Actavis styrkir stofnun Vigdísar

Lyfjafyrirtækið Actavis hefur ákveðið að styrkja Stofnun Vigdísar Finnbogadóttur um 30 milljónir króna til byggingar húss fyrir starfsemi stofnunarinnar. Guðbjörg Edda Eggertsdóttir, forstjóri Actavis á Íslandi, og Kristín Ingólfsdóttir, rektor Háskóla Íslands, undirrituðu samning um stuðninginn í Háskóla Íslands í dag.

Stofnfjáreigendur anda léttar: Mamma svaf ekkert í nótt

Stofnfjáreigandi í BYR ber ekki ábyrgð á lánum sem tekin voru til stofnfjáraukningar samkvæmt dómi Héraðsdóms í dag. Dómurinn segir lántakann hafa fengið villandi ráðgjöf og ónákvæmar upplýsingar frá Glitni sem lánaði fyrir kaupunum. Þungu fargi er létt af tæplega áttræðri konu og fjölskyldu hennar sem áður var gert að greiða 20 milljónir króna.

Ögmundur vill engin einkasjúkrahús fyrir útlendinga

Innanríkisráðherra er mjög andvígur áformum um nýja einkarekna spítala og óttast að verið sé að byggja upp tvöfalt heilbrigðiskerfi. Hann segir alveg ljóst að þessir spítalar verða ekki arðvænlegir án aðkomu íslenskra sjúklinga og skattborgara.

LÍÚ og bændur með þeim fyrstu sem vildu sækja um aðild

Fyrir hálfri öld voru Landssamband íslenskra útvegsmanna og Stéttarsamband bænda í hópi fyrstu samtaka hérlendis til að lýsa yfir stuðningi við það að Ísland sækti um aðild að Efnahagsbandalagi Evrópu. Í dag eru samtök sömu aðila í hópi eindregnustu andstæðinga aðildarumsóknar.

Njósnatölvan var fimm vikur í Alþingishúsinu

Njósnatölva sem fannst í hliðarherbergi í Alþingishúsinu þann 2. febrúar árið 2010 hafði verið þar í rúmar fimm vikur. Samkvæmt upplýsingum frá forseta Alþingis var tölvan tengd þann 28. desember árið 2009 en talið er að hún hafi átt að nálgast gögn úr tölvum í þinghúsinu.

Kona handtekin eftir húsleit

Lögreglumenn lögðu hald á fíkniefni við húsleit í íbúð í fjölbýlishúsi í austurhluta Reykjavíkur í gær. Um var að ræða amfetamín en talið er að það hafi verið ætlað til sölu. Húsráðandi, kona á fertugsaldri, var handtekin í þágu rannsóknarinnar. Karl um þrítugt var handtekinn skömmu áður en húsleitin hófst en sá var að koma úr áðurnefndri íbúð. Í fórum hans fannst einnig amfetamín.

Jóhannes aðstoðar Sigmund Davíð

Jóhannes Þór Skúlason hefur verið ráðinn sem aðstoðamaður Sigmundar Davíðs Gunnlaugssonar, formanns Framsóknarflokksins. Jóhannes Þór útskrifaðist sem sagnfræðingur árið 1999 og hefur starfað sem grunnskólakennari. Síðastliðin tvö ár hefur hann verið einn af forystumönnum InDefence hópsins sem stofnaður var í kjölfar beitingar Breta á hryðjuverkalögum gegn Íslendingum í október 2008.

Fullt af hvölum og síld í Grundarfirði

Afar mikið af hval, hnísum og háhyrningum hefur verið í Grundarfirði í gær og í dag. Hafnarvörðurinn segir ekki færri en 20 hvali hafi verið við bryggjuna í dag.

Ekki skrifað undir slakan samning

„Ég segi að ef við náum ekki fullnægjandi niðurstöðu þá skrifum við ekki undir," sagði Þorsteinn Pálsson, fulltrúi í samninganefnd Íslands gagnvart ESB, á fundi Iceland Seafood um ESB og sjávarútveg í Iðnó í gær. Hann væri því ekki einn af þeim sem lofuðu þjóðinni atkvæðagreiðslu um aðild að ESB undir öllum kringumstæðum.

Foreldrar mótmæla niðurskurði í grunnskólum Reykjavíkur

Foreldrar grunnskólabarna hittust á fundi í dag þar sem ályktun til borgarstjóra var samþykjkt. Fundurinn mótmælir harðlega niðurskurði í grunnskólum Reykjavíkur þriðja árið í röð og segir í ályktuninni að enn frekari aðgerðir muni skaða skólastarfið um ókomna framtíð með ófyrirsjáanlegum afleiðingum fyrir börnin okkar. „Við sættum okkur ekki við það,“ segir í ályktuninni.

Borgin selur menningarkort

Ekki verður lengur hægt að fara ókeypis á Listasafn Reykjavíkur eftir 1. febrúar, þegar borgaryfirvöld áforma að rukka fullorðna um 1.000 króna aðgangseyri að safninu.

Mikil ánægja með leiðtogafundinn í London

Á fundi leiðtoga Norðurlanda, Eystrasaltsríkja og Bretlands í gær lýstu forsætisráðherrarnir allir mikilli ánægju með árangur fundarins. Í tilkynningu frá forsætisráðuneytinu segir að fjölmörg verkefni og lausnir kynntar voru á fundinum, geti nýst öðrum ríkjum og skapast hafa ýmis tækifæri til samstarfs.

Bréf til Láru - Pólverjar æfir út í saksóknara

Danuta Szostak, ræðismaður Póllands á Íslandi, gagnrýnir Láru V. Júlíusdóttur, saksóknara í máli níumenningana, harðlega. Í bréfi til Láru segir hann fjarstæðukennt að líkja árás níumenningana við átök Pólverja í Keilufelli árið 2008.

Sprengingar í Hafnarfjarðarhöfn komu fram á jarðskjálftamælum

Sprengingar verktaka við Hafnarfjarðarhöfn urðu til þess að skjálftamælar Veðurstofu Íslands fóru af stað og mældu sjálfta upp á 0,7 á Richter. Dýpkun hafnarinnar stendur yfir en verktakar sprengja ekki meira í dag. Ekki er þó útilokað að fleiri sprengingar eigi sér stað á næstu dögum. Íbúar í nánasta nágrenni fundu fyrir skjálftanum sem er heldur lítill.

Orkuskipti í samgöngum - ítarleg áætlun liggi fyrir í vor

Tillaga til þingsályktunar um orkuskipti í samgöngum hefur verið lögð fram á Alþingi. Fram kom í máli Katrínar Júlíus­dóttur iðnaðarráðherra sem mælti fyrir tillögunni að markmiðið með henni væri að stuðla að uppbyggingu græna hagkerfisins með sjálfbæra þróun að leiðarljósi.

Fleiri kallaðir til yfirheyrslu

"Yfirheyrslur standa yfir og munu í raun gera það næstu vikur," segir Ólafur Þór Hauksson, sérstakur saksóknari en handtökur og húsleitir í tengslum við stórar millifærslur frá Seðlabankanum á sama degi og neyðarlögin voru sett fóru fram í gær.

HÍ bakhjarl Nýsköpunarkeppni grunnskólanna

Háskóli Íslands verður bakhjarl Nýsköpunarkeppni grunnskólanna. Í tilkynningu frá skólanum segir að meginmarkmiðið með þáttökunni sé að efla nýsköpunarstarf barna og unglinga í grunnskólum landsins. Einnig er áformað að efla þverfaglega þátttöku ólíkra fræðasviða skólans og stuðla þannig að uppbyggingu nýsköpunarmenntunar í landinu.

Fyrrverandi ráðherra gagnrýnir áform um einkasjúkrahús

Fyrrverandi heilbrigðsráðherra grunar að að verið sé að reyna ná íslenskum sjúklingum inn á einkarekna spítala með krókaleiðum. Hann segir mjög mörgum spurningum ósvarað um einkarekna heilbrigðisþjónustu.

