Vieri í Skagaham

<font face="Helv">Ítalski framherjinn Christian Vieri rauk út af blaðamannafundi eldrauður í framan og fjúkandi illur eftir að ítalskir fjölmiðlamenn fullyrtu að andinn innan ítalska liðsins væri ekki upp á það allra besta. Þeir fullyrtu að Vieri og markvörðurinn, Gianluigi Buffon, hefðu lent í rifrildi fyrir leikinn gegn Svíum sem endaði 1-1. </font>

Olic slapp með skrekkinn

Króatíski landsliðsframherjinn Ivica Olic féll á lyfjaprófi sem hann var látinn taka eftir 2-2 jafnteflisleikinn frábæra gegn Frökkum á dögunum. Þrátt fyrir það var hann ekki dæmdur í leikbann þar sem brotið var ekki talið sérlega alvarlegt.

Schumacher enn og aftur

Þýski ökuþórinn Michael Schumacher vann enn einn sigurinn í Formúla 1 kappakstrinum sem fram fór um helgina í Indianapolis í Bandaríkjunum. Yfirburðir Schumachers og Ferrari eru orðnir svo miklir að það hálfa væri nóg.

100% nýting hjá Þór/KA/KS

Eyjastúlkur riðu ekki feitum hesti frá Akureyri þegar þær mættu Þór/KA/KS í gær.  Heimastúlkur komust yfir í lok fyrri hálfleiks með marki Laufeyjar Björnsdóttur og héldu því þar til 93 mínútur voru komnar á vallarklukkuna en þá jafnaði Erna Dögg Sigurjónsdóttir eftir góða aukaspyrnu frá Olgu Færseth við vítateigslínuna.

Markov pollrólegur

Þjálfari Búlgara, Plamen Markov, fullyrðir að hann sé ekki með áhyggjur varðandi framtíð hans í starfi. Orðrómur frá Búlgaríu er á þann veginn að Markov verði rekinn þegar EM lýkur en Búlgarar hafa tapað báðum leikjum sínum, fyrst gegn Svíum og svo gegn Dönum og hafa enn ekki náð að skora.

Fín staða Fylkis

Fylkismenn voru óheppnir að tapa fyrir belgíska liðinu Gent í fyrstu umferð Intertoto-keppninnar í gær. Fylkir var sterkari aðilinn allan leikinn en Gent skoraði sigurmarkið úr vítaspyrnu á síðustu mínútu.

Grikkir áfram þrátt fyrir tap

Rússar hysjuðu upp um sig brækurnar í síðasta leik sínum á EM í Portúgal þegar þeir báru sigurorð af Grikkjum, 2-1, í gærkvöld. Þeir áttu ekki möguleika á að komast áfram úr riðlinum en vildu auðvitað fyrir alla muni bjarga því litla sem eftir var af andlitinu eftir töp gegn Spánverjum og Portúgölum. 

Eriksson tekur Owen ekki út

Sven-Göran Eriksson segist ekki ætla að taka Michael Owen úr byrjunarliði enska landsliðsins fyrir leikinn mikilvæga gegn Króötum í kvöld. Owen hefur ekki náð sér á strik í fyrstu tveimur leikjum Englands í keppninni og vilja stuðningsmenn enska liðsins fá Darius Vassell inn í liðið.

Nuno Gomes hetja Portúgala

Portúgalar tryggðu sig áfram í átta liða úrslitin á EM í gærkvöld með naumum 1-0 sigri á nágrönnum sínum, Spánverjum. Mikil spenna var í riðlinum fyrir leikinn og með jafntefli hefðu Spánverjar komist áfram en gestgjafarnir ekki.

Mjög sáttur með heildarsvipinn

Íslenska landsliðið í frjálsum íþróttum hafnaði í fimmta sæti í karlaflokki og því sjöunda í kvennaflokki á Evrópubikarmótinu sem haldið var á Laugardalsvelli um helgina. Guðmundur Karlsson landsliðsþjálfari kveðst mjög sáttur en um er að ræða sterkasta frjálsíþróttamót sem haldið hefur verið hér á landi.

Heiðar vann á velsku golfmóti

Heiðar Davíð Bragason, kylfingur úr GK, heldur áfram að gera það gott og um helgina sigraði hann á opna velska áhugamannamótinu í golfi. Heiðar Davíð lék lokahringinn á 76 högg-um en bestum árangri náði hann á öðrum og þriðja degi þar sem hann lék á 69 höggum.

Enskir glíma við meiðsli

Fjórir lykilmenn enska landsliðsins æfðu ekki með liðinu í gær vegna meiðsla sem þeir hlutu í leiknum gegn Sviss.

Eriksson segir að Owen muni vakna

Sven-Göran Eriksson, þjálfari enska landsliðsins, segist sannfærður um að Micheal Owen muni ná að rífa sig upp úr þeim öldudal sem hann hefur verið í það sem af er Evrópumótinu.

Eitt fréttir Bylgjunnar

Stærsta frjálsíþróttamót sem haldið hefur verið hér á landi hefst á Laugardalsvellinum í dag. Keppni í a-riðli 2. deildar Evrópubikarkeppninnar byrjar klukkan 14 með sleggjukasti. Alls verður keppt í 21 grein í dag m.a. í stangarstökkvi kvenna en þar er Þórey Edda Elísdóttir sigurstranglegust. 8-lið keppa í karlaflokki og jafnmörg lið í kvennaflokki.

Lizarazu óánægður með sitt lið

Bixente Lizarazu, leikmaður núverandi Evrópumeistara Frakka, segir að lið sitt sé ekki líklegt til afreka á EM í Portúgal eftir tvo slaka leiki.

Kahn heiðursborgari fyrir mistök

Oliver Kahn, markvörður þýska knattspyrnulandsliðsins, verður gerður að heiðursborgara í Lettlandi, ef hann gerir glappaskot í þýska markinu, sem verði til að Lettar skori mark í leik þjóðanna í dag. Þetta segir sendiherra Letta í Berlín.

Króatar óttast Rooney

Wayne Rooney er sá leikmaður sem Króatar óttast manna mest fyrir hinn gríðarlega mikilvæga leik þjóðanna á mánudag.

Benitez mikill aðdáandi Cisse

Hinn nýráðni framkvæmdastjóri hjá Liverpool, Rafael Benitez, segist hafa haft auga með franska sóknarmanninum Djibril Cisse, sem einmitt er væntanlegur á Anfield í sumar og að hann sé mikill aðdáandi hans.

Þórey og Silja unnu sínar greinar

Þórey Edda Elísdóttir og Silja Úlafrsdóttir báru sigur úr býtum í sínum greinum á Evrópubikarmótinu í frjálsum íþróttum sem fram fer á Laugardalsvellinum um helgina. Íslensku keppendurnir stóðu sig frábærlega á þessum fyrri keppnisdegi og fjölmörg persónuleg met féllu.

Los Angeles Lakers liðast í sundur

Lið Los Angeles Lakers í NBA-deildinni í körfubolta er að liðast í sundur en liðið tapaði eins og kunnugt er úrslitaeinvíginu gegn Detroit mjög óvænt, 1-4, á dögunum. Í dag héldu áföllin áfram að dynja á liðinu, Phil Jackson hætti sem þjálfari, Kobe Bryant losaði sig frá samningi og Shaquille o´Neal fór fram á að vera skipt frá félaginu.

Þýskaland og Lettland skildu jöfn

Möguleikar Þjóðverja á að komast í 8-liða úrslit EM minnkuðu talsvert í kvöld þegar liðið náði aðeins markalausu jafntefli gegn baráttuglöðum Lettum, sem hlutu að launum sitt fyrsta stig á stórmóti í knattspyrnu.

Eriksson finnst Rooney sá besti

Sven-Göran Eriksson, þjálfari enska landsliðsins í knattspyrnu, segir að Wayne Rooney sé besti og hæfileikaríkasti ungi leikmaður sem hann hafi nokkurn tíma þjálfað.

Frábær fyrri dagur hjá Íslandi

Íslenska landsliðið í frjálsum íþróttum náði frábærum árangri á fyrri degi Evrópubikarmótsins sem fer fram á Laugardalsvellinum um helgina.

Fylkir mætir Gent í kvöld

Fylkismenn mæta Belgíska liðinu Gent í fyrstu umferð Intertoto-keppninnar í knattspyrnu í kvöld ytra. Að sögn Þorláks Árnasonar, þjálfara liðsins, fóru allir leikmenn liðsins með til Belgíu, að undanskildum Þorbirni Atla Sveinssyni sem á við meiðsli að stríða.

Benitez ræðir við Gerrard

Rafael Benitez, nýráðinn knattspyrnustjóri Liverpool, flaug í gær til Portúgals þar sem hann ætlar að hitta Steven Gerrard, miðjumann liðsins, og reyna að sannfæra hann um að vera áfram hjá Liverpool. </font />

Ótrúlegur leikur

Holland og Tékkland buðu áhorfendum upp á einn magnaðasta knattspyrnuleik sem spilaður hefur verið fyrr og síðar í kvöld þegar liðin áttust við í B-riðli EM. Lokatölurnar urðu 3–2 Tékkum í vil og skoraði Vladimir Smicer sigurmarkið á 87. mínútu leiksins.

Figo ætlar að gefa allt sem hann á

Luis Figo segist ákveðinn í því að láta leikinn gegn Spánverjum í dag ekki verða þann síðasta sem hann spilar í skyrtu portúgalska landsliðsins.

Frei segist saklaus

Alexander Frei, sóknarmaður svissneska landsliðsins, neitar að hafa hrækt á Steven Gerrard, miðjumann enska landsliðsins, í leik liðanna á fimmtudag.

Rooney rændur öðru markinu sínu

Hinn 18 ára Wayne Rooney á að hættu að missa annað markið sem hann skoraði gegn Sviss í gær en tækninefnd UEFA er að skoða myndir af markinu til þess að meta hvort að það hafi verið um sjálfsmark að ræða.

Ein breyting hjá Dönum

Morten Olsen, landsliðsþjálfari Dana, hefur gert eina breytingu á byrjunarliði sínu frá því í leiknum gegn Ítölum á mánudaginn fyrir leikinn gegn Búlgörum í dag. Miðjumaðurinn Thomas Gravesen kemur inn fyrir Christian Poulsen, fórnarlamb slummunar frá Francesco Totti.

Flautað til leiks síðla kvölds

KR-ingar ætla ekki að láta Evrópumótið í knattspyrnu hafa áhrif á aðsókn að leikjum liðsins í Landsbankadeild karla. Þeir hafa fengið leik liðsins geng Fram á mánudaginn færðan aftur til kl. 21 í stað hins venjulega leiktíma, 19.15, vegna landsleiks Englands og Króatíu sem fer fram sama kvöld og ræður úrslitum hvort liðið fer áfram í átta liða úrslit.

Rooney fær að eiga seinna markið

Wayne Rooney mun fá að halda seinna marki sínu gegn Sviss eftir allt saman en tækninefnd UEFA var með markið til skoðunar á fundi sínum í dag. Markið sem þótti ástæða til að ræða á fundi tækninefndarinnar skoraði Rooney á 75. mínútu í 3-0 sigri Englendinga á Sviss.

Rússar vilja bjarga andlitinu

Rússar, sem eiga ekki lengur möguleika á að komast í átta liða úrslit á EM eftir að hafa tapað tveimur fyrstu leikjunum gegn Spánverjum og Portúgölum, hafa ekki í hyggju að tapa þriðja leiknum í röð og þar með öllum leikjunum. Þeir eiga eftir að spila gegn Grikkjum en sá leikur fer fram á sunnudag.

Danir á toppi C-riðils

Danir skutu sér á topp C-riðils Evrópumótsins í fótbolta í dag þegar þeir lögðu Búlgara að velli, 2-0, í Braga. Danir léku sér að Búlgörum eins og köttur af mús, voru mikið meira með boltann og sköpuðu sér fjölda færa. Eina framlag Búlgara í þessum leik var öflug spjaldasöfnun en liðið fékk alls sjö gul spjöld og eitt rautt.

Cassano inn fyrir Totti

Giovanni Trapattoni leitaði ekki langt yfir skammt til að finna manninn til að taka við af Francesco Totti  sem framliggjandi miðjumaður liðsins en Totti var sem frægt er dæmdur í þriggja leikja bann fyrir að hrækja á Danann Christian Poulsen. Antonio Cassano, félagi Totti hjá Roma, fær það vandasama hlutverk að taka við af honum.

Zidane er foringinn hjá Frökkum

Þrátt fyrir að Marcel Desailly sé enn fyrirliði hjá Frökkum þá er það snillingurinn Zinedine Zidane sem er forningi liðsins. Það fékkst staðfest í leiknum gegn Króötum.

Olsen hrósar Grönkjær

Morten Olsen, þjálfari Dana, hrósaði karakter Jespers Grönkjær eftir leikinn gegn Búlgörum í dag en Grönkjær missti móður sína í síðsutu viku og er nýkominn til Portúgals. Hann gerði sér lítið fyrir og skoraði seinna mark Dana í leiknum.

Torres vill feta í fótspor Rooneys

Fernando Torres, hinn tvítugi framherji Spánverja, vill gjarnan feta í fótspor enska ungstirnisins Wayne Rooney og sanna að hann eigi heima í hópi efnilegustu framherja heims.

Hæll Zlatans gerði Ítölum grikk

Zlatan Ibrahimovic, framherjinn frábæri hjá Svíum, tryggði sínum mönnum eitt stig gegn Ítölum í kvöld í leik liðanna í C-riðli Evrópumótsins í Portúgal þegar hann skoraði jöfnunarmark liðsins fimm mínútum fyrir leikslok.

Breyttir tímar hjá Spánverjum

Spánverjar mæta til leiks gegn Portúgal á sunnudaginn með þá staðreynd á bakinu að þeim hefur gengið illa gegn gestgjöfum á stórmótum undanfarin ár. Spánverjar mega ekki tapa leiknum því þá er ansi líklegt að þeir komist ekki áfram og leikmenn liðsins segjast ætla að brjóta þau álög sem hafa verið á liðinu.

Getum sent Englendinga heim

Króatíski markvörðurinn Tomislav Butina segist fullviss um að Króatar geti sent Englendinga heim eftir lokaleik liðanna í B-riðli á mánudaginn. Butina telur að leikurinn gegn Frökkum á fimmtudaginn hafi sýnt króatíska liðinu hversu öflugt það er í raun og veru og þeim sé ekkert ómögulegt.

Frasarnir óspart notaðir

Leikmenn Portúgala eru orðnir ansi klókir í að koma sér undan erfiðum spurningum fréttamanna, við litlar vinsældir þeirra eins og við mátti búast.

Thompson hættur hjá Liverpool

Phil Thompson hefur lokið keppni hjá Liverpool. Ákvörðunin kemur í kjölfarið á ráðningu Rafaels Benitez sem nýs framkvæmdastjóra hjá Liverpool.

Metinn á 45 milljónir punda

Everton er búið að skella 45 milljón punda verðmiða á Wayne Rooney, sem slegið hefur rækilega í gegn á EM í Portúgal. Mörg stórlið hafa verið orðuð við unglingspiltinn geðprúða og gullfallega og þar hafa helst verið nefnd til sögunnar lið Manchester United og Chelsea.

Ekki benda á mig

Marcel Desailly, leikmaður Frakka, neitar því alfarið að annað mark Króata, sem Dado Prso gerði, hafi verið honum að kenna. Desailly kom aftur inn í liðið eftir að hafa misst af fyrsta leiknum gegn Englendingum vegna meiðsla.