Houllier stjórnar ekki fleiri leikjum á tímabilinu

Gérard Houllier, stjóri Aston Villa, þarf að taka sér frí út tímabilið en hann var fluttur á sjúkrahús á miðvikudagskvöldið með verki fyrir brjósti. Gary McAllister mun stjórna liði Aston Villa í síðustu fimm leikjum liðsins í ensku úrvalsdeildinni.

Tilþrifin sem kveiktu í Miami-liðinu í nótt - myndband

Dwyane Wade og LeBron James voru saman með 56 stig og 25 fráköst í 100-94 sigri Miami Heat á Philadelphia 76ers í úrslitakeppni NBA-deildarinnar í nótt en það voru flestir á því að troðsla Wade eftir skrautlega stoðsendingu frá James hafi kveikt í liðinu þegar þeir voru 68-62 undir í þriðja leikhlutanum.

NBA: Chicago og Miami komin í 3-0, Portland vann Dallas

NBA: Chicago og Miami komin í 3-0, Portland vann DallasChicago Bulls og Miami Heat stigu stórt skref í átt að annarri umferð úrslitakeppni NBA-deildarinnar í körfubolta í nótt þegar þau komust bæði í 3-0 í einvígum sínum. Portland Trail Blazers tókst hinsvegar að minnka muninn í 2-1 á móti Dallas Mavericks.

Barcelona hefur ekki tapað leik í vetur með Puyol í liðinu

Carles Puyol, fyrirliði Barcelona, er kannski mikilvægari fyrir Barcelona-liðið en flestir gera sér grein fyrir. Það er líklega engin tilviljun að allir fjórir tapleikir Barca á þessu tímabili hafa litið dagsins ljós þegar fyrirliðinn var fjarverandi.

Stuðningsmenn ensku liðanna völdu Meireles leikmann ársins

Raul Meireles, miðjumaður Liverpool, var valinn besti leikmaður ársins í ensku úrvalsdeildinni af stuðningsmönnum liðanna í deildinni. Meðlimir leikmannasamtaka ensku deildarinnar tilnefna leikmenn til verðlaunanna en það eru síðan stuðninsmennirnir sem kjósa.

Cech: Þetta verður bara á milli Chelsea og Manchester United

Petr Cech, markvörður Chelsea, segir að baráttan um Englandsmeistaratitilinn sé nú aðallega á milli Chelsea og Manchester United og að Arsenal sé þegar búið að klúðra sínum möguleika á að vera með í titilbaráttunni.

Sergio Ramos getur andað léttar - það var til varabikar

Sergio Ramos, varnarmaður Real Madrid, komst í heimsfréttirnar þegar hann missti spænska Konungsbikarinn fyrir rútuna sem ók með liðið í sigurhátíðinni eftir að félagið varð spænskur bikarmeistari á miðvikudagskvöldið.

Arndís Ýr og Þórólfur Ingi unnu 96. Víðavangshlaup ÍR

Arndís Ýr Hafþórsdóttir úr Fjölni og Þórólfur Ingi Þórsson úr ÍR voru sigurvegarar í 96. Víðavangshlaup ÍR sem fram fór í miðbæ Reykjavíkur á Sumardaginn fyrsta. 370 hlauparar á öllum aldri tóku þátt þrátt fyrir leiðinda veður en hlaupið er liður í Powerade mótaröðinni.

Nigel de Jong: Ég var meðhöndlaður eins og stríðsglæpamaður

Hollenski landsliðsmaðurinn Nigel de Jong var langt frá því að vera vinsælasti knattspyrnumaður heimsins eftir að hann komst upp með fólskulega tæklingu á Xabi Alonso í úrslitaleik HM síðasta sumar. Hann lenti síðan í því að fótbrjóta Hatem Ben Arfa fyrr á þessu tímabili og hefur nú slæmt orð á sér.

Kahn þarf að borga 20 milljónir í sekt fyrir smygl

Oliver Kahn, fyrrum markvörður Bayern Munchen og þýska landsliðsins, hefur verið dæmdur til að greiða 125 þúsund evrur eða 20 milljónir íslenskra króna í sekt fyrir að reyna að smygla fatnaði til Þýskalands. Kahn gaf ekki upp lúxus-klæðnað sem hann keypti fyrir meira en 6000 evrur í ferð sinni til Dúbæ.

Varnarlína Barca veikist - Adriano frá í fjórar vikur

Barcelona verður án brasilíska bakvarðarins Adriano næstu fjórar vikurnar eftir að hann meiddist í tapinu á móti Real Madrid í úrslitaleik spænska bikarsins í gær. Adriano meiddist í lok leiksins en var gagnrýndur í spænsku pressunni fyrir að missa af Cristiano Ronaldo þegar Portúgalinn skoraði eina mark leiksins í framlengingunni.

