Leikur Fylkis og Grindavíkur fer fram í Kórnum

Nýr kafli verður skrifaður í íslenska knattspyrnusögu á mánudaginn þegar leikur í efstu deild karla fer í fyrsta skipti fram innan dyra. KSÍ hefur ákveðið að færa leik Fylkis og Grindavíkur inn í knatthúsið Kórinn í Kópavogi.

Guðmundur Hólmar: Þetta er búið að vera skrautlegt

Guðmundur Hólmar Helgason, leikmaður Akureyrar, hefur mikið verið í umræðunni eftir fyrsta leik Akureyrar og FH. Guðmundur fékk að líta rauða spjaldið í leiknum en slapp við bann þar sem dómarar leiksins skiluðu ekki inn agaskýrslu eftir leik. Við það var formaður dómaranefndar HSÍ ósáttur.

Meistaraliðinu er spáð fjórða sætinu í Pepsi-deildinni - umfjöllun frá Stöð 2 sport

"Ég geri ráð fyrir að þær forsendur sem liggja að baki þessari spá sé undirbúningstímabilið og hvernig hin liðin eru að spila. Ég veit ekki hvort þetta sé raunhæf spá eða ekki – en spár eru skemmtilegar og þær gefa vísbendingar,“ sagði Ólafur Kristjánsson þjálfari Íslandsmeistaraliðs Breiðabliks sem er spáð fjórða sætinu í Pepsi-deild karla af sérfræðingum Stöðvar 2 sport. Rætt var við Ólaf í upphitunarþætti Stöðvar 2 sport sem sýndur var í gær og er umfjöllunin um liðið í heild sinni í myndbandinu.

Ólafur: Það verður hátíð í Krikanum

Annar leikur FH og Akureyrar um Íslandsmeistaratitilinn í handbolta fer fram í Kaplakrika í kvöld. FH vann góðan útisigur í fyrsta leik og kemur sér í kjörstöðu með sigri í kvöld

Eyjamönnum er spáð þriðja sæti í Pepsi-deildinni - umfjöllun frá Stöð 2 sport

"Okkur var spáð 10. sætinu í fyrra en markmiðið er að gera betur, það er markmiðið í öllu námi og allri þjálfun,“ sagði Heimir Hallgrímsson þjálfari ÍBV m.a. í upphitunarþætti Stöðvar 2 sport í gær um Pepsi-deildina í knattspyrnu sem hefst á sunnudaginn. Eyjamönnum er spáð þriðja sætinu af sérfræðingum Stöðvar 2 sport en í myndbandinu má sjá hluta úr upphitunarþætti um Pepsi-deildarinnar frá því í gærkvöld þar sem fjallað var um ÍBV liðið.

Wenger sjaldan verið eins svekktur

Arsene Wenger, stjóri Arsenal, dregur ekki fjöður yfir það að tímabilið í ár sé gríðarleg vonbrigði. Hann gefur í skyn að þetta sé hans erfiðasta tímabil síðan hann tók við liðinu árið 1996.

KR-ingum er spáð öðru sæti í Pepsi-deildinni - umfjöllun frá Stöð 2 sport

"Okkur hefur gengið mjög vel á undirbúningstímabilinu og ef menn eru að dæma út frá því þá er það kannski raunhæft að KR sé spáð öðru sætinu.KR er gamalreyndur klúbbur með flesta titla, og við eigum bara að setja stefnuna hátt, “ sagði Rúnar Kristinsson þjálfari KR m.a. í upphitunarþætti Stöðvar 2 sport í gær um Pepsi-deildina í knattspyrnu sem hefst á sunnudaginn.

Eigandi West Ham efast um heilindi leikmanna sinna

David Sullivan, annar eigandi West Ham, hefur miklar áhyggjur af sínu liði sem er í harðri botnbaráttu. Sullivan efast um baráttuanda sinna leikmanna og segir aðeins fjórðungslíkur vera á því að West Ham hangi upp í.

