Eiður Smári í beinni á Stöð 2 Sporti í vetur

Stöð 2 Sport mun sýna frá mörgum leikjum franska liðsins AS Monaco í vetur en Eiður Smári Guðjohnsen gekk nýverið til liðs við félagið.

Sunderland vill ekki lengur fá Lucas Neill - heimtar of há laun

Það verður ekkert af því að Lucas Neill spili með Sunderland í ensku úrvalsdeildinni í vetur en Steve Bruce, stjóri liðsins, sagði að viðræður hafi verið í gangi á milli félagsins og hins 31 árs gamla ástralska varnarmanns.

Brasilíumenn hafa gaman af vandræðum Argentínu

Brasilíumenn hafa næstum því jafngaman af vandræðum argentínska landsliðsins eins og þeir hafa af velgengi síns landsliðs. Brasilíska landsliðið hefur unnið ellefu leiki í röð og tryggt sig inn á HM á meðan Argentína er langt frá því að vera öruggt með sæti á HM eftir að hafa tapað 3 leikjum í röð og fjórum leikjum af síðustu fimm.

Sheringham búinn að taka fótboltaskóna niður af hillunni

Teddy Sheringham er ekki dauður úr öllum æðum sem fótboltamaður þó að hann sé orðinn 43 ára gamall. Sheringham setti fótboltaskónna upp á hillu fyrir sextán mánuðum en hefur nú ákveðið að taka þá niður aftur og fara að spila með Beckenham Town.

Engin náði Margréti Láru - varð markahæst á EM 2009

Margrét Lára Viðarsdóttir varð markahæsti leikmaður Evrópukeppni kvenna 2009 þrátt fyrir að hafa ekki náð að skora í sjálfri úrslitakeppninni. Margrét Lára skoraði tólf mörk í undankeppninni og enginn leikmannanna í úrslitakeppninni í Finnlandi náði þeim markafjölda.

Rússi hugsanlega á leiðinni í markið hjá Manchester United

Igor Akinfeev, markvörður CSKA Moskva og rússneska landsliðsins, fagnar því að vera orðaður við ensku meistarana í Manchester United. Akinfeev hefur vakið mikla athygli fyrir góða frammistöðu sína með bæði CSKA og landsliðinu en hann er aðeins 23 ára gamall og því framtíðarmarkmaður.

Valdano: Ronaldo þarf tíma til að aðlagast alveg eins og Zidane

Jorge Valdano, íþróttastjóri Real Madrid, segir ekkert vera breytt hjá Cristiano Ronaldo síðan að hann kom til Real Madrid frá Manchester United fyrir 94 milljónir evra. Valdano segir að Ronaldo þurfi bara tíma til þess að koma sér inn í spænska boltann.

Forráðamenn AC Milan sannfærðir um að fá Beckham

Flest virðist nú benda til þess að AC Milan sé líklegasti áfangastaður stórstjörnunnar David Beckham hjá LA Galaxy þegar MSL-deildin fer í frí frá nóvember og fram í mars.

Franco nálægt því að ganga í raðir West Ham

Samkvæmt Telegraph er enska úrvalsdeildarfélagið West Ham við það að klófesta Guillermo Franco landsliðsmann Mexíkó en framherjinn er fáanlegur á frjálsri sölu.

De Rossi: Það er stuðningsmönnum Roma að kenna að Spalletti fór

Miðjumaðurinn Daniele De Rossi hjá Roma og ítalska landsliðinu tjáði sig um óvænt brotthvarf knattspyrnustjórans Luciano Spalletti frá Roma eftir 2-0 sigur Ítalíu gegn Búlgaríu í undankeppni HM 2010 í gærkvöld.

Knattspyrnusamband Tælands vill fá Robson

Knattspyrnusamband Tælands er að leita að nýjum landsliðsþjálfara eftir að Peter Reid sagði stöðu sinni lausri á dögunum en forseti sambandsins hefur staðfest að Bryan Robson sé á óskalistanum.

Zico hættur hjá CSKA Moskva - Ramos tekinn við

Rússneska félagið CSKA Moskva staðfesti í dag um stjóraskipti hjá félaginu Þegar Brasilíumaðurinn Zico hætti og Spánverjinn Juande Ramos kom í hans stað.

Wenger afar óhress með meiðsli Arshavin

Útlit er fyrir að miðjumaðurinn Andrey Arshavin missi af næstu þremur leikjum Arsenal eftir að hafa meiðst lítillega í landsleik með Rússum í gærkvöldi.

Watford hefur áhuga á að fá Heiðar á lánssamningi

Enska b-deildarfélagið Watford hefur sett sig í samband við QPR, sem leikur í sömu deild, um að fá landsframherjann Heiðar Helguson í sínar raðir á láni í þrjá mánuði.

Þýskaland Evrópumeistari í fimmta skiptið í röð

Það virðist ekkert geta stöðvað sigurgöngu kvennalandsliðs Þýskalands en liðið vann 2-6 stórsigur gegn Englandi í bráðskemmtilegum úrslitaleik á EM í Finnlandi í dag.

Katrín Ómarsdóttir ekki í hópnum á móti Eistlandi

Sigurður Ragnar Eyjólfsson, landsliðsþjálfari, tilkynnti í dag hóp sinn fyrir leikinn gegn Eistlandi í undankeppni fyrir HM 2011. Leikurinn fer fram fimmtudaginn 17. september á Laugardalsvelli og hefst kl. 20:00.

Ibrahimovich: Inter hafði ekki unnið í sautján áður en ég kom þangað

Ítalskir fjölmiðlar er þegar byrjaðir að fjalla um tilvonandi endurkomu Zlatan Ibrahimovich á San Siro-leikvanginn í næstu viku þegar Inter og Barcelona eigast við í riðlakeppni Meistaradeildarinnar.

Ráðleggja leikmönnum að heilsast ekki vegna Svínaflensunnar

Sænska knattspyrnusambandið óttast útbreiðslu Svínaflensunnar meðal sinna félaga og hefur ráðlagt knattspyrnumönnum og konum í landinu að heilsa ekki andstæðingunum - hvorki fyrir né eftir leik. Það er venjan að þakka fyrir góðan leik en það þykir ekki skynsamlegt ef menn ætla sér að sleppa við Svínaflensuna.

Lampard: Besta enska landslið sem ég hef spilað með

Chelsea-maðurinn Frank Lampard skoraði tvö mörk í 5-1 sigri Englendinga á Króötum í undankeppni HM í gær og hann var eins og aðrir í skýjunum með frammistöðu liðsins og að England væri komið inn á HM í Suður Afríku.

Fyrsti úrslitaleikur Þjóðverja og Englendinga síðan 1966

Þýskaland og England mætast í dag í úrslitaleiknum á Evrópumóti kvenna í fótbolta í Finnlandi. Þetta er fyrsti úrslitaleikur þjóðanna á stórmóti í karla- eða kvennaflokki síðan að Englendingar unnu 4-2 sigur á umdeildan hátt í framlengdum úrslitaleik heimsmeistarakeppni karla árið 1966.

Ensku stelpurnar mæta pressulausar til að spilla sigurhátið Þjóðverja

Það er óhætt að segja að Þýskaland sé með sigurstranglegra liðið í úrslitaleik Evrópumóts kvenna sem fram fer í dag þegar Þýskaland og England mætast í Helsinki í Finnlandi.

Argentínska pressan: Messi var aðeins skugginn af sjálfum sér

Fjölmiðlar í Argentínu voru allt annað en ánægðir með tap sinna manna á móti Paragvæ í nótt. Það var ekki bara þjálfarinn Diego Maradona sem fékk að heyra það frá þeim því Lionel Messi var einnig harðlega gangrýndur fyrir frammistöðu sína.

Ferdinand farinn að æfa aftur með United - gæti spilað um helgina

Rio Ferdinand varnarmaðurinn öflugi hjá Manchester United er búinn að ná sér af meiðslunum sem hann varð fyrir daginn fyrir fyrsta leik í ensku úrvalsdeildinni. Ferdinand gæti verið klár fyrir næsta leik liðsins sem er á móti Tottenham á laugardaginn.

Del Bosque fékk nýjan samning fyrir að koma Spánverjum á HM

Vicente Del Bosque verður þjálfari spænska landsliðsins fram yfir næstu Evrópukeppni (2012) en spænska knattspyrnusambandið tilkynnti um nýjan samning Del Bosque eftir að Evrópumeistarnir tryggðu sig inn á HM með 3-0 sigri á Eistum í gær.

John Arne Riise skoraði beint úr aukaspyrnu í þriðja landsleiknum í röð

Norðmaðurinn John Arne Riise var enn á ný á þrumu-skotskónum í 2-1 sigri Norðmanna á Makedóníu í undankeppni HM í Osló í gær. Riise spilar sem vinstri bakvörður en það kom þó ekki í veg fyrir að hann yrði markahæsti leikmaður Norðmanna í undankeppninni.

Henry kominn með fimmtíu landsliðsmörk fyrir Frakkland

Thierry Henry tryggði Frökkum 1-1 jafntefli í Serbíu í undankeppni HM í gær og sá til þess að Serbar náðu ekki að tryggja sér sigurinn í riðlinum og þar með sæti á HM í Suður Afríku. Markið var ennfremur það fimmtugasta sem hann skorar í 113 landsleikjum.

Forseti pólska sambandsins rak Beenhakker í sjónvarpsviðtali eftir leikinn

Stórtap Pólverja á móti Slóveníu í undankeppni HM í gær kostaði þjálfarann Leo Beenhakker starfið. Forseti pólska knattspyrnusambandsins var ekkert að bíða með ákvörðun sína heldur rak Beenhakker í sjónvarpsviðtali eftir leikinn.

Bilic: Englendingar geta orðið heimsmeistarar

Slaven Bilic, þjálfari króatíska landsliðsins, er á því að Englendingar geta orðið heimsmeistarar í Suður-Afríku eftir að hann horfði á sína menn tapað 1-5 fyrir enska landsliðinu í undankeppni HM á Wembley í gær. Bilic átti samt ekki auðvelt með að tjá sig eftir leikinn enda alveg niðurbrotinn maður.

Argentínumenn töpuðu aftur - nú fyrir Paragvæ sem komst á HM

Staða Argentínumanna í undankeppni HM er orðin enn verri eftir 0-1 tap fyrir Paragvæ í nótt. Tapið þýðir að Argentínumenn eru komnir niður í 5. sæti í Suður-Ameríku riðlinum en aðeins fjögur efstu liðin komast beint inn á HM. Liðið í 5. sætið spilar umspilsleiki við lið úr Norður- og Mið-Ameríku.

Capello segir Aaron Lennon vera frábæran leikmann

Fabio Capello, þjálfari enska landsliðsins, var mjög ánægður með frammistöðu Aarons Lennon í 5-1 sigri Englendinga á Króötum á Wembley í undankeppni HM í gær. Englendingar tryggðu sig inn á HM með þessum sigri.

Myndaveisla úr leik Íslands og Georgíu

Ísland vann í kvöld 3-1 sigur á Georgíu í vináttulandsleik sem fór fram á Laugardalsvelli í kvöld.

Englendingar og Spánverjar bókuðu farseðilinn á HM

Leikið var í undankeppni HM 2010 í kvöld en þar bara hæst að bæði Englendingar og Spánverjar héldu sigurgöngu sinni áfram og gulltryggðu þátttökurétt sinn á lokakeppninni í Suður-Afríku á næsta ári.

Ólafur: Hefði gjarnan viljað fá þessi mörk á laugardaginn

Ólafur Jóhannesson landsliðsþjálfari var ánægður með sína menn eftir 3-1 sigur íslenska landsliðsins á Georgíu í kvöld.