Móðir Matthíasar: „Mig dreymir hann á nóttunni“

„Auðvitað hef ég áhyggjur af honum. Mig dreymir hann á nóttunni. Núna síðast fannst mér hann kominn í eitthvað hús með fullt af listafólki sem var að stúdera Ásmund Sveinsson myndhöggvara. Húsið hét Ásmundur. Matti hafði þá bara gleymt sér þar og gleymt að láta mig vita hvar hann var," segir Þórgunnur Jónsdóttir, móðir Matthíasar Þórarinssonar sem hefur verið týndur síðan fyrir jól.

Síminn harmar lögbrot

Í tilkynningu frá Símanum harmar fyrirtækið að hafa nýtt upplýsingar um viðskiptavini annarra fjarskiptafyrirtækja í markaðslegum tilgangi. Fyrirtækið ætli að tryggja að slíkt brot endurtaki sig ekki.

Almenningur virðist enn afhuga stjórnmálaflokkum

Sjálfstæðisflokkurinn mælist með meiri stuðning en stjórnarflokkarnir samanlagt samkvæmt nýrri könnun Fréttablaðsins. Fylgi Vinstri grænna hrynur milli kannana, og verulega dregur úr stuðningi við Hreyfinguna.

Bruggbúnaður haldlagður

Upplýsingar bárust nýlega um að verið væri að framleiða og selja landa í íbúð í vesturbæ Reykjavíkur samkvæmt upplýsingum frá lögreglunni á höfuðborgarsvæðinu.

Fyrsta skiptið sem Persónuvernd kærir til lögreglu

Ákvörðun Persónuverndar um að kæra brot Símans vegna grófrar misnotkunar á persónuupplýsingum til lögreglunnar er einsdæmi samkvæmt upplýsingum frá Persónuvernd.

Síminn kærður til lögreglu - njósnuðu um viðskiptavini Nova

Síminn safnaði viðkvæmum persónuupplýsingum um þúsundir viðskiptavina annarra fjarskiptafyrirtækja. Persónuvernd hefur kært Símann til lögreglunnar. Samkeppniseftirlitið gerði húsleitir hjá Símanum og fundust listar með upplýsingum um mörg þúsund viðskiptavini annarra fjarskiptafyrirtækja.

Aflið fékk nýja tölvu í stað þeirrar stolnu

Enn hefur ekkert spurst til tölvu sem stolið var milli jóla og nýjárs frá Aflinu á Akureyri, samtökum gegn heimilis- og kynferðisofbeldi. Aflið hefur auglýst eftir tölvunni í fjölmiðlum en án árangurs.

Í lífshættu vegna svínaflensu

Þrítug kona liggur nú á gjörgæsludeild Landspítala með alvarleg sjúkdómseinkenni af völdum svínainflúensu. Konan var lögð inn í fyrradag. Hún hafði ekki verið bólusett gegn inflúensunni en er með undirliggjandi áhættuþætti sem auka líkur á alvarlegum veikindum af völdum inflúensunnar.

Viðskiptafræði og lögfræði vinsælustu háskólafögin

Haustið 2010 voru skráðir nemendur á framhalds- og háskólastigi 47.240. Í framhaldsskóla voru skráðir 27.351 nemendur og 19.889 nemendur í háskóla. Skráðum nemendum fækkaði um 3,1% frá fyrra ári en það er í fyrsta skipti sem nemendum fækkar milli ára síðan Hagstofa Íslands hóf að birta tölur um skráða nemendur haustið 1997. Fækkun nemenda milli ára var öll á framhaldsskólastigi en þar fækkaði skráðum nemendum um 7,9%. Nokkur fjölgun var hins vegar á háskólastigi eða um 4,3%. Fækkun nemenda skýrist fyrst og fremst af samdrætti í fjarnámi og öldungadeildum á framhaldsskólastigi. Þá fækkaði nemendum grunnskóla sem sóttu nám í framhaldsskólum umtalsvert og voru um fjórðungur fjölda grunnskólanemenda í framhaldsskólum haustið 2008.

