Ferðatíma Iceland Express breytt

Stjórnendur Keflavíkurflugvallar hafa farið þess á leit við stjórnendur Iceland Express, að félagið flytji áætlunarferðir sínar aftur um eina til tvær klukkustundir á morgnana vegna mikils álags.

Íslendingum ráðið frá ferðalögum til Japan

Utanríkisráðuneytið ræður Íslendingum frá ónauðsynlegum ferðalögum til Japan að svo stöddu. Í tilkynningu frá ráðuneytinu segir ennfremur að Íslendingum í Japan sé ráðlagt að forðast ferðalög til svæða í næsta nágrenni við Fukushima kjarnorkuverið.

Reyndu að lokka dreng upp í bíl með Legókubbum

Aðstoðarskólastjóri Húsaskóla í Grafarvogi hefur sent foreldrum tilkynningu þar sem fram kemur að ókunnugir menn hafi boðið dreng í skólanum upp í bíl til að skoða Legókubba. Mennirnir voru á svörtum bíl en vitað af mönnum á svörtum bíl í öðru bæjarfélagi sem buðu dreng inn í bíl til að skoða „flottar fótboltavörur." Því er lögð áhersla á að foreldrar brýni fyrir börnum að fara aldrei upp í bíl með ókunnugum. Mennirnir hafa ekki komið í leitirnar.

Fimmtán starfsmenn Byko og Húsasmiðjunnar handteknir

Efnahagsbrotadeild ríkislögreglustjóra handtók í dag fimmtán stjórnendur og starfsmenn Byko hf. og Húsasmiðjunnar hf., vegna meint ólöglegs verðsamráðs. Mennirnir voru færðir til yfirheyrslu. Þá hefur einn starfsmaður verið boðaður til frekari yfirheyrslu.

Fóru tvo milljarða fram úr áætlun

Gerð Héðinsfjarðarganga kostaði 2,1 milljarði króna meira en upphaflegar áætlanir gerðu ráð fyrir, miðað við meðalverðlag ársins 2010. Þetta jafngildir því að kostnaðurinn sé 17% umfram áætlanir.

Seldur til 37 landa á níu dögum

"Þetta er framar okkar björtustu vonum," segir Guðmundur Freyr Jónasson. Önnur útgáfa af Tunerific-gítarstilli þeirra Guðmundar Freys og Jóhanns P. Malmquist, prófessors, hefur verið seld til 37 landa á aðeins níu dögum. Forrit með nýju útgáfunni var í byrjun mars sett inn í OVI-netverslun finnska farsímafyrirtækisins Nokia fyrir nýjustu símana þeirra N8. Það hefur heldur betur slegið í gegn og náði það hæst í fjórða sæti lista yfir þau forrit sem voru vinsælust hjá fyrirtækinu. Búið er að þýða forritið yfir á sex tungumál og þýðing yfir á kínversku er einnig í undirbúningi.

Verjandi Baldurs: Fundargerðirnar ekki fullnægjandi sönnunargögn

Karl Axelsson, verjandi Baldurs Guðlaugssonar, segir fundargerðir samráðshóps um fjármálastöðugleika ekki vera nægjanlega vel unnar til að þær geti talist fullnægjandi sönnunargögn í málinu. Þetta kom fram í málflutningi Karls í Héraðsdómi Reykjavíkur nú um hádegisbilið.

Ásgerður neitar því að hafa lagt Ólaf í einelti

Ásgerður Halldórsdóttir, bæjarstjóri á Seltjarnarnesi, neitar ásökunum um einelti í garð fyrrverandi framkvæmdastjóra hjá bænum. Dómkvaddir matsmenn komust að þeirri niðurstöðu að Ásgerður hefði lagt framkvæmdastjórann í einelti.

Vill Baldur í tveggja ára fangelsi

Sérstakur saksóknari fer fram á tveggja ára óskilorðsbundið fangelsi yfir Baldri Guðlaugssyni. Hámarksrefsing við innherjasvik er hins vegar sex ár. Björn Þorvaldsson, saksóknari hjá sérstökum saksóknara, lauk málflutningi sínum fyrir stundu.

Saksóknari segir engan vafa leika á innherjastöðu Baldurs

Björn Þorvaldsson saksóknari leggur mikla áherslu á að Baldur Guðlaugsson, fyrrverandi ráðuneytisstjóri í fjármálaráðuneytinu, hafi búið yfir upplýsingum sem almennum hluthöfum voru ekki aðgengilegar þegar hann seldi öll hlutabréf sín í Landsbankanum dagana 17. og 18. September 2008.