Gunnleifur: Vorum miklu betra liðið

Gunnleifur Gunnleifsson hafði ekki mikið að gera í marki Íslands í kvöld þegar liðið vann 3-1 sigur á Georgíu í æfingaleik á Laugardalsvelli.

Grétar Rafn: Auðvelt að hitta á svona stóran haus

Grétar Rafn Steinsson fór meiddur af velli í fyrri hálfleik gegn Georgíu en hann fann þá verk í hnénu. Fram að því hafði Grétar leikið fantavel og lagði upp fyrsta mark leiksins með glæsilegri fyrirgjöf.

England rúllaði yfir Króatíu

Enska landsliðið er enn með fullt hús stiga í undankeppni HM en það rúllaði yfir Króatíu 5-1 í kvöld. Steven Gerrrard og Frank Lampard skoruðu tvö mörk hvor.

Aðeins þrír varamenn hjá Georgíu

Georgía er aðeins með þrjá varamenn á leikskýrslu sinni fyrir landsleikinn við Ísland sem hefst á Laugardalsveli klukkan 19.30.

Umfjöllun: Ísland vann 3-1 sigur á Georgíu

Ísland vann í kvöld 3-1 sigur á Georgíu í vináttulandsleik sem fram fór á Laugardalsvellinum.

Löw þjálfari Þjóðverja: Landsleikirnir byrja alltof seint á kvöldin

Joachim Löw, þjálfari þýska landsliðsins er ekki ánægður með þó þróun að landsleikir séu farnir að byrja alltof seint á kvöldin og telur að það gæti skaðað framtíð fótboltans.

Hector Cuper á Laugardalsvellinum í kvöld - þjálfar Georgíu

Hector Cuper er þjálfari Georgíumanna sem mæta íslenska landsliðinu á Laugardalsvellinum í kvöld. Cuper er 53 ára gamall Argentínumaður sem er þekktastur fyrir að þjálfa spænska liðið Valencia (1999-2001) og ítalska liðið Internazionale (2001-03).

Guus Hiddink saknar andrúmsloftsins í enska boltanum

Guus Hiddink, þjálfari rússneska landsliðsins, sagði það á blaðamannafundi fyrir leikinn á móti Wales í undankeppni HM í kvöld, að hann hefði áhuga á að stýra aftur liði í ensku úrvalsdeildinni.

Jamie Carragher hefur áhyggjur af uppkomu Manchester City

Jamie Carragher varnarmaður Liverpool hefur trú á því að Manchester City blandi sér í hóp fjögurra bestu liðanna í ensku úrvalsdeildinni á þessu tímabili. Carragher spáir því einnig að lið eins og Tottenham Hotspur, Everton og Aston Villa verði að berjast um Meistaradeildarsætin.

Pape skoraði aftur í öðrum sigri 19 ára liðsins á Skotum

Íslenska 19 ára landsliðið vann annan sigur á jafnöldrum sínum frá Skotlandi á þremur dögum þegar íslensku strákarnir unnu vináttulandsleik þjóðanna 3-1 í dag.

Sex breytingar á byrjunarliðinu gegn Georgíu - Grétar Rafn fyrirliði

Ólafur Jóhannesson, þjálfari A-landsliðs karla, hefur tilkynnt byrjunarlið Íslands fyrir vináttulandsleikinn gegn Georgíu á Laugardalsvelllinum í kvöld kl. 19.30. Ólafur gerir 6 breytingar á byrjunarliðinu frá leiknum við Noreg í undankeppni HM 2010 á laugardag.

John Terry: Er enn að svekkja sig yfir Króatíutapinu fyrir tveimur árum

John Terry, fyrirliði enska landsliðsins, segir liðið skulda ensku þjóðinni að vinna leikinn á móti Króatíu í kvöld og ná þar með að hefna fyrir tapið á Wembley fyrir tveimur árum sem kostaði enska landsliðið sæti á EM 2008. Terry segir að tapið hafi skilið eftir sig jafnslæma tilfinningu og þegar hann klikkaði á víti í úrslitaleik Meistaradeildarinnar í Moskvu.