Fleiri Vítisenglar væntanlegir

Lögreglan á von á fleiri Vítisenglum til landsins síðar í dag. Það eru grundvallarmannréttindi að menn fái að ræða við lögmann þegar þeim er haldið gegn vilja sínum, segir lögmaður tveggja Vítisengla sem komu til landsins í gær.

Talsverður eldur í Mörkinni

Allt tiltækt lið slökkviliðsins á höfuðborgarsvæðinu var kallað að nýbyggingu í Mörkinni um klukkan hálf tvö í nótt. Talsverður eldur logaði í rafmagnstöflu í kjallara byggingarinnar og lagði mikinn reyk um allt húsið.

Krefjast þess að stjórnvöld efni loforð sín

Verkalýðsfélag Húsavíkur og nágrennis krefst þess að stjórnvöld efni loforð um aðgerðir í atvinnumálum í ályktun þar sem félagið harmar uppsagnir nærri tuttugu starfsmanna hjá GPG Fiskverkun og Sniðlum síðustu daga á Raufarhöfn og í Mývatnssveit.

Fundu töluvert fíkniefnamagn á Selfossi

Mikill erill var hjá lögreglunni á Selfossi í nótt. Sex voru handteknir við húsleit lögreglu í heimahúsi á Selfossi um þrjú leytið. Þar fannst töluvert af fíkniefnum og gistu allir fangageymslur í nótt. Þeir verða yfirheyrðir í dag. Að sögn lögreglu eru hinir handteknu allir á tvítugs-og þrítugsaldri.

Ellefu gistu fangageymslur í Reykjavík

Talsverður erill var hjá lögreglunni á höfuðborgarsvæðinu í gærkvöldi. Ellefu gistu fangageymslur vegna ölvunar og sjö manns voru teknir fyrir brot á lögreglusamþykkt. Þrír voru teknir fyrir ölvunarakstur. Þá var talsvert um útköll hjá lögreglunni á Suðurnesjum í nótt vegna ölvunar og óspekta en mikil sýnileg ölvun var í miðbænum þar í nótt.

Vítisenglar sendir heim í fylgd lögreglumanna

Vítisenglarnir átta sem lögregla stöðvaði í Leifsstöð í gær við komuna til landsins voru fluttir til síns heima nú í morgunsárið. Tveir lögreglumenn munu fylgdu hverjum manni í flugvélunum. Sjö þeirra voru fluttir til Noregs en einn til Danmerkur og því munu alls sextán lögreglumenn halda utan með mótorhjólamönnunum.

Enn einn engillinn stöðvaður

Einn maður sem talinn er vera meðlimur í Vítisenglunum var handtekinn í Leifsstöð nú í kvöld en hann kom með flugi frá Kaupmannahöfn. Manninum verður að öllum líkindum synjað um landgöngu rétt eins og hinum vítisenglunum sjö sem teknir voru við komuna til landsins í dag.

Sjö vítisenglum synjað um leyfi til landgöngu

Íslensk lögregluyfirvöld synjuðu sjö norrænum félögum í vélhjólasamtökunum Hell’s Angels um leyfi til landgöngu við komu þeirra til landsins í dag. Í tilkynningu frá lögreglunni segir að fólkið, sem kom hingað til lands með tveimur vélum frá Noregi, hafi ætlað að sækja veislu, sem vélhjólaklúbburinn Fafner MC-Iceland hefur boðað til í miðborg Reykjavíkur um helgina.

Myