Fleiri fréttir

Stjórn VR torveldi aðgang að bókhaldsgögnum

Þrír stjórnarmenn VR segjast hafa barist fyrir því að fá aðgang að upplýsingum um fjárreiður félagsins og gert fyrirspurnir og krafist útskýringa á því sem þeim hefur þótt óljóst í þeim efnum. Þeir segja að meirihluti stjórnarinnar torveldi aðgang að mikilvægum gögnum.

Yfirheyrslum lauk upp úr miðnætti

Fyrstu yfirheyrslum yfir fjórum fyrrverandi starfsmönnum Straums sem grunaðir eru um umsvifamikil brot á gjaldeyrislögum lauk upp úr miðnætti í gær. Mennirnir voru handteknir í gærdag en þeir eru taldir hafa skipt gjaldeyri að verðmæti 13 milljarða króna á aflandsmarkaði í íslenskar krónur og flutt peninginn síðan heim og þar með farið framhjá gjaldeyrishöftunum. Þetta eru þeir taldir hafa gert í gegnum félag í Svíþjóð. Rannsókn málsins beinist að tímabilinu nóvember 2008 til október 2009.

Langt þangað til upptökurnar líta dagsins ljós

Allt að 80 ár geta liðið þangað til að eitthvað af hljóðupptökum Rannsóknarnefndar Alþingis líta dagsins ljós. Rannsóknarnefndin hefur tekið skýrslu af fjölda manna og voru viðtölin tekin upp.

Vegagerðin varar við hálku

Vegagerðin varar við hálku víða á þjóðvegum víða um land, meðal annars í Þrengslum. Þá eru hálkublettir á Hellisheiði og á Mosfellsheiði en annars er greiðfært á Suðurlandi. Á Vesturlandi er hálka á Snæfellsnesi, og hálkublettir á Holtavörðuheiði og á Bröttubrekku. Á Vestfjörðum er hált á Klettshálsi og hálkublettir víða. Á Norðurlandi er hálka á Vatnsskarði og Öxnadalsheiði, einnig í Öxnadal og víða í Eyjafirði og hálkublettir á Þverárfjalli. Austan Akureyrar er hálka í Ljósavatnsskarði, Mývatnssveit og á Mývatns- og Möðrudalsöræfum. Á Austurlandi er hálka á Fjarðarheiði, og hálkublettir á Oddsskarði og með ströndinni frá Djúpavogi og að Höfn.

Skíðasvæði opin í dag

Skíðasvæðið á Siglufirði verður opið frá kl 10 til fjögur í dag. Þar var logn í morgun og fimm stiga frost, og færið sagt mjög gott, troðinn þurr snjór.

Berjast um fyrsta sætið í Hafnarfirði

Prófkjör Sjálfstæðisflokksins í Hafnarfirði fyrir sveitastjórnarkosningar í vor fer fram í dag. Rósa Guðbjartsdóttir, bæjarfulltrúi, og Valdimars Svavarsson, hagfræðingur, sækjast eftir fyrsta sætinu. Alls gefa 12 kost á sér í prófkjörinu, sex konur og sex karlar. Kosið er í Víðistaðaskóla á milli klukkan 10 og 18.

Samfylkingin velur forystufólk í sex sveitarfélögum

Prófkjör Samfylkingarinnar fyrir sveitarstjórnarkosningarnar í vor fara fram á sex stöðum í dag. Þar ber hæst prófkjörið í Reykjavík en einnig er valið á framboðslista flokksins í Kópavogi, Hafnarfirði, á Akureyri, í Mosfellsbæ og á Seltjarnarnesi. Alls eru 78 einstaklingar í framboði. Kosning er rafræn í Reykjavík og á Akureyri, en kosið er með hefðbundnum hætti annars staðar. Mögulegt er einnig í Reykjavík að kjósa bréflega.

Ölvaður á ofsahraða

Ökumaður um tvítugt var stöðvaður á Sæbraut á 130 kílómetra hraða í nótt en þar er hámarkshraði 60. Þar af auki var hann ölvaður og því handtekinn. Ökumaðurinn var sviptur ökuréttindum til bráðabirgða á staðnum vegna hraðabrotsins og á yfir höfði sér mögulega þyngingu, hið minnsta hærri sekt vegna ölvunarþáttarins.

160 kindur fjarlægðar

Samtals 160 kindur voru teknar af sauðfjárbýlinu Stórhóli í Djúpavogshreppi í fyrrakvöld. Þetta staðfestir Halldór Runólfsson yfirdýralæknir.

Henda 185 kílóum á mann

Hver Reykvíkingur henti að meðaltali 185 kílóum af óflokkuðu sorpi á síðasta ári. Það er um fimmtungi minna en árið 2006, þegar hver íbúi henti 233 kílóum að meðaltali.

Lamandi fyrir mörg fyrirtæki

„Ég fékk engin haldbær svör þegar ég bað um rökstuðning fyrir þessari ákvörðun bankans," segir Tryggvi Þór Herbertsson, þingmaður Sjálfstæðisflokksins. Fulltrúar Sjálfstæðisflokksins kölluðu til fundar í efnahags- og skattanefnd í gær til að fá skýringar á þeirri aðgerð bankans að hækka vaxtaálag á grunnvöxtum erlendra lána til fyrirtækja úr innan við tveimur í fjögur prósent.

Dílamjóra landað í Eyjum

Ef tegundagreining áhafnarinnar á Brynjólfi VE reynist rétt þá var lifandi dílamjóri í afla togarans eftir síðustu veiðiferð sem lauk í gær. Það er einnig óvenjulegt að aflanum er ætlað langlífi.

Stefnt að stofnun atvinnuvegaráðuneytis á vorþingi

Jóhanna Sigurðardóttir forsætisráðherra segist vongóð um að breytingar á stjórnarráðinu verði gerðar á vorþingi og samþykkt að sameina sjávarútvegs-, landbúnaðar- og iðnaðarráðuneyti í nýtt atvinnuvegaráðuneyti.

Toyota á Íslandi mun innkalla um 5000 bifreiðar

Toyota áætlar að kalla þurfi inn yfir 5.000 bíla á Íslandi vegna mögulegs vandamáls í eldsneytisgjöf. Umboðið mun hafa samband við eigendur viðkomandi bíla fljótlega og þeir beðnir að koma með bílinn til viðurkennds þjónustuaðila Toyota þeim að kostnaðarlausu.

Með 26 í markaðsdeild meðan fréttastofan rær lífróður

Lögbundið hlutverk RÚV er að veita útvarps- og sjónvarpsþjónustu í almannaþágu. Fyrirtækið lét niðurskurð bitna á fréttastofu, en sagði aðeins einum sölumanni upp, en þeir eru tæplega þrjátíu talsins eða næstum jafnmargir og vinna á Skjáeinum í heild sinni.

Heimilaði veiðar á 130 þúsund tonnum af loðnu

Sjávarútvegs- og landbúnaðarráðherra, Jón Bjarnason, ákvað í dag að heimila veiðar á 130 þúsund tonnum af loðnu, en þar af koma rúmar 90 þúsund tonn í hlut íslenskra loðnuskipa samkvæmt ákvæðum samninga við önnur lönd um nýtingu loðnustofnsins við Ísland.

BYR styrkir námsmenn

Fyrri úthlutun skólastyrkja Byrs sparisjóðs á þessu ári fór fram í gær og fengu tveir háskólanemar 200.000 króna styrki hvor og fjórir framhaldsskólanemar 25.000 króna styrki. Allir námsmenn hjá Byr geta sótt um skólastyrki, sem eru veittir tvisvar á ári, en í þetta sinn bárust hátt í 300 umsóknir.

VR harmar að stjórnarmenn tengist Nýju Íslandi

Meirihluti VR sendi frá sér ályktun í dag þar sem þeir segjast harma að nokkrir stjórnarmenn í félaginu tengist samtökunum Nýtt Ísland. VR segir á heimasíðu sinni að samtökin beini kröftum sínum að því að brjóta félagið niður.

Leikskáld mótmæla niðurskurði á íslensku sjónvarpsefni

Stjórn Félags leikskálda og handritshöfunda mótmælir harðlega fyrirhuguðum niðurskurði á framleiðslu og innkaupum á innlendu efni sem boðaður er af útvarpsstjóra Páli Magnússyni. Stjórnin sendi frá sér ályktun þess efnis í dag og má lesa hér orðrétt:

Kynferðisbrotamaður handtekinn af tálbeitu

Þrítugur karlmaður var dæmdur í tólf mánaða fangelsi í Héraðsdómi Suðurlands fyrir að klæmast við þrettán ára unglingsstúlku og að hafa ætlað að hafa við hana kynferðismök.

Markús Máni Michaelsson á meðal þeirra grunuðu

Mennirnir sem grunaðir eru um stórfellt gjaldeyrisbrask í gegnum félagið Aserta í Svíþjóð eru allir fyrrverandi starfsmenn Straums fjárfestingabanka og hafa allir búið í Bretlandi um skeið. Á blaðamannafundi sem nú stendur yfir kom fram að fjórir hefðu verið handteknir vegna málsins.

Grunur um 13 milljarða gjaldeyrissvik - fjórir í haldi

Efnahagsbrotadeild Ríkislögreglustjóra framkvæmdi húsleitir í dag í máli sem tengjast grun um brot á skilaskyldu gjaldeyris. Fjármálaeftirlitið kærði málið til lögreglu og tóku 30 starfsmenn þátt í húsleitunum. Fyrirtækið sem um ræðir er skráð í Svíþjóð og heitir Aserta. Þetta kom fram á blaðamannafundi sem haldinn var í dag hjá Ríkislögreglustjóra.

Tæplega helmingur hefur

Tæplega helmingur þeirra sem eru í launaðri vinnu hefur orðið fyrir launalækkun, starfshlutfall hefur verið skert eða annarskonar skerðingu á launakjörum frá hruninu 2008. Þetta kemur fram í nýrri könnun sem sem gerð hefur verið fyrir ASÍ. Þar kemur einnig fram að fjórðungur þeirra sem eru með atvinnu óttast að missa hana.

Kannabis í Kópavogi og í Hafnarfirði

Lögreglan á höfuðborgarsvæðinu stöðvaði í gær kannabisræktun á þremur stöðum, tvær í Kópavogi og eina í Hafnarfirði. Samtals var um að ræða 60 plöntur.

Þráinn: Einvaldurinn á RÚV í stríð við kvikmyndagerðarmenn

Þráinn Bertelsson þingmaður bar upp fyrirspurn til menntamálaráðherra í dag um málefni Ríkisútvarpsins. Hann sagði að allt væri upp í loft hjá stofnuninni, þar færu menn fram úr fjárheimildum trekk í trekk. „Nú síðast hefur sá einvaldur sem ráðinn hefur verið til að stjórna þessari stofnun hafið stríð við íslenska kvikmyndagerðarmenn - með því að gera þá að barefli í stríðinu við stjórnvöld,“ sagði Þráinn.

Sjötugur dæmdur til þess að greiða 54 milljónir

Sjötugur karlmaður var dæmdur í Héraðsdómi Reykjavíkur í morgun fyrir meiri háttar brot gegn skattalögum og lögum um bókhald. Maðurinn var daglegur stjórnandi og eini stjórnarmaður einkahlutafélagsins Framlands, áður STG International.

Hlíðarfótur opnar eftir viku

Framkvæmdir við Nauthólsveg frá Hringbraut að Flugvallarvegi eru á lokastigi og er ráðgert að opna hann fyrir almennri umferð eftir viku, föstudaginn 5. febrúar. Mikill kraftur er í vinnu við fjölmarga verkþætti nú á lokasprettinum, en meðal annars unnið að tengingum umferðarljósa, yfirborðmerkingu gatna, hellulögn, landmótun vegfláa, uppsetningu umferðarskilta og gerð gönguleiða.

Landsbankinn ætlar ekki að auglýsa íbúðir

Landsbankinn ætlar ekki að auglýsa íbúðir sem þeir hafa leyst til sín frá einstaklingum á heimasíðu sinni, til að slá á tortryggni í samfélaginu, en segir allar stærri eignir auglýstar á heimasíðu dótturfélags, sem heitir Reginn.

Alþingi hefst á ný

Alþingi kemur saman í dag eftir þriggja vikna jólafrí en Alþingi kom síðast saman 8. janúar þegar samþykkt voru lög um framkvæmd þjóðaratkvæðagreiðslu vegna Icesave.

Settu slagsmálin á svið sér til gamans

Piltarnir tveir sem slógust í myndbandi sem Vísir sagði frá í gær gáfu sig fram til lögreglunnar í gær í fylgd feðra sinna. Þar útskýrðu þeir myndbandið þannig að þeir hefðu sett það á svið sér til gamans. Barnaverndarnefnd og skólayfirvöld í Keflavík hafa tekið á málinu að sögn lögreglunnar á Suðurnesjum.

Ólafur Ragnar: Ræddi um stöðu Íslands í Davos

Forseti Íslands Ólafur Ragnar Grímsson er nú staddur í Davos í Sviss þar sem hann hefur átt viðræður við fjölda áhrifamanna á alþjóðavettvangi, í fjármálalífi og efnahagsmálum á Alþjóða efnahagsþinginu í Davos. „Þá hefur forseti verið í ítarlegum viðtölum við fjölmiðla: BBC, bæði sjónvarp og útvarp, og sjónvarpsstöðvarnar CNN, CNBC, Bloomberg, Reuters og Al Jazeera, og var um að ræða heimsútsendingar þessara sjónvarpsstöðva. Þá hefur forseti rætt við blaðamenn Wall Street Journal, Times á Írlandi og fleiri prentmiðla,“ segir í tilkynningu frá forsetaembættinu.

Segja RÚV siðferðislega gjaldþrota

Stjórn Félags íslenskra leikara (FÍL) lýsir áhyggjum sínum yfir þróun mála hjá Ríkisútvarpinu í yfirlýsingu sem félagið sendi frá sér í dag. Þar segir að skyldur RÚV við íslenskan almenning séu ríkar en RÚV sé orðið siðferðislega gjaldþrota. Þá vill félagið að ráðherra dragi ofh-væðingu ríkisútvarpsins til baka.

Ræða við Bos og Myners

Undanfarnar vikur hafa verið stöðug samskipti milli íslenskra, breskra og hollenskra stjórnvalda vegna þeirrar stöðu sem komin er upp í Icesavemálinu.

Tíu ára í Háskólanum

Vísindavefur HÍ varð tíu ára í dag, 29. janúar. Hlutverk Vísindavefsins er að miðla vísindum til almennings og frá því vefurinn var stofnaður hafa birst um 8.200 svör við spurningum frá almenningi. Alls hafa um 800 höfundar svarað spurningunum. Af því tilefni verður í dag haldið málþing um vísindamiðlun frá ólíkum sjónarhornum.

Tíu skip á gulldepluveiðum

Um það bil tíu skip eru á gulldepluveiðum um 70 mílur suðvestur af Reykjanesi, en aflinn er enn fremur tregur, eða eitt til tvö hundruð tonn á dag.

Jepplingur rann undir flutningabíl á ferð

Ökumaður og farþegi jepplings sluppu ótrúlega vel, að mati lögreglu, þegar bíll þeirr rann á hálku inn undir stóran flutningabíl, fyrir framan afturhjól hans, kastaðist síðan aftur frá og valt. Þetta gerðist klukkan rúmlega þrjú í nótt og var jepplingnum ekið í austur, út frá bensínstöð N-1 ofan Ártúnsbrekku í Reykjavík.

Sjá næstu 50 fréttir

Mest lesið