Fleiri fréttir

Alþingi skorar á kínversk stjórnvöld

Alþingi skorar á kínversk stjórnvöld að leysa Liu Xiaobo, friðarverðlaunahafa Nóbels í ár, úr haldi. Hann afplánar nú ellefu ára dóm í Kína vegna baráttu sinnar fyrir mannréttindum. Í þingsályktunartillögu sem samþykkt var á Alþingi í dag, með 32 samhljóða atkvæðum, er því fagnað að Xiaobo hafi verið veitt friðarverðlaunin.

Síðasta mannlega bensínstöðin mun starfa áfram

Skeljungur hefur hætt við að loka bensínstöðinni í Skógarhlíð, skammt fyrir ofan slökkvistöðina. Ákveðið hafði verið að loka henni á sunnudaginn, samkvæmt upplýsingum frá Einari Erni Ólafssyni, forstjóra Skeljungs.

Synjað um bætur vegna handtöku

Héraðsdómur Reykjavikur hefur sýknað ríkið af skaðabótakröfu manns sem handtekinn var í byrjun júlí 2007 í klúbbhúsi vélhjólasamtakanna Fáfnis.

Létust í bílslysi í Tyrklandi

Parið sem lést í gær í bílslsysi skammt frá bænum Mugla í Tyrklandi var ungt námsfólk sem bjó í Danmörku. Þau hétu Jóhann Árnason, fæddur árið 1985, og Dagbjört Þóra Tryggvadóttir, fædd árið 1976.

Músum fjölgar í Reykjavík

„Maður sér það og heyrir það á kvörtunum frá íbúum að þær eru að koma meira inn greyin," segir Guðmundur Björnsson rekstrarstjóri meindýravarna Reykjavíkurborgar. Á haustin fara mýsnar að láta sjá sig og segir Guðmundur að aukning sé á músagangi í Reykjavík í októbermánuði miðað við undanfarin ár. Hann segir að stofninn sé orðinn stór en aðallega eru það húsamýs sem meindýravarnir hafa þurft að hafa afskipti af.

Hreyfingin: Fyrningarfrumvarpið fær falleinkunn

Þingmenn Hreyfingarinnar segja að nýtt frumvarp til breytinga á lögum um gjaldþrotaskipti sé meingallað og „í raun ónýtt", eins og það liggur fyrir. Þingmennirnir segja að frumvarpið nái ekki tilgangi sínum sem eigi að vera að koma gjaldþrota fólki í skjól frá endurupptöku krafna eftir tvö ár. Í frumvarpinu er gert ráð fyrir að fyrningu megi rifta með dómsúrskurði ef lánadrottin sýnir fram á að hann hafi „sérstaka hagsmuni af því að slíta aftur fyrningu", svo og ef telja má að fullnusta geti fengist á kröfunni á nýjum fyrningartíma.

Ögmundur felur nefnd að meta umsækjendur

Ögmundur Jónasson, tilvonandi innanríkisráðherra, fól í dag þriggja manna hæfnisnefnd að fara yfir umsóknir um embætti ráðuneytisstjóra hins nýja innanríkisráðuneytis sem tekur til starfa um áramót.

Enn hagrætt á leikskólasviði Reykjavíkurborgar

Enn verður hagrætt á leikskólasviði Reykjavíkurborgar samkvæmt tillögu Jóns Gnarr borgarstjóra um fjárhagsramma fyrir fagsvið Reykjavíkurborgar á næsta ári. Tillagan var lögð fram í borgarráði í dag. Í tilkynningu frá Birni Blöndal, aðstoðarmanni borgarstjóra, segir að lögð sé áhersla á að verja þjónustu við börn og ungmenni eftir fremsta megni. Þannig verða framlög til leikskólasviðs hækkuð vegna fjölgunnar barna á leikskólasviði. Þó þarf sviðið að taka á sig hagræðingu.

Vilja uppboðsmarkað fyrir eignir bankanna

Tíu þingmenn Framsóknarflokksins og Þór Saari, þingmaður Hreyfingarinnar, vilja að komið verði á fót uppboðsmarkaði fyrir eignir banka og fjármálastofnana. Þingsályktunartillaga þessa efnis hefur verið lögð fram á Alþingi og samkvæmt henni myndi efnahags- og viðskiptaráðherra hafa forgöngu um að stofna óháðan og gagnsæjan uppboðsmarkað fyrir eignir banka og fjármálastofnana, fyrir utan íbúðahúsnæði, sem hafa verið yfirteknar. Í tillögunni segir að markaðnum sé ætlað að „auka skilvirkni efnahagslífsins og trúverðugleika íslensks fjármálakerfis, efla traust almennings og stuðla að gagnsærra samfélagi."

ESB segir að við þurfum 80 túlka i vinnu

Fulltrúar Evrópusambandsins leggja áherslu á að Ísland muni þarfnast hið minnsta 80 ráðstefnutúlka að staðaldri ef Ísland gerist aðili að Evrópusambandinu. Svo margir ráðstefnutúlkar eru ekki til staðar

Hrottinn í Laugardal ófundinn

Maður sem um hábjartan dag réðst á sextán ára gamla stúlku að tilefnislausu í Laugardalnum er ófundinn og er málið óupplýst. Stúlkan er á batavegi. Stúlkan var að ganga heim úr skólanum, Fjölbrautaskólanum í Ármúla, og stytti sér leið í gegnum Laugardalinn þegar maðurinn réðst á hana upp úr þurru síðdegis hinn 11. október síðastliðinn.

Hestamennska og trúarhefðir verði að mæta afgangi

Áhugamál eins og hestamennska og trúarhefðir verða að mæta afgangi í fjárlögum á meðan fólk stendur í biðröðum eftir mat. Þetta kom fram í máli Þórs Saari, þingmanns Hreyfingarinnar, á Alþingi í morgun. Hann kallaði eftir breyttri forgangsröðun í fjárlagafrumvarpinu.

Síðasti borgarafundur fyrir þjóðfund haldinn í kvöld

Stjórnlaganefnd og Samtök sveitarfélaga á höfuðborgarasvæðinu halda borgarafund í dag í Súlnasal á Hótel Sögu frá klukkan hálfsex til hálfátta. Fundurinn er kynningafundur um stjórnlagaþing og Þjóðfund 2010 auk þess sem kallað er eftir sjónarmiðum fundarmanna.

Megum veiða 143.000 tonn úr norsk-íslenska síldarstofninum

Íslenskum skipum verður heimilt að veiða 143.359 tonn úr norsk-íslenska síldarstofninum á næsta ári. Þetta var ákveðið á fundi strandríkja um stjórnun veiða úr norsk-íslenska síldarstofninum, sem lauk í Lundúnum í dag. Þar náðist samkomulag um að heildarafli verði 988.000 tonn árið 2011.

Reykjanesbær fær 159 milljónir í dag

Samgöngu- og sveitarstjórnarráðherra hefur samþykkt tillögu ráðgjafarnefndar Jöfnunarsjóðs sveitarfélaga um áætlaða úthlutun tekjujöfnunarframlaga árið 2010 á grundvelli reglugerðar um Jöfnunarsjóð sveitarfélaga. Áætluð heildarfjárhæð framlaganna nemur um 1.228 milljónum króna.

Um 79% alkóhólista reykja

Um 79% alkóhólista sem koma til meðferðar á Vogi reykja tóbak, samkvæmt könnun sem gerð hefur verið á meðal þeirra. Um 14% hafa reykt en eru hættir en einungis 7% hafa aldrei reykt.

Bréf trúlausra til mannréttindaráðs

Vantrú, félag trúlausra, hefur sent mannréttindaráði Reykjavíkur bréf þar sem lýst er ánægju vegna hugmynda áðsins um samskipti leik- og grunnskóla við trúfélög. Þar segir ennfremur: „Vantrú hefur í mörg ár reynt að benda á mikilvægi hlutleysis skóla í trúmálum og fyrir vikið höfum við fengið á okkur ásakanir og árásir líkar þeim sem þið megið nú þola.

Fjölskylduhjálpin vill frá 50 tonna þorskkvóta

Sjávarútvegsráðuneytið skoðar nú hvort flötur sé á því að Fjölskylduhjálpin megi semja við útgerðarfyrirtæki um að veiða fyrir sig 50 tonn af þroski, sem yrði viðbótarkvóti við útgefinn heildarkvóta.

Notuðu bíl til að brjóta sér leið inn í fyrirtæki

Þjófar notuðu bíl til að brjóta sér leið inn í fyrirtæki í Seljahverfi í Reykjavík í nótt. Þeir óku bílnum á stóra rúðu og brutu hana. Síðan fóru þeir þar inn og höfðu einhver verðmæti á brott með sér.

Alhvítt á Akureyri

Alhvítt er nú á Akureyri eftir að þar fór að snjóa í gærkvöldi og þurfa ökumenn að bursta af bílum sínum og skafa rúður í morgunsárið, að sögn lögreglu.

Flóð frambjóðenda drekkir kjósendum

Fyrirkomulag persónukosninganna til stjórnlagaþings er meingallað og veldur því að kosningarnar munu ekki þjóna tilgangi sínum, heldur þvert á móti grafa undan honum. Þetta segir Gunnar Helgi Kristinsson stjórnmálafræðiprófessor.

Skuldafyrning gæti umbylt samfélaginu

Stjórnarfrumvarp um styttri fyrningartíma skulda við gjaldþrot – niður í tvö ár – gæti umbylt íslensku fjármálakerfi og þjóðlífi.

Netglæpamenn geta notað óvarðar tölvur til innbrota

Fjarskipti Íslenskur almenningur verður sjálfur að gæta að öryggi eigin tölvubúnaðar, bæði til að verja eigin upplýsingar og til að tölvur þeirra séu ekki notaðar til árása eða innbrota í tölvukerfi annars staðar í heiminum, segir sérfræðingur í netöryggi.

Icesave dæmi um stuttan fyrirvara

Vigdís Hauksdóttir, þingmaður Framsóknarflokks, lagði í gær fram á Alþingi frumvarp til að breyta lögum um þjóðaratkvæðagreiðslur þannig að hægt sé að halda slíkar atkvæðagreiðslur með skemmri fyrirvara en þremur mánuðum.

Nauðugur kostur að sögn bænda

„Þetta er gert í skugga þess að það þarf að skera niður, og okkur var bara nauðugur sá kostur að taka þátt í því,“ segir Haraldur Benediktsson, formaður Bændasamtaka Íslands, um nýjan búnaðarlagasamning sem fulltrúar ríkis og bænda undirrituðu í gær.

Einkareknir skólar gagnrýna breytingar

Formaður Samtaka sjálfstætt starfandi skóla, Margrét Pála Ólafsdóttir, segir jákvætt að borgaryfirvöld hugsi um fjölbreytileika nemenda í leik- og grunnskólum Reykjavíkur og mikilvægi þess að réttur allra sé virtur. Aftur á móti þykir Margréti Pálu óheppilega farið að hugmyndinni.

Skýra þarf betur lög um félagagjöldin

Óvíst er hvort dómur Hæstaréttar um töku félagsgjalds af útgerðarmanni til Landssambands smábátaeigenda sem ekki á aðild að sambandinu hafi áhrif á búnaðargjald sem bændur greiða af búvöruverði til Bændasamtakanna.

Sólkross tengist ekki rasisma

Trúmál Ásatrúarmönnum sárnaði verulega þegar þjóðernissinnar báru fána með sólkrossi á mótmælunum við Alþingishúsið í upphafi mánaðar. Það kemur fram í grein Jóhönnu Harðardóttur Kjalnesingagoða í nýjasta tölublaði fréttabréfs safnaðarins.

Taldi amfetamínvökva vera vín

Ríkissaksóknari hefur ákært pólskan karlmann á fertugsaldri fyrir að reyna að smygla til landsins einum lítra af amfetamínvökva.

Vilja geta selt hingað landbúnaðarvörur

Fjórir þingmenn vilja að utanríkisráðherra óski eftir viðræðum við ríkisstjórn Bandaríkjanna um tvíhliða fríverslunarsamning milli ríkjanna. Þau Birgir Þórarinsson, Ragnheiður Elín Árnadóttir, Jón Gunnarsson og Ásmundur Einar Daðason lögðu fram þingsályktunartillögu þess efnis á þriðjudag.

Íslandsvika BBC - tökulið á Þingeyri

Tökulið á vegum BBC var stadd á Þingeyri á mánudag við tökur á heimildarmynd um Laxdælasögu samkvæmt frétt á vef Bæjarins besta, bb.is.

Rafiðnaðarskólinn í nýtt húsnæði

Þrátt fyrir að mjög margir iðnaðarmenn finni nú tímabundið fyrir verkefnaskorti, eftir að efnahagsóveðrið skall á Íslandi af fullum þunga fyrir tveimur árum síðan, hefur nemendum ekkert fækkað í Rafiðnaðarskólanum. Þar stunda nú um 1000 manns nám á hverju ári, samkvæmt upplýsingum frá Rafiðnaðarsambandinu.

Búið að endurreikna samninga 25 - 30 þúsund einstaklinga

Efnahags- og viðskiptaráðuneytið áætlar að fjármálafyrirtæki hafi nú þegar endurreiknað gengisbundna lánasamninga 25 til 30 þúsund einstaklinga. Þeir lántakendur sem um ræðir hafa fengið tilkynningu um lækkun eftirstöðva

Ríkisstjórnin hefji þegar viðræður við Alcoa og BMG

25 þingmenn Sjálfstæðisflokks, Framsóknarflokks og Samfylkingarinnar hafa lagt fram tillögu til þingsályktunar þess efnis að ríkisstjórninni verði falið nú þegar að hefja viðræður við Alcoa á Íslandi og kínverska álfyrirtækið Bosai Mineral Group.

Fimm mánaða fangelsi fyrir hnífaárás

Tvítugur karlmaður hefur verið dæmdur í fimm mánaða skilorðsbundið fangelsi fyrir að ráðast á mann með hnífi og veita honum áverka. Árásin var gerð í heimahúsi í Kópavogi í byrjun apríl 2008. Pilturinn sem ráðist var á hlaut skurði í hársverði, á vinstri öxl og sár á hægri síðu.

Heimili og skóli: Niðurskurður harmaður

Stjórn Heimilis og skóla fagnar þeim orðum mennta- og menningarmálaráðherra, Katrínar Jakobsdóttur að fyrir þjóð sem er að byggja sig upp skipti öflugt menntakerfi sköpum. Í tilkynningu frá samtökunum segir að ráðherra hafi sent bréf þess efnis til skóla á öllum skólastigum, sveitarfélaga, skólanefnda, foreldrafélaga og ýmissa hagsmunaaðila á dögunum.

Tilkynnt um færri nauðganir

Tilkynnt hefur verið um færri nauðganir það sem af er ári en á sama tíma í fyrra. Fyrstu níu mánuði ársins var embætti ríkislögreglustjóra tilkynnt um 40 nauðganir. Á sama tíma í fyrra höfðu embættinu borist 47 tilkynningar og 48 árið þar á undan.

Sólskinsdrengurinn fékk heiðursverðlaun

Sólskinsdrengurinn, heimildarmynd Friðriks Þórs Friðrikssonar um einhverfa drenginn Kela, vann til Heiðursverðlauna á Voice-verðlaunahátíðinni sem voru afhent í Paramount Studios í Hollywood. Friðrik gat ekki veitt verðlaununum viðtöku en hann var að kynna síðustu mynd sína Mömmu Gógó í Suður-Kóreu.

Sjá næstu 50 fréttir

Mest lesið