Aron búinn að skrifa undir þriggja ára samning við Hauka

Aron Kristjánsson er orðinn þjálfari Hauka á nýjan leik en hann skrifaði í dag undir þriggja ára samning við félagið. Aron gerði Hauka að Íslandsmeisturum þrjú ár í röð þegar hann þjálfaði liðið frá 2007-2010.

Aron hætti með Haukaliðið fyrir ári síðan og gerðist þjálfari þýska liðsins Hannover-Burgdorf. Hann var látinn fara frá þýska liðinu í febrúar og hefur nú endanlega gengið frá starfslokum við félagið.

Gunnar Berg Viktorsson sem tók við Haukaliðinu í vetur þegar Halldór Ingólfsson, eftirmaður Arons, var látinn fara verður aðstoðarmaður Arons.