Fram fær landsliðskonu frá Fylki - Sunna semur til tveggja ára

Landsliðskonan Sunna Jónsdóttir hefur ákveðið að ganga til liðs við bikarmeistara Fram og er þar með önnur Fylkiskonan sem fer yfir í Safamýrina því áður hafði markvörðurinn Guðrún Ósk Maríasdóttir samið við Fram.

Japanir verða með í Suður-Ameríkukeppninni eftir allt saman

Japanska fótboltalandsliðið verður með í Suður-Ameríkukeppninni sem fram fer í Argentínu í sumar en Japanir höfðu áður hætt við þátttöku vegna jarðskjálftans og flóðbylgjunnar heima fyrir sem kostuðu þúsundir manns lífið í síðasta mánuði.

Sautján ára kvennalandslið Íslands: Sex leikir, sex sigrar og 37 mörk

Íslenska 17 ára landsliðið í fótbolta hélt sigurgöngu sinni áfram í undankeppni EM með því að vinna 4-1 sigur á Svíum í lokaleik sínum í millirliði sínum í Póllandi í dag. Stelpurnar höfðu áður tryggt sér sæti úrslitakeppninni með sigri á Englandi og Póllandi í fyrstu tveimur leikjunum.

Teitur: Verðum ekki yfirspenntir í kvöld

KR-ingar tóku lærisveina Teits Örlygssonar í Stjörnunni í bakaríið í fyrsta leik liðanna í úrslitum Iceland Express-deildar karla. KR vann leikinn með 30 stigum.

De Gea: Ég er ekkert búinn að tala við United

David De Gea, markvörður Atletico Madrid, segir ekkert vera til í þeim sögusögnum að hann sé búinn að vera í viðræðum við Manchester United um að taka við af Hollendingnum Edwin van der Sar sem er að leggja skóna á hilluna í vor.

Vettel: Lánsamir að vera fremstir

Sebastian Vettel telur að mótshelgin í Sjanghæ í Kína verði erfið og veðrið geti haft áhrif á möguleika ökumanna. Vettel var á fréttamannafundi á Sjanghæ brautinni i dag, en hann er með 24 stiga forskot í stigakeppni ökumanna eftir tvö fyrstu mótin.

Atli: Finnst best að vinna mikið á leikdegi

Atli Hilmarsson, þjálfari Akureyrar, var pollrólegur og ekki í neinu stressi þegar Vísir heyrði í honum í dag. Deildarmeistarar Akureyrar taka á móti HK í kvöld í fyrsta leik liðanna í undanúrslitum N1-deildar karla.

Stefán aðeins sá þriðji sem vinnur tvær úrslitakeppnir í röð

Stefán Arnarson, þjálfari nýkrýndra Íslandsmeistara Vals, komst í hóp með þeim Theódóri Guðfinnssyni og Aðalsteini Jónssyni í gær þegar hann gerði Valsliðið að Íslandsmeisturum annað árið í röð. Valur tryggði sér titilinn með sigri á Fram í vítakeppni í þriðja leiknum í Vodafone-höllinni.

Mourinho fyrir Barcelona-leikina: Æfir liðið í að spila manni færri

Það kunna fáir betur að vinna sálfræðistríð fótboltans en einmitt Jose Mourinho, þjálfari Real Madrid, og nú er kappinn byrjaður að undirbúa sig, liðið sitt og ekki síst knattspyrnuheiminn fyrir leikina á móti Barcelona. Real og Barcelona mætast fjórum sinnum á næstu vikum og þar af eru tveir leikir í undanúrslitum Meistaradeildarinnar.

Van Der Sar hljóp 64 metrum meira en Torres

Það var ekki nóg með að Fernando Torres tækist ekki að skora í ellefta leiknum í röð í Chelsea-búningnum þá var ákefð hans ekki mikil í leiknum mikilvæga á móti Manchester United í Meistaradeildinni á þriðjudagskvöldið.

Redknapp vildi ekki gera Gomes að blóraböggli

Harry Redknapp, stjóri Tottenham, neitaði að gagnrýna brasilíska markvörðinn Heurelho Gomes, þrátt fyrir að hann hafi fengið á sig mikið klaufamark í 0-1 tapi Tottenham á móti Real Madrid í gær í seinni leik liðanna í átta liða úrslitum Meistaradeildarinnar.

KA Íslandsmeistari í blaki karla - þrefaldir meistarar

KA frá Akureyri varð í gær Íslandsmeistari í karlaflokki í blaki eftir að hafa lagt HK í annað sinn í úrslitum. KA vann einvígið 2-0 en liðið hafði titil að verja.

Tevez frá í þrjár til fjórar vikur - missir af United-leiknum

Manchester City verður án fyrirliða síns Carlos Tevez í undaúrslitaleik enska bikarsins á móti Manchester United á Wembley á laugardaginn. Tevez tognaði aftan í læri 0-3 tapleiknum á móti Liverpool á dögunum og verður frá í þrjár til fjórar vikur.

Fram átti tvo markahæstu leikmennina í úrslitaeinvíginu

Valskomur tryggðu sér Íslandsmeistaratitilinn í N1 deild kvenna í handbolta í gærkvöldi með því að vinna þriðja leikinn í röð á móti bikarmeisturum Fram. Leikurinn sem var frábær skemmtun og líkalega sá besti sem hefur farið fram í kvennahandbolta á Íslandi fór alla leið í vítakeppni eftir að það var búið að framlengja tvisvar.

Rio Ferdinand: Engir fýlupúkar hjá Manchester United

Rio Ferdinand skaut létt á vandamálin í herbúðum Manchester City í viðtali við Guardian í aðdraganda undanúrslitaleiks Manchester-liðanna í enska bikarnum á laugardaginn. Það hefur gengið hjá ýmsu hjá Roberto Mancini, stjóra City-liðsins, að reyna að halda sínum leikmönnum ánægðum og einbeittum.

Þessi lið mætast í úrslitakeppni NBA-deildarinnar

Í nótt fóru fram síðustu leikir deildarkeppninnar í NBA-deildinni í körfubolta og nú er því orðið endanlega ljóst hvaða lið mætast í úrslitakeppninni sem hefst um næstu helgi.

NBA: Chicago Bulls endaði eitt á toppnum

Chivago Bulls vann sinn 62. leik á tímabilinu og tryggði sér heimavallarrétt út úrslitakeppnina þegar síðustu leikir deildarkeppni NBA-deildarinnar í körfubolta fóru fram í nótt. San Antonio Spurs missti af tækifærinu á því að vera með Chicago í efsta sætinu þegar liðið tapaði fyrir Phoenix Suns. Los Angeles Lakers þurfti framlengingu til þess að vinna Sacramento Kings en tryggði sér með því annað sætið í Vestrinu. Miami Heat vann án þeirra LeBron James, Dwyane Wade og Chris Bosh og Boston Celtics vann New York Knicks í upphitun, án flesta aðalleikaranna, fyrir einvígi liðanna í fyrstu umferð.

Fögnuður Valskvenna í myndum

Valur varð í gær Íslandsmeistari kvenna í handbolta annað árið í röð. Valskonur sópuðu Fram í úrslitaeinvíginu, 3-0, eftir ótrúlegan leik í gær þar sem úrslit réðust ekki fyrr en í vítakastkeppni.

Alexander getur ekki kastað sársaukalaust

Alexander Petersson, leikmaður Füchse Berlin í Þýskalandi, hefur ekki getað æft af fullum krafti síðustu vikurnar.

Valskonur meistarar eftir vítakastkeppni

Valur er Íslandsmeistari í handbolta kvenna 2011 eftir hreint ótrúlegan þriðja leik við Fram í einvíginu um titilinn. Valskonur unnu einvígið 3-0 og tryggðu sér Íslandsmeistaratitilinn í kvöld eftir að hafa lagt Fram í sjaldséðri vítakastkeppni að loknum tvíframlengdum leik.

Kobe sektaður um 11 milljónir króna

Kobe Bryant var í dag sektaður um ellefu milljónir króna fyrir að hreyta fúkyrðum að dómara sem gaf honum tæknivillu í leik LA Lakers gegn San Antonio Spurs í gær.

Hrafnhildur: Ég er gömul en aldrei hef ég séð svona

"Ég hef aldrei lent í öðru eins og ég er orðin nokkuð gömul í þessum bransa,“ sagði Hrafnhildur Skúladóttir, leikmaður Vals, eftir leikinn í kvöld. Valur vann Fram 37-35 eftir tvíframlengdan leik og vítakastkeppni. Þetta var þriðji leikur liðanna og Valur vann einvígið því 3-0.

Kristín: Mögnuð upplifun

„Þetta var hreinlega geggjað og rosaleg upplifun,“ sagði Kristín Guðmundsdóttir, leikmaður Vals, eftir að Valur hafði tryggt sér Íslandsmeistaratitilinn. Valur vann Fram eftir tvíframlengdan leik, en eftir það var að grípa til vítakastkeppni.

Anna: Vonandi jafn skemmtilegt fyrir áhorfendur og okkur

"Þetta var algjör snilld og ég vona að þetta hafi verið jafn skemmtilegt fyrir áhorfendur og okkur leikmennina,“ sagði Anna Úrsúla Guðmundsdóttir, leikmaður Vals, eftir að hún hafði tryggt sér Íslandsmeistaratitilinn í N1-deild kvenna.

Jenný: Aldrei upplifað svona spennu

"Þetta var hörku leikur og gríðarleg spenna,“ sagði Guðný Jenný Ásmundsdóttir, markvörður Vals, eftir magnaðan sigur á Fram en leikur fór í vítakastkeppni þar sem Jenný varði eitt víti.

Einar: Stoltur af stelpunum

"Þetta var alveg hreint frábær handboltaleikur,“ sagði Einar Jónsson, þjálfari Fram, eftir leikinn í kvöld. Fram tapaði fyrir Val í þriðja leik liðanna um Íslandsmeistaratitilinn , en Valsstúlkur tryggðu sér titilinn eftir vítakastkeppni.

Stefán: Ekkert sem toppar þetta

Það getur fátt toppað svona leik,“ sagði Stefán Arnarsson, þjálfari Vals, eftir að lið hans varð Íslandsmeistari í N1-deild kvenna eftir ótrúlegan þriðja leik sem endaði í vítakastkeppni“.

Mourinho ver liðsval sitt

Jose Mourinho segir að það hafi verið rétt hjá sér að stilla upp sínu sterkasta liði gegn Tottenham í Meistaradeild Evrópu í kvöld.

Redknapp: Verðum að vera aftur með á næsta ári

Harry Redknapp, stjóri Tottenham, hvatti sína menn til að sýna hvað í þeim býr og tryggja sér þátttökurétt í Meistaradeild Evrópu aftur fyrir næsta tímabil.

Ágúst Björgvinsson hættur með Hamarsliðin

Ágúst Björgvinsson verður ekki áfram í Hveragerði en hann hefur þjálfað meistaraflokka karla og kvenna hjá Hamar undanfarin tvö tímabil og var þar á undan með karlalið Hamars í tæp tvö tímabil.

Beckham vill fá að spila á Ólympíuleikunum í London

David Beckham hefur viðurkennt að honum langi mikið til að spila með breska landsliðinu á Ólympíuleikunum í London á næsta ári. Beckham spilaði ekki í Evrópu í vetur en er nú kominn á full á nýju tímabili með Los Angeles Galaxy liðinu.

El Clásico fjórum sinnum á átján dögum

Spænsku stórliðin Real Madrid og Barcelona munu á næstunni eigast við fjórum sinnum á aðeins átján daga tímabili. Óhætt er að segja um að veislu sé að ræða fyrir knattspyrnuunnendur víða um heim.

Schalke sendi skýr skilaboð til Manchester

Schalke komst áfram í undanúrslit Meistaradeildar Evrópu með miklum stæl í kvöld. Liðið lagði Evrópumeistara Inter á heimavelli, 2-1, og 7-3 samanlagt.

Meistaradeildarævintýri Tottenham á enda

Real Madrid vann í kvöld 1-0 sigur á Tottenham og tryggði sér þar með sæti í undanúrslitum Meistaradeildar Evrópu. Real vann samanlagðan 5-0 sigur en Cristiano Ronaldo skoraði eina mark leiksins í kvöld, þökk sé skelfilegra mistaka Huerelho Gomes í marki heimamanna.

Roberto Carlos fékk 368 milljóna króna bíl í afmælisgjöf

Brasilíumaðurinn Roberto Carlos spilar þessa dagana með rússneska liðinu FC Anzhi Makhachkala og nýtur þar góðs af gjafmildi hins óhemju ríka olíubaróns Suleiman Kerimov, eiganda félagsins. Roberto Carlos fékk afar myndalega afmælisgjöf frá eigandanum þegar leikmaðurinn hélt upp á 38 ára afmælið sitt á dögunum.

Spánverjar afþökkðu boðið í Suður-Ameríkukeppnina

Heims- og Evrópumeistarar Spánverja verða ekki með í Suður-Ameríkukeppninni í fótbolta í sumar eftir að þeir afþökkuðu boðið um að taka sæti Japana í keppninni. Stjórn spænska sambandsins vildi ekki taka boðinu þar sem að það var ekki pláss fyrir keppnina á dagatalinu.

Szczesny og Djourou verða með Arsenal á móti Liverpool

Arsenal-mennirnir Wojciech Szczesny og Johan Djourou eru orðnir góðir af meiðslum sínum og verða klárir í slaginn þegar Arsenal tekur á móti Liverpool í ensku úrvalsdeildinni á sunnudaginn kemur.

Usmanov ætlar ekki að selja sinn hluta í Arsenal

Milljarðamæringurinn Alisher Usmanov sem á 27 prósent í enska úrvalsdeildarfélaginu Arsenal ætlar ekki að selja Bandaríkjamanninum Stan Kroenke sinn hlut í félaginu. Stan Kroenke á nú 63 prósent í Arsenal og hefði eignast allt félagið ef að Rússin hefði verið til að selja honum sinn hluta.

Rooney: Ég fattaði ekki hvað ég var búinn að gera

Wayne Rooney, framherji Manchester United, hefur sætt sig við það að hafa fengið tveggja leikja bann fyrir að blóta í sjónvarpsvél um leið og hann fagnaði þrennu sinni á móti West Ham í ensku úrvalsdeildinni á dögunum.

Mourinho: Tottenham verður að skora sex mörk til að slá út Real

„Ég er mjög stoltur af því að við erum enn taplausir í Meistaradeildinni," sagði José Mourinho, þjálfari Real Madrid á blaðamannafundi fyrir seinni leik liðsins á móti Tottenham í átta liða úrslitum Meistaradeildarinnar. Real Madrid vann fyrri leikinn 4-0 og aðeins stórslys kemur í veg fyrir að liðið komist í undanúrslitin á móti erkifjendum sínum í Barcelona.

Harry Redknapp: Kraftaverkin gerast

Harry Redknapp, stjóri Tottenham, neitar að gefa upp vonina að Tottenham komist áfram í Meistaradeildinni þrátt fyrir að liðið hafi tapað 0-4 í fyrri leiknum á móti Real Madrid. Seinni leikur liðanna fer fram á White Hart Lane í kvöld.

Ferguson flýgur til Þýskalands í dag

Sir Alex Ferguson, stjóri Manchester United, vill ekkert staðfesta það að félagið sé búið að ganga frá kaupum á David de Gea, markverði Atletico Madrid. Edwin van der Sar leggur skóna á hilluna í vor og margir bíða spenntir eftir því hver verði eftirmaður hans í marki félagsins.

Verður krökkunum hans Baldurs bongó bannað að tromma í kvöld?

Baldur Orri Rafnsson, tónlistarkennari í Grundarfirði, betur þekktur sem „Baldur bongó“, hefur boðað komu sína á þriðja leik Vals og Fram um Íslandsmeistaratitilinn í N1 deild kvenna í handbolta. Leikurinn hefst klukkan 19.30 í kvöld í Vodafonehöllinni að Hlíðarenda og með sigri tryggir Valur sér Íslandsmeistaratitilinn annað árið í röð.

Wilshere: Arsenal á mitt hjarta

Jack Wilshere, miðjumaður Arsenal og enska landsliðsins, gefur lítið fyrir þær fréttir að hann sé á leiðinni til Manchester City í sumar. Þessi 19 ára strákur hefur slegið í gegn á Emirates á þessu tímabili og er orðinn byrjunarliðsmaður í enska landsliðinu.

Sir Alex: Sá ekki hvernig þeir gátu byrjað með Torres á bekknum

Sir Alex Ferguson, stjóri Manchester United, sagðist hafa verið nokkuð viss um það að Fernando Torres yrði í byrjunarliði Chelsea í seinni leiknum á móti United í átta liða úrslitum Meistaradeildarinnar. United tryggði sér sæti í undanúrslitunum með 2-1 sigri á Old Trafford í gær þar sem Torres var tekinn útaf í hálfleik.