1000 börn skráð í sumarbúðir KFUM og -K í dag

Opnað var fyrir skráningu í sumarbúðirnar Vatnaskóg, Vindáshlíð, Ölver, Kaldársel og Hólavatn í dag.

Annríki vegna sjúkraflutninga

Sjúkraflutningamenn á vegum Slökkviliðsins á höfuðborgarsvæðinu hafa farið í 40 sjúkraflutninga það sem af er degi. Engin stórslys hafa orðið á fólki, en um hefur útköll vegna smáslysa og veikinda hefur verið að ræða að sögn sjúkraflutningamanna. Þá hafa nokkur útköll verið farin vegna flutninga á milli spítala.

Sigurjón nýr formaður Frjálslynda flokksins

Sigurjón Þórðarson, fyrrverandi alþingismaður, var kjörinn formaður Frjálslynda flokksins í dag. Í frétt á vef Frjálslynda flokksins segir að Sigurjón hafi þakkað traustið og farið lofsamlegum orðum um fráfarandi formann, Guðjón Arnar Kristjánsson.

Bjarni: Möguleikar Íslendinga betri en annarra þjóða

Bjarni Benediktsson, formaður Sjálfstæðisflokksins, segir að Íslendingar eigi betri möguleika á því að vinna sig út úr kreppunni en önnur lönd. Þetta kom fram í máli Bjarni þegar að hann hélt opnunarávarp á fundi sem rúmlega eitthundrað flokksmenn norska Fremskrittspartiet héldu í Reykjavík í morgun.

VG á móti því að einkaflugher fái aðstöðu á Íslandi

Stjórn Vinstri grænna tekur undir ályktanir Ungra Vinstri grænna og Vinstri grænna í Reykjavík þar sem því er hafnað að einkaflugher fái aðstöðu á Íslandi. Í ályktun frá stjórninni sem samþykkt var í gær segir að það sé óásættanlegt með öllu að hér fari fram hernaðarstarfsemi undir yfirvarpi atvinnusköpunar og skorar stjórnin á ríkisstjórn VG og Samfylkingar að hafna slíku fortakslaust nú þegar.

Dönsuðu tangó fram á morgun

Tangóunnendur og tangódansarar skemmtu sér í Iðnó og Ráðhúsi Reykjavíkur í nótt og dönsuðu fram á morgun. Tilefnið var upphaf þriggja daga tangómaraþons sem ætlað er að styrkja og vekja athygli á átakinu Karlmenn og krabbamein.

Enn óvissustig vegna Eyjafjallajökuls

Almannavarnir vinna enn effir áætlunum um óvissustig á svæðinu við Eyjafjallajökul vegna mögulegs eldgoss og hefur það nú verið í gildi í tæpar þrjár vikur. Í vikunni mældust þúsundir skjálfta við jökulinn.

Fimm fluttir á slysadeild eftir bílveltu við Sandskeið

Fimm voru fluttir á slysadeild til skoðunar þegar að bíll valt á Suðurlandsvegi við Sandskeið um áttaleytið í morgun.

Brotist inn í ljósmyndavöruverslun

Brotist var inn í ljósmyndavöruverslun í Brautarholti á fjórða tímanum í nótt. Þrír voru handteknir á staðnum og segir lögreglan að þeir hafi verið undir áhrifum fíkniefna. Þeir gistu fangageymslur lögreglunnar og munu þurfa að gera grein fyrir athæfi sínu þegar líður á daginn.

Hálfrænulaus eftir dáleiðslu hjá Sailesh

Stúlka á átjánda ári lenti í hremmingum eftir að dávaldurinn Sailesh hafði dáleitt hana í hádegis­skemmtun í Fjölbrautaskólanum í Garðabæ (FG). Hún losnaði ekki úr dáleiðslunni og kalla þurfti til sjúkralið sem ekkert gat gert.

Meirihluti vill kjósa um framtíð kvótakerfisins

Meirihluti þeirra sem afstöðu tóku í skoðanakönnun Fréttablaðsins vill að þjóðin fái að greiða atkvæði um framtíðarskipulag íslenska fiskveiðistjórnunarkerfisins.

Stjórnarfylgið minna en fyrst eftir hrunið

Stuðningurinn við ríkisstjórn Jóhönnu Sigurðardóttur er 38,9 prósent, samkvæmt skoðanakönnun Fréttablaðsins á fimmtudag.

Dæmi Íslands má ekki endurtaka

„Öll erum við sammála um að bankakreppa á við kreppuna á Íslandi megi ekki koma upp aftur,“ sagði Dominique Strauss-Kahn, framkvæmdastjóri Alþjóðagjaldeyrissjóðsins (AGS), í ræðu sinni á ráðstefnu framkvæmdastjórnar Evrópusambandsins (ESB), í gær. Ráðstefnan fjallaði um hvernig koma mætti á regluverki áfallastjórnunar á sameiginlegum fjármálamarkaði sambandsins.

Tóku 38 fíkniefnasmyglara

Lögreglan á Suðurnesjum og tollgæslan á Keflavíkurflugvelli hafa tekið þrjátíu og átta manns með fíkniefni nú frá áramótum og fram að miðjum mars. Samtals hefur verið tekið á fimmta kíló af fíkniefnum á sama tíma.

OR vill aprílopnun

Stjórn Orkuveitu Reykjavíkur samþykkti í gær fyrir sitt leyti tillögu Þorleifs Gunnlaugssonar borgarfulltrúa um að veiðitími hefjist framvegis 1. apríl í Elliðavatni í staðinn fyrir 1. maí. Orkuveitan á um tvo þriðju veiðiréttar á Elliðavatni. Þar eiga einnig veiðirétt Reykjavíkurborg, Kópavogur og Mosfellsbær auk einstaklinga sem eiga tæpan fimmtung.

Fá enn fjarnám þótt ráðuneyti vilji skera

Bæði Fjölbrautaskólinn í Ármúla og Verzlunarskóli Íslands halda áfram að kenna grunnskólanemum í fjarnámi þrátt fyrir ákvörðun menntamálaráðuneytisins um að afnema fjárveitingar til þessa liðar frá síðustu áramótum.

Formanni vikið vegna framboðs

Formanni umhverfis­nefndar Flóahrepps var fyrirvaralaust vikið frá störfum á fundi sveitarstjórnar hreppsins á miðvikudag. Hann segir ákvörðun sveitarstjórnarinnar sýna þá heift og óbilgirni sem virkjanamál í hreppnum hafi kallað fram.

Orkuverð hækkar á næsta ári

Afar líklegt er að neytendur þurfi að greiða meira fyrir þjónustu Orkuveitu Reykjavíkur á næsta ári en þeir gera nú, að sögn Hjörleifs B. Kvaran, forstjóra Orkuveitunnar.

Rætt um að verðtryggja framlögin

Fulltrúar stjórnmálaflokkanna hafa rætt um að verðtryggja þær 300.000 krónur sem flokkarnir mega nú fá í hámarksframlög. Upphæðin hækki því í tímans rás í takt við almennt verðlag.

Beittu slökkvitæki og níu kílóa sleggju

Tveir bræður um fertugt hafa verið ákærðir fyrir hrottalega líkamsárás í Breiðholtinu í nóvember 2008. Er þeim gefið að sök að hafa beitt við árásina níu kílóa sleggju og slökkvitæki.

Brotist inn í sjö bíla í nótt

Í nótt sem leið var brotist inn í 7 bifreiðar við Leynisbrún, Suðurvör og Staðarhraun í Grindavík.

Kristín skipuð forstjóri Útlendingastofnunar

Kristín Völundardóttir, sýslumaður á Ísafirði og lögreglustjóri Vestfjarða, hefur verið skipuð í embætti forstjóra Útlendingastofnunar, frá og með 1. apríl næstkomandi.

Óku of hratt um Vífilsstaðaveg

Brot 38 ökumanna voru mynduð á Vífilsstaðavegi í Garðabæ í gær. Fylgst var með ökutækjum sem var ekið Vífilsstaðaveg í norðurátt, við Löngulínu. Á einni klukkustund, eftir hádegi, fóru 147 ökutæki þessa akstursleið og því ók um fjórðungur ökumanna, eða 26%, of hratt eða yfir afskiptahraða. Þetta kemur fram í tilkynningu frá lögreglunni. Meðalhraði hinna brotlegu var 69 km/klst en þarna er 50 km hámarkshraði. Tíu óku á 70 km hraða eða meira en sá sem hraðast ók mældist á 78.

Skipulögð leit að krabbameini tryggð til næstu ára

Þjónustusamningur milli Krabbameinsfélags Íslands og Sjúkratrygginga Íslands um skipulagða leit að krabbameini í leghálsi og brjóstum kvenna var undirritaður í GÆR í aðalstöðvum Krabbameinsfélagsins í Skógarhlíð. Álfheiður Ingadóttir heilbrigðisráðherra var viðstödd undirritunina og staðfesti samninginn.

Laugavegur opinn öllum nema bifreiðum um helgina

Hluta af Laugavegi og Skólavörðustíg ásamt Bankastræti verður breytt í göngugötur um helgina í tilefni af HönnunarMars 2010. Þetta er þáttur í Grænum skrefum í Reykjavík. Í sumar er ætlunin að nota öll þau tækifæri sem gefast til að gera miðborgina eftirsóknarverða fyrir gangandi, að fram kemur í tilkynningu frá umhverfis og samgöngusviði borgarinnar.

Vinsamlegur fundur með samgönguráðherra

„Þetta var vinsamlegur fundur. Við ræddum við ráðherrann og upplýstum hann um stöðu mála. Nú ræða fulltrúar Icelandair við hann,“ segir Kristján Kristinsson, formaður samninganefndar flugvirkja, sem fundaði með Kristjáni Möller, samgönguráðherra fyrr í dag um stöðu mála í kjaradeilu flugvirkja sem starfa hjá Icelandair. Verkfall þeirra hefst næstkomandi mánudag hafi samningar ekki tekist.

Lýst eftir 15 ára gamalli stúlku

Lögreglan á Suðurnesjum lýsir eftir Natalíu Rós Jósepsdóttur. Natalía strauk frá meðferðarheimilinu Stuðlum í gær ásamt tveimur öðrum stúlkum.

BSRB: Hótanir stjórnvalda mjög alvarlegar

Stjórn BSRB lítur það mjög alvarlegum augum að stjórnvöld skuli hafa haft uppi hótanir um að grípa inn í kjaradeilu flugumferðarstjóra með lagasetningu á löglega boðaðar verkfallsaðgerðir og brjóta þar með á grundvallarréttindum launafólks. Þetta kemur fram í ályktun sem samþykkt var á stjórnarfundi BSRB í dag.

Rafmagn komið á í Kópavogi

Viðgerð er lokið og rafmagn komið á eftir að bilun varð í háspennukerfi Orkuveitu Reykjavíkur í hádeginu sem olli rafmagnsleysi í hluta Kóra og Þinga í Kópavogi. Svokölluð Lögbergslína var úti og því var rafmagnslaust í Lækjarbotnum og þar um kring.

Flugvirkjar funda með samgönguráðherra

Samninganefnd Flugvirkjafélags Íslands settist klukkan tvö á fund í samgönguráðuneytinu með Kristjáni Möller, samgönguráðherra, til að fara yfir stöðuna í kjaradeilu félagsmanna sinna er starfa hjá Icelandair. Verkfall þeirra hefst næstkomandi mánudag hafi samningar ekki tekist.

Kennir hollenskum hommum um fjöldamorðin í Bosníu

Fyrrverandi hershöfðingi í Bandaríkjaher segir að Hollendingum hafi mistekist að koma í veg fyrir fjöldamorðin í Srebrenica á sínum tíma vegna þess að her landsins hafi veikst við það að hommum var hleypt í herinn. John Sheehan, sem meðal annars starfaði hjá NATO í Evrópu, lét þessi orð falla á fundi hjá hernum þar sem rætt var um hvort yfirlýstum hommum verði leyft að ganga í herinn. Ummælin hafa vakið mikla athygli og Hollendingar segja hershöfðingjann rugla.

Spara 100 milljónir í lyfjakostnað á tveimur mánuðum

Eitt hundrað milljónir króna hafa sparast í lyfjamálum á Landspítala á fyrstu tveimur mánuðum ársins 2010 miðað við sömu mánuði árið áður. Þetta kemur fram í pistli Björns Zoëga, forstjóra á heimasíðu, spítalans.

Steinunn Valdís: Minntist aldrei á Geira í Goldfinger

„Líklega þarf nú að nefna fólk á nafn til að það geti kært aðra fyrir meiðyrði,“ segir Steinunn Valdís Óskarsdóttir, formaður allsherjarnefndar Alþingis, en Ásgeir Davíðsson, eigandi nektardansstaðarins Goldfinger, íhugar að kæra hana eftir að hún lét þau orð falla að nektardansstaðir hýstu oft mansal og skipulagða glæpastarfsemi.

Rafmagnslaust í hluta Kópavogs

Fyrir stundu varð bilun í háspennukerfi Orkuveitunnar sem veldur rafmagnsleysi í hluta Kóra og Þinga í Kópavogi. Svokölluð Lögbergslína er úti og því rafmagnslaust í Lækjarbotnum og þar um kring. Viðgerð er hafin og verður lokið svo fljótt sem unnt er, að fram kemur í tilkynningu frá Orkuveitu Reykjavíkur.

Frosin hindber innkölluð vegna gruns um nóróvírus

Aðföng hafa ákveðið að innkalla Euro Shopper hindber í 500 gramma pokum. Ákvörðun um þetta var tekin eftir að nóróvírus greindist í vörunni í Svíþjóð. Varan var í dreifingu í verslunum Bónus, Hagkaupa og 10-11 og hefur verið tekin úr sölu.

Líklegt að Jóna fái að afplána heima

Góðar líkur eru á því að Jóna Denný Sveinsdóttir, sem hefur verið í haldi lögreglunnar í Perú eftir að hún var tekinn með tvö kíló af kókaíni, geti afplánað refsidóm hér á Íslandi.

Tjáir sig ekki um lögbann á verkfall flugvirkja

Kristján L. Möller, samgönguráðherra, gefur ekkert uppi um hvort til greina komið að setja lög á verkfall flugvirkja sem hefjast á næst komandi mánudag hafi samningar ekki tekist. En flugvirkjar felldu nýgerðan kjarasamning sinn um mánaðamótin.

Ekkert samkomulag um makrílveiðar

Ekki náðist samkomulag um skiptingu heildarafla úr markílstofninum, á fundi strandríkja, sem lauk í Noregi í gær. Önnur ríki, sem eiga hagsmuna að gæta, reyna að afneita þeirri staðreynd að makríllinn er farinn að veiðast í stórum stíl við Íslandsstrendur.

Stjórnvöld gefa út handbók um kynjaða fjárlagagerð

Fjármálaráðuneytið hefur gefið út handbók undir yfirskriftinni „Kynjuð fjárlagagerð: handbók um framkvæmd“ sem ætlað er að varpa ljósi á aðferðafræði kynjaðrar fjárlagagerðar og vera þeim sem að fjárlagagerðinni koma til halds og traust. Í samstarfsyfirlýsingu ríkisstjórnarinnar er lögð rík áhersla á kynjajafnrétti og er kynjuð fjárlagagerð ein leið að því marki, að fram kemur í tilkynningu frá fjármálaráðuneytinu.

Óttast að dóphagnaður fari í fyrirtækjakaup

Greiningardeild Ríkislögreglustjóra telur að hagnaði af fíkniefnaviðskiptum verði í auknum mæli varið til fjárfestinga þar sem verð áfasteignum, fyrirtækjum og ýmsum lausamunum hafi fallið mikið eftir bankahrunið.

Íbúar ánægðir með nýtt fimleikahús í Norðlingaholti

Hverfisráð Árbæjar fagnar samþykkt borgarráðs Reykjavíkur frá í gær að gengið verði til samninga um afnot af svokölluðu Mest-húsi í Norðlingaholti til að koma upp aðstöðu fyrir fimleika, aðrar íþróttir og frístundastarf fyrir börn og unglinga í austurhluta borgarinnar.

Bjarni vill ríkisstjórnina burt

Formaður Sjálfstæðisflokksins vill að ríkisstjórnin fari frá völdum. Hann segir að hún ráði ekki verkefnið sem hún eigi að sinna og þvælist bara fyrir. Nýleg skoðanakönnun sýni það.

Enginn handtekinn vegna spellvirkja

Engin hefur enn verið handtekinn eða yfirheyrður vegna spellvirkjanna, sem unnin voru á fjarskiptamöstrunum í grennd við Veðurstofuna í fyrrinótt. Lögreglan leggur mikla áherslu á að upplýsa málið og er meðal annars að skoða upptökur úr eftirlitsmyndavélum á bensínstöðvum, en bensín var í flöskunum tveimur, sem fundust ósprungnar á vettvangi.

Lokuðust inn í bankahvelfingu B5

Fimm menn lokuðust inni í bankahvelfingu í húsakynnum veitingastaðarins B-5 við Bankastræti í Reykjavík, þar sem Verslunarbankinn sálugi var til húsa á sínum tíma. Það var um þrjú leitið í nótt sem hurðin féll að stöfum og hrökk í lás. Fjórum tímum síðar sluppu þeir úr prísundinni.

Fundað í flugvirkjadeilu í dag

Flugvirkjar hjá Icelandair hafa verið boðaðir til samningafundar við vinnuveitendur hjá ríkissáttasemjara klukkan hálf ellefu, en ekkert mun hafa þokast í samkomulagsátt á sex klukkustunda löngum fundi deilenda í gær.