Engin tilboð í Diarra

Arsene Wenger, stjóri Arsenal, hefur hafnað því að Tottenham hafi gert tilboð í miðjumanninn Lassana Diarra. Franski landsliðsmaðurinn gekk í raðir Arsenal frá Chelsea í sumar en hefur aðeins verið fjórum sinnum í byrjunarliði Arsenal í vetur.

Fabregas ekki á leið til Real

Cesc Fabregas hjá Arsenal segist ekki vera á leið til Real Madrid þó það sé mikill heiður fyrir sig að vera orðaður við spænska stórliðið. Hann segist fullkomlega sáttur og einbeittur hjá Arsenal.

Drogba kallaður í landsliðið

Didier Drogba hefur veirð kallaður inn í 23 manna landsliðshóp Fílabeinsstrandarinnar fyrir Afríkukeppnina í knattspyrnu þrátt fyrir að vera meiddur á hné. Drogba hefur misst af nokkrum leikjum hjá Chelsea og því eru forráðamenn félagsins eðlilega áhyggjufullir vegna þessa.

Derby kaupir framherja

Botnlið Derby í ensku úrvalsdeildinni hefur gengið frá kaupum á mexíkóska framherjanum Emanuel Villa frá liði UAG Tecos fyrir um 2 milljónir punda. Villa er 25 ára gamall og hefur undirritað þriggja og hálfsárs samning við enska félagið.

Jafnt á Villa Park í hálfleik

Ekkert mark var skorað í fyrri hálfleik í viðureign Aston Villa og Manchester United sem er lokaleikurinn í bikartörn dagsins á Englandi. Leikurinn hefur verið frekar bragðdaufur og Villa-menn verið afar varkárir í sínum sóknaraðgerðum.

Andy Johnson er leikmaður 21. umferðar

Andy Johnson hefur átt við meiðsli að stríða á leiktíðinni en hann sýndi allar sínar bestu hliðar á Nýársdag.

Van der Vaart nálgast Juventus

Ítalskir fjölmiðlar segja að Juventus hafi náð samkomulagi um kaup á Rafael van der Vaart.

Isaksson má fara

Sven Göran Eriksson, stjóri Manchester City, segir að markverðinum Andreas Isaksson sé frjálst að yfirgefa félagið. Þessi 26 ára Svíi er varamarkvörður fyrir Joe Hart.

Hinkel kominn til Celtic

Skoska liðið Glasgow Celtic hefur keypt þýska hægri bakvörðinn Andreas Hinkel frá spænska liðinu Sevilla.

Ragnar áfram hjá Gautaborg

Íslenski landsliðsmaðurinn Ragnar Sigurðsson hefur skrifað undir nýjan samning við sænsku meistarana í Gautaborg. Samningurinn er til ársins 2011.

Real setti risaverðmiða á Ramos

Það er ljóst að Real Madrid ætlar ekki að selja varnarmanninn Sergio Ramos til AC Milan nema Evrópumeistararnir séu tilbúnir að borga stjarnfræðilega upphæð.

Norskur varnarmaður sagður á leið til Liverpool

Berlingske Tidene fullyrðir í dag að norski varnarmaðurinn Brede Hangeland sé á leið til Liverpool.

Beckham byrjaður að æfa með Arsenal

David Beckham er byrjaður að æfa með enska úrvalsdeildarliðinu Arsenal en nú er hlé á bandarísku deildinni í fótbolta.

Sevilla mætir Barcelona

Í dag var dregið í 16-liða úrslit spænsku bikarkeppninnar og bar þar helst til tíðinda að Sevilla mætir Barcelona.

Ferguson hafnaði tilboði Newcastle í Wes Brown

Sir Alex Ferguson greindi frá því í dag að Manchester United hafi hafnað tilboði Newcastle í varnarmanninn Wes Brown.

Grant sagður óttast að Terry verði frá út tímabilið

The Sun segir í dag að Avram Grant óttist mjög að John Terry verði frá út allt tímabilið vegna ökklameiðslanna sinna.