FH-ingum er spáð sigri í Pepsi-deildinni - umfjöllun frá Stöð 2 sport

"Það hefur verið markmið FH síðustu ár að keppa um þessa titla sem eru í boði þannig að það hlýtur að vera raunhæft að okkur sé spáð titlinum. Ef ég ætti að segja að eitthvað annað lið en FH verði Íslandsmeistarar þá held ég að ég ætti að snúa mér að einhverju öðru starfi,“ sagði Heimir Guðjónsson þjálfari FH m.a. í upphitunarþætti Stöðvar 2 sport í gær um Pepsi-deildina í knattspyrnu sem hefst á sunnudaginn.

Vidic: Yrði draumur að lyfta bikar sem fyrirliði Man. Utd

Nemanja Vidic, fyrirliði Man. Utd, segir að það yrði draumi líkast að fá að lyfta bikar fyrir Man. Utd i maí. United á enn möguleika að vinna tvo titla á þessari leiktíð.

Drogba verður áfram hjá Chelsea

Didier Drogba mun leika áfram með Chelsea á næstu leiktíð þó svo margir hafi búist við því að hann myndi róa á önnur mið i sumar.

Mancini og Tevez ræða málin eftir tímabilið

Roberto Mancini, stjóri Man. City, hefur ákveðið að geyma allar viðræður um framtíð Carlos Tevez fram yfir tímabilið. Tevez bað um sölu í desember en hætti síðan við. Engu að síður telja margir að hann vilji fara frá félaginu.

NBA: Lakers, Dallas og Atlanta komin áfram

Atlanta Hawks gerði sér lítið fyrir í nótt og sendi Orlando Magic í sumarfrí. Atlanta vann sjötta leik liðanna og rimmuna, 4-2. LA Lakers og Dallas Mavericks komust einnig áfram í nótt.

Toure límdi buxur Balotelli við loftið

Svo virðist vera að stemningin í búningsklefa Man. City sé betri en margur heldur. Fjöldamargar neikvæðar fréttir hafa komið úr búningsklefa félagsins í vetur þar sem menn eru að rífast og slást.

Wenger ætlar ekki að selja stjörnurnar

Arsene Wenger er þess fullviss að Arsenal muni takast að halda í sínu stærstu stjörnur í sumar þó svo að liðið vinni enga titla á núverandi tímabili.

Pelé: Ég var betri en Messi og Ronaldo

Hinn sjötugi Brasilíumaður Pelé er enn með sjálfstraustið á réttum stað og hann segist ekki í vafa um að hafa verið betri knattspyrnumaður en Lionel Messi og Cristiano Ronaldo.

Henry spilar gegn Arsenal í sumar

Thierry Henry mun fá tækifæri til þess að leika gegn sínu gamla félagi, Arsenal, næsta sumar. Félag hans, New York Red Bulls, tekur þá þátt í fjögurra liða æfingamóti á Emirates-vellinum.

Hallbera skaut Valskonum í úrslitaleikinn

Hallbera Guðný Gísladóttir tryggði Val 2-1 sigur á Breiðabliki í undanúrslitaleik Lengjubikars kvenna á gervigrasinu á Hlíðarenda í kvöld en Valsliðið mætir annaðhvort Þór/KA eða Stjörnunni í úrslitaleiknum á sunnudaginn. Valur hefur titil að verja eftir að hafa unnið Fylki í úrslitaleiknum í fyrra.

Afturelding hélt sæti sínu í N1 deild karla

Afturelding tryggði sér 2-0 sigur í úrslitaeinvíginu í umspili N1 deild karla í handbolta með því að vinna sjö marka sigur á Stjörnunni, 25-18, í öðrum leik liðanna í Mýrinni í kvöld. Afturelding vann þar með alla fjóra leiki sína í umspilinu og heldur því sæti sínu í N1 deild karla.

Fátt kemur í veg fyrir portúgalskan úrslitaleik í Evrópudeildinni

Það stefnir allt í portúgalskan úrslitaleik í Evrópudeildinni en fyrri leikir undanúrslitanna fóru fram í kvöld. Porto vann 5-1 stórsigur á Villarreal og Benfica vann 2-1 sigur á Braga í uppgjöri tveggja portúgalskra liða.