Dalglish ánægður með unglingana Flanagan og Robinson

Jamie Carragher og Andy Carroll verða væntanlega fjarri góðu gammni þegar Liverpool mætir Birmingham City í ensku úrvalsdeildinni um helgina. Kenny Dalglish mun því halda áfram að nota unglingana John Flanagan og Jack Robinson.

Spænska liðið Getafe er nú í eigu viðskiptajöfra frá Dúbæ

Fjárfestingahópurinn Royal Emirates Group frá Dúbæ er búið að kaupa spænska úrvalsdeildarfélagið Getafe og hefur sett stefnuna á að koma félaginu í hóp sex bestu liða Spánar á næsta tímabili. Getafe hefur aðsetur í úthverfum Madrid og ætlar að komast á sama stall og nágrannar þeirra í Real og Atletico.

Vignir með sjö mörk í þriðja sigri Hannover í röð

Hannover-Burgdorf vann mikilvægan fimm marka sigur á HSG Ahlen-Hamm í botnbaráttuslag í þýsku úrvalsdeildinni í handbolta í kvöld. Hannover vann leikinn 28-23 eftir að hafa verið 12-9 yfir í hálfleik.

IFK Gautaborg stigalaust á botninum eftir fjórða tapið í röð

Íslendingaliðið IFK Gautaborg tapaði í kvöld 2-0 á móti AIK í sænsku úrvalsdeildinni í fótbolta. IFK-liðið hefur þar með tapað fjórum fyrstu leikjum tímabilsins og er eitt stigalaust á botni deildarinnar með markatöluna 2-8.

Malouda: Þrjú lið eiga enn möguleika á titlinum

Florent Malouda segir að Chelsea sé komið aftur inn í titilbaráttuna eftir að liðið er nú aðeins sex stigum á eftir Manchester United þegar aðeins fimm leikir eru eftir.

Stelpurnar unnu Pólland í fyrsta sinn

Íslenska kvennalandsliðið í handbolta byrjar vel undir stjórn Ágústar Þórs Jóhannssonar en liðið vann 24-22 sigur á Póllandi í dag í æfingaleik í Tyrklandi eftir að hafa unnið heimastúlkur í gær. Íslenska liðið var 12-11 yfir í hálfleik.

Tevez ætti að ná bikarúrslitaleiknum

Roberto Mancini, stjóri Manchester City, segir góðar líkur á því að fyrirliði sinn, Argentínumaðurinn Carlos Tevez, verði orðinn góður af meiðslum sínum fyrir bikarúrslitaleikinn á móti Stoke sem fer fram á Wembley 14.maí næstkomandi.

Sölvi Geir orðinn danskur meistari með FCK

Sölvi Geir Ottesen og félagar í FC Kaupmannahöfn urðu í dag danskir meistarar eftir 2-1 útisigur á Lyngby en liðið er með 26 stiga forskot á OB þegar aðeins sjö leikir eru eftir.

Rúrik og félagar töpuðu óvænt á heimavelli

Rúrik Gíslason og félagar í OB Odense töpuðu óvænt á heimavelli í dag á móti FC Nordsjælland í dönsku úrvalsdeildinni. OB er áfram í 2.sæti þremur stigum á eftir FC Midtjylland sem vann 1-0 sigur á AC Horsens.

Wenger neitar að gefast upp: Þetta er allt galopið ennþá

Arsene Wenger, stjóri Arsenal, ætlar ekkert að gefa upp vonina að gera að Arsenal að enskum meisturum á ný þrátt fyrir að liðið hafi misst tvo síðustu leiki sína niður í jafntefli og sé sex stigum á eftir toppliði Manchester United þegar aðeins fimm leikir eru eftir.

Ólafur: Ætla ekki að búa til einhverjar skýjaborgir

Ólafur Þórðarson, þjálfari Fylkis, stýrði sínum mönnum inn í úrslitaleik Lengjubikars karla eftir 1-0 sigur á KR í undanúrslitaleik liðanna á Fylkis-gervigrasinu í gær.

Valur í úrslitaleikinn eftir sigur í framlengingu

Valsmenn tryggðu sér í dag sæti í úrslitaleik Lengjubikars karla eftir 2-1 sigur á FH í framlengdum leik í undanúrslitum.