Håkan Mild: Fregna að vænta af máli Ragnars

Håkan Mild, yfirmaður íþróttamála hjá IFK Gautaborg, sagði í samtali við Vísi að fregna sé að vænta af málum Ragnars Sigurðssonar, leikmanni liðsins.

Danny Mills lánaður til Derby

Varnarjaxlinn Danny Mills mun klára tímabilið með Derby í ensku úrvalsdeildinni eftir að hann var lánaður þangað frá Manchester City.

Lagerbäck áfram með sænska landsliðið

Sænska knattspyrnusambandið hefur framlengt samning sinn við Lars Lagerbäck landsliðsþjálfara til ársins 2010.

Östenstad: Leikmönnum frjálst að stunda skemmtistaði

Egil Östenstad, yfirmaður knattspyrnumála hjá norska úrvalsdeildarfélaginu Viking, segir að leikmönnum liðsins sé frjálst að stunda skemmtistaði í fríum sínum.

Hannes: Ekki mér að kenna

Hannes Þorsteinn Sigurðsson segir í samtali við norska ríkisútvarpið að það hafi ekki verið honum að kenna að ráðist var á hann í miðbæ Reykjavíkur.

Phil O'Donnell borinn til grafar í dag

Knattspyrnumaðurinn Phil O'Donnell verður borinn til grafar í dag í Hamilton, heimabæ sínum í Skotlandi.

Butt: Allardyce má ekki fara

Nicky Butt hefur komið knattspyrnustjóra sínum hjá Newcastle, Sam Allardyce, til varnar og segir að félagið verði að halda tryggð við hann.

Jonathan Evans lánaður til Sunderland

Varnarmaðurinn Jonathan Evans hefur verið lánaður til Sunderland frá Manchester United út leiktíðina í ensku úrvalsdeildinni.

Hutton hafnaði Tottenham

Varnarmaðurinn Alan Hutton hefur hafnað því að ganga til liðs við Tottenham sem hefur átt í viðræðum við Rangers um kaup á honum fyrir átta milljónir punda.

Hverjir fá tækifæri hjá Capello?

Fyrsti leikur enska landsliðsins undir stjórn Fabio Capello verður gegn Sviss þann 6. febrúar. Fróðlegt verður að sjá hvaða leikmenn munu hljóta náð fyrir augum þess ítalska.

Ivanovic á leið til Chelsea

The Sun greinir frá því að serbneski varnarmaðurinn Branislav Ivanovic sé á leið til Chelsea. Blaðið segir að leikmaðurinn muni koma til London á næstu dögum og skrifa undir samning.

Scholes farinn að æfa á ný

Miðjumaðurinn Paul Scholes er farinn að æfa á ný með Manchester United og reiknar með að vera orðinn keppnisfær í lok mánaðarins.

Lippi orðaður við Bayern

Fréttir frá Ítalíu herma að forráðamenn Bayern München muni á næstu dögum funda með Marcello Lippi.

Hannes varð fyrir líkamsárás og er frá í mánuð

Íslenski landsliðsmaðurinn Hannes Þ. Sigurðsson verður frá fótboltaiðkun í mánuð eftir að hafa orðið fyrir barsmíðum í miðbæ Reykjavíkur um hátíðarnar

Barton laus gegn tryggingu

Joey Barton hefur verið látinn laus úr fangelsi gegn tryggingu. Honum var fyrr í dag neitað að losna úr fangelsinu, en eftir klukkustundar réttarhöld nú síðdegis samþykkti dómari að leysa hann úr haldi. Hann mætir aftur fyrir rétt þann 16. janúar.

Pandev í stað Berbatov?

Enginn knattspyrnumaður á Englandi fær meiri umfjöllun í fjölmiðlum í fjölmiðlum þar í landi þessa dagana en Dimitar Berbatov hjá Tottenham. Daily Mail hefur sýnar skoðanir á framtíð framherjans snjalla.

Everton kaupir ungan varnarmann

Everton hefur náð samkomulagi við Plymouth um kaup á varnarmanninum Dan Gosling sem spilaði sinn fyrsta leik fyrir Plymouth aðeins 16 ára gamall. Hann á að baki 10 leiki fyrir liðið og hefur átt sæti í yngri landsliðum Englands.

Barton grætur af hræðslu í fangelsinu

Svo virðist sem Joey Barton hjá Newcastle sé ekki sami harðjaxlinn í fangelsinu og á knattspyrnuvellinum, en breska blaðið Sun segir hann í mikilli krísu í fangavistinni.

Laurent Robert til reynslu hjá Derby

Vængmaðurinn skrautlegi Laurent Robert hefur verið fenginn til reynslu hjá enska úrvalsdeildarliðinu Derby County. Robert er nýhættur að spila með Levante á Spáni en lék áður m.a. með Newcastle á Englandi.

Engar viðræður í gangi um Anelka

Gary Megson, stjóri Bolton í ensku úrvalsdeildinni, segir það ekki rétt að félagið sé í viðræðum við Chelsea um sölu á franska framherjanum Nicolas Anelka. Leikmaðurinn sjálfur hélt því fram í viðtali við franska miðla í gær. "Ég vona að af þessu verði," sagði Anelka.

Ronaldo fer ekki frá Milan

Carlo Ancelotti segir að brasilíski framherjinn Ronaldo muni ekki fara frá félaginu þrátt fyrir áhuga Flamengu í heimalandi hans. "Hann hefur ekki farið fram á að fara héðan og þessar fréttir koma eingöngu frá Brasilíu," sagði þjálfarinn í viðtali í Dubai þar sem liðið er nú við æfingar.

Vill ljúka ferlinum hjá Chelsea

Frank Lampard hefur nú tekið af allan vafa um framtíð sína ef marka má viðtal við kappann í London Evening Standard. "Ég vil ljúka ferlinum hjá Chelsea, það er það eina sem ég vil," sagði Lampard, en samningaviðræður milli hans og Chelsea hafa gengið illa undanfarin misseri.

Barton verður áfram í fangelsi

Miðjumaðurinn Joey Barton hjá Newcastle þarf að dúsa í fangelsi þar til mál hans verður tekið fyrir um miðjan mánuðinn eftir að dómari neitaði að sleppa honum lausum gegn tryggingu í dag.

Wise elti 13 ára grjótkastara

Dennis Wise, stjóri Leeds á Englandi, hefur verið yfirheyrður af lögreglu eftir viðskipti sín við 13 ára gamlan grjótkastara í Leeds á nýársdag.

Engin harðstjórn á Old Trafford

Talsmenn Manchester United vilja ekki kannast við fullyrðingar stuðningsmanna félagsins að þeir þori ekki að láta mikið til sín taka á leikjum af ótta við að vera vísað af vellinum.

Mascherano orðaður við Juventus

Ítalskir fjölmiðlar greindu frá því í morgun að Juventus væri á höttunum eftir miðjumanninum Javier Mascherano hjá Liverpool. Argentínumaðurinn á aðeins nokkra mánuði eftir af lánssamningi sínum við þá rauðu.

Boro skortir metnað

Framherjinn Yakubu hjá Everton gagnrýnir fyrrum félaga sína hjá Middlesbrough harðlega og segir félagið skorta metnað til að ná árangri í ensku úrvalsdeildinni.

Petrov ýtir undir orðróm um landa sinn

Stilian Petrov, leikmaður Aston Villa og fyrrum fyrirliði Búlgaríu, gerði lítið til að kæfa orðróminn um að landi hans Dimitar Berbatov hjá Tottenham sé á leið frá liðinu.

Hughes neitaði tilboði Sunderland í Savage

Mark Hughes, stjóri Blackburn, neitaði kauptilboði Sunderland í miðjumanninn Robbie Savage, þrátt fyrir að leikmaðurinn hafi verið úti í kuldanum að undanförnu.