Thorn fær langtímasamning hjá Coventry

Knattspyrnustjórinn Andy Thorn hefur fengið langtímasamning hjá enska B-deildarfélaginu Coventry, sem landsliðsmaðurinn Aron Einar Gunnarsson leikur með.

Norrköping jafnaði einvígið á móti Sundsvall

Norrköping Dolphins náði að jafna úrslitaeinvígið á móti Sundsvall Dragons eftir 93-84 sigur í fjórða leik liðanna í kvöld. Sundsvall var búið að vinna tvo leiki í röð í einvíginu en það lið sem fyrr vinnur fjóra leiki verður sænsku meistari.

Þórir: Alltaf til varaplön

Þórir Hákonarson, framkvæmdarstjóri KSÍ, er bjartsýnn á að allir leikir í fyrstu umferð Pepsi-deildar karla geti farið fram á réttum tíma.

Gunnar Rafn: Missum leikmenn á hverju ári

Gunnar Rafn Borgþórsson er nýr þjálfari Vals en liðinu var í dag spáð sigri í Pepsi-deildar kvenna á árlegum kynningarfundi deildarinnar.

Páll Viðar: Myndi líka spá okkur falli

Páll Viðar Gíslason, þjálfari Þórs, segir eðlilegt að sínum mönnum hafi verið spáð falli úr Pepsi-deild karla á árlegum kynningarfundi deildarinnar í dag.

Matthías: Enn staðráðnari í að vinna tvöfalt

Matthías Vilhjálmsson, fyrirliði FH, segir að leikmenn liðsins séu lítið að hugsa um spár sérfræðinga síðustu dagana fyrir mót.

FH og Valur verða Íslandsmeistarar í sumar

FH-ingum er spáð sigri í Pepsi-deild karla í fótbolta og Valskonum er spáð sigri í Pepsi-deild kvenna í árlegri spá fyrirliða, þjálfara og forráðamanna liðanna tólf í deildinni en þetta kom fram á kynningarfundi Pepsi-deilda karla og kvenna sem fór fram í Háskólabíói í dag. Nýliðum Víkings og Þór Akureyri er spáð falli hjá körlunum en Grindavík og Þróttur munu falla hjá konunum.

Leikmenn Liverpool lyftu sér upp í Madrid í gær

Það vakti talsverða athygli þegar Fabio Capello, landsliðsþjálfari Englands, bað Andy Carroll, framherja Liverpool, um að minnka hjá sér bjórdrykkjuna.

Houllier ráðlagt að hætta þjálfun

Virtur hjartaskurðlæknir, dr. Duncan Dymond, hefur ráðlagt franska knattspyrnustjóranum Gerard Houllier að láta af þjálfun ef hann ætlar að halda heilsu.

Brotist inn í síma Rooney

Wayne Rooney greindi frá því á Twitter-síðu sinni í dag að lögreglumenn frá Scotland Yard hefðu heimsótt sig með gögn sem sýna að brotist hafi verið inn í símann hans.

Þjálfari Bjerringbro hreifst af Guðmundi

Haukamaðurinn Guðmundur Árni Ólafsson er þessa dagana staddur í herbúðum danska úrvalsdeildarliðsins Bjerringbro-Silkeborg. Guðmundur æfði með liðinu í morgun og Carsten Albrektsen, þjálfari Silkeborgar, sagði í samtali við Vísi eftir æfinguna að honum hefði litist vel á Guðmund.

Carroll gæti leikið gegn Newcastle

Framherjinn Andy Carroll gæti mætt sínum gömlu félögum í Newcastle um helgina en Kenny Dalglish, stjóri Liverpool, segir leikmanninn enn hafa tíma til þess að sanna að hann sé í leikformi.

Árni Þór framlengir við Bittenfeld

Skyttan örvhenta, Árni Þór Sigtryggsson, hefur framlengt samningi sínum við þýska B-deildarfélagið Bittenfeld út næstu leiktíð.

