Formaður VM segir Framtakssjóðinn brjóta reglur

Reglur hafa verið brotnar í starfsemi Framtakssjóðs Íslands, segir Guðmundur Ragnarsson, formaður Vélstjóra- og málmiðnaðarfélag Íslands. Hann segir að lífeyrissjóðir hafi verið settir upp vði vegg með að setja meira fjármagn inn í sjóðinn án þess að þeir hafi getu til að leggja mat á fjárfestingarnar.

Lögreglan stöðvaði 220 ökumenn

Um 220 ökumenn voru stöðvaðir á höfuðborgarsvæðinu um helgina í sérstöku umferðareftirliti sem lögreglan heldur nú úti í umdæminu. Þrír ökumenn reyndust ölvaðir við stýrið og einn var undir áhrifum fíkniefna. Þeir eiga allir ökuleyfissviptingu yfir höfði sér.

Brunaboð í Viðey og tilkynnt um eld í rafmagnsbíl

Slökkvilið höfuðborgarsvæðisins var tvívegis kallað út í dag. Í fyrra skiptið fór brunaboði í gan úti í Viðey en þar virtist sem eldur væri laus í skólahúsinu svokallaða. Ein stöð var send á vettvang og fóru slökkviliðsmennirnir með Viðeyjarferjunni út í eynna. Enginn eldur var þó laus og fundust ekki skýringar á brunaboðinu.

Völvan og Vikan gefa Helgu Sigríði jólagjöf

„Ég vildi óska að við hefðum verið fyrri til en Völvan vildi gefa ákveðna upphæð af sínum launum og bað okkur að gera það í nafni Völvu Vikunnar. Okkur fannst þá ekki hægt annað en að gefa jafn mikið," segir Elín Arnar, ritstjóri Vikunnar, um 360 þúsund króna jólagjöf sem Völva Vikunnar og tímaritið Vikan gefa Helgu Sigríði Sigurðardóttur, tólf ára stúlku sem hneig niður í sundtíma á Akureyri fyrir skömmu.

Bíræfinn þjófnaður í Kringlunni: Stálu úrum fyrir fimm milljónir

Tveir menn rændu úrum fyrir fimm milljónir króna í skartgripabúð í Kringlunni í dag.

Björgunarsveitir sækja slasaðan mann í Banagil

Björgunarsveitir Slysavarnafélagsins Landsbjargar á Vesturlandi og Dölum voru kallaðar út nú fyrir skömmu vegna manns sem er slasaður í Banagili samkvæmt tilkynningu frá Landsbjörg.

Slökktu ítrekað á Oslóartrénu fyrir mistök

„Það er búið að gera við þetta. Svo virðist sem rofi hafi verið vitlaust stilltur," segir Sighvatur Arnarson, skrifstofustjóri gatna- og eignaumsýslu Reykjavíkurborgar, en glöggir vegfarendur tóku eftir því að það slökknaði á jólaljósunum á Oslóartrénu á Austurvelli yfir daginn. Tréð var tendrað fyrir rúmri viku síðan.

Guðni: Bankavíxlar töldust mjög örugg fjárfesting

Guðni Ágústsson fyrrverandi landbúnaðarráðherra segir að hvorki Ríkisendurskoðun né fjármálaráðuneytið hafi gert athugasemdir við það að 214 milljónir króna sem stóðu eftir við sölu og niðurlagningu Lánasjóðs landbúnaðarins hefðu verið ávaxtaðir í bankavíxlum hjá Kaupþingi. Í gær komu fram alvarlegar athugasemdir við málið í skýrslunni „Endurskoðun ríkisreiknings árið 2009" og sagt að ráðuneytið hefði fremur átt að skila fénu til ríkisféhirðis í stað þess að ávaxta það með þessum hætti.

Skeljungur hækkar líka bensínverð - lítrinn á 209 krónur

Skeljungur hefur hækkað verð á bensíni upp í 209 krónur en Olís reið á vaðið í morgun og hækkaði eldsneytisverð um fimm krónur. Olís er hinsvegar krónu ódýrari en Skeljungur samkvæmt heimasíðunni gsmbensín.

BÍ: Fjölmiðlafrumvarpi áfátt í veigamiklum atriðum

Blaðamannafélag Íslands segir að frumvarpi til laga um fjölmiðla sem nú er til umræðu á Alþingi sé áfátt í veigamiklum atriðum. Í nýju áliti um frumvarpið segir félagið að litlar líkur séu til þess að frumvarpið nái tilgangi sínum sem var að stuðla að tjáningarfrelsi, rétti til upplýsinga, fjölmiðlalæsi, fjölbreytni og fjölræði í fjölmiðlum.

Hrædd eftir líflátshótanir: „Ég píni ekki dýrin mín“

„Mér þykir vænt um dýrin mín. Ég píni ekki dýrin mín," segir Stefanía Inga Lárusdóttir, bóndi á Stórhóli í Djúpavogshreppi. Hún var á síðasta ári dæmd fyrir illa meðferð á dýrum.

Lögreglan komin á Facebook

Lögreglan á höfuðborgarsvæðinu er komin á samskiptasíðuna Facebook. Fjöldi Íslendinga notar þessa heimsfrægu samskiptasíðu og lögreglan virðist ekki ætla að láta sitt eftir liggja.

Einn stærsti myndabanki veraldar í mál við Barnaland

Einn stærsti myndabanki veraldar, Getty images international ltd., hefur stefnt eignarhaldsfélaginu Fronti fyrir Héraðsdóm Reykjavíkur, vegna notkunar á myndum sem forsvarsmenn Gettys vilja meina að Frontur hafi ekki greitt fyrir.

Lakari námsárangur barna á landsbyggðinni

Íslenskir nemendur bæta stöðu sína í lesskilningi samkvæmt niðurstöðum nýrrar PISA rannsóknar á lesskilningi og læsi á stærðfræði og náttúrufræði á meðal 15 ára nemenda.

Helga Sigríður vöknuð: Á leið heim á næstu dögum

Helga Sigríður Sigurðardóttir, stúlkan sem flutt var með hraði til Gautaborgar eftir að hún hneig niður í sundtíma á Akureyri, hefur verið vakin og tekin úr öndunarvél. Allar líkur eru á því að hún komi heim til Íslands á næstu dögum.

Inspired By Iceland tilnefnd til virtra verðlauna

Ein umfangsmesta og umtalaðasta auglýsingaherferð sem ráðist hefur verið í hér á landi, Inspired by Iceland, er tilnefnd til tveggja verðlauna á einni glæsilegustu auglýsingahátíð Evrópu, European Exellence Awards. Verðlaunin verða veitt á fimmtudaginn við hátíðlega athöfn í Prag.

Bensínlítrinn kominn upp í 208 krónur

Olís hækkaði eldsneytisverð um fimm krónur í morgun. Lítrinn af bæði dísel og 95 okt., kosta nú 208 krónur á bensínstöðvum Olís samkvæmt heimasíðunni gsmbensín.

Þrír Íslendingar í sjávarháska í Noregi

Þrír íslenskir sjómenn voru hætt komnir þegar brotsjór reið yfir bát þeirra við Noregsstrendur í gær með þeim afleiðingum að gluggar brotnuðu og sjór flæddi um allt.

Samræður við sendiráð verða sjálfsagt erfiðari

Starfsemi bandaríska sendiráðsins hér á landi er sambærileg við starfsemi annarra sendiráða um heim allan, þar á meðal íslenskra sendiráða erlendis. Internet og alþjóðavæðing hefur samt dregið úr mikilvægi upplýsinga frá sendiráðum.

Ráðuneytin sleppa jólakortunum - 6 milljónir til hjálparsamtaka

Að tillögu forsætisráðherra samþykkti ríkisstjórnin á síðasta fundi sínum að ekki yrðu send jólakort innanlands í nafni einstakra ráðuneyta en að andvirðinu yrði varið til félagasamtaka sem aðstoða þá sem höllum fæti standa.

Pólverjar og Litháar fjölmennastir innflytjenda

Þann 1. janúar 2010 voru innflytjendur 8,2% íbúa landsins, eða 26.171.Það er fækkun frá árinu 2009, þegar innflytjendur voru 9,0% landsmanna og 28.644 alls.