Sjálfstæðisflokkurinn nýtur meiri stuðnings en stjórnin

Fleiri styðja Sjálfstæðisflokkinn en Samfylkinguna og Vinstri græn samanlagt samkvæmt nýrri könnun Fréttablaðsins. Yrðu niðurstöður kosninga í takt við könnunina gætu Sjálfstæðisflokkur og Framsóknarflokkur myndað meirihlutastjórn.

Vegið að lögbundnu hlutverki grunnskóla

Foreldrar barna í Reykjavík bregðast reiðir við fregnum af enn meiri niðurskurði í skólakerfinu, segir Guðrún Valdimarsdóttir, formaður SAMFOK. Hún telur boðaðan niðurskurð gera skólum erfitt að sinna lögboðnu hlutverki sínu.

Staðgöngumæðrun: Fjölmörg siðferðisleg álitamál

Fjölmargar siðferðislegar spurningar kvikna í umræðu um staðgöngumæðrun, þegar kona gengur með barn fyrir aðra og lætur það af hendi við fæðingu. Bent hefur verið á dæmi um að staðgöngumóðir neiti að láta barn af hendi, eða að viðtökuforeldrar neiti að taka við barni þegar það hefur fæðst af einhverjum ástæðum. Þá eru mjög skiptar skoðanir um þessi mál hérlendis, eins og bent hefur verið á í fréttum Stöðvar 2.

Yfirheyrslum að ljúka - ekki farið fram á gæsluvarðhald

Samkvæmt Ólafi Þór Haukssyni, sérstökum saksóknara, eru yfirheyrslur ennþá í fullum gangi en búist er við að þeim fari að ljúka á næstu klukkutíma. Eins og sakir standa nú, verður ekki farið fram á gæsluvarðhald yfir þeim sem yfirheyrðir hafa verið í dag.

Enn lýst eftir Matthíasi - nýjar myndir af honum

Lögreglan á höfuðborgarsvæðinu lýsir enn eftir Matthíasi Þórarinssyni, 21 árs, en ekkert hefur spurst til hans í alllangan tíma. Talið er líklegt að Matthías, sem er um 180 sm á hæð og ljósskolhærður, haldi til einhversstaðar á Suðurlandi en sjálfur bjó hann lengi á Stokkseyri.

Alvarlegt umferðarslys á Eyjafjarðarbraut vestari

Um klukkan fimm í dag var tilkynnt um alvarlegt umferðarslys á Eyjafjarðarbraut vestari, nálægt Litla Hvammi. Umferðatafir eru á Eyjafjarðarbraut vestri vegna þessa og ökumönnum bennt á að fara Eyjafjarðarbraut eystri.

Lítur á greiðslurnar sem skilasvik

Sama dag og neyðarlögin voru sett í miðju bankahruninu voru millifærðar háar fjárhæðir út af reikningum Landsbankans hjá Seðlabankanum, en húsleitir sérstaks saksóknara í dag hjá MP banka, Straumi og Seðlabankanum í dag beinast meðal annars að þessu. Saksóknari lítur á greiðslurnar sem skilasvik.

Hæstiréttur staðfestir gæsluvarðhald - Var með bensínbrúsa inn í íbúðinni

Hæstiréttur Íslands hefur staðfest úrskurð héraðsdóms um að kona á þrítugsaldri skuli sæta gæsluvarðhaldi til 15. febrúar næstkomandi. Talið er að hún hafi kveikt í íbúð á jarðhæð í fjölbýlishúsi í Hafnarfirði aðfaranótt 14. janúar.

Allt óljóst um gæsluvarðhaldskröfu

Yfirheyrslur eru ennþá í fullum gangi hjá sérstökum saksóknara vegna millifærslna á stórum fjárhæðum af reikningum Landsbankans í Seðlabanka Íslands yfir á reikninga í MP banka og hjá Straumi.

Sigurjón Brink fékk heilablóðfall

Sigurjón Brink lést úr heilablóðfalli samkvæmt bráðabirgðaniðurstöðum krufningar. Þetta kemur fram í tilkynningu sem fjölskylda Sigurjóns sendi frá sér fyrir stundu. Sigurjón var, sem kunnugt er, bráðkvaddur á mánudaginn. Hann lét eftir sig konu og fjögur börn.

