Laxar að stökkva við ósa Leirvogsár og Elliðaánna

Þeir sem taka sér göngutúr á Geirsnefi eða við ósa Leirvogsá eiga líklega eftir að sjá laxa á lofti af og til þegar það fer að falla að. Á seinna flóðinu í gær sáust laxar stökkva við útfall Elliðaánna án þess að renna sér alla leið upp í ánna. Það var hægt að fylgjast með þegar þeir syntu áleiðis upp að neðsta veiðistaðnum og dóla þar fram og til baka í smá stund, en þegar það fór að falla frá létu þeir sig hverfa án þess að ganga upp í ánna. Það má þó vel vera að einhverjir hafi sloppið frá hjá vökulum augum þeirra sem horfðu á þetta, en þegar Breiðan var skimuð virtist ekkert hafa gengið upp í þetta sinn.

Góðar minningar Glock frá Montreal

Timo Glock hjá Virgin Formúlu 1 liðinu kveðst eiga góðar minningar frá mótssvæðinu í Kanada, sem verður notað um helgina, en þá mætir hann ásamt Jerome d´Ambrosio fyrir hönd liðs síns. Liðið er að hluta til í eigu Marussia sportbílaframleiðandans rússneska.

Aron búinn að skrifa undir þriggja ára samning við Hauka

Aron Kristjánsson er orðinn þjálfari Hauka á nýjan leik en hann skrifaði í dag undir þriggja ára samning við félagið. Aron gerði Hauka að Íslandsmeisturum þrjú ár í röð þegar hann þjálfaði liðið frá 2007-2010.

Ferguson kaupir táning á 16 milljónir punda

Alex Ferguson hefur opnað veskið í fyrsta sinn síðan félagsskiptaglugginn opnaði á nýjan leik. Um er að ræða miðvörðinn Phil Jones sem verið hefur á mála hjá Blackburn Rovers. Kaupverðið er talið um 16 milljónir punda. Fréttasíðan Guardian greinir frá þessu í dag.

Veiðikeppni um helgina í Hvammsvík í Kjós

Helgina 11 til 13 júní verður haldið veiðikeppni í Hvammsvík í Kjós. Frábærir vinningar eru í boði fyrir stærstu fiskana. Það fer þannig fram að veiðimaður kaupir dagsleyfi fyrir 2.500,- krónur og má veiða allt að 5 fiska. Kaupa má fleiri en 1 dagsleyfi. Keppnin stendur á milli 10:00 og 22:00 dagana 3 sem keppnin stendur yfir og þar á loknu verður vinningshafar nefndir.

Langþráður sigur Færeyinga

Færeyingar unnu í gærkvöldi 2-0 sigur á Eistum í undankeppni Evrópumótsins 2012. Leikurinn fór fram í Tóftum. Sigurinn er sá fyrsti í undankeppni Evrópumóts frá árinu 1995 þegar liðið lagði San Marino.

Sanchez semur við Barcelona

Alexis Sanchez framherji Udinese hefur komist að samkomulagi um persónuleg kjör við stórlið Barcelona. Að sögn forseta Udinese, Franco Soldati, fær Sanchez jafnvirði tæpra 500 milljóna króna í árslaun. Þetta kemur fram í chileskum fjölmiðlum.

Tiger Woods mun ekki keppa á opna bandaríska meistaramótinu

Tiger Woods mun ekki bæta 15. titlinum á risamóti á opna bandaríska meistaramótinu sem hefst í næstu viku á Congressional í Bethesda. Woods á við meiðsli að stríða og eftir að hafa ráðfært sig við lækna ákvað kylfingurinn að taka ekki þátt á öðru stórmóti ársins af alls fjórum. Þetta er í fyrsta sinn frá árinu 1994 sem opna bandaríska fer fram án þess að Tiger Woods sé á meðal keppenda.

Vítaspyrnan hjá Alexander slær í gegn á Youtube

Alexander Magnússon leikmaður Grindavíkur hefur vakið gríðarlega athygli fyrir vítaspyrnuna sem hann tók í 4-1 sigri liðsins gegn Þór í Pepsideild karla þann 30. maí s.l. Þar sýndi hægri bakvörðurinn snilldartilþrif þegar hann skoraði með frekar óhefðbundnum hætti úr vítinu og myndband frá Stöð 2 sport frá atvikinu hefur vakið gríðarlega athygli á Youtube.