Rúnar: Ég veit hvar við erum staddir

Rúnari Kristinssyni, þjálfara KR, tókst ekki að koma sínum mönnum í úrslitaleikinn í Lengjubikar karla í fótbolta í gær en KR tapaði þá 0-1 fyrir Fylki í undanúrslitaleik liðanna á Fylkisvellinum.

Víkingar fá finnskan miðjumann að láni frá Örebro

Nýliðar Víkings í Pepsi-deild karla hafa styrkt liðið sitt fyrir átökin sem hefjast eftir rúma viku. Víkingar náðu í morgun samkomulagi við sænska liðið Örebro um að fá finnska miðjumanninn Denis Abdulahi að láni. Þetta kemur fram á víkingur.net.

Iniesta verður ekki í leikbanni gegn Real Madrid

Andrés Iniesta leikmaður Barcelona verður ekki í leikbanni í fyrri leiknum í undanúrslitum Meistaradeildarinnar gegn Real Madrid eins og UEFA hafði lagt til. Iniesta fékk gult spjald í fyrri leiknum í 8-liða úrslitunum gegn Shaktar Donetsk – og taldi UEFA að hann hafi tafið leikinn vísvitandi til þess að vera í leikbanni í síðari leiknum gegn úkraínska liðinu og byrja með "hreint“ borð í undanúrslitum keppninnar.

Hvaða atvinnulið heimsins greiða hæstu meðallaunin? - topp 20 listinn

Leikmenn spænska fótboltaliðsins Barcelona voru með hæstu meðallaunin á árinu 2010 samkvæmt fréttaskýringu á bandarísku íþróttafréttastöðinni ESPN sem byggð er á útreikningum Sporting Intelligence. Leikmenn Spánarmeistaraliðs Barcelona fá um 17 milljónir kr. að meðaltali í laun á viku eða rétt um 900 milljónir kr. á ári. Enska úrvalsdeildarliðið Liverpool er í 20. sæti á þessum lista en Chelsea er í 6. sæti. Alls eru 11 atvinnulið frá Bandaríkjunum á listanum, 4 frá Englandi, 2 frá Ítalíu, 2 frá Spáni og 1 frá Þýskalandi

Konur mega ekki keppa í stuttbuxum í badminton

Alþjóðabadmintonsambandið hefur samþykkt nýja reglugerð þar sem konum er bannað að leika í stuttbuxum í alþjóðlegri keppni – og verða þær að keppa í stuttum pilsum þess í stað. Markmiðið er að auka vinsældir íþróttarinnar í sjónvarpi en ákvörðunin hefur alls ekki fallið í góðan jarðveg í Evrópu og á Norðurlöndunum.

Real Madrid rútan ók yfir Konungsbikarinn - Ramos sökudólgurinn

Leikmenn Real Madrid fögnuðu sigrinum í Konungsbikarnum í gær með hefðbundnum hætti enda löng bið liðsins eftir titli á enda. Mikil sigurhátíð var í Madrid í gær þar sem leikmenn liðsins óku um borgina og lyftu Konungsbikarnum á loft í opnum strætisvagni. Það gekk mikið á þeim fögnuðu og eitthvað fór úrskeiðis þegar bikarinn féll af þaki rútunnar niður á götuna – og rútan ók yfir Konungsbikarinn og það er ljóst að bikarinn var ekki eins glæsilegur eftir þá meðferð.

Platini baðst afsökunar á háu miðaverði á úrslitaleikinn á Wembley

Michel Platini forseti UEFA telur að miðaverðið á úrslitaleik Meistaradeildarinnar sem fram fer á Wembley í maí sé of hátt og hann baðst afsökunar á miðaverðinu sem margir hafa gagnrýnt. Platini var í London í gær þar sem að Meistaradeildarbikarinn verður varðveittur fram að úrslitaleiknum en Frakkinn ætlar sér að lækka miðaverðið á úrslitaleiki Meistaradeildarinnar í framtíðinni.

Ancelotti hefur enn trú á því að Man Utd tapi stigum á lokakaflanum

Carlo Ancelotti knattspyrnustjóri enska meistaraliðsins Chelsea telur að liðið eigi enn möguleika á að verja titilinn eftir 3-1 sigur liðsins í gær gegn Birmingham. Ítalinn trúir því að Manchester United, sem er í efsta sæti með 70 stig, eigi eftir að tapa stigum á lokakaflanum, en Chelsea þarf að mati Ancelotti að vinna alla fimm leikina sem eftir eru.

Gerard Houllier fluttur á sjúkrahús vegna verkja í brjósti

Gerard Houllier var fluttur á sjúkrahús í gær þar sem hann kvartaði yfir verkjum í brjósti en hinn 63 ára gamli knattspyrnustjóri Aston Villa fékk hjartaáfall fyrir áratug þegar hann var knattspyrnustjóri Liverpool. Ástand Houllier er ekki talið alvarlegt en Houllier fór í hjartaaðgerð árið 2001 og var frá vinnu í hálft ár.

