Yngstu börnin færð og félagsmiðstöðin líka

Uppi eru ráðagerðir í Árborg um að leggja niður skólahald í elsta starfandi grunnskólahúsnæði Selfoss og leigja húsið út. Vallaskóli á Selfossi hefur síðustu ár verið starfræktur í tveimur aðskildum skólum, Sandvíkurskóla þar sem eru nemendur frá fyrsta og upp í fjórða bekk, og Sólvallaskóla fyrir nemendur frá fimmta og upp í tíunda bekk.

Hugmyndir um nýja heilbrigðisstétt

Starfandi heimilislæknum fer fækkandi, meðalaldur starfandi heimilislækna er að hækka og ekki tekst að fylla allar þær námsstöður í heimilislækningum sem standa til boða hér á landi. Skortur á heimilislæknum er sá flöskuháls sem helst tefur uppbyggingu heilsugæslunnar hér á landi.

Ríkið tekur æ stærri skerf af bensínverði

Hver er hlutur ríkisins af hverjum seldum bensínlítra? Þegar litið er aftur til desember 2008 á meðfylgjandi skýringarmynd má sjá að ríkið tók til sín 70 krónur af hverjum seldum lítra, og hefur því aukið sinn hlut um 34 krónur á lítrann, sem er nær 50 prósenta aukning.

Hringakstri sagt stríð á hendur í Vatnsleysu

„Ég tel þetta vera innrás inn á mitt land,“ segir Virgill Scheving Einarsson, jarðeigandi á Vatnsleysuströnd sem kom fyrir vegartálma á landi sínu sem bæjaryfirvöld í Vogum létu fjarlægja á þriðjudag.

Ekkert gagn unnið með hrópum á þingmenn

Það eru sameiginlegir hagsmunir okkar allra að standa vörð um störf og starfsfrið Alþingis, segir Bjarni Benediktsson, formaður Sjálfstæðisflokksins, á facebooksíðu sinni í kvöld.

Konur skipta sköpum fyrir atvinnulífið

Íslendingar eiga langa sögu um sterkar, hugrakkar og sjálfstæðar konur allt frá víkingaöld, sagði Halla Tómasdóttir, stjórnarformaður Auðar Capital, í fyrirlestri hjá TedWomen. í fyrirlestrinum fjallar hún um fimm feminísk gildi sem hún segir mikilvægt að hafa í huga í atvinnulífinu.

Ársreikningar Glitnis gáfu kolranga mynd af raunverulegri stöðu

Bókhald Glitnis var í molum fyrir hrun og gaf falska mynd af stöðu bankans, samkvæmt franskri rannsókn sem unnin var fyrir Sérstakan saksóknara.

Handboltahetja hvatti unga nemendur til dáða

Ólafur Stefánsson handknattleiksmaður flutti nemendum 10. bekkja í Reykjavík hvatningarkveðju daginn áður en Pisa-könnunin var gerð hér á landi. Jafnframt ákvað menntaráð að bjóða nemendum í morgunmat á „Pisadaginn". Hjá Reykjavíkurborg telja menn að niðurstöður nýrrar

Pukur á nefndarfundi Alþingis

Fundur utanríkismálanefndar er að hefjast á nefndarsviði Alþingis nú klukkan sjö. Kvikmyndatökumönnum og blaðaljósmyndurum var meinaður aðgangur að húsnæði nefndarsviðs í aðdraganda fundarins.

Leggst gegn starfsemi ECA á Suðurnesjum

Ögmundur Jónasson, ráðherra samgöngumála, leggst gegn því að ECA hefji rekstur flugþjónustu fyrir herflugvélar hér á landi. Sigurður Ingi Jóhannsson, þingmaður Framsóknarflokksins, spurði Ögmund út í málið á Alþingi í dag. Ögmundur sagði að undirbúningur þess að auðvelda ECA, að hefja hér starfsemi myndi kosta umtalsverða fjármuni úr ríkissjóði.

Jón Gnarr veitti styrki til forvarnarverkefna

Jón Gnarr borgarstjóri úthlutaði níu styrkjum úr Forvarna- og framfarasjóði Reykjavíkurborgar í dag. Heildarupphæð styrkja nemur um 6.750 þúsund krónum að þessu sinni.

Almannavarnastig vegna Eyjafjallajökuls lækkað

Í ljósi þess að langur tími er nú liðinn án gosvirkni í Eyjafjallajökli og vísindamenn fullyrða að nýr atburður í jöklinum hefði greinilegan fyrirvara, hefur verið ákveðið að lækka almannavarnastig frá neyðarstigi niður á óvissustig samkvæmt tilkynningu frá almannavardeild ríkislögreglustjóra.

Seldi eiturlyf með barnið í bílnum

Tveir fíkniefnasalar voru handteknir í Reykjavík um kvöldmatarleytið í gær en við aðgerðina var jafnframt lagt hald á tæplega hálft kíló af marijúana samkvæmt upplýsingum frá lögreglunni.

Borgarísjakarnir hærri en Hallgrímskirkja | Myndir

Þyrla Landhelgisgæslunnar TF-GNA fór í gær í gæslu- og hafíseftirlit fyrir Vestfirði samkvæmt upplýsingum sem finna má á heimasíðu gæslunnar. Þar kemur fram að þeir fundu íssjaka sem er talsvert hærri en Hallgrímskirkja.

Undarleg skilaboð úr ráðuneytinu um kjúklingakjöt

„Þau eru undarleg skilaboðin sem berast frá sjávarútvegs- og landbúnaðarráðuneytinu í fjölmiðlum þessa dagana," segir í pistli á vef Neytendasamtakanna sem ber einfaldlega yfirskriftina: „Undarleg skilaboð."

Alþingi rýmt vegna hrópa á þingpöllum

Lögreglan rýmdi Alþingishúsið eftir að mótmælandi gerði hróp að þingforseta Alþingis, Ástu Ragnheiði Jóhannesdóttur.

Gáfu 100 hamborgarhryggi til hjálparstarfs

„Við tökum ofan fyrir því fólki sem hefur staðið að óeigingjörnu hjálparstarfi í áravís og viljum leggja málefninu lið. Það er því miður ekki vanþörf á" sögðu hjónin Margrét Beta Gunnarsdóttir og Benedikt Eyjólfsson, eigendur Bílabúðar Benna, við afhendingu á 100 hamborgarhryggjum til sameiginlegrar jólaaðstoðar Mæðrastyrksnefndar Reykjavíkur, Hjálparstarfs kirkjunnar og Reykjavíkurdeildar RKÍ, nú í vikunni.

Stuðningsmenn níumenninga fylltu þingpalla

Fjöldi fólks kom saman fyrir utan Alþingi í dag til þess að sýna samstöðu með níumenningunum sem ákærðir eru fyrir árás á Alþingi. Fólk hafði verið hvatt til að mæta klukkan hálfþrjú og fylla þingpallana.

Vítisenglar bjóða í jólahlaðborð - engir erlendir gestir í ár

Vélhjólaklúbburinn MC Iceland, sem hefur sótt um inngöngu í Hells Angels og náð stöðunni prospect, hyggst halda jólahlaðborð næstu helgi í Hafnarfirðinum. Meðal annars verður boðið upp á London lamb og hangikjöt. Þá verður einnig boðið upp á kalt hlaðborð.

LÍÚ: Allt eftirlit með sjávarútvegi flutt í ríkisforsjá

Matvælastofnun, MAST, tilkynnti skoðunarstofum þann 23. nóvember sl. að stofnunin muni ekki fela faggildum aðilum framkvæmd eftirlits með sjávar­útvegs­fyrirtækjum frá og með 1. mars 2011. Með ákvörðun sinni hafa stjórnvöld hafnað vilja LÍÚ, SF og SA, og tilmælum sjávarútvegs- og landbúnaðarnefndar Alþingis, um að viðhalda ætti núverandi skoðunarstofufyrirkomulagi í sjávarútvegi og ákveðið að snúa alfarið til ríkisrekins eftirlits.

Tillögum um eflingu heilsugæslunnar skilað

Nefnd sem þáverandi heilbrigðisráðherra skipaði í mars síðastliðinn og átti að leita leiða til að efla heilsugæsluna í landinu hefur skilað af sér. Nefndin leggur meðal annars til að námstöðum í heimilislækningum verði fjölgað, sveigjanleg tilvísanaskylda verði tekin upp og forsendur skoðaðar fyrir flutningi verkefna heilsugæslunnar til sveitarfélaga.

Tveir í haldi grunaðir um úraþjófnað

Tveir menn eru í haldi lögreglu grunaðir um ránið í skartgripaversluninni Leonard. Annar var handtekinn í gær en hinn í morgun. Annar er á tvítugsaldrinum en hinn á þrítugsaldrinum. Þeir verða yfirheyrðir í dag. Verknaðurinn náðist á eftirlitsmyndavélar sem eru í versluninni.