Pepsimörkin: Gaupahornið - KR útvarpið er engu líkt

Guðjón Guðmundsson brá sér í heimsókn í hið eina sanna KR útvarp þar sem að margir af reyndustu fjölmiðamönnum landsins leggja útvarpinu lið. Í innslaginu sem má sjá í heild sinni með því að smella á hnappinn hér fyrir ofan er rýnt á bak við tjöldin hjá KR-útvarpinu en þar hafa margir staðið vaktina frá því að útvarpsstöðin var sett á laggirnar fyrir 13 árum.

Fyrirhuguð æfing U-21 í dag fellur niður - löng rútuferð framundan

Ekkert verður úr fyrirhugaðri æfingu íslenska U-21 landsliðsins í knattspyrnu í dag. Vegna seinkunar á flugi liðsins til Kaupmannahafnar í morgun missti liðið af vélinni sem flytja átti liðið áfram til Álaborgar. Strákarnir munu því taka rútu og er reiknað með að ferðalagið taki fimm og hálfa klukkustund.

Henderson heldur til Liverpool

Liverpool og Sunderland hafa komist að samkomulagi um kaupverð á enska miðvallarleikmanninum Jordan Henderson. Henderson heldur í bítlaborgina í dag til þess að semja um persónuleg kjör og gangast undir læknisskoðun.

Pepsimörkin: Öll mörkin og tilþrifin úr 7. umferð

Þrír leikir fóru fram í sjöundu umferð Pepsideildar karla í gær en umferðinni lýkur þann 30. júní þegar Valur og Keflavík eigast við. Að venju var farið yfir gang mála í leikjunum fimm úr sjöundu umferð í Pepsimörkunum á Stöð 2 sport í gær þar sem að Hörður Magnússon, Hjörvar Hafliðason og Magnús Gylfason ræddu um helstu atvikin. Öll mörkin og flottustu tilþrifin voru sýnd í lok þáttarins.

Skúli Jón þakklátur verkfalli flugvirkjanna

Strákarnir í U-21 landsliði Íslands voru mættir snemma út í Leifsstöð fyrir ferðalagið til Danmerkur í dag. Evrópumeistaramótið hefst þar á laugardaginn kemur.

Nowitzki lét veikindin ekki stöðva sig - Dallas jafnaði metin

Dirk Nowitzki og félagar hans í Dallas Mavericks jöfnuðu metin gegn Miami Heat með 86-83-sigri í fjórða leiknum í úrslitum NBA deildarinnar í nótt. Staðan er 2-2 en það lið sem fyrr vinnur fjóra leiki verður NBA meistari. Nowitzki skoraði gríðarlega mikilvæga körfu 15 sekúndum fyrir leikslok en hann lék vel þrátt fyrir að vera veikur. Jason Terry tryggði Dallas sigurinn með tveimur vítaskotum 7 sekúndum fyrir leikslok en athygli vekur að LeBron James skoraði aðeins 8 stig.

KR vann fyrsta heimasigurinn á FH í átta ár - myndir

KR-ingar unnu 2-0 sigur á FH í stórleik gærkvöldsins í Pepsi-deild karla en þetta var í fyrsta sinn síðan sumarið 2003 sem KR-liðið fagnar heimasigri á móti FH. KR er fyrir vikið komið með níu stiga forskot á Hafnfirðinga.

Landsliðsfyrirliðinn ekki í fyrsta hóp Peter Öqvist

Keflvíkingurinn Magnús Þór Gunnarsson er ekki 22 manna landsliðshópi Peter Öqvist fyrir Norðurlandamótið í körfubolta karla sem fram fer í Sundsvall í sumar. Magnús Þór hefur verið fyrirliði landsliðsins undanfarin sex ár og hefur ekki misst úr landsleik síðan árið 2002 en hann hefur verið með í síðustu 69 leikjum liðsins.

Umfjöllun: KR jarðaði FH-grýluna

Eftir að hafa tapað sjö heimaleikjum í röð fyrir FH kom að því að KR ynni. Það gerðist í kvöld er KR lagði FH, 2-0, og náði fyrir vikið níu stiga forskoti á Hafnfirðinga.

Baldur: Pétur var búinn að sjá þetta fyrir

Mývetningurinn Baldur Sigurðsson var hæstánægður með baráttusigurinn gegn FH.

Skúli Jón: Við Hannes áttum góða stund saman

Skúli Jón Friðgeirsson leikmaður KR var í skýjunum með sigurinn á FH.

Gunnleifur: Við spiluðum leikinn vel

Gunnleifur Gunnleifsson markvörður FH var nokkuð ánægður með spilamennsku liðsins í kvöld þrátt fyrir tap.

Heimir: Klaufar að nýta ekki færin

Heimir Guðjónsson er vanari því að vera í sigurliði á KR-vellinum. Sú varð ekki raunin í kvöld.

Hannes Þór: Atli með nákvæma uppskrift að vítinu

Hannes Þór Halldórsson hetja KR-inga var heldur betur sáttur við sigurinn á FH.

Írar unnu 2-0 sigur á Ítölum í kvöld

Ítalinn Giovanni Trapattoni stýrði írska landsliðinu til 2-0 sigurs í vináttuleik á móti löndum sínum í kvöld en leikurinn fór fram í Liege í Belgíu.

Þróttarar með þrjá sigra í röð í 1. deildinni

Hjörvar Hermannsson tryggði Þrótti 1-0 sigur á KA í 1. deild karla í kvöld en með sigrinum komust Þróttarar upp að hlið Hauka í 2. til 3. sæti deildarinnar. Haukar halda samt öðru sætinu á markatölu.

Jón Guðni: Var sanngjarnt

„Við tökum stigið sáttir en þau hefða getað og mátt vera þrjú í dag. Þeir fá kannski færi líka til að klára þetta þannig að ég held að þetta hafi verið sanngjarnt,“ sagði varnarmaðurinn öflugi Jón Guðni Fjóluson eftir að Fram og Breiðblik gerðu 1-1 jafntefli á Kópavogsvelli í kvöld.

Ólafur: Alls ekki sáttur

Ólafur Kristjánsson þjálfari Breiðabliks sagðist ekki geta annað en tekið stiginu sem fékkst með jafntefli Breiðabliks gegn Fram á heimavelli í kvöld en var alls ekki sáttur við leik sinna manna.

Heimir: Hefðum átt að skora allavega fjögur

Heimir Hallgrímsson, hinn geðþekki tannlæknir og þjálfari ÍBV, brosti þrátt fyrir allt eftir 2-1 tap í kvöld. Ef til vill fannst honum grátbroslegt að nýta ekki eitthvað af dauðafærunum sem liðið hans fékk í tapinu gegn Þór.

Páll: Auðvitað vorum við heppnir

Páll Viðar Gíslason, þjálfari Þórs, viðurkenndi að liðið sitt hefði verið heppið að vinna ÍBV í kvöld. Þórsarar lönduðu karaktersigri, 2-1.

Skagamenn rasskelltu strákana hans Gaua Þórðar fyrir vestan

Skagamenn unnu 6-0 stórsigur á BÍ/Bolungarvík á Ísafirði í kvöld og styrktu um leið stöðu sína á toppi 1. deildar karla. Skagamenn töpuðu sínum fyrstu stigum í leiknum á undan en mættu grimmir vestur í kvöld og rasskelltu strákana hans Gaua Þórðar.

Valsmaður fékk rautt í sigri Færeyinga á Eistum

Valsmaðurinn Pol Johannes Justinussen fékk að líta rauða spjaldið á lokamínútunum þegar færeyska landsliðið vann 2-0 sigur á Eistum í undankeppni EM 2012 í kvöld. Þetta var fyrsti sigur Færeyinga í undankeppninni en þeir hafa nú náð í þremur stigum meira en íslenska landsliðið hefur gert í sínum riðli.

Zlatan með þrennu í stórsigri Svía á Finnum

Zlatan Ibrahimovic var í miklu stuði í kvöld þegar Svíar unnu 5-0 sigur á Finnum í undankeppni EM 2012. Zlatan skoraði þrennu þrátt fyrir að hafa byrjaði leikinn á bekknum.

Sjö sigrar í röð hjá Þjóðverjum í undankeppni EM

Þýskaland er komið með tíu stiga forskot í riðli sínum í undankeppni EM í fótbolta eftir 3-1 útisigur á Aserbaídsjan í dag. Þjóðverjar hafa unnið alla sjö leiki sína í undankeppninni með markatölunni 22-3.

Engir Úgandamenn með ÍBV-liðinu í kvöld

Þór og ÍBV verða án margra leikmanna þegar þau mætast í Pepsi-deild karla á Þórsvellinum á Akureyri í kvöld. Þrír leikmenn Þórsliðsins eru í agabanni og tveir landsliðsmenn Úganda komust ekki til landsins í tæka tíð eftir að hafa spilað á móti Gínea-Bissá um helgina.

Markakóngur til Swansea

Welska knattspyrnuliðið Swansea sem nýverið tryggði sér sæti í ensku úrvalsdeildinni hefur fest kaup á Danny Graham frá Watford. Kaupverðið er 3.5 milljónir punda. Graham varð markakóngur Championship-deildarinnar á síðasta ári og hafði verið orðaður við brotthvarf frá Watford.

Umfjöllun: Srjdan landaði sigrinum

Þórsarar unnu virkilega góðan sigur á ÍBV á heimavelli sínum á Akureyri í kvöld. Þeir geta þakkað Srjdan Rajkovic markmanni sínum fyrir stigin þrjú en hann átti magnaðan leik í 2-1 sigrinum.

Umfjöllun: Jafnt hjá Breiðabliki og Fram

Breiðablik og Fram gerðu 1-1 jafntefli á Kópavogsvelli í kvöld í leik sem óttalega bragðdaufur þar til liðin höfðu skorað sitt hvort markið.

Petrov búinn að jafna sig eftir óhapp í mótinu í Mónakó

Vitaly Petrov hjá Renault liðinu er búinn að jafna sig eftir óhapp sem hann varð fyrir í keppninni í Mónakó á dögunum. Stöðva þurfti keppnina á meðan hugað var að Petrov, sem varð fyrir hnjaski og bíll hans stöðvaðist í brautinni, auk fleiri bíla. Petrov segir að hann hafi verið í slag um fjórða sætið í Mónakó, áður en að óhappinu kom.

Crouch: Mun ekki leggja landsliðsskóna á hilluna

Enski landsliðsmaðurinn Peter Crouch gefur lítið fyrir sögusagnir þess efnis að hann ætli að hætta að gefa kost á sér í landsliðið. Crouch segist hafa orðið pirraður að hafa ekki verið í hópnum gegn Sviss um helgina. Hann elski þó að spila fyrir þjóð sína og muni halda því áfram.

Kovalainen telur mótið í Kanda einn af hápunktum keppnistímabilsins

Heikki Kovalainen hjá Lotus liðinu telur að Formúlu 1 mótið í Kanada sé einn af hápunktum keppnistímabilsins, en keppt verður í Montreal um næstu helgi. Liðsfélagi hans Jarno Trulli segist alltaf hafa verið óheppinni á mótssvæðinu í Montreal.

Formenn knattspyrnusambanda í karabíska hafinu yfirheyrðir

Siðanefnd FIFA hefur boðað formenn knattspyrnusambandanna 25 í karabíska hafinu til yfirheyrslu. Rannsaka á hvort formönnunum hafi verið boðnar mútugreiðslur fyrir atkvæði sitt í forsetakosningum FIFA í síðustu viku.

Opnunarhollið í Blöndu með 11 laxa

Opnunin í Blöndu endaði í 11 löxum, 10 þeirra voru á bilinu 10 - 14 pund en eitt örverpi var í hópnum. Auk þessara 11 settu menn í og misstu svipaðan fjölda við erfið skilyrði. Engu að síður eru menn sáttir við opnunina, enda einungis veitt á 4 stangir.

Henderson og Doni orðaðir við Liverpool

Enski landsliðsmaðurinn Jordan Henderson er sterklega orðaður við Liverpool. Liverpool eru sagðir hafa gert tvö tilboð, síðast upp á 16 milljón pund en báðum tilboðum var hafnað af Sunderland. Talið er að Sunderland vilji 20 milljón pund fyrir leikmanninn.

Öqvist hefur valið sinn fyrsta landsliðshóp

Svíinn Peter Öqvist, sem nýverið var ráðinn þjálfari A-landsliðs karla í körfuknattleik hefur valið sinn fyrsta æfingahóp ásamt aðstoðarmönnum sínum. Alls eru 22 leikmenn í hópnum sem mun æfa fyrir Norðurlandamótið sem fram fer í Sundsvall í sumar.

Veiðihelgi framundan, loksins hlýindi í kortunum

Það er víst að veiðimenn landsins eru orðnir langþreyttir á þessu kuldaveðri sem hefur legið yfir landinu undanfarnar vikur. Hitinn í kortunum þessa vikuna er til dæmis hvergi mikið yfir 9 gráðum og víða fyrir norðan og inná hálendi á að frysta í nótt og jafnvel snjóa. Þetta gerir það að verkum að lífríkið er ekki almennilega farið af stað og vötnin ennþá mjög köld.