Mancini telur United vera sigurstranglegasta liðið

Keppnistímabilið á Englandi hefst formlega á sunnudaginn þar sem Englandsmeistarar Manchester City mæta bikarmeisturum Chelsea í leik um Samfélagsskjöldinn.

Mikilvægur útisigur hjá Guðjóni og Kristni með Halmstad

Guðjón Baldvinsson og Kristinn Steindórsson voru báðir í byrjunarliði Halmstad þegar liðið vann dýrmætan 2-0 útisigur á Ängelholms FF í sænsku b-deildinni í fótbolta í kvöld.

Rúrik lagði upp sigurmark OB

Rúrik Gíslason og félagar í OB unnu flottan sigur á FC Midtjylland í dönsku úrvalsdeildinni í fótbolta í kvöld. Sigurinn skilaði OB-liðinu upp í annað sæti deildarinnar á eftir FC Kaupmannahöfn.

Breti vann fyrsta Ólympíugull kvenna í hnefaleikum

Nicola Adams hefur skráð nafn sitt í sögubækurnar en í gær varð hún fyrsta konan sem vinnur Ólympíugull í hnefaleikum.

Svíar í úrslitaleikinn - unnu Ungverja með einu marki

Svíar eru komnir í úrslitaleikinn í handboltakeppni karla á Ólympíuleikunum í London eftir 27-26 sigur á Ungverjum í undanúrslitunum í kvöld. Svíar mæta annaðhvort Frökkum eða Króötum í úrslitaleiknum á sunnudaginn.

Pistorius og félagar fá að keppa í kvöld

Boðhlaupssveit Suður-Afríku í 4x400 m hlaupi karla fær að taka þátt í úrslitum greinarinnar á Ólympíuleikunum í kvöld, þrátt fyrir að hafa ekki komist í gegnum undanrásirnar í gær.

Skipting í þjálfarateymi Peter Öqvist - Tómas inn fyrir Helga Jónas

Tómas Holton, þjálfari sextán ára landsliðs stúlkna í körfubolta, verður aðstoðarmaður karlalandsliðsins í undankeppni Evrópumóts landsliða sem hefst í næstu viku. Þetta kemur fram á heimasíðu Körfuboltasambandsins.

Stutt ferðalag hjá Liverpool - mætir Hearts í Evrópudeildinni

Liverpool drógst á móti skoska liðinu Hearts í undankeppni Evrópudeildarinnar en dregið var í dag. Newcastle fer til Grikklands og spilar við Atromitos en í boði er sæti í riðlakeppni Evrópudeildarinnar.

Eaton vann tugþrautina með yfirburðum

Asthon Eaton frá Bandaríkjunum bar öruggan sigur úr býtum í tugþraut karla sem lauk í gærkvöldi á Ólympíuleikunum í London.

Veigar Páll reynir að fá sig lausan frá Vålerenga

Knattspyrnumaðurinn Veigar Páll Gunnarsson hefur átt erfitt uppdráttar undanfarið hjá liði sínu Vålerenga og er nú svo komið að hann vinnur að því hörðum höndum að komast frá félaginu. Veigar vonast til að finna sér lið á einu af Norðurlöndunum áður en félagsskiptaglugganum verður lokað þann 31. ágúst.

Rooney tæki Van Persie opnum örmum

Wayne Rooney telur að Robin van Persie myndi reynast góð viðbót við lið Manchester United. Van Persie hefur verið sterklega orðaður við United síðustu daga.

Loksins, loksins! Frábært vatn í Norðurá

Þær fréttir berast nú frá Norðurá að eftir margra vikna þrautagöngu hafa rigningar síðustu daga skilað ánni frábæru veiðivatni. Loksins, loksins myndi einhver segja en Veiðivísir telur sig geta fært rök fyrir því að vatnið í Norðurá hafi ekki verið meira síðan opnunardaginn 5. júní!!

Bellamy stóðst læknisskoðun hjá Cardiff

Craig Bellamy mun í dag ganga í raðir Cardiff City sem fær hann án greiðslu frá Liverpool. Bellamy átti eitt ár eftir af samningi sínum við síðarnefnda liðið.

Fnjóská: Tveggja daga holl með 27 laxa og mikið af silungi

Það er ekki bara dauði og djöfull í veiðinni þessa daganna en Veiðivísi bárust fregnir um ágætis veiði i Fnjóská á dögunum. Hollið sem var við veiðar í ánni var með 27 laxa og annað eins af silungi sem er prýðisveiði.

Dwight Howard í LA Lakers

Los Angeles Lakers og Dwight Howard, leikmaður Orlando í NBA deildinni í körfubolta, hafa samþykkt samning um félagaskipti leikmannsins til L.A Lakers. Frá þessu greina ESPN og The Los Angeles Times.

Alfreð og félagar mæta Celtic

Dregið var í lokaumferð undankeppni Meistaradeildar Evrópu nú í morgun og voru tvö Íslendingalið í pottinum.

Axel lék mjög vel í dag

Kylfingurinn Axel Bóasson lék stórvel á Evrópumóti áhugamanna í morgun og fór þriðja hring mótsins á fjórum höggum undir pari vallarins.

Rodgers: Allen á leið til Liverpool

Brendan Rodgers, stjóri Liverpool, staðfesti í gærkvöldi að Joe Allen væri á leið til félagsins frá Swansea.

Carl Petterson í forystu á PGA

Svíinn Carl Pettersson er með forystu eftir fyrsta hring á PGA meistaramótinu í Bandaríkjunum og lék fyrsta hring mótsins á sex höggum undir pari vallarins. Hann hefur eins höggs forskot á landa sinn Alex Noren , Spánverjann Gonzalo Fernandez-Castano, Norður Írann Rory McIlroy og Bandaríkjamanninn Gary Woodland.

Stjóri Juventus í tíu mánaða bann

Antonio Conte, knattspyrnustjóri Juventus, hefur verið dæmdur í tíu mánaða bann af ítalska knattspyrnusambandinu.

Bolt: Er nú orðinn goðsögn

Usain Bolt segir að með sigrinum í 200 m hlaupi karla á Ólympíuleikunum í gær er hann kominn í hóp bestu íþróttamanna sögunnar.

ÓL-pistill: Takk fyrir allt

Nokkrum mínútum eftir leik Íslands og Ungverjalands stóð ég andspænis Ólafi Stefánssyni, einni mestu íþróttahetju þjóðarinnar frá upphafi, og reyndi að orða hálfviturlega spurningu svo viðtalið gæti hafist.

Tilboð í Langá komandi rigningarhelgi

Stangaveiðifélag Reykjavíkur býður nú tilboð á veiðileyfum í Langá um helgina. Vonast er eftir hækkandi sól í veiðinni með rigningum sem spáð er næstu daga.

Björgvin Páll: Mótlætið gerir mann sterkari

Landsliðsmarkvörðurinn Björgvin Páll Gústavsson segir að örlög íslenska liðsins á Ólympíuleikunum hafi verið grimm en að það sé stundum eðli íþróttanna. Frammistaðan á mótinu sé þó ein sú besta frá upphafi.

Ásdís: Nú hefst undirbúningurinn fyrir Ríó

Ásdís Hjálmsdóttir hafnaði í ellefta sæti í spjótkasti kvenna á Ólympíuleikunum í London. Hún kastaði 59,08 m sem er nokkuð frá Íslandsmetinu sem hún setti á þriðjudag. "Alls ekki lélegur árangur,“ segir hún.

Sá fyrsti í sjö ár til að skora tvær þrennur á einu tímabili

FH-ingurinn Atli Guðnason hefur verið á skotskónum í Pepsi-deild karla í sumar og er nú með tveggja marka forskot á listanum yfir markahæstu leikmenn deildarinnar.

Ásdís: Svekkt í kvöld en glöð á morgun

Ásdís Hjálmsdóttir segir að kast upp á 59,08 m sé góður árangur á sinn mælikvarða. Hún hafnaði í ellefta sæti í úrslitum spjótkastskeppni kvenna á Ólympíuleikunum í kvöld.

Úrvalsdeildarfélög hafa enn áhuga á Michael Owen

Michael Owen verður kannski áfram í ensku úrvalsdeildinni á komandi tímabili þótt að hann hafi ekki fengið nýjan samning hjá Manchester United.

Tottenham tapaði fyrir Valencia í kvöld

Gylfi Þór Sigurðsson spilaði fyrstu 80 mínúturnar þegar Tottenham tapaði 0-2 fyrir Valencia á Spáni í kvöld í síðasta undirbúningsleik sínum fyrir komandi tímabil.

Bandarísku fótboltastelpurnar tóku gullið á þriðju leikunum í röð

Bandaríkin tryggði sér í kvöld sigur í knattspyrnukeppni kvenna á Ólympíuleikunum í London þegar bandarísku stelpurnar unnu 2-1 sigur á Heimsmeisturum Japans í úrslitaleiknum fyrir framan rúmlega 80 þúsund manns á Wembley.

Guðlaug búin að taka aftur fram skóna á 41. aldursári

Guðlaug Jónsdóttir, snéri aftur í úrvalsdeild kvenna í kvöld, þegar þessi fyrrum landsliðsmaður og margfaldur meistari með KR, kom inn á sem varamaður þegar KR vann 3-2 sigur á Fylki. Guðlaug hafði góð áhrif á Vesturbæjarliðið sem vann sinn fyrsta sigur í sumar.

Langþráður sigur á hjá KR-konum | Blikar töpuðu stigum á Selfossi

Botnliðin í Pepsi-deild kvenna bitu frá sér í 13. umferðinni í kvöld. KR vann 3-2 heimasigur á Fylki og Selfoss gerði 3-3 jafntefli við Blikakonur sem eru í 3. sæti deildarinnar.

Þór/KA gefur ekkert eftir og vann stórsigur á FH

Þór/KA-konur gefa ekkert eftir á toppi Pepsi-deildar kvenna en þær náðu sex stiga forskoti eftir 6-0 sigur á FH í fyrsta leik 13. umferðar á Akureyri í kvöld. Stjörnukonur geta minnkað forskotið aftur niður í þrjú stig seinna í kvöld.

Usain Bolt bætti við öðru Ólympíugulli - þrefalt hjá Jamaíku

Usain Bolt er Ólympíumeistari í 200 metra hlaupi eftir sannfærandi sigur í úrslitahlaupinu í London í kvöld. Jamaíkamenn urðu í þremur efstu sætunum í hlaupinu. Bolt kom í mark á 19,32 sekúndum.

Ásdís í 11. sæti í úrslitum spjótkast kvenna á ÓL

Ásdís Hjálmsdóttir endaði í 11. sæti í úrslitum spjótkastsins á Ólympíuleikunum í London í kvöld. Ásdís vantaði rúman einn og hálfan metra til á að komast í hóp þeirra átta sem fengu að kasta þrjú köst til viðbótar.

Umfjöllun og viðtöl: Stjarnan - Valur 2-3 | Elín Metta hetja Valskvenna

Elín Metta Jensen skoraði sigurmark Valskvenna í viðbótartíma er liðið vann 3-2 útisigur á Stjörnunni í 13. umferð Pepsi-deildar kvenna í kvöld. Stjarnan tapaði dýrmætum sigur í titilbaráttunni en Valur stimplaði sig inn í toppbaráttuna á nýjan leik.

Liverpool örugglega áfram eftir 3-0 sigur

Liverpool átti ekki í miklum vandræðum með því að komast áfram í forkeppni Evrópudeildarinnar í kvöld en liðið vann þá 3-0 sigur á Gomel frá Hvíta-Rússlandi. Liverpool fór áfram 4-0 samanlagt.

Hólmfríður og Kristín Ýr með fimm mörk saman í stórsigri

Íslensku landsliðskonurnar Hólmfríður Magnúsdóttir og Kristín Ýr Bjarnadóttir voru á skotskónum í 6-0 stórsigri Avaldsnes á Grand Bodö í norsku b-deildinni í kvöld. Hólmfríður skoraði þrennu og Kristín Ýr var með tvö mörk. Þær stöllur hafa raðað inn mörkunum með norska liðinu í sumar.

Heimsmet hjá Rudisha í úrslitum 800 metra hlaupi

Keníamaðurinn David Rudisha setti nýtt heimsmet þegar hann tryggði sér gullverðlaun í 800 metra hlaupi á Ólympíuleikunum í London í kvöld. Rudisha hljóp metrana 800 á 1:40.91 mínútum og bætti sitt eigið heimsmet frá 2010. Þetta er fyrsta heimsmetið sem fellur í frjálsum á leikunum.

Pepsi-mörkin: Allur þátturinn um 14. umferð aðgengilegur á Vísi

Farið var yfir gang mála í öllum leikjunum í 14. umferð í Pepsideild karla í þættinum Pepsi-mörkin á Stöð 2 sport í gær. Þátturinn er aðgengilegur á Vísi í heild sinni. Í þættinum fóru þeir Hörður Magnússon, Reynir Leósson og Hjörvar Hafliðason yfir helstu atvikin í leikjunum sex og það var mikið fjör í leikjunum þar sem að 27 mörk voru skoruð og nokkur rauð spjöld fóru á loft.

Joe Allen: Ég vil fara til Liverpool

Sky Sports hefur heimildir fyrir því að Liverpool sé búið að samþykkja að hækka tilboð sitt í Joe Allen hjá Swansea og að leikmaðurinn sjálfur vilji fara til Liverpool.

Parker missir af fyrsta mánuði tímabilsins - Gylfi enn mikilvægari

Scott Parker, miðjumaður Tottenham og enska landsliðsins, verður ekkert með Tottenham-liðinu fyrsta mánuðinn á nýju tímabili sem hefst eftir rúma viku. Parker er enn að jafna sig eftir aðgerð á hægri hásin og Tottenham gaf það út á heimasíðu sinni í dag að hann myndi ekki spila fyrr en í september.

Þórir kominn með norsku stelpurnar í úrslitaleikinn á ÓL í London

Þórir Hergeirsson heldur áfram að gera frábæra hluti með norska kvennalandsliðið í handbolta en hann stýrði nú áðan norska kvennaliðinu inn í úrslitaleikinn um gullið á Ólympíuleikunum í London.

Vilhelm Gauti ráðinn spilandi aðstoðarþjálfari Íslandsmeistaranna

Vilhelm Gauti Bergsveinsson, fyrirliði Íslandsmeistara HK, fékk meiri ábyrgðarstöðu hjá félaginu í dag þegar hann var ráðinn aðstoðarþjálfari liðsins.

Kanadísku stelpurnar tryggðu sér bronsið í uppbótartíma

Miðjumaðurinn Diana Matheson tryggði kanadíska landsliðnu bronsið í fótboltakeppni kvenna á Ólympíuleikunum í London í dag þegar hún skoraði eina markið í leiknum um þriðja sætið á móti Frökkum.