Tekið á mútugreiðslum og peningaþvætti

Allsherjarnefnd hefur afgreitt frumvarp um samning Sameinuðu þjóðanna um spillingu og leggur til að Alþingi samþykki frumvarpið sem felur í sér að breytingar á hegningarlögum.

Vér mótmælum allir

Farmanna-og fiskimannasamband Íslands, Landssamband íslenskra útvegsmanna og Félag vélstjóra og málmtæknimanna mótmæla sameiginlega öllum hugmyndum um sölu ríkisins á aflaheimildum.

Fyrsta loðnan á land

Verið er að landa fyrstu loðnunni á þessari vertíð úr Berki NK, sem kom undir kvöld til Neskaupstaðar, með fjögur til fimm hundruð tonn. Ekkert var byrjað að veiða á þessum tíma í fyrra þar sem engin kvóti hafði verið gefinn út.

Tollstjóri í stríði við fljúgandi furðuhlut

Nýtt götusalerni fyrir almenning sem framkvæmdasvið Reykjavíkurborgar leigir af AFA JCDecaux og stendur í Tryggvagötu fellur í grýttan jarðveg innandyra í Tollhúsinu.

Segir óábyrgt af Wikileaks að birta gögn um sæstrengi

Fjarskiptafélagið Hibernia Atlantic er ekki með sérstakan viðbúnað þrátt fyrir að lendingarstaðir þess fyrir ljósleiðara séu á lista bandarískra stjórnvalda yfir þjóðhagslega mikilvæga staði. Hibernia Atlantic er í eigu íslenska félagsins Hibernia Group, sem aftur er í meirihlutaeigu Columbia Ventures, félags Kenneths Peterson.

Ekkert bendir til gagnastulds

„Ég hef bæði haft samband við ríkislögreglustjóra og embætti saksóknara, rætt við menn og leitað ráða. Svo ætla ég að hafa samband við kínverska sendiráðið og láta þá vita að ég hafi ekki ásakað þá um neinar njósnir,“ segir Kári Stefánsson, forstjóri og stofnandi Íslenskrar erfðagreiningar, ÍE.

Enginn tilgangur með kæru

„Hann getur auðvitað kært konurnar fyrir rangar sakagiftir, en það hefur engan tilgang,“ segir Brynjar Níelsson lögfræðingur. Gunnar Þorsteinsson leitaði til Brynjars um ráð vegna ásakana um kynferðislega áreitni. „Konurnar eru að lýsa upplifun sinni á löngu liðnum atburðum, sem verða ekki upplýstir með góðu móti í dag.“

Ágreiningur um hernaðaryfirbragð

Nokkurrar togstreitu gætti milli bandaríska sendiráðsins hér á landi og íslenskra stjórnvalda um þátttöku Íslendinga í friðargæslustörfum í Afganistan á árunum 2006 til 2008, samkvæmt frásögnum sendiherrans í skeytum til stjórnvalda í Washington.

Wikileaks: Vildu sópa Kjúklingastræti undir teppið

Fjallað er um harmleikinn í Kjúklingastræti í Kabúl árið 2004 í leyniskjölum bandaríska sendiráðsins. Þar urðu íslenskir friðargæsluliðar fyrir árás sem kostaði tvo vegfarendur lífið.

Wikileaks: Bandaríkin börðust gegn lokun Varnarmálastofnunar

Bandarísk stjórnvöld beittu Össur Skarphéðinsson utanríkisráðherra miklum þrýstingi til að reyna að koma í veg fyrir að Varnarmálastofnun yrði lögð niður. Þetta kemur fram í leyniskjölum sem lekið var til Wikileaks.

Danir hafa áhyggjur af námskostnaði

Danir bera verulega skarðan hlut frá borði í samstarfi Norðurlanda í háskólanámi. Samkvæmt frétt á danska vefnum A4 nemur vergur kostnaður danska ríkisins við nám norrænna háskólanema um 6.800 milljónum íslenskra króna.

Kosið verði um ESB viðræður fyrir lok maí

Vigdís Hauksdóttir Framsóknarflokki hefur lagt fram breytingatillögu við eigin tillögu um þjóðaratkvæðagreiðslu um aðildarviðræður Íslands og ESB.