Önnur umræða um stjórnlagaráð á morgun

Allsherjarnefnd afgreiddi í morgun stjórnlagaráðsfrumvarpið út úr nefnd og mun það væntanlega koma til annarar umræðu á morgun, segir Róbert Marshall, formaður nefndarinnar.

Holtavörðuheiðin opin á ný

Vegagerðin hefur opnað Holtavörðuheiðina á ný en í gærkvöldi og í nótt geisaði þar mikið óveður. Fjöldi manns á hátt í tuttugu bílum lentu í hrakningum á heiðinni í gærkvöldi og þurftu björgunarsveitir að koma fólkinu til aðstoðar.

Halldór taldi upplýsingarnar ekki verðmyndandi

Halldór J. Kristjánsson, fyrrverandi bankastjóri Landsbankans, gaf símaskýrslu frá Kanada við framhald aðalmeðferðar í máli Baldurs Guðlaugssonar, fyrrverandi ráðuneytisstjóra í fjármálaráðuneytinu, í morgun. Baldur er ákærður fyrir innherjasvik og honum gefið að sök að hafa hagnýtt sér upplýsingar sem hann bjó yfir sem innherji þegar hann seldi öll hlutabréf sín í Landsbankanum 17. 0g 18. september 2008.

Frumsýna teiknimynd með forvarnargildi

Ný fræðslumynd um kynferðisofbeldi verður sýnd í skólum landsins á næstunni. Samtökin Réttindi barna hafa á undanförnum tveimur árum unnið að undirbúningi og gerð forvarnarteiknimyndar sem upplýsir börn um hvað kynferðislegt ofbeldi er og hvernig þau geta brugðist við því.

Skólinn liðist í sundur við sameiningu

Foreldrar barna í Hvassaleitisskóla hafna alfarið fyrirhugaðri sameiningu skólans og Álftamýrarskóla og saka borgaryfirvöld um vanvirðingu í garð barna, foreldra og starfsfólks skólans.

Aðalmeðferð í máli Baldurs lýkur

Lokadagur aðalmeðferðar í réttarhöldum yfir Baldri Guðlaugssyni, fyrrverandi ráðuneytisstjóra í fjármálaráðuneytinu, er í dag. Halldór J. Kristjánsson, fyrrverandi bankastjóri Landsbankans, mun bera vitni í gegnum síma. Halldór fluttist til Kanada skömmu eftir bankahrun, þar sem hann er staddur nú, og er hann því yfirheyrður í gegnum síma. Að loknum vitnayfirheyrslum munu saksóknari og verjandi flytja mál sitt.

Björgunarsveitir ferjuðu menn upp á Holtavörðuheiði í morgun

Tugir björgunarsveitamanna frá björgunarsveitunum Húnum, Heiðari, Strönd, Blöndu, Brák og Ok, unnu fram á nótt við að aðstoða vegfarendur á Holtavörðuheiði samkvæmt tilkynningu frá Landsbjörg.

Vörubíll fauk á hliðina

Vöruflutningabíll fauk á hliðina á Borgarfjarðarbrú við Borgarfjörð um áttaleytið í morgun. Ökumaður var einn í bílnum, en slapp ómeiddur. Ekki liggur fyrir hversu mikið skemmdur bíllinn er, en lögreglan segist að venjulegast verði töluverðar skemmdir þegar svona lagað gerist.

Í ársfrí eftir einelti af hálfu bæjarstjóra: Ég gat ekki meira

„Ég gat ekki meira, var farinn að vakna fyrir allar aldir með kvíða, lystarleysi og óþægindi. Þetta er versta lífsreynsla sem ég hef lent í,“ segir Ólafur Melsteð landslagsarkitekt og fyrrverandi framkvæmdastjóri tækni- og umhverfissviðs Seltjarnarness. Hann hefur samkvæmt læknisráði verið í veikindaleyfi í rúmt ár vegna eineltis bæjarstjórans Ásgerðar Halldórsdóttur. Hann krefst bóta og að bæjarstjórinn víki.

