Thain tekur við Merrill Lynch

John Thain hefur verið ráðinn forstjóri Merrill Lynch, stærsta verðbréfamiðlunarfyrirtæki Bandaríkjanna, og er honum ætlað að koma því á réttan kjöl eftir erfiðleika að undanförnu

Stuðlar að fasteignalækkun

„Ef íbúðakaupendur verða að taka ný og óhagstæðari lán frekar en að taka yfir gömul þá getur það bæði hægt mjög á fasteignaviðskiptum og stuðlað að verðlækkun,“ segir Gylfi Magnússon, dósent við viðskipta- og hagfræðideild Háskóla Íslands.