Margir eru enn látnir hverfa

„Þvinguð mannshvörf eru eitt það skelfilegasta sem getur komið fyrir fjölskyldur,“ segir Jóhanna K. Eyjólfsdóttir, framkvæmdastjóri Íslandsdeildar Amnesty International.

Ný götumynd birtist senn í Kirkjustræti

Nú þegar Skúlahús er farið úr Vonarstræti og komið á nýjan grunn á horni Kirkjustrætis og Tjarnargötu er fátt sem bendir til að götumyndin þar verði fyllt út frekar á næstunni.

Sjái til þess að kjörin skerðist ekki

Það er á ábyrgð stjórnvalda að sjá til þess að kjör sjómanna skerðist ekki þó að sjómannaafslátturinn verði afnuminn.Þetta kemur fram í ályktun nýafstaðins þings Sjómannasambands Íslands.

Þyrla Gæslunnar sótti veikan dreng

TF LÍF, þyrla Landhelgisgæslunnar, var kölluð út klukkan hálfsjö í kvöld eftir að læknir í Stykkishólmi óskaði eftir aðstoð þyrlunnar við að flytja slasaðan dreng á spítala í Reykjavík.

Gamlar glæður valda vandræðum á Facebook

Ein athugasemd getur valdið misskilningi sem leiðir á endanum til skilnaðar. Samkvæmt könnun meðal bandarískra skilnaðarlögfræðinga er hægt að rekja fimmtung allra skilnaða beint til Facebook- og Twitter-notkunar. Þetta eru sambærilegar niðurstöður og fengust í breskri könnun nýverið.

Wikileaks: „Mikilvægast að það líti út fyrir að við séum að gera eitthvað.“

Starfsmenn utanríkisráðuneytisins reyndu að gera sem minnst úr boðaðri skoðun íslenskra yfirvalda á því hvort fangaflugvélar CIA hafi millilent hér á landi. Í skjali sem skrifað er 13. júlí 2007 eru sagt frá rannsókninni og samtölum sendiráðsmanna við starfsmenn utanríkisáðuneytisins.

Bankamenn blekktu sjálfa sig

Árni Mathiesen, fyrrverandi fjármálaráðherra, segist ekki hafa borið ábyrgð á því að hafa eftirlit með bönkunum eða gera tillögur um það hvernig ætti að bregðast við þeirri stöðu sem var komin upp þegar í ljós kom að starfsemi bankanna byggðist á blekkingu. Árni var gestur Kastljóssins á RÚV í kvöld.

Norskir sérfræðingar rannsaka salmonellusmit á Íslandi

Norskir sérfræðingar eru væntanlegir til landsins til að kanna óvenju háa tíðni salmonellusmita í kjúklingum hér á landi. Fram til ársins 2007 var sýkingin nær óþekkt í búum hér.

Sýndarmennska að skipa starfshóp um fangaflug

Starfshópur sem sagður var eiga að kanna fangaflug CIA í íslenskri lofthelgi var sýndarmennska ein, samkvæmt Wikileaks-skjali úr bandaríska sendiráðinu. Raunverulegt hlutverk hópsins hafi verið að koma höggi á Steingrím J. Sigfússon og láta líta út fyrir að stjórnvöld væru eitthvað að aðhafst.

Icesave-niðurstaða vonandi fyrir lok vikunnar

Forsætisráðherra segir að aðeins standi tvö til þrjú atriði út af í samningaviðræðum um Icesave. Þegar það verði klárað verði samningsdrög kynnt fyrir utanríkismálanefnd og gæti það orðið í lok þessarar viku. Af þessum sökum verður áliti ESA ekki svarað.

Ríkisstjórnin finnur upp nýjan skatt

Bönkum og lífeyrissjóðum verður ætlað með nýrri skattlagningu að fjármagna sérstakar vaxtaniðurgreiðslur, sem kveðið er á um í viljayfirlýsingu stjórnvalda um skuldavanda heimila.

Bílaeldsneyti framleitt úr borholureyk

Framkvæmdir eru hafnar í Svartsengi við fyrstu verksmiðju sinnar tegundar í heiminum sem framleiðir metanól úr koltvísýringsútblæstri. Áætlað er að verksmiðjan verði komin í gagnið næsta vor.