Notaður reiðbúnaður stöðvaður í tollinum

Matvælastofnun hefur nú til vinnslu mál sem kom upp eftir að tollgæslan stöðvaði sendingu erlendis frá með notuðum reiðtygjum og fatnaði, samkvæmt upplýsingum sem Fréttablaðið fékk hjá embætti Tollstjóra í gær.

Skotið úr riffli á sumarbústað í Fljótshlíð

Lögreglan á Hvolsvelli rannsakar nú að skotið var úr stórum riffli á sumarbústað í Fljótshlíð nýverið.

Stormur á nánast öllum miðum við landið

Stormur er nánast á öllum miðum umhverfis landið og sára fá skip á sjó. Þau fáu, sem eru úti, eru stórir togarar og eru sumir þeirra í vari.

Fjöldi manns í hrakningum á Holtavörðuheiði

Fjöldi manns á hátt í tuttugu bílum lentu í hrakningum á Holtavörðuheiði í gærkvöldi og þurftu björgunarsveitir að koma fólkinu til aðstoðar.

Fá ekki að kjósa um Icesave

Sjómenn á þeim frystitogurum sem fóru til veiða í vikunni, ná ekki í land til þess að kjósa um Icesave-lögin. Utankjörfundaratkvæðagreiðsla hefst ekki fyrr en 16. mars og kosið verður um lögin 9. apríl. Frystitogarar eru flestir um 30 daga á sjó

Stjórnlagaráð á leið til síðari umræðu

Holtavörðuheiði lokuð

Aftakaveður er nú á Holtavörðuheiði og sér Vegagerðin sér ekki fært að halda henni opinni lengur. Búið er að ræsa út björgunarsveit frá Landsbjörgu til aðstoðar við ökumenn og Vegagerð en talsverð umferð er og hefur bílum verið safnað fyrir aftan snjómoksturstæki.

Skotið á sumarhús í Fljótshlíðinni með stórum riffli

Eigandi sumarhúss í Fljótshlíðinni hafði samband við lögregluna á Hvolsvelli í vikunni því hann grunaði að skotið hafi verið á bústað hans.

Skeiðárbrú lokuð eftir umferðaróhapp

Tafir eru á Suðurlandsvegi yfir Skeiðárbrú eftir að ökumaður missti stjórn á fólksbíl. Brúin er nánast lokuð og er aðstoð á leið á vettvang. Nánari upplýsingar síðar.

Erfitt að hætta við framlög til menningarmála

Borgarfulltrúi segir erfitt að rifta samningum um framlög til menningarmála, en margir þeirra hafi þó verið endurskoðaðir. Reiðir foreldrar beina gremju sinni vegna niðurskurðar í menntamálum meðal annars að útgjöldum til menningar.

Íslenskir búddistar biðja fyrir Japönum

Soka Gakkai búddistar á Íslandi verða alla vikuna, frá mánudegi til sunnudags, með bænakyrjun í menningarmiðstöð samtakanna.

Bæjarstjórn skoðar hvort bæjarstjóri eigi að víkja

"Við munum fara yfir málið strax eftir helgina,“ segir Guðmundur Magnússon, forseti bæjarstjórnar Seltjarnarnesbæjar, en lögmaður Ólafs Melsted, fyrrum framkvæmdastjóra Tækni- og umhverfissviðs hjá bænum sem hefur verið frá vinnu vegna eineltismáls í rúmt ár, vill að bæjarstjórn víki Ásgerði Halldórsdóttur, bæjarstjóra Seltjarnaresbæjar, úr starfi sínu sem bæjarstjóri.

Bjarni vill endurskoða stjórnarskrána

„Ég lýsi mig reiðubúinn til þess að hefja nú þegar vinnu við endurskoðun stjórnarskrárinnar. Ég tek alvarlega þær athugasemdir sem fram hafa komið um að þinginu hafi mistekist í fortíðinni,“ segir Bjarni Benediktsson, formaður Sjálfstæðisflokksins. Hann segir að þau atriði sem menn telji að þurfi hvað helst að endurskoða standi ekki í sér. „Ég er tilbúinn til að setjast niður og ræða þau mál.“

Innbrot í dýraspítala og fjölmörg rúðubrot

Nóttin var heldur erilsöm hjá lögreglumönnum á höfuðborgarsvæðinu. Nokkuð var um pústra í miðbænum en þeir voru minniháttar og þá var brotist inn í Dýraspítalann í Víðidal í kringum miðnætti. Samkvæmt upplýsingum sem fengust hjá lögreglu liggur ekki fyrir hvort einhverju hafi verið stolið en enginn hefur verið handtekinn.

Össur fundaði með utanríkisráðherrum ESB

Össur Skarphéðinsson utanríkisráðherra tók í dag þátt í fundi utanríkisráðherra Evrópusambandsins og umsóknarríkja sem haldinn var í Gödöllö í Ungverjalandi. Ráðherrarnir ræddu ástandið í Norður-Afríku og Arabaheiminum, stækkunarmál sambandsins og hamfarirnar í Japan.

Foreldrar hafna skólatillögum - Hjálmar settur af sem fundarstjóri

Fundur foreldra leik- og grunnskólabarna í Breiðholti hafnar tillögum borgarstjórnarmeirihlutans um sameiningar í leik og grunnskólum. Þetta kemur fram ályktun fjölmenns fundar foreldra með borgarstjóra og borgarfulltrúum í morgun.

Fréttaskýring: Land þrýstist upp en ekki til hliðar

Risajarðskjálftinn sem varð í gær undan ströndum Japans er allt annars eðlis en skjálftar sem þekkjast hér á landi. Orkan sem leystist úr læðingi í stærsta skjálftanum er um 900 sinnum meiri en þekkist í stærstu skjálftum hér.

Þór óskemmdur eftir flóðbylgjur í nótt

Varðskipið Þór, sem hefur legið við bryggju í bænum Conceptíón í Chile, er óskemmt eftir að þrjár flóðbylgjur gengu yfir svæðið í nótt. Sú hæsta mældist 2,4 metrar á hæð. Óttast var skipið gæti orði fyrir skemmdum og var það því dregið út í flóann sem liggur að bænum.

Skíðasvæði landsins opin í dag

Öll helstu skíðasvæði landsins eru opin í dag. Í Bláfjöllum er ellefu stiga frost og heiðskýrt. Skíðasvæði Tindastóls verður opið frá klukkan tíu til fjögur. Þar er logn og fimmtán stiga frost. Í Hlíðarfjalli er sjö stiga frost og nánast logn.

Sendi Japanskeisara samúðarkveðjur frá íslensku þjóðinni

Ólafur Ragnar Grímsson, forseti Íslands, sendi í morgun Akihito Japanskeisara samúðarkveðjur frá sér og íslensku þjóðinni.

Hafnar ásökunum um „ólögmætt samráð"

Ragnar Önundarson fyrrum framkvæmdarstjóri Kreditkorta hf. hafnar ásökunum um ólögmætt samráð og segir sig úr stjórn Framtakssjóðsins.

Íslensku björgunarsveitamennirnir fara ekki til Japans

Ljóst er að íslenska alþjóðabjörgunarsveitin kemur ekki til með að fara til Japans að sinna rústaleit vegna jarðskjálftans. Þetta staðfestir Kristinn Ólafsson, framkvæmdastjóri Landsbjargar, í samtali við fréttastofu.

Sex ölvaðir undir stýri í Reykjavík - einn á Akureyri

Nokkrir gistu fangageymslur sökum ölvunar á lögreglustöðinni við Hverfisgötu í Reykjavík. Sjötíu verkefni komu inn á borð lögreglunnar á höfuðborgarsvæðinu í nótt, flest smáverkefni en sex ökumenn voru teknir grunaðir um ölvun við akstur.

Fullur á stolinni bifreið

Lögreglan á Selfossi tók einn ökumann grunaðan um ölvunarakstur klukkan hálf þrjú í nótt. Auk þess að vera ölvaður reyndist maðurinn vera á stolinni bifreið.

Þurfa ekki samþykki félagsins

„Gjaldeyrishöftin setja okkur í þessa stöðu. Okkur fannst ekki hægt að gera annað. Þetta var það eina sem við gátum gert í því umhverfi sem við búum við,“ segir Páll Harðarson, forstjóri Kauphallarinnar.

Thor Vilhjálmsson jarðsunginn

Rithöfundurinn Thor Vilhjálmsson var jarðsunginn frá Dómkirkjunni í Reykjavík í gær. Thor lést þann 2. mars síðastliðinn, 85 ára að aldri. Thor var með merkari rithöfundum sinnar kynslóðar, en hann gaf út sína fyrstu bók, Maðurinn er alltaf einn, árið 1950.