Eiríkur skipaður Þjóðskjalavörður

Mennta- og menningarmálaráðherra hefur skipað Eirík G. Guðmundsson í embætti Þjóðskjalavarðar til fimm ára.

Braut rúðu til þess að tala við fyrrverandi kærustuna

Lögreglan í Vestmannaeyjum hafði í mörg horn að líta í vikunni án þess þó að um alvarleg mál hafi verið að ræða. Skemmtanahald helgarinnar gekk ágætlega fyrir sig en þó var eitthvað um kvartanir frá heimahúsum sökum hávaða. Eftirfarandi kemur fram í dagbók lögreglunnar þar í bæ:

Desemberuppbótin í ár minni en á síðasta ári

Lífeyrir, uppbætur og desemberuppbót á tekjutryggingu og heimilisuppbót verða greidd út laugardaginn 1. desember næstkomandi samkvæmt upplýsingum á vef Tryggingastofnunar.

Kæru vegna kosninga vísað frá

Innanríkisráðuneytið hefur vísað frá kæru sem barst vegna kosninganna um sameiningu Garðabæjar og Álftaness. Kosningarnar fóru fram samhliða þjóðaratkvæðagreiðslu um stjórnarskrána í síðasta mánuði og var sameiningin samþykkt í báðum sveitarfélögum. Tveir menn kærðu kosningarnar til sýslumanns í Hafnarfirði en þeir töldu að kynning á málinu í aðdraganda kosninga hafi verið of einhliða. Sýslumaður vísaði kærunni frá og kærðu mennirnir þá úrskurð sýslumanns til ráðuneytis.

Brutu eigin lög og réðu leikhússtjóra án auglýsingar

Leikfélag Akureyrar fór framhjá lögum félagins þegar nýr leikhússtjóri var ráðinn, það er Ragnheiður Skúladóttir, en í lögum félagins kemur skýrt fram að leikhússtjóri skuli ráðinn til þriggja ára að undangenginni auglýsingu. Í þessu tilfelli var starf leikhússtjórans ekki auglýst auk þess sem Ragnheiður var ráðin til tveggja ára, en ekki þriggja.

Úrslit Skrekks í beinni á Vísi

Úrslitakvöld Skrekks 2012 er að renna upp eftir mikinn undirbúning og spenning hjá mörgum ungmennum borgarinnar. Yfir 900 grunnskólanemar hafa undanfarnar vikur undirbúið metnaðarfull sýningaratriði ásamt foreldrum, systkinum og vinum og vandamönnum sem eru ómissandi við búningagerð, förðun og hárgreiðslu, auk aðstoðar við að setja saman sviðsmynd fyrir hvert atriði.

Hádegismatur skólabarna hækkaður í Hafnarfirði

Meirihluti fræðsluráðs Hafnarfjarðar samþykkti í dag fjárhagsáætlun fræðslusviðs 2013. Þar kemur meðal annars fram að allar gjaldskrár hækki næsta haust sem svarar verðbólgu, sem er um 4% samkvæmt verðbólguspá, nema matur í leik- og grunnskólum, sem hækki í samræmi við vísitöluhækkun matar og drykkjar, sem er nokkuð meiri.

Söguleg sigling um Norðurheimskautið

Gríska tankskipið Ob River, með 40 skipverja um borð og hátt í 150 þúsund rúmmetra af jarðgasi í vökvaformi, lagði úr höfn í Noregi á dögunum. Förinni er heitið til Japan en skipið mun sigla yfir norðurheimskautið. Ob River verður fyrsta flutningaskipið til nýta sér þessa siglingaleið.

Stálu dekkjum og skildu bílinn eftir á trékubbum

Dekkjum var stolið undan bifreið á athafnasvæði Guðmundar Tyrfingssonar ehf., í Fosstúni á Selfossi í síðustu viku. Bifreiðin var svo skilin eftir á trékubbum. Alls voru sjö þjófnaðir kærðir til lögreglu í síðustu viku. Hjólbarðaþjófar voru á ferðinni á Selfossi. Þá bárust lögreglunni tvær kærur vegna hnupls í Húsasmiðjunni á Selfossi.

Affelguðu Benz í háskaakstri um Kópavog

Ökumenn forðuðu sé í ofboði í allar áttir þegar silfruðum Benz fólksbíl var ekið háskaakstri um Skemmuveg, Álfabrekku, Engihjalla og fleiri götur Kópavogs í gærkvöldi, þótt aðeins þrjú hjól væru undir bílnum. Þetta gerðist um hálfátta leytið og ók hann kantanna á milli, upp á gangstéttarkanta og lenti meðal annara á vegriði, en við það brotnaði vinstra framhjól af og lagðist undir bílinn, sem hafnaði skömmu síðar á steinvegg, þar sem framendinn beyglaðist mjög.

Setti upp millivegg og ræktaði kannabis í fylgsni

Lögreglan á höfuðborgarsvæðinu stöðvaði kannabisræktun í íbúð í fjölbýlishúsi í Kópavogi fyrir helgina samkvæmt tilkynningu frá embættinu.

Öryrki stefnir ríkinu: Hefur ekki efni á að framfleyta sér

Dagrún Jónsdóttir öryrki stefndi í dag Katrínu Júlíusdóttur fjármálaráðherra og Guðbjarti Hannessyni velferðarráðherra fyrir hönd íslenska ríkisins og Sigríði Lillý Baldursdóttur forstjóra Tryggingastofnun ríkisins, vegna vangreiddra almannatryggingabóta á þessu ári. Dagrún telur að bætur sem hún hefur fengið greiddar á þessu ári dugi ekki til eðlilegrar framfærslu og að ríkið hafi þannig ekki uppfyllt skyldu sína til fullnægjandi aðstoðar samkvæmt stjórnarskrá.

Göran Persson heldur fyrirlestur í HÍ á morgun

Göran Persson, fyrrverandi forsætisráðherra Svíþjóðar, er væntanlegur til Íslands í vikunni. Hann var forsætisráðherra á árunum 1996-2006. Hann mun halda fyrirlestur í Hátíðarsal Háskóla Íslands á morgun.

Segist vera saklaus dópisti og að fjölmiðlar beri ábyrgð á þungum dómi

Sverrir Þór Gunnarsson, eða Sveddi tönn eins og hann er að jafnaði kallaður, sakar fjölmiðla um að hafa haft áhrif á réttarkerfið i Brasilíu, en hann var dæmdur í 22 ára fangelsi fyrir skömmu vegna innflutnings á 50 þúsund e-pillum til landsins.

Margrét ætlar að bjóða sig fram fyrir Dögun

Þingmaður Hreyfingarinnar, Margrét Tryggvadóttir hefur ákveðið að gefa kost á sér fyrir framboðin Dögun - stjórnmálasamtök um réttlæti, sanngirni og og lýðræði, fyrir næstu þingkosningar.

Lögreglan á Akureyri smalaði hrossum í nótt

Lögreglumenn á Akureyri brugðu sér í smalamennsku á Ólafsfjarðarvegi seint í nótt, eftir að vegfarandi tilkynnti um þrjú hross á veginum.

Vissi ekki að farþegarnir voru undir áhrifum fíkniefna

Lögreglan á Selfossi stöðvaði tvo ökumenn í gærkvöldi og reyndist annar þeirra undir áhrifum fíkniefna.

Mjög erfiðar aðstæður þegar tveimur var bjargað af strandstað

Áhöfn þyrlu Landhelgisgæslunnar tókst við mjög erfiðar aðstæður að bjarga tveimur skipbrotsmönnum úr fjörunni í grennd við Straumnesvita á norðanverðum Vestfjörðum laust fyrir klukkan níu í gærkvöldi, og voru þeir báðir heilir á húfi.

Björguðu rjúpnaskyttu úr sjálfheldu

Björgunarsveitarmenn voru kallaðir út undir kvöld í gær til að bjarga rjúpnaskyttu, sem lenti í sjálfheldu í klettum, norðanmegin í Rjúpnafelli austan Mýrdalsjökuls.

Baldur siglir til Eyja meðan Herjólfur er í slipp

Breiðafjarðarferjan Baldur er nú á leið fyrir Reykjanes í átt til Vestmannaeyja, en ferjan mun sigla á milli lands og Eyja á meðan Herjólfur fer í slipp vegna skemmda sem urðu á skipinu í hafnarmynni Landeyjahafnar um helgina.

Nær helmingur hefur aldrei prófað áfengi

Vímuefnaneysla unglinga er langminnst á Íslandi miðað við önnur Evrópulönd. Um fjörutíu prósent íslenskra unglinga í tíunda bekk hafa aldrei prófað áfengi, sígarettur, ólögleg fíkniefni eða aðra vímugjafa, samkvæmt evrópskri rannsókn frá síðasta ári. Albanskir unglingar eru í öðru sæti, en þar er hlutfallið 32 prósent.

Hanna Birna vann stórsigur

Ráðherrarnir Katrín Jakobsdóttir, Svandís Svavarsdóttir og Ögmundur Jónasson munu leiða lista Vinstri grænna á höfuðborgarsvæðinu í þingkosningunum í vor. Birni Vali Gíslasyni þingmanni var hins vegar hafnað.

Þrír til fjórir borgarísjakar við Vestfirði

Að minnsta kosti þrír borgarísjakar eru nú við norðvestanverðar Íslandsstrendur. Sá sem er næst landi var einungis um níu mílur frá Straumnesi á Vestfjörðum í gærkvöld. „Þetta er hættulegt. Þeir eru á þannig svæði og svo skammt frá landi,“ segir Björgólfur Ingason, varðstjóri hjá Landhelgisgæslunni „Það má alveg búast við því að það sé meira en búið er að tilkynna okkur um undanfarna daga.“

Erfitt að spyrja um gleraugun á nefinu

Sömu tollareglur gilda um vörur sem keyptar eru á brottfararsvæði Leifsstöðvar og um varning sem keyptur er erlendis eða í komuverslun.

Grýla vekur alheimsathygli

Hin gamla góða íslenska Grýla hefur vakið mikla athygli um helgina. Ástæðan er sú að ljósmynd af málverki sem listamaðurinn Þrándur Þórarinsson málaði fyrir listasýningu árið 2009 fer eins og eldur í sinu um internetið. Ljósmyndin var sett á tenglavefinn reddit og hafa tæplega 620 þúsund manns séð hana á einum sólarhring. Í texta með myndinni á reddit segir að samkvæmt gamalli þjóðsögu éti Grýla börn ef þau haga sér ekki vel um jólin.

Erfiður aðskilnaður móður og dóttur á Ströndum

Mæðgur úr Árneshreppi á Ströndum, þær Edda Hafsteinsdóttir, kaupfélagsstjóri í Norðurfirði, og fimmtán ára dóttir hennar, Júlíana Lind Guðlaugsdóttir, lýstu erfiðum aðskilnaði í þættinum "Um land allt" á Stöð 2 í kvöld, en dóttirin þurfti í haust að yfirgefa sveitina sína og flytja til frændfólks í Grafarvogshverfi í Reykjavík þar sem tíundi bekkur grunnskóla er ekki kenndur í Árneshreppi.

Sjómennirnir heilir á húfi

Landhelgisgæslunni barst rúmlega klukkan sjö neyðarkall frá tólf metra fiskibátnum Jónínu Brynju frá Bolungarvík, með tvo menn í áhöfn, sem var staðsettur NV- af Straumnesi, í nágrenni við Aðalvíkur.

Fjölmennt björgunarlið á leiðinni eftir að bátur strandaði

Þyrla Landhelgisgæslunnar og björgunarsveitir Slysavarnarfélagsins Landsbjargar hafa verið kallaðar út eftir að línubátur strandaði við Straumsnes norðan við Aðalvík á Vestfjörðum klukkan rúmlega sjö í kvöld. Tveir menn eru um borð í bátnum, samkvæmt upplýsingum frá Gæslunni. Björgunarbátar frá Bolungarvík og Ísafirði eru á leið á staðinn, sem og skip sem eru úti á miðunum. Nánari upplýsingar liggja ekki fyrir að svo stöddu.

Lokuð inni í þrjá mánuði - ekki réttlátt

Íbúar Árneshrepps mega búast við að vera innilokaðir í þrjá mánuði í vetur þar sem stjórnvöld ætla ekki að kosta snjómokstur. Ung móðir sem nýlega flutti í hreppinn segir bættar vegasamgöngur númer eitt, tvö og þrjú.

Reglugerðin gerir húsnæði dýrara og óvistvænna

Ný byggingarreglugerð mun gera húsnæði dýrara og óvistvænna, draga úr framkvæmdum, eyða hefðum í íslenskri byggingarlist og hækka lán. Þetta er meðal þess sem kemur fram í máli þeirra Friðriks Ágústs Ólafssonar, forstöðumanns Samtaka iðnaðarins, og Guðrúnar Ingvarsdóttur, verkefnastjóra þróunarverkefna hjá Búseta.

Hanna Birna áhrifamesti forystumaðurinn í Sjálfstæðisflokknum

Hanna Birna Kristjánsdóttir er talin hafa styrkt stöðu sína verulega hafi hún áhuga á að bjóða sig fram að nýju í embætti formanns Sjálfstæðisflokksins eftri glimrandi kosningu í prófkjöri flokksins í Reykjavík í gær.

Rjúpnaskytta í sjálfheldu

Björgunarsveitir frá Álftaveri, Skaftártungu og Vík í Mýrdal hafa verið kallaðar út til aðstoðar manni sem er í sjálfheldu í klettum norðan megin í Rjúpnafelli, austan Mýrdalsjökuls. Maðurinn, sem er rjúpnaskytta, er á ferð með félaga sínum. Sá er nú staddur neðar í fellinu og þegar honum varð ljóst að aðstoð hans dygði ekki til hringdi hann eftir aðstoð björgunarsveita. Veðrið á svæðinu er þokkalegt. Sjálfhelda í fjöllum og klettum er ekkert gamanmál. Þegar fólk lendir í einni slíkri þurfa björgunarmenn oftar en ekki að nálgast það ofan frá, þ.e. fara ofar í fjallið og síga niður að því. Krefst það töluverðrar línuvinnu og traustra festinga. Því þarf yfirleitt nokkurn mannskap í slík verk.

Í sjálfheldu á lélegum dekkjum

Björgunarsveitinni Lífsbjörg í Snæfellsbæ barst fyrr í dag aðstoðarbeiðni vegna ökumanna sem voru í sjálfheldu í bílum sínum vegna hálku. Um var að ræða tvo bíla, annar var við Arnarstapa en hinn við Hnausa á sunnanverðu Snæfellsnesi og voru erlendir ferðamenn í þeim báðum. Björgunarsveitin fór á staðinn og voru bílarnir staðsettir á um 4 km löngu hálkubelti sem náði frá Hnausum að Hellahrauni. Björgunarmenn óku bílunum af hálkubeltinu en þeir voru báðir á afar lélegum dekkjum.

Hellti bensíni á hurðina og kveikti í

Lögreglan var kölluð að húsi við Bríetartún í miðborg Reykjavíkur rétt eftir hádegi í dag en þar hafði bensíni verið hellt á útidyr og kveikt í. Sá sem er grunaður um verknaðinn var handtekinn á vettvangi. Eldurinn var slökktur með handslökkvitæki sem var innandyra í húsinu en skemmdir urðu á hurð. Að sögn lögreglu var hinn handtekni undir áhrifum vímugjafa og lét ófriðlega. Þannig lét hann alla leið inn í fangaklefa og slasaðist einn lögreglumaður í þeim átökum. Rætt verður við manninn þegar ástand hans skánar.

Þrír borgarísjakar við Íslandsstrendur

Landhelgisgæslan hefur fengið tilkynningu um þrjá borgarísjaka norðvestur af landinu.

Valt í hálkunni

Engin slys urðu á fólki þegar bílvelta varð við Tannastaði á Biskupstungnabraut, rétt áður en komið er að Þrastarlundi, upp úr hádegi í dag. Að sögn lögreglu er gríðarleg hálka í umdæminu og eru ökumenn hvattir til að aka varlega. Þá var tilkynnt um árekstur við hringtorg á Þorlákshöfn eftir hádegið í dag. Sjúkrabíll var sendur á staðinn, en ekki liggur fyrir hvort einhver slys urðu á fólki.

Ætluðu að skjóta rjúpu á Þingvöllum

Lögreglan hafði afskipti af rjúpnaskyttum á Þingvöllum á þriðja tímanum í dag. Samkvæmt upplýsingum frá lögreglunni á Selfossi barst tilkynning um að skotveiðimenn væru að skjóta rjúpu í þjóðgarðinum, sem er stranglega bannað samkvæmt lögum enda friðað svæði.

Vatnshæðin um tveir metrar

Vatnshæðin í Gígjukvísl mælist nú tæplega tveir metrar en lítið hlaup hófst þar á miðvikudagskvöld. Vatnshæðin hefur vaxið jafnt og þétt síðustu tvor sólarhringa og um einn metra frá því að hlaupið hófst. Samkvæmt upplýsingum frá Veðurstofu Íslands er enn rafleiðni í ánni sem bendi til að enn sé hlaupvatn í henni. Engin merki eru um jarðhræringar á svæðinu.

Sextán daga átak gegn kynbundnu ofbeldi

Ljósaganga UN Women á Íslandi fer fram klukkan sjö í kvöld en gangan markar upphaf 16 daga átaks gegn kynbundnu ofbeldi og er jafnframt síðasti Appelsínuguli dagurinn í ár. Gangan hefst í Alþingisgarðinum og gengið verður að Bíó Paradís við Hverfisgötu.

Ýtir undir kröfuna um að Hanna Birna fari fram gegn Bjarna Ben

Stefanía Óskarsdóttir stjórnmálafræðingur segir að góður árangur Hönnu Birnu Kristjánsdóttur ýti enn frekar undir kröfur þeirra sem vilja að hún fari fram gegn Bjarna Benediktssyni formanni flokksins á næsta landsfundi.

Varð fyrir bíl og missti tvær tennur

Karlmaður á fertugsaldri varð fyrir bifreið á gatnamótum Lækjargötu og Bankastrætis rétt fyrir klukkan tvö í nótt. Hann féll í götuna með þeim afleiðingum að tvær tennur brotnuðu í honum. Hann mun hafa farið yfir götuna gegn rauðu gangbrautarljósi, að sögn vitna að óhappinu. Hann var fluttur á slysadeild.

Talningu lokið hjá sjálfstæðismönnum

Búið er að telja öll atkvæði í prófkjöri Sjálfstæðisflokksins í Reykjavík. Hanna Birna Kristjánsdóttir hlaut 74% atkvæða í fyrsta sætið og mun því velja sér annað hvort Reykjavíkurkjördæmanna til þess að leiða í næstu kosningum. Illugi Gunnarsson varð í öðru sæti og mun því leiða hitt kjördæmið. Pétur Blöndal varð í þriðja sæti og Brynjar Níelsson í því fjórða.

„Förum í kosningarnar af fullum krafti“

"Ég er mjög ánægð og þakklát fyrir þann stuðning sem ég fékk,“ segir Katrín Jakobsdóttir sem fékk flest atkvæði í fyrsta sæti í prófkjöri VG í Reykjavík. Hún segist vera ánægð með listann sem kom út úr prófkjörinu. "Það var hart barist og mjótt á munum, en við erum ánægð með þetta og keik,“ segir hún.

Niðurstaðan vonbrigði

"Það eru bara vonbrigði,“ segir Björn Valur Gíslason inntur eftir viðbrögðum sínum við niðurstöðu prófkjörs VG í Reykjavík í dag. Samkvæmt niðurstöðum prófkjörsins verður hann ekki í þremur efstu sætunum á lista, hvorki í Reykjavík suður né Reykjavík norður. "Það eru alltaf vonbrigði að ná ekki markmiðum sínum. En niðurstaðan er þessi og þá bara vinnur maður úr henni,“ segir Björn Valur.

Björn Valur var ekki á meðal efstu

Björn Valur mun ekki skipa eitt af þremur efstu sætunum á lista VG í Reykjavík fyrir næstu kosningar. Katrín Jakobsdóttir og Svandís Svavarsdóttir munu leiða sitthvort kjördæmið. Árni Þór og Álfheiður Ingadóttir munu verða í öðru sæti og Steinunn Þóra Árnadóttir og Ingimar Karl Helgason verða í þriðja sæti.