Davíð Þór: Lélegur leikur hjá okkur

“Þetta var lélegur leikur hjá okkur í dag en á móti kemur að Eyjamenn spiluðu mjög vel í dag og voru alls ekkert lakari aðilinn í leiknum,” sagði Davíð Þór Viðarsson fyrirliði FH-inga eftir leikinn við ÍBV í dag. FH vann, 3-2, í framlengdum leik í bikarkeppninni.

Ajay Smith: Svöruðum gagnrýninni

Hinn bráðefnilegi Ajay Smith átti frábæran leik í liði ÍBV í dag en var vonsvikinn í leikslok. ÍBV tapaði fyrir FH, 3-2, í framlengdum leik í bikarnum í dag.

Umfjöllun: FH vann óverðskuldað í Eyjum

Eyjamenn tóku á móti FH í rokinu í Eyjum í dag. FH-ingar fóru með sigur af hólmi en naumt var það. Eyjamenn börðust til síðasta blóðdropa og hefðu með heppni hæglega getað unnið leikinn.

Birkir skoraði tvö fyrir Viking

Birkir Bjarnason var á skotskónum fyrir Viking frá Stafangri í dag. Hann skoraði tvívegis fyrir liðið þegar það lagði Lilleström 4-2 í norska boltanum.

Zhirkov í læknisskoðun hjá Chelsea

Chelsea er að ganga frá kaupunum á Yuri Zhirkov en kaupverðið er talið vera í kringum 18 milljónir punda. Zhirkov er á leið í læknisskoðun hjá Chelsea en hann er 25 ára kantmaður CSKA Moskvu.

Arnór Sveinn sá um Hött í framlengingu

Breiðablik vann sigur á 2. deildarliði Hattar frá Egilsstöðum 3-1 í VISA-bikarnum í dag. Staðan var jöfn 1-1 að loknum venjulegum leiktíma en Arnór Sveinn Aðalsteinsson skoraði bæði mörkin í framlengingunni og skaut Blikum áfram.

FH vann ÍBV í framlengingu

Alexander Söderlund skoraði sigurmark FH sem vann ÍBV í framlengdum bikarleik í Vestmannaeyjum í dag. Staðan að loknum venjulegum leiktíma var 2-2 en Söderlund skoraði sigurmarkið á 118. mínútu.

Stefán Örn tryggði Keflavík sigur í lokin

Stefán Örn Arnarsson skoraði sigurmark Keflavíkur gegn 1. deildarliði Þórs frá Akureyri í VISA-bikarnum. Leikurinn var í Keflavík og skoraði Stefán sigurmarkið 2-1 á 90. mínútu.

Herra Roma framlengir

Francesco Totti, fyrirliði Roma, hefur tilkynnt að hann sé að fara að skrifa undir nýjan samning við félagið. Totti mun spila næstu fimm ár í búningi Roma en samningurinn er til 2014.

Viduka með tilboð frá tveimur úrvalsdeildarliðum

Ástralski sóknarmaðurinn Mark Viduka er með tilboð frá tveimur félögum í ensku úrvalsdeildinni samkvæmt umboðsmanni hans. Viduka stefnir að því að spila í enska boltanum til að auka möguleika sína á landsliðssæti hjá Ástralíu fyrir heimsmeistaramótið í Suður-Afríku á næsta ári.

Adebayor ekki á förum

Umboðsmaður Emmanuel Adebayor segir að leikmaðurinn sé ánægður hjá Arsenal og sé ekki á förum frá félaginu. Adebayor hefur verið orðaður við ýmis lið síðustu vikur, þar á meðal AC Milan sem ekki hefur farið leynt með áhuga sinn.

Ekki hægt að keppa við buddu City

Harry Redknapp gerði tilraunir til að fá Roque Santa Cruz og Gareth Barry til Tottenham. Honum var ekki kápan úr því klæðinu eftir að Manchester City skarst í leikinn.

Paragvæskur varnarmaður á leið í Sunderland

Sunderland er við það að klófesta paragvæska varnarmanninn Paulo Da Silva. Hann verður þar með fyrsti leikmaðurinn sem Steve Bruce fær til félagsins síðan hann tók við stjórnartaumunum.

Leið eins og sér væri kennt um tapið gegn Liverpool

Carlos Tevez telur að stuðningsmenn Manchester United muni ekki líta á sig sem svikara ef hann gengur til liðs við erkifjendurnar í City.

HM á Englandi 2018?

