Hentar mér vel að mæta Fúsa

Michael Knudsen, leikmaður danska landsliðsins, segir að það henti sér vel að mæta Sigfúsi Sigurðssyni, línumanni íslenska landsliðsins í kvöld. Hann segist hafa mætt öðrum eins tröllum á mótinu til þessa.

"Hann er stór og sterkur, en hann er ekki jafn rosalegur og t.d. Frank Loke í norska liðinu, Rolando Urios hjá Spánverjum og Gyula Gal frá Ungverjalandi - og það hentar mér í rauninni ágætlega að spila gegn honum," sagði Knudsen og bætti við að danska liðið ætti fína möguleika í uppgjöri erkifjendanna í kvöld.