Tveir fimmtán ára handteknir fyrir líkamsárás

Tveir fimmtán ára drengir voru handteknir í gær fyrir líkamsárás í grunnskóla á Selfossi.

Julian Assange efstur hjá Time

Julian Assange, stofnandi Wikileaks, hefur fengið mesta kosningu sem maður ársins á vef tímaritsins Time.

Sveinn Áki hlaut Barnamenningarverðlaunin

Sveinn Áki Lúðvíksson, formaður Íþróttasambands fatlaðra, hlaut í gær Barnamenningarverðlaun Velferðarsjóðs barna árið 2010 fyrir öflugt starf í þágu ungmenna. Verðlaunaféð, tvær milljónir króna, verður nýtt til að efla enn frekar starfsemi ÍF að því er fram kemur í tilkynningu. Samtals námu styrkirnir sem afhentir voru úr Velferðarsjóði barna í gær um sjö milljónum króna.

Góð reynsla af greiðslu bóta til fólks í skertu starfshlutfalli

Samkvæmt upplýsingum frá Vinnumálastofnun voru í október 2010 samtals 1.903 einstaklingar sem skráðir voru á atvinnuleysisskrá í hlutastarfi eða í skertu starfshlutfalli. Þriðjungurinn voru karlar, 623, en tveir þriðju hlutar konur, 1.280. Þar af fengu 1.179 einstaklingar greiddar atvinnuleysisbætur vegna skerts starfshlutfalls á grundvelli ákvæðis til bráðabirgða í lögum um atvinnuleysistryggingar. Alls voru 70% þeirra konur en 30% karlar.

Margar vísbendingar um úraþjófa

Lögreglunni hafa borist þónokkrar vísbendingar um hverjir gætu hafa rænt úrum fyrir allt að fimm milljónir króna úr versluninni Leonard í Kringlunni í gærdag.

Hafís ógnar siglingum undan Vestfjörðum

Hafís er nú 25 til 40 sjómílur út af Vestfjörðum og geta stórar íshellur reynst hættulegar skipum, samkvæmt skeyti frá Landhelgisgæslunni eftir ískönnunarflug í gær. Ísinn er þéttur og sumstaðar orðinn samfrosinn og voru fimm borgarísjakar í ísbreiðunni.

416 þúsund í bensín á ári

Eldsneytiskostnaður við meðal fjölskyldubíl verður 416 þúsund krónur á ári, haldist verðið í 208 krónum á lítrann. Fyrir tveimur árum kostaði lítrinn 141 krónu og var árskostnaður miðað við það 282 þúsund. Hækkunin nemur 134 þúsundum, eða 47 prósentum.

Kviknaði í tuskudýri út frá nýrri jólaseríu

Sprenging í fjólublárri ljósaseríu sem keypt var í Húsasmiðjunni í Skútuvogi um helgina varð til þess að það kviknaði í tuskudýri tveggja ára stúlku. Serían var í sambandi á gólfi svefnherbergis stúlkunnar, Mínervu Geirdal Freysdóttur, sem var í fastasvefni þegar atvikið átti sér stað, um hálf tvö á mánudagsnótt.

Sagður óútreiknanlegur

Fyrir þingkosningarnar vorið 2007 segir í skýrslu bandaríska sendiráðsins að Ólafur Ragnar Grímsson forseti sé einn þeirra óútreiknan­legu þátta sem gætu haft áhrif á þróun mála eftir kosningarnar.

Batamerki í PISA-könnun

Íslenskir grunnskólanemendur bæta stöðu sína í lesskilningi samkvæmt niðurstöðu nýrrar PISA-rannsóknar.

Tekið undir tillögu um rannsókn á Íbúðalánasjóði

Guðbjartur Hannesson félagsmálaráðherra er fylgjandi sjálfstæðri og óháðri rannsókn á starfsemi Íbúðalánasjóðs frá aðdraganda breytinganna á fjármögnun og lánareglum Íbúðalánasjóðs sem hrint var í framkvæmd á

Virkja sköpunargáfu barna

Háskólinn í Reykjavík, HR, hefur bæst í hóp bakhjarla Nýsköpunarkeppni grunn­skólanna og ætlar að styðja við keppnina á næstu árum. Marel hefur stutt við keppnina frá upphafi, eða í nítján ár, og mun halda því áfram. Nú í haust hófst tuttugasta ár keppninnar, sem lýkur að ári.

Búinn að fá nóg

„Sonur minn er búinn að fá nóg af öllu þessu veseni og vill nú bara fara heim,“ segir Julio Cesar Gutierrez, bóndi á Hávarsstöðum í Hvalfjarðarsveit. Útlendingastofnun hefur synjað syni hans, Julio Daniel nítján ára, um dvalarleyfi. Feðgarnir ætla ekki að kæra úrskurðinn.

Skýr heimild til að bjarga Sjóvá

Gagnrýni ríkisendur­skoðunar á aðkomu ríkisins að endurskipulagningu Sjóvár kemur á óvart segir Steingrímur J. Sigfússon fjármálaráðherra. Ríkisendurskoðun telur óljóst hvaða lagaheimildir hafi verið stuðst við þegar ríkið lagði 11,6 milljarða króna í félagið í fyrra.

Innflytjendum fækkar á milli ára

Innflytjendum hér á landi hefur fækkað síðan í fyrra. Hinn 1. janúar 2010 voru innflytjendur af erlendum uppruna 8,2 prósent mannfjöldans, eða um 26 þúsund manns. Árið 2009 voru tæplega 29 þúsund innflytjendur á Íslandi, eða um 9 prósent íbúa. Er þetta samkvæmt nýjustu tölum Hagstofunnar.

Einar lét sér fátt um finnast

Hvalveiðar Íslendinga eru meðal þeirra mála sem reglulega koma til umræðu í skýrslum bandaríska sendiráðsins til stjórnvalda í Washington. Bandarísk stjórnvöld eru andvíg hvalveiðum og koma þeim skilaboðum jafnan til skila á fundum með fulltrúum íslenskra stjórnvalda.

Horft í hverja krónu við stofnunina

Gosverksmiðjan Klettur, við Köllunarklettsveg í Reykjavík, var formlega opnuð í gær. Katrín Júlíusdóttir iðnaðarráðherra opnaði verksmiðjuna.

200 milljónir urðu að 129 þúsund krónum

Tannlæknir á Suðurnesjum hefur verið ákærður fyrir að svíkja rúmar 129 þúsund krónur út úr Tryggingastofnun (TR) með því að hafa rukkað fyrir tannviðgerðir sem hann ekki vann. Málið var þingfest fyrir Héraðsdómi Reykjaness í fyrradag. Verjandi mannsins, Gestur Jónsson hrl., segir málatilbúnað undarlegan og hefur gert kröfu um að málinu verði vísað frá dómi.

Wikileaks: Íslenskir karlmenn seldu aðgang að erlendum eiginkonum

Erlendar konur sem fluttu frá heimalandi sínu til að hefja nýtt líf með íslenskum eiginmanni búa sumar hverjar í aðstæðum sem helst má líkja við þrælahald. Þetta kemur fram í gögnum bandaríska sendiráðsins sem fréttastofa hefur undir höndum og Wikileaks hefur boðað birtingu á.

Fékk tilboð um kynferðislega þjónustu

Starfsmaður bandaríska sendiráðsins var árið 2006 sendur í rannsóknarferð inn á nektarstaðinn Goldfinger í Kópavogi, þar sem hann fékk tilboð um „kynlífsþjónustu“, eins og það er orðað í skýrslu sendiráðsins, sem

Gæslan varar við ís

Þyrla Landhelgisgæslunnar TF-GNA fór í dag í gæslu- og hafíseftirlit fyrir Vestfirði. Kom þyrlan að ísrönd sem liggur milli Íslands og Grænlands til austurs. Kemur ísröndin næst landi um 21,7 sjómílu norður af Horni, 25,3 sjómílur frá Straumnesi og 43,6 sjómílur frá Barða, þar er hafísinn orðinn samfrosinn og með stórum íshellum sem getað verið hættulegar skipum.

Árborg skuldar 9,3 milljarða

Skuldir sveitarfélagsins Árborgar munu um næstu áramót standa í 9,3 milljörðum króna. Það er yfir viðmiðunarmörkum Eftirlitsnefndar með fjármálum sveitarfélaga.

Greiðir 44 milljónir króna í heiðurslaun listamanna

Alþingi greiðir listamönnum samtals 44 milljónir króna í heiðurslaun á næsta ári, samkvæmt breytingatillögu fjárlaganefndar við fjárlagafrumvarpið fyrir næsta ár. Alls fá 28 listamenn greidd heiðurslaun og fær hver um sig greiddar tæpar 1,6 milljónir króna á árinu.