Þýska goðsögnin Franz Beckenbauer segir að Englendingar séu tilbúnir að halda heimsmeistaramótið strax á morgun. Beckenbauer situr í nefnd á vegum FIFA sem ákveður mótshaldara fyrir HM 2018 og 2022.

Tvær úrvalsdeildarviðureignir

Leikirnir í sextán liða úrslitum VISA-bikars karla fara fram í dag og á morgun. Margir athyglisverðir leikir eru á dagskrá en í dag fara fram tvær innbyrðis viðureignir milli úrvalsdeildarliða.

Woods og Kim deila toppsætinu

Þeir Tiger Woods og Anthony Kim eru efstir og jafnir fyrir lokahringinn á AT&T-National golfmótinu á Congressional vellinum. Báðir eru á tíu höggum undir pari.

Mancini vill þjálfa á Englandi

Roberto Mancini segist reiðubúinn að snúa aftur í þjálfun. Hans helsta ósk er að taka við stjórnartaumunum hjá ensku liði en síðustu ár hefur hann verið orðaður við ýmis lið í ensku úrvalsdeildinni.

Fiorentina vill Eboue í stað Melo

Ítalska félagið Fiorentina hefur látið forráðamenn Arsenal vita að ef þeir vilji fá miðjumanninn Felipo Melo þurfi þeir að láta Emmanuel Eboue af hendi í skiptum auk vænnar upphæðar.

Boruc játar erfiðleika í einkalífinu

„Það er sama hvort þú vinnir í verksmiðju eða ert fótboltamaður sem spilar fyrir framan þúsundir áhorfenda í viku hverri. Ef þú átt í erfiðleikum í einkalífinu þá hefur það áhrif á starf þitt," segir Artur Boruc, markvörður skoska liðsins Glasgow Celtic.

Árni Gautur leit rautt í sigurleik

Markvörðurinn Árni Gautur Arason fékk að líta rauða spjaldið í dag þegar Odd Grenland mætti Sandefjord. Árni fékk dæmda á sig hendi utan teigs á 76. mínútu og leit rauða spjaldið í kjölfarið.

Magnað mark í Futsal (myndband)

Brasiliumaðurinn Falcao skoraði hreint ótrúlegt mark í stórsigri á Rúmeníu í innanhússfótbolta (Futsal). Falcao var í fyrra útnefndur besti Futsal-leikmaður heims og miðað við þessi tilþrif skyldi engan undra.

Owen stefnir á landsliðið

Michael Owen hefur sett stefnuna á að endurheimta sæti sitt í enska landsliðinu. Owen hefur farið neðar í goggunarröðinni síðan Fabio Capello tók við enska liðinu.

Úlfarnir halda áfram að versla

Wolves heldur áfram að styrkja sig fyrir komandi tímabil í ensku úrvalsdeildinni. Ronald Zubar varð í dag sjötti leikmaðurinn sem Úlfarnir fá til sín í sumar en hann er 23 ára varnarmaður sem kemur frá Marseille.

Ronaldo: Hverrar krónu virði

Cristiano Ronaldo segir að þær 80 milljónir punda sem Real Madrid borgaði fyrir þjónustu sína sé sanngjarnt verði. Ronaldo verður formlega kynntur fyrir stuðningsmönnum á mánudag og segist ákveðinn í að sýna það að hann sé hverrar krónu virði.

Maicon til Real Madrid?

Hægri bakvörðurinn Maicon gæti verið á leið frá Inter til Real Madrid. Umboðsmaður leikmannsins brasilíska segir að spænska stórliðið hafi áhuga á honum ásamt ensku liðunum Manchester City og Chelsea.

Massacci á leið til United

Alberto Massacci, sextán ára bakvörður hjá ítalska liðinu Empoli, segist vera á leið til Manchester United. Hann er ekki byrjaður að leika með aðalliði Empoli en er talið mikið efni.

Kinnear má snúa aftur

Joe Kinnear hefur fengið leyfi lækna til að snúa aftur í knattspyrnustjórn. Kinnear þurfti að láta af störfum hjá Newcastle á síðasta tímabili eftir aðgerð sem hann gekkst undir.

Fabiano og Huntelaar á óskalista AC Milan

Forráðamenn AC Milan vinna nú hörðum höndum í að leita leiða til að styrkja liðið. Brasilíumaðurinn Luis Fabiano og Hollendingurinn Klaas Jan Huntelaar eru báðir á óskalista Milan.

Van Persie framlengir við Arsenal

Hollendingurinn Robin van Persie hefur blásið á þær sögusagnir að hann sé á leið frá Arsenal með því að skrifa undir samning við félagið til 2014. Aðeins eitt ár var eftir af fyrri samningi Van Persie.