NBA: Lakers og San Antonio jöfnuðu metin - Denver í vandræðum

Meistaralið LA Lakers lagði New Orleans Hornets 87-78 í gær í úrslitakeppni Vesturdeildar NBA deildarinnar í körfubolta og er staðan í einvíginu 1-1. Þrír leikir fóru fram í gær og náði San Antonio Spurs að jafna metin gegn Memphis Grizzlies með 93-87 sigri á heimavelli. Oklahoma er 2-0 yfir gegn Denver Nuggets eftir 106-89 sigur liðsins í gær.

Marcus tók stigametið af Damon

Marcus Walker verður örugglega á milli tannanna hjá íslensku körfuboltafólki um ókomna tíð eftir magnaða frammistöðu sína í úrslitakeppninni. Þegar menn fóru að skoða sögubækurnar betur kom líka í ljós að spilamennska þessa eldfljóta og stórskemmtilega bakvarðar væri einstök í 28 ára sögu úrslitakeppninnar.

Balotelli gaf heimilislausum manni 200 þúsund krónur

Vandræðagemsinn Mario Balotelli, leikmaður Man. City, á sínar mjúku hliðar þó svo það sé ekki skrifað mikið um þær í breskum fjölmiðlum. Í dag mátti þó finna jákvæða frétt um hann í bresku slúðurblaði.

Eltihrelli Rios hent í steininn til verndar Rio og fjölskyldu

Dómarinn í máli Rio Ferdinand gegn eltihrellinum Susanne Ibru ákvað í dag að stinga Ibru í steininn á meðan hann ákveður hvaða dóm hún skuli fá fyrir að hrella Rio og fjölskyldu.

Elfar, Arnór og Haukur framlengja við Blika

Þrír sterkir leikmenn Breiðabliks hafa gert nýjan samning við félagið sem gildir til ársins 2014. Þetta eru þeir Arnór Sveinn Aðalsteinsson, Elfar Freyr Helgason og Haukur Baldvinsson. Það er fótbolti.net sem greinir frá þessu í kvöld.

Ronaldo tryggði Real Madrid bikarmeistaratitilinn

Real Madrid varð í kvöld bikarmeistari á Spáni eftir sigur á Barcelona, 1-0, í framlengdum úrslitaleik. Cristiano Ronaldo skoraði eina mark leiksins. Þetta er fyrsti titill Real Madrid undir stjórn Jose Mourinho.

Redknapp: Lehmann sagði að við værum búnir að vera

Harry Redknapp, stjóri Tottenham, var að vonum með strákana sína eftir að liðið hafði unnið upp 3-1 forskot Arsenal og nælt í stig í kvöld.

Wenger: Mætum brjálaðir í næstu leiki

Arsene Wenger, stjóri Arsenal, bar sig ágætlega eftir jafnteflið gegn Tottenham í kvöld og þá niðurstöðu að liðið er komið í þriðja sæti ensku úrvalsdeildarinnar þar sem Chelsea lagði Birmingham.

Fylkir lagði KR og komst í úrslit

Fylkir komst í kvöld í úrslit Lengjubikarsins í knattspyrnu með sigri á KR, 1-0, en leikið var í skítakulda á Fylkisvellinum.

Sigur í fyrsta leik hjá Ágústi

Ágúst Þór Jóhannsson byrjaði vel með kvennalandslið Íslands í handbolta í dag er það lagði Tyrkland, 27-25, í vináttulandsleik ytra.

Gunnar Heiðar skoraði í sigri á Jónasi Guðna og félögum

Gunnar Heiðar Þorvaldsson fer ágætlega af stað með liðinu sínu IFK Norrköping í sænsku úrvalsdeildinni í knattspyrnu.

Kiel skellti toppliði Hamburgar

Kiel vann sætan sigur á Hamburg í kvöld, 38-35, er liðin mættust í þýsku úrvalsdeildinni í handknattleik. Hamburg er svo gott sem búið að hrifsa titilinn af Kiel í ár en sigurinn er mikilvægur fyrir Kiel sem er í harðri baráttu við Rhein-Neckar Löwen um annað sætið í deildinni.

Tevez ætlar að ná bikarúrslitaleiknum

Carlos Tevez, fyrirliði Manchester City, stefnir að því að ná bikarúrslitaleiknum gegn Stoke sem fer fram þann 14. maí næstkomandi.