Ronaldo: Andstæðingar Barcelona fá alltaf rauð spjöld

José Mourinho, þjálfari Real Madrid, var ekki einn um að vera ósáttur við dómgæsluna í Meistaradeildarleiknum gegn Barcelona í gær. Ronaldo segist ekkert skilja heldur í dómgæslunni.

Kranjcar vill losna frá Spurs

Króatinn Niko Kranjcar ætlar að komast frá Tottenham um helgina og hefur sett stefnuna á að spila á Ítalíu næsta vetur.

Rooney: Mistök að fara fram á sölu

Frammistaða Wayne Rooney upp á síðkastið hefur hjálpað honum við að vinna traust stuðningsmanna Man. Utd á nýjan leik. Margir þeirra hafa átt erfitt með að fyrirgefa honum að biðja um sölu í október síðastliðnum.

Barcelona íhugar að kæra Mourinho

Það er lítil hamingja í herbúðum Barcelona með ummæli José Mourinho, þjálfara Real Madrid, eftir leik liðanna í Meistaradeildinni í gær. Lögfræðingar Barcelona skoða nú þann möguleika að kæra Mourinho fyrir ummælin.

Neuer útilokar Man. Utd

Manuel Neuer, markvörður Schalke, hefur ítrekað að ekki séu neinar líkur á því að hann gangi í raðir Man. Utd í sumar. Hann segir það aldrei hafa verið raunverulegan möguleika.

Spurs vann í framlengingu - Miami og Oklahoma komin áfram

Hið reynslumikla lið San Antonio Spurs beit frá sér í nótt og komst aftur inn í rimmuna gegn Memphis með sigri í framlengingu. Spurs þarf samt að vinna næstu tvo leiki til þess að komast í næstu umferð.

Mourinho: Já, við erum úr leik

Jose Mourinho, þjálfari Real Madrid, viðurkenndi það eftir 2-0 tap á heimavelli í fyrri leiknum á móti Barcelona í Meistaradeildinni í kvöld að liðið ætti litla sem enga möguleika á því að komast áfram í úrslitaleikinn á Wembley.

Hrækti á sinn eigin markvörð og uppskar rautt spjald fyrir

Egypskur fótbolti er að gera það gott á Youtube í dag eftir að leikmaður El Gounah, Shadi Mohamed, fékk að líta rauða spjaldið eftir viðskipti við sinn eigin markvörð.

Billups verður áfram með New York á næsta tímabili

New York Knicks ætlar að halda leikstjórnandanum Chauncey Billups á næsta tímabili og borga honum 14,2 milljónir dollara fyrir tímabilið 2012-2013 eða 1,6 milljarða íslenskra króna. Þetta tilkynnti Donnie Walsh, forseti félagsins í dag.

Dempsey bætti markamet Fulham í kvöld

Eiður Smári Guðjohnsen hjálpaði Bandaríkjamanninum Clint Dempsey að bæta markametið hjá Fulham í 3-0 sigri á Bolton á Craven Cottage í kvöld. Eiður Smári lagði upp seinna mark Dempsey í leiknum sem var jafnframt það 33. sem Dempsey skorar fyrir Fulham í ensku úrvalsdeildinni.

Leikmenn lokaðir inn í búningsklefunum á Bernabéu

Knattspyrnusamband Evrópu hefur fyrirskipað það að leikmenn Real Madrid og Barcelona skulu halda kyrru fyrir í búningsklefanum sínum á Santiago Bernabéu þar sem Barcelona vann 2-0 sigur á Real í fyrri undanúrslitaleik liðanna í Meistaradeildinni í kvöld.

Messi vantar eitt mark í Meistaradeildarmet Van Nistelrooy

Lionel Messi skoraði bæði mörk Barcelona í 2-0 sigri á Real Madrid á Santiago Bernabéu í fyrri undanúrslitaleik liðanna í Meistaradeildinni í kvöld. Messi hefur þar með skorað 11 mörk í 11 leikjum í Meistaradeildinni á þessu tímabili.