Réttarhöldum yfir níumenningunum lokið

Ákæra ríkissaksóknara á hendur níumenningunum var harðlega gagnrýnd af verjendum níumenningana í dag. Verjendurnir fjórir fóru allir fram á sýknu skjólstæðinga sinna.

Þórir Örn Ingólfsson yfirheyrður

Þórir Örn Ingólfsson, fyrrverandi yfirmaður áhættustýringar hjá Landsbanka, er einn þeirra fjögurra sem handteknir voru í morgun vegna rannsóknar sérstaks saksóknara á málum gamla Landsbankans.

Kristinn hafnar ásökunum um tölvuinnbrot

Kristinn Hrafnsson, talsmaður uppljóstrunarsíðunnar WikiLeaks, vísar á bug ásökunum um að WikiLeaks hafi brotist inn í tölvukerfi Alþingis. Í yfirlýsingu sem hann hefur sent frá sér kemur fram að WikiLeaks hafi það að markmiði

Ráðherra vill leyfa hjálparhunda í fjölbýlishúsum

Guðbjartur Hannesson velferðarráðherra mælti í dag fyrir frumvarpi þar sem lögð er til heimild til að fatlaðir fái heimild til að halda leiðsögu- eða blindrahund í fjölbýlishúsi. Frumvarpinu er ætlað að bregðast við þeirri umræðu sem verið hefur staðið síðastliðin misseri um hjálparhunda fyrir fatlaða og sambýli þeirra við aðra í fjöleignarhúsum. Eins og staðan er nú þarf að fá leyfi allra íbúa í fjölbýlishúsi áður en fatlaður einstaklingur getur flutt þangað inn hjálparhund.

Lögreglurannsókn á njósnatölvu: Enginn komst í gögn þingmanna

„Ekkert virðist benda til þess að nokkur hafi komist í gögn þingmanna," sagði Ásta Ragnheiður Jóhannesdóttir, forseti Alþingis, á þingfundi þar sem hún gerði grein fyrir aðkomu sinni að rannsókn á því að dularfull tölva fannst í skrifstofuhúsnæði Alþingis þar sem skrifstofur Hreyfingarinnar og Sjálfstæðisflokks eru til húsa.

Meira flutt inn af kjöti en áður - mest alifuglakjöt

Samkvæmt yfirliti Bændasamtakanna hefur innflutningur á kjöti aukist milli ára. Á fyrstu ellefu mánuðum ársins 2010 nam innflutningurinn 613 tonnum en á sama tímabili árið 2009 nam innflutningurinn 589 tonnum. Innflutningur á kjöti til landsins hefur því aukist um 3,9% á milli samanburðartímabila.

Heimsþing um hreina orku: Mikill áhugi á samvinnu við Íslendinga

Forseti Íslands Ólafur Ragnar Grímsson hefur á Heimsþingi um hreina orku sem nú er haldið í Abu Dhabi átt viðræður við fjölmarga aðila, ráðamenn erlendra ríkja og fulltrúa stofnana og fyrirtækja sem lýst hafa miklum áhuga á samvinnu við íslenska sérfræðinga um nýtingu hreinnar orku. Þetta kemur fram í tilkynningu frá forsetaembættinu en forseti ræddi meðal annars fyrr í dag við Adnan Amin, settan forstjóra IRENA, nýrrar alþjóðlegrar stofnunar um hreina orku, og var viðfangsefni fundarins m.a. framlag íslensks jarðhitafólks til uppbyggingar stofnunarinnar sem ætlað er að verða aðal samvinnuvettvangur ríkja heims á þessu sviði.

Níumenningar - „Málatilbúnaðurinn byggður á lofti"

„Þetta voru bara mótmæli sem fóru úr böndunum," segir Tryggvi Agnarsson, verjandi tveggja af níumenningunum. Hann segir það fjarstæðu að saka níumenningana um árás á Alþingi. Málatilbúnaðurinn sé byggður á lofti.