Fór á brúarstólpa og svo á bíl

Umferðarslys varð á Reykjanesbraut á móts við Kaldárselsveg um klukkan tuttugu mínútur í tíu. Slysið varð með þeim hætti að bifreið var ekið á brúarstólpa og síðan á annan bíl. Ökumennirnir voru báðir einir í bílunum. Þeir voru báðir fluttir á slysadeild til skoðunar en meiðsli þeirra munu ekki hafa verið alvarleg.

Stjórnarmaður segir að Ragnar fari úr Framtakssjóðnum

"Það er minn skilningur að hann hafi ætlað að hætta í báðum stjórnunum," segir Ásta Rut Jónasdóttir, stjórnarmaður í VR og Lífeyrissjóði verslunarmanna, um stöðu Ragnars Önundarsonar.

Íslendingar eru fésbókaróð þjóð

Um áttatíu prósent Íslendinga nota samskiptasíðuna Facebook. Markaðsstjóri Facebook segir fyrirtæki nýta sér síðuna í auknum mæli til að nálgast neytendur á nýjan hátt.

Tíu íslenskar bækur gefnar út hjá Amazon vestanhafs

"Við erum býsna montin af þessu,“ segir Halldór Guðmundsson, verkefnisstjóri Sögueyjunnar, sem er annað heiti á heiðursaðild Íslands að bókasýningunni í Frankfurt í haust.

"Hér drýpur blóð banka"

Halldór Gunnarsson missti húsið sitt sem hann hafði sjálfur byggt við Austurgötu í Hafnarfirði í haust. Hann er ósáttur við niðurstöðuna og að hann þurfi að líða fyrir þann forsendubrest sem varð við bankahrunið. Bankinn tók húsið og Halldór flutti út um áramótin. Hann ákvað að fara að húsinu í dag með smá skilaboð til stjórnvalda og bankanna. "Hér drýpur blóð banka - Takk Árni Páll" skrifaði Halldór á húsið.

Íslenskir björgunarsveitamenn gera sig klára fyrir Japan

Íslenska alþjóðabjörgunarsveit Slysavarnafélagsins Landsbjargar hefur verið tekin af vöktunarstigi og færð upp á viðbúnaðarstig. Í því felst að búnaður sveitarinnar er tekinn saman og gerður klár til flutnings á skaðasvæði komi til þess að sveitin fari til Japans.

Framtíð Ragnars hjá Framtakssjóðnum óráðin

Engin ákvörðun hefur verið tekin um framhald á störfum Ragnars Önundarsonar, fyrir Framtakssjóð Íslands. Ragnar er varaformaður í stjórn Framtakssjóðsins og situr þar fyrir hönd stjórnar Lífeyrissjóðs verslunarmanna. Ragnar hefur einnig gegnt stöðu varaformanns Lífeyrissjóðs verslunarmanna en tilkynnti í dag að hann myndi láta af því embætti.

Þór dreginn út á flóa vegna flóðbylgju

Varðskipið Þór verður síðar í dag dregið út í flóann sem liggur að bænum Conception, þar sem skipasmíðastöð sjóhersins í Chile er staðsett. Búist er við að flóðbylgja gangi yfir svæðið um klukkan átta í kvöld vegna jarðskjálftans sem reið yfir Japan í morgun.

Sakaður um morð

Héraðsdómur Reykjavíkur hefur sýknað íslenska ríkið af kröfu manns sem stefndi ríkinu fyrir ólögmæta frelsissviptingu og gæsluvarðhald sem hann sætti vegna morðs sem hann var á tímabili grunaður um að hafa framið.

Skorið niður hjá Vinnuskólanum

Nokkrar breytingar verða gerðar hjá Vinnuskóla Reykjavíkur vegna hagræðingar. Búist er við að rúmlega tvö þúsund ungmenni skrái sig í Vinnuskólann í sumar en skráning hefst snemma í aprílmánuði. Skólinn þarf að forgangsraða upp á nýtt fyrir sumarið og felur það meðal annars í sér að svokölluð Græn heimaþjónusta fellur niður. Græn heimaþjónusta fólst í því að eldri borgarar og öryrkjar gátu sótt um þá þjónustu hjá Reykjavíkurborg að láta nemendur Vinnuskólans hreinsa garða sína.

Um helmingur þjóðarinnar hefur verið bólusettur

Alls hafa tæplega 156 þúsund manns verið bólusettir gegn svínainflúensu frá því að bólusetningar hófust haustið 2009. Í farsóttarfréttum Sóttvarnarlæknis kemur fram að í flestum aldurshópum hafi um og yfir 50% látið bólusetja sig, nema í aldurshópunum 20-40 ára en þar er hlutfallið öllu lægra. Það var jafnframt í þessum aldurshópum sem inflúensunnar hefur orðið vart nú í vetur.

Segja allt stefna í að íslensk hafsvæði verði óvarin

Sjómannafélag Íslands segir allt stefna í að íslensk hafsvæði verði óvarin og eftirlitslaus í sumar þar sem bæði varðskipin Ægir og Týr verði á fjarlægum hafsvæðum. Sjómannafélagið segir að Georg Lárusson forstjóri Landhelgisgæslunnar hafi upplýst að búið sé að gera samkomulag við Frontex, landamærastofnun Evrópusambandsins, hafi samið um að senda skip og flugvélar til fjarlægra hafsvæða í sumar.

Ná ekki að opna Landeyjahöfn um helgina

Ekki næst að opna Landeyjahöfn um helgina að sögn rekstrarstjóra Herjólfs. Í tilkynningu frá honum segir að það magn sands sem þurfi að fjarlægja sé það mikið að helgin dugi ekki til þess. Auk þess komi veður og ölduhæð til með að tefja framkvæmdirnar enn frekar. „Veður- og ölduspá fyrir sunnudaginn og dagana þar á eftir er slæm þannig að opnun tefst um einhverja daga,“ segir í tilkynningunni.

Klúr fúkyrði um kvenkyns eftirmann ekki lögbrot

Ríkissaksóknari telur að meint ummæli Helga Magnúsar Gunnarssonar, varasaksóknara í Landsdómi, um Öldu Hrönn Jóhannsdóttur, setts saksóknara efnahagsbrotadeildar Ríkislögreglustjóra, varði ekki við lög. Því beri hvorki Ríkissaksóknara né lögreglustjóra höfuðborgarsvæðinu að aðhafast í máli hennar. Þetta kemur fram í úrskurði Ríkissaksóknara frá því í gær.

Jón Gnarr tekur vandræðum Wire-leikara með ró

Leikkona úr þáttunum The Wire hefur verið handtekin fyrir eiturlyfjamisferli. Leikkonan var meðal þeirra sem handteknir voru í tilraun lögreglunnar í Baltimore til að uppræta eitt stærsta eiturlyfjagengið í fylkinu.

Landabrugg og kannabisræktun á Akranesi

Lögreglan á Akranesi fékk í gær ábendingu um landabruggun í heimahúsi í bænum. Húsleit var gerð í kjölfarið og lagt hald á bæði landa og eimingartæki. Húsráðandinn gekkst við brugguninni. Síðar um daginn stöðvuðu lögreglumenn á Akranesi bifreið vegna gruns um að ökumaður væri undir áhrifum. Bráðabirgðaprófanir bentu til þess að hann væri undir áhrifum áfengis, amfetamíns og kannabis. Við leit í bifreiðinni fundust um 60 grömm af amfetamíni sem þar höfðu verið falin. Í framhaldi af því var gerð húsleit hjá manninum. Þar kom í ljós að maðurinn var með kannabisræktun í gangi, á lokastigi, auk þess sem 25 grömm af tilbúnum maríjúnana fundust. Maðurinn játaði við yfirheyrslur í nótt að vera eigandi efnanna og ræktunarinnar og viðurkenndi að hluti efnanna væri ætlaður til sölu og rest til eigin neyslu. Fram kom hjá manninum að amfetamínið væri mjög sterkt sem segir að hann hefur trúlega ætlað að drýgja efnið með íblöndunarefnum.

Húsið byrjaði að vagga

Steinunn Gyðu- og Guðjónsdóttir, starfsmaður UN Women í Japan, var stödd í Osaka þegar jarðskjálftinn reið yfir og sagðist ekki hafa fundið mikið fyrir honum. Hún var í miðri ræðu á hátíðarhöldum í tilefni alþjóðlegs baráttudags kvenna þegar hún segir húsið hafa byrjað að vagga.

Alveg viss um að skólinn myndi hrynja

"Ég var akkúrat í háskólanum í þreki þegar ég fann fyrir skjálftanum," segir Villimey Sigurbjörnsdóttir, skiptinemi við J.F. Oberlin háskólann í Machida sem er á Tókíó-svæðinu. "Ég hef aldrei fundið fyrir svona rosalegum skjálfta áður. Ég var um tíma alveg viss um að ein skólabyggingin myndi annað hvort hrynja eða glerin brotna," segir hún.

Utanríkisráðuneytið hefur virkjað viðbragðsáætlun

Í kjölfar jarðskjálftans sem varð við strendur Japans í morgun varar utanríkisráðuneytið við flóðbylgjuhættu á ströndum við Kyrrahaf. Ráðuneytið ráðleggur Íslendingum sem vita um vini og ættingja á þessum svæðum að setja sig í samband við þá og fullvissa sig um að þeir séu meðvitaðir um hættuna og haldi sambandi við ættingja sína á Íslandi eftir atvikum. Fólk sem hefur áhyggjur af ættingjum sem eru staddir á hættusvæðinu er beðið að hafa samband við borgaraþjónustu utanríkisráðuneytisins í síma 545-9900. Ráðuneytið hefur virkjað viðbragðsáætlun og ráðleggur Íslendingum á þessu svæði að fylgjast grannt með viðvörunum stjórnvalda og fjölmiðlum á staðnum.

Facebook síðu um einelti í Hveragerði lokað

Facebook síðu sem helguð var einelti í grunnskóla Hveragerðis hefur verið lokað. Aðstandendur síðunnar segjast hafa tekið ákvörðunina eftir mikla íhugun en þeir segjast hafa orðið fyrir áreiti með símhringingum og póstsendingum þar sem þrýst var á þá að loka síðunni. Þeir segjast hafa orðið fyrir beinum og óbeinum hótunum frá hendi bæjarbúa.

Enn óvíst hvort ríkið kynnir Icesave-málið

Ríkisstjórnin hefur ekki ákveðið hvort og þá hvernig staðið verði að sérstakri kynningu á Icesave-málinu fyrir þjóðaratkvæðagreiðsluna 9. apríl.

Nímenningarnir studdir í Iðnó í kvöld

Í kvöld ætlar góður hópur fólks að halda skemmtikvöld í Iðnó til styrktar nímenninganna sem ákærðir voru fyrir að mótmæla við Alþingi í desember 2008.

Lenti í þriðja sætinu í París

"Þetta er í annað skipti sem ég tek þátt og minn besti árangur hingað til,“ segir Yesmine Olsson, sem hreppti bronsverðlaun fyrir nýjustu matreiðslubók sína í keppninni Gourmand World Cookbook Awards í París á dögunum.

Alþjóðabjörgunarsveitin á vöktunarstigi

Vegna jarðskjálftans í Japan var Íslenska alþjóðabjörgunarsveitin sett á svokallað vöktunarstig klukkan átta í morgun. Í tilkynningu frá Landsbjörgu segir að vöktunarstig feli í sér að stjórnendur fylgist vel með með ástandinu og því hvort japönsk stjórnvöld biðji um aðstoð frá alþjóðasamfélaginu, sem þau hafa ekki gert.

Löggan stöðvaði bjórkvöld hjá menntskælingum í Kópavogi

Lögreglan á höfuðborgarsvæðinu lokaði veitingastað í Kópavogi upp úr miðnætti, þar sem hátt í 80 ungmenni voru að skemmta sér og var töluverð ölvun, að sögn lögreglu. Sumir gestanna voru allt niður í 16 ára, en 18 ára og yngri mega ekki vera á veitingastöðum eftir klukkan tíu á kvöldin.

Ferðalögin kosta 217 þúsund krónur á dag

Kostnaður skattgreiðenda við hvern dag sem Ólafur Ragnar Grímsson, forseti Íslands, var erlendis í fyrra var um 217 þúsund krónur samkvæmt útreikningum Fréttablaðsins. Árið áður var meðaltalskostnaðurinn 163 þúsund fyrir hvern dag.

ESB-ríki ákveða sjálf kvóta í staðbundnum fiskistofnum

Aðildarríki Evrópusambandsins (ESB) geta ákvarðað einhliða hámarksafla úr stofnum sem eru alfarið nýttir af viðkomandi ríki, í stað þess að tekin sé sameiginleg ákvörðun í ráðherraráðinu eins og átt hefur við hingað til. Þetta kemur fram í nýrri reglugerð ESB um sameiginlega fiskveiðistjórnun og gæti haft áhrif á stöðu Íslands, komi til aðildar að sambandinu.

Óeðlilega lítill tími til stefnu

Þeir sem koma að fyrirhuguðum breytingum á skólastarfi í Reykjavík eiga að skila inn umsögnum vegna tillagna fyrir 25. mars næstkomandi.

Ætla ekki að vinna með ESB

Bændasamtökin ætla ekki að taka fulltrúa sinn úr samningahópi um landbúnaðarmál í aðildarviðræðum við Evrópusambandið, ESB. Þetta segir Haraldur Benediktsson, formaður Bændasamtakanna.

Vilja afnema hverfisskiptinguna

Katrín Jakobsdóttir menntamálaráðherra tók í gær við undirskriftalista frá tíundu bekkingum þar sem skorað er á hana að afnema hverfaskiptingu í framhaldsskólum. Rakel Ýr Birgisdóttir, nemandi í 10. bekk í Laugalækjarskóla, safnaði ásamt félögum sínum um þúsund undirskriftum meðal jafnaldra þeirra. Það er um fjórðungur árgangsins.

Gæfa landsins hvað við erum fá

Þegar talið berst að leiðum til að komast út úr kreppunni og búa til störf eru umhverfissjónarmið gjarnan látin mæta afgangi. Svandís Svavarsdóttir umhverfisráðherra lítur á það sem sitt hlutverk að standa vörð um umhverfismálin. Hún hefur staðið í ströngu frá því hún tók við embættinu árið 2009.

Yfirheyrslum fram haldið hér heima

Yfirheyrslur héldu áfram í gær yfir tveimur fyrrverandi starfsmönnum Kaupþings sem fyrst voru handteknir hér á miðvikudag vegna rannsóknar Serious Fraud Office í Bretlandi á bankanum.

Telja Vaðlaheiðargöng ekki standa undir sér

„Fullyrðingar um að vegatollar standi undir gerð Vaðlaheiðarganga er í besta falli óskhyggja,“ segir í nýútkomnu blaði Félags íslenskra bifreiðaeigenda (FÍB). „Í versta falli eru áhugamenn um gerð ganganna vísvitandi að blekkja stjórnvöld, vitandi að galtómur ríkissjóður mun þurfa að taka á sig verulegan hluta af kostnaðinum,“ segir áfram í blaði FÍB. Þar er ítarlega farið í saumana á áætlunum um kostnað, umferð og tekjur vegna Vaðlaheiðarganga.

Auknar kvaðir gætu verðfellt bújarðir

Magnús Leopoldsson fasteignasali deilir ekki þeirri skoðun með sjávarútvegs- og landbúnaðarráðherra að gildandi jarðalög séu ógn við matvælaöryggi í landinu og aftri nýliðun í bændastétt.

Hnífamaður tekinn í miðborginni

Karlmaður um fimmtugt ógnaði fólki með hnífi í miðborg Reykjavíkur kvöld. Lögreglan fékk tilkynningu um málið um áttaleytið. Þegar lögreglan kom á staðinn hafði maðurinn yfirgefið vettvang en hann náðist í nágrenninu. Lögreglan handtók manninn, sem var mjög ölvaður. Hann mun gista fangageymslur í nótt og verður yfirheyrður í fyrramálið. Lögreglan hefur áður haft afskipti af þessum sama manni.

Andlát í World Class: Lét starfsfólk vita af manninum

Gestur líkamsræktarstöðvarinnar World Class lét starfsfólk stöðvarinnar vita rétt fyrir lokun hennar, að enn væri maður eftir inni. Morguninn eftir fannst maðurinn látinn í gufuklefa stöðvarinnar. Öryggisreglur World Class hafa verið yfirfarnar.

Um 10% hafa komið á Vog

Tæplega 10% núlifandi karlmanna hafa komið á sjúkrahúsið Vog, samkvæmt frétt á vef SÁÁ. Þar kemur fram að í árslok 2009 höfðu 20.579 einstaklingar, þar af 5903 konur og 14.676 karlarinnritast á Vog. Þetta jafngildir því að 9,8% núlifandi karla og 4,1% kvenna sem eru 15 ára og eldri hafi komið á Vog.

Týr kom með stálpramma í togi

Týr, varðskip Landhelgisgæslunnar, kom til Reykjavíkur klukkan sex í kvöld með stálpramma í togi sem Landhelgisgæslan hefur svipast eftir um nokkurt skeið. Áhöfn varðskipsins tókst að snara prammann síðdegis í gær eftir að þyrla Landhelgisgæslunnar TF-LÍF fann prammann að nýju.

Sjálfstæðismenn vilja vera með á fundi

Sjálfstæðismenn í borgarráði eru ósáttir við fyrirkomulag funda sem borgarfulltrúar Besta flokksins og Samfylkingarinnar hafa boðað með foreldrum leik- og grunnskóla. Sjálfstæðismenn segja að til fundarins sé boðað vegna umdeildra tillagna um sameiningu skóla og breytinga á skólastarfi. Fundarboð sem dreif hafi verið í Grafarvogi verði ekk skilið öðruvísi en svo að ekki sé ætlast til þess að borgarfulltrúar annarra flokka sitji fundinn.

Áform um risahöfn við Langanes

Sveitarfélögin á Norðausturlandi hafa kynnt áform um risahöfn á Langanesi, þá langstærstu á Íslandi, til að þjóna siglingum yfir Norðuríshafið. Á hafnarsvæðinu verður boðið upp á lóðir undir olíu- og gasvinnslustöðvar.

Jóhanna vill lækka handhafalaunin

Forsætisráðherra hefur óskað eftir því við Fjársýsluna að greiðslur til hennar sem handhafa forsetavalds verði lækkaðar til samræmis við launalækkun forsetans. Kjararáð hafnaði ósk forsetans á sínum tíma um launalækkun sem síðar samdi við þáverandi fjármálaráðherra um launalækkun.

Látnir lausir gegn tryggingu en fagna í Cannes

Fréttir af handtökum og húsleitum Serious Fraud Office hafa vakið mikla athygli í Bretlandi. Tchenguiz bræður eru stjörnur í samkvæmislífinu og tilkynnti Vincent Tjengí í dag að hann myndi ekki hætta við veislu í snekkju sinni í Cannes - þrátt fyrir að hafa verið handtekinn daginn áður.

Borgarráð framlengi ekki veitingaleyfi

Stjórn Íbúasamtaka miðborgar Reykjavíkur styður kröfu nágranna við veitingastaðina Monaco og Monte Carlo á Laugavegi og skorar á borgarráð að mæla ekki með framlengingu veitingaleyfa staðanna.

Stjórnvöld auki ekki á óvissuna

Stjórnvöld verða að hætta að tala og gefa yfirlýsingar sem auka alla óvssi í efnahagslífinu, sagði Orri Hauksson, framkvæmdastjóri Samtaka iðnaðarins á iðnþingi í dag.

Dæmdar bætur vegna andláts konu

Hæstiréttur dæmdi í dag íslenska ríkið til að greiða eiginmanni og tveimur börnum konum sem lést vegna meðgöngueitrunar árið 2001 bætur vegna mistaka sem voru gerð þegar konan fór í glasafrjóvgun og vegna ófullnægjandi meðferðar við meðgöngueitrun sem konan fékk á meðgöngu.