Ince tekinn aftur við MK Dons

Paul Ince er orðinn knattspyrnustjóri MK Dons að nýju en liðið leikur í C-deild enska boltans. Hann tekur við af Roberto Di Matteo sem er kominn til West Bromwich Albion.

Kristján Einar keppir á Donington Park

Kristján Einar Kristjánsson keppir á Donington Park í Bretlandi um helgina í opnu evrópsku mótaröðinni í Formúlu 3. Hann ók á tveimur æfingum í gær, en í dag eru tímartökur fyrir tvær umferðir kappaksturs.i

Tiger í forystu á AT&T

Tiger Woods situr í toppsæti AT&T National golfmótsins á Congressional vellinum. Hann lék annan hringinn á 66 höggum eða fjórum höggum undir pari og er a samtals tíu höggum undir pari eftir tvo hringi.

Hlær McLaren liðið meira á betri bíl?

Afhroð McLaren í Formúlu 1 mótum ársins hafa verið algjör og Lewis Hamilton hefur ekki verið á verðlaunapalli á árinu, sjálfur heimsmeistarinn. McLaren menn hafa ákveðið að breyta um taktík hvað varðarn undirbúning bílanna fyrir næstu mót. Keppt er á Nurburgring í Þýskalandi um næstu helgi, en það hefur rignt alla vikuna.

Selfoss á toppinn - Sævar með fernu

Selfyssingar gerðu góða ferð í Mosfellsbæ þar sem þeir unnu 0-4 sigur gegn Aftureldingu í lokaleik 9. umferðar 1. deildar karla í kvöld.

Valur og Stjarnan unnu - Breiðablik missteig sig

Heil umferð fór fram í Pepsi-deild kvenna í kvöld og þar héldu Valur og Stjarnan áfram góðu gengi sínu en Valur vann KR 4-1 á Vodafonevellinum og Stjarnan vann Aftureldingu/Fjölni 3-0 á Stjörnuvelli.

Sir Alex: Owen er framherji á heimsmælikvarða

Knattspyrnustjórinn Sir Alex Ferguson hjá Englandsmeisturum Manchester United er í skýjunum með að fá loks framherjann Michael Owen í raðir félagsins en hann mun lengi hafa verið mikill aðdáandi leikmannsins.

Dalglish snýr aftur til Liverpool

Liverpool staðfesti í dag að goðsögnin Kenny Dalglish myndi snúa aftur til félagsins og starfa í akademíu félagsins. Hann verður einnig gerður að sendiherra félagsins.

Guðmundur: Lít á þetta sem mikinn heiður

Atli Eðvaldsson var sem kunnugt er ráðinn þjálfari Vals í dag en Guðmundur Benediktsson, framherji KR, var hins vegar fyrsti kostur hjá Valsmönnum þegar þeir voru að leita að eftirmanni Willum Þórs en Vesturbæjarliðið vildi ekki sleppa hendi af honum.

Perez ætlar að kaupa tvo í viðbót

Forseti Real Madrid, Florentino Perez, er ekki orðinn sáttur þó svo hann sé búinn að eyða fúlgum fjár í þá Cristiano Ronaldo, Kaká og Karim Benzema.

Owen formlega genginn í raðir Manchester United

Englandsmeistarar Manchester United hafa staðfest félagsskipti framherjans Michael Owen til félagsins en hann kemur þangað á frjálsri sölu frá Newcastle.

Atli: Við munum finna réttu línuna og ná árangri

Valur staðfesti í dag ráðningu Atla Eðvaldssonar sem þjálfara liðsins og mun hann stýra Hlíðarendaliðinu út yfirstandandi leiktíð. Atli kvaðst í samtali við Vísi vera gríðarlega spenntur að takast á við áskorunina.

Daniel Sturridge til Chelsea

Chelsea keypti í dag hinn fljóta framherja, Daniel Sturridge, frá Manchester City. Sturridge skrifaði undir fjögurra ára samning við Lundúnaliðið.

Verður Eiður áfram hjá Barca eftir allt saman?

Það ríkir enn óvissa með það hvar Eiður Smári Guðjohnsen muni spila fótbolta næsta vetur.

Atli orðinn þjálfari Vals

Valsmenn hafa sent frá sér fréttatilkynningu þar sem þeir staðfesta að Atli Eðvaldsson verði næsti þjálfari Vals. Valsmenn hafa náð munnlegu samkomulagi við Atla um að stýra liðinu út leiktíðina.