Síðustu leikir skipbrot

"Niðurstaðan er svolítil vonbrigði því við vorum svo nálægt því að komast í undanúrslitin," sagð Logi Geirsson sem átti mjög góðan leik í gær og hann stóð sig reyndar alveg frábærlega á þessu fyrsta stórmóti sem hann tekur almennilega þátt í.

Króatar tryggðu sér fimmta sætið

Króatíska landsliðið tryggði sér í dag fimmta sætið á HM með öruggum sigri á Rússum 34-25 eftir að hafa verið yfir 18-12 í hálfleik. Konstantin Igropulo var markahæstur hjá Rússum með 9 mörk en Vedran Zrnic skoraði 11 mörk fyrir Króata og arkitektinn Ivano Balic skoraði 8 mörk.

Alfreð: Sæmilega sáttur með 8. sætið

Alfreð Gíslason segist ekki alfarð ósáttur við að ná 8. sætinu á HM í handbolta og segir leikinn við Dani hafa ráðið gríðarlega miklu um niðurstöðuna. Hann segir skort á breidd hafa verið helstu hindrunina fyrir íslenska liðið á mótinu.

Ólympíusætið fjarlægur möguleiki

Í kjölfar taps íslenska liðsins fyrir Spánverjum í dag eru möguleikar liðsins til að komast á Ólympíuleikana í Kína orðnir nokkuð langsóttir, en sæti 2-7 á HM nú hefði gefið sæti í undankeppni fyrir Ólympíuleikana. 8. sætið þýðir hinsvegar að nú þarf íslenska liðið að tryggja sér sætið í gegn um Evrópumótið - ef liðið kemst þá þangað.

Hetjuleg barátta en tap

Spánverjar sigruðu Íslendinga 40-36 í leiknum um sjöunda sætið á HM í handbolta. Íslendingar börðust hetjulega í síðari hálfleiknum eftir að þeir lentu átta mörkum undir og náðu mest að minnka muninn í tvö mörk. Spánverjar, sem eru heimsmeistarar síðan 2005, reyndust hinsvegar ókleyfur múr. Fyrri hálfleikurinn varð banabiti íslenska liðsins en þá fóru fjölmörg dauðafæri forgörðum.

Spánverjar yfir

Þegar fyrri hálfleikur er rétt um hálfnaður eru Spánverjar með eins marks forystu gegn Íslendingum 9-8. Birkir Ívar byrjar vel í markinu og enn getur allt gerst.

Leikur Íslands og Spánar hafinn

Leikur Íslendinga og Spánverja er hafinn í Köln-Arena fyrir framan 19 þúsund áhorfendur. Lið Íslands er hið sama og það hefur verið í undanförnum leikjum. Staðan er 3-2 fyrir Spáni eftir fimm mínútur. Snorri Steinn Guðjónsson hefur skorað bæði mörk Íslendinga.

Góður leikkafli Íslendinga

Íslendingar áttu frábæran leikkafla og skoruðu fimm mörk í röð nú um miðbik síðari hálfleiksins gegn Spánverjum. Spánverjar hafa samt sem áður fjögurra marka forystu 27-23. Síðari hálfeikurinn er hálfnaður.

Spánverjar með örugga forystu

Spánverjar hafa góða forystu gegn Íslendingum þegar flautað hefur verið til hálfleiks, 19-13. Spánverjar komust mest í sjö marka forystu 17-10. Íslensku strákarnir hafa farið illa með fjölmörg dauðafæri og liggur munurinn á liðunum helst í því. Spánverjar eru heimsmeistarar síðan 2005 og ekki þekktir fyrir að glopra niður forystu sem þessari en leikurinn þrátt fyrir allt ekki nema hálfnaður.

Frakkar ósáttir við dómgæslu

Michael Guigou, leikmaður franska landsliðsins í handknattleik, segir að lélegar ákvarðanir dómaranna í undanúrslitaleiknum við Þjóðverja hafi kostað lið sitt sæti í úrslitunum.

Alfreð ósáttur með vinstri vænginn

Alfreð Gíslason var þokkalega sáttur við varnarleik og markvörslu íslenska liðsins í leiknum gegn Rússum í kvöld, en öfugt við leikinn við Dani var það sóknarleikurinn sem varð liðinu að falli í kvöld. Alfreð sagði íslenska liðið hafa gefið leikinn frá sér og var ósáttur með frammistöðu leikmanna á vinstri vængnum.

Þjálfari Dana: Leikurinn við Íslendinga sat í okkur

Ulrik Wilbek, þjálfari Dana, var að vonum vonsvikinn í kvöld eftir að baráttuglaðir lærisveinar hans féllu úr leik í undanúrslitunum á HM eftir maraþoneinvígi við Pólverja. Hann segir leikinn við Íslendinga enn hafa setið í hugum og limum danska liðsins í kvöld.

Guðjón Valur: Þeir voru einfaldlega klókari en við

Guðjón Valur Sigurðsson sagði Rússana hafa verið klókari í leik kvöldsins og sagði engar afsakanir um þreytu duga til við að útskýra tapið.

Óli Stef: Sjaldan séð okkur svona lélega

Ólafur Stefánsson var skiljanlega daufur í dálkinn þegar Arnar Björnsson íþróttafréttamaður náði tali af honum eftir leikinn við Rússa í kvöld. Hann sagðist sjaldan hafa séð íslenska liðið jafn lélegt í sóknarleiknum.

Birkir Ívar: Hissa á áhugaleysi leikmanna

Birkir Ívar Guðmundsson markvörður var hundfúll með frammistöðu íslenska liðsins í kvöld þegar það lá fyrir Rússum á HM í handbolta.

Tap fyrir Rússum

Íslenska landsliðið tapaði í kvöld fyrir Rússum 28-25 og leika því um 7. sætið á HM í handbolta. Rússar höfðu yfir í leikhléi 16-14, en íslenska liðið komst í fyrsta sinn yfir um miðjan síðari hálfleik. Eftir það tóku Rússar öll völd og tryggðu sér sigurinn með því að breyta stöðunni úr 22-24 í 27-22 sér í hag.

Pólverjar í úrslit gegn Þjóðverjum

Það verða Pólverjar sem leika til úrslita um heimsmeistaratitilinn í handbolta gegn heimamönnum Þjóðverjum. Spútniklið keppninnar vann í kvöld sigur á Dönum í enn einum maraþonleiknum 36-33 eftir tvær framlengingar og hávaðadramatík. Danir leika um bronsið gegn Frökkum.

Þjóðverjar í úrslit

Þjóðverjar tryggðu sér í kvöld sæti í úrslitaleiknum á HM í handbolta með dramatískum sigri á Frökkum 32-31 í tvíframlengdum og sögulegum leik. Þjóðverjar mæta því annað hvort Dönum eða Pólverjum í úrslitaleik mótsins um helgina. Markus Baur og Holger Glandorf skoruðu 5 mörk hvor fyrir Þjóðverja en Daniel Narcisse skoraði 8 mörk og Joel Abati 7 fyrir Frakka.

Króatar spila um fimmta sætið

Króatar tryggðu sér í dag leik um fimmta sætið á HM í handbolta þegar liðið vann sannfærandi sigur á ríkjandi heimsmeisturum Spánverja 35-27 eftir að hafa leitt í hálfleik 16-12. Ivano Balic var frábær í liði Króata með 9 mörk en Tomás González skoraði 6 fyrir Spánverja.

Markahæstur í mótlæti

Snorri Steinn Guðjónsson er sá leikmaður íslenska handboltalandsliðsins sem hefur skorað flest mörk þegar íslenska landsliðið hefur verið undir í leikjum sínum á HM í handbolta. Óskar Ófeigur Jónsson, blaðamaður á Fréttablaðinu, hefur tekið saman skemmtilegan tölfræðipakka um framlag Snorra á HM til þessa.

Rússar yfir í hálfleik

Rússar hafa yfir 16-14 þegar flautað hefur verið til hálfleiks gegn Íslendingum. Rússar náðu að koast í 16-12 en íslenska liðið náði að laga stöðuna aðeins fyrir hlé. Birkir Ívar hefur verið besti maður íslenska liðsins og er kominn með um 10 skot varin. Sóknarleikur íslenska liðsins hefur verið nokkuð brokkgengur í hálfleiknum og væri staðan eflaust mun verri ef ekki væri fyrir fína markvörslu.

Rússar yfir eftir 15 mínútur

Rússar hafa yfir gegn Íslendingum 9-7 þegar 15 mínútur eru liðnar af leik liðanna í Hamburg. Birkir Ívar hefur verið mjög drjúgur í íslenska liðinu en Rússar náðu að snúa stöðunni úr 5-7 í 9-7 á skömmum tíma.

Arnór kemur inn fyrir Einar Örn

Arnór Atlason hefur verið kallaður inn í íslenska landsliðshópinn á ný fyrir leikinn gegn Rússum sem hefst í Hamburg klukkan 16:30. Snorri Steinn Guðjónsson er með flensu en kemur þó til með að spila leikinn og heilsufar Roland Vals Eradze er enn spurningamerki.

Minningarmót um Eið Arnarson um næstu helgi

Á föstudag og laugardag verður haldið minningarmót í handbolta um Eið Arnarson og fer það fram á Strandgötu og Ásvöllum Fjögur lið taka þátt í mótinu, Haukar, Haukar U, Fylkir og lið Halldórs Ingólfssonar Stavanger frá Noregi.

Íslendingar eru með besta sóknarliðið á HM

Dönsku landsliðsmennirnir í handknattleik sem rætt er við í dönskum fjölmiðlum í dag viðurkenna að heppnin hafi verið á bandi Dana í leiknum gegn Íslendingum í gær. Þá er Íslendingum hrósað fyrir baráttu sína og segir Kasper Hvidt, markvörður Dana, í samtali við Poitiken að Íslendingar spili besta sóknarleikinn á HM.

Íslendingar með besta sóknarliðið á HM

Dönsku landsliðsmennirnir í handknattleik sem rætt er við í dönskum fjölmiðlum í dag viðurkenna að heppnin hafi verið á bandi Dana í leiknum gegn Íslendingum í gær. Þá er Íslendingum hrósað fyrir baráttu sína og segir Kasper Hvidt, markvörður Dana, í samtali við Poitiken að Íslendingar spili besta sóknarleikinn á HM.

Íslenski draumurinn úti

Danir sigruðu með marki á lokasekúndu framlengingar í átta liða úrslitum á HM í handbolta, lokastaðan 42-41 fyrir Dönum. Íslendingar voru með pálmann í höndunum þegar um hálf mínúta var eftir, staðan jöfn og Íslendingar með boltann en glopruðu tækifærinu og því fór sem fór. Íslendingar leika því um 5-8 sætið á HM.

Snorri Steinn: Það er enginn stórleikur ef þú tapar

Snorri Steinn Guðjónsson vildi ekki hlusta á neitt tal um frábæra frammistöðu sína eftir tapið gegn Dönum í kvöld og sagði góðan leik sinn litlu máli skipta ef ekki næðist sigur. Snorri sagðist vonsvikinn yfir tapinu, en sagði þó enn möguleika á að gera gott úr mótinu í keppninni um fimmta sætið.

Logi Geirsson: Líklega versta reynsla okkar allra

Logi Geirsson sagði að tapið fyrir Dönum í kvöld væri líklega versta reynsla allra leikmanna íslenska landsliðsins á ferlinum. Hann vill meina að brotið hafi verið á Alexander Petersson í síðustu sókn íslenska liðsins og var súr yfir þeim mistökum sem íslenska liðið gerði á lokasprettinum - ekki síst sínum eigin.

Guðjón Valur: Tvö síðustu mörkin voru skandall

Guðjón Valur Sigurðsson átti vart orð þegar Arnar Björnsson ræddi við hann eftir leikinn í kvöld. Guðjón sagði vörn og markvörslu hafa brugðist og var hundsvekktur með að tapa leiknum, því íslenska liðið væri að hans mati betra en það danska.

Birkir Ívar: Gríðarleg vonbrigði

Markvörðurinn Birkir Ívar Guðmundsson sagði tapið fyrir Dönum í kvöld gríðarleg vonbrigði og sagði vörnina og markvörsluna ekki hafa brugðist í leiknum.

Oechsler: Réðum ekkert við Snorra Stein

Anders Oechsler, leikmaður danska landsliðsins átti frábæran leik gegn íslendingum í kvöld en skrifaði sigurinn skuldlaust á dönsku liðsheildina. Hann viðurkenndi að liðið hefði ekki átt eitt einasta svar við stórleik Snorra Steins Guðjónssonar.

Mundi ekki eftir framlengingunni

Markvörðurinn sterki Kasper Hvidt var bæði raunsær og afar glaður eftir sigurinn á Íslendingum. „Þetta var alveg frábært. Mann langar bara að fara á handahlaupum um salinn, þetta var svo mikil snilld", sagði Hvidt í samtali við TV2.

Wilbek drjúgur með sig

Landsliðsþjálfari Dana, Ulrik Wilbek var glaður og reifur eftir 42-41 sigurinn á Íslendingum í kvöld. „Það er bara eitt að gera í leikjum sem þessum; þó að vörnin virki illa verður að halda ró sinni og nýta hverja sókn", sagði Wilbek við TV2.

Enginn ljós punktur í þessu

Maður leiksins í kvöld, Snorri Steinn Guðjónsson, var ekkert að fegra hlutina frekar en hann er vanur í samtali við Rúv eftir leikinn í kvöld. Snorri sagði enga ljósa punkta í svona tapi og sagði að varnarleikurinn hefði orðið liðinu að falli. "Mér er alveg sama hvort ég skora 25 mörk eða 15 - ef við töpum skiptir það engu máli," sagði Snorri.

Ólýsanlega sárt

Guðmundur Guðmundsson aðstoðarþjálfari íslenska landsliðsins var að vonum bragðdaufur eftir tapið gegn Dönum í kvöld og sagði það ólýsanlega sárt. Hann sagðist þó mjög stoltur af íslenska liðinu fyrir frammistöðu þess í kvöld.

Frakkar í undanúrslitin

Frakkar tryggðu sér í kvöld sæti í undanúrslitunum á HM með því að leggja Króata að velli 21-18 í baráttuleik. Frakkar voru yfir 10-9 í hálfleik og mæta heimamönnum Þjóðverjum í undanúrslitunum.

Pólverjar í undanúrslitin

Pólverjar gerðu sér lítið fyrir og lögðu Rússa 28-27 í 8-liða úrslitunum á HM í kvöld og hafa þar með tryggt sér sæti í undanúrslitum mótsins. Það er því ljóst að Pólverjar verða mótherjar íslenska liðsins ef það nær að leggja Dani nú í kvöld.

Þjóðverjar í undanúrslit eftir sigur á Spánverjum

Þjóðverjar tryggðu sér í kvöld sæti í undanúrslitunum á HM með fræknum sigri á ríkjandi heimsmeisturum Spánverja í 8-liða úrslitum 27-25. Heimamenn höfðu yfir 15-12 í hálfleik og voru vel studdir af 19.000 áhorfendum í troðfullri Köln Arena. Þjóðverjar mæta annað hvort Frökkum eða Króötum í undanúrslitunum.

Þjóðverjar yfir gegn Spánverjum

Nú er kominn hálfleikur í fyrri viðureignunum tveimur í átta liða úrslitunum á HM í handbolta. Heimamenn Þjóðverjar hafa yfir 15-12 gegn Spánverjum og þá hafa Pólverjar tveggja marka forskot gegn Rússum 16-14.

Slóvenar hirtu 9. sætið

Slóvenía tryggði sér í dag níunda sætið á HM í handbolta með naumum 34-33 sigri á Ungverjum eftir að hafa verið þremur mörkum undir í hálfleik 16-13. Matjaz Brumen skoraði 13 mörk fyrir Slóvena en Gábor Császár 8 fyrir Ungverja. Egyptar tryggðu sér 11. sætið með sigri á Tékkum 25-21 eftir að jafnt var í hálfleik 13-13.

Leegaard verður ekki með Dönum í kvöld

Danska landsliðið hefur orðið fyrir miklu áfalli fyrir leikinn gegn Íslendingum í kvöld, en hinn örvhenti Per Leergaard getur ekki spilað í kvöld vegna flensu. Hann er eini örvhenti leikmaður danska liðsins og því er ljóst að þetta eru slæm tíðindi fyrir lærisveina Ulrik Wilbek. Hans Lindberg kemur inn í danska liðið í stað félaga síns frá liði Viborg í Danmörku.

Þýski handboltinn byrjar aftur á Sýn í næsta mánuði

Þýski boltinn byrjar fljótlega að rúlla aftur eftir að HM í handbolta lýkur og verður sjónvarpsstöðin Sýn með toppleiki í beinni útsendingu í febrúar. Fyrsti leikurinn í beinni verður viðureign Gummersbach og Wilhalmshavener þann 9. febrúar klukkan 18:30.

Alfreð dreymir um að spila á "heimavelli" um helgina

Alfreð Gíslason viðurkennir að það væri draumur fyrir sig ef íslenska liðið næði í undanúrslitin á HM um helgina, því þá fengi liðið "heimaleik" í Köln þar sem hann stýrir liði Gummersbach í þýsku úrvalsdeildinni.

Hentar mér vel að mæta Fúsa

Michael Knudsen, leikmaður danska landsliðsins, segir að það henti sér vel að mæta Sigfúsi Sigurðssyni, línumanni íslenska landsliðsins í kvöld. Hann segist hafa mætt öðrum eins tröllum á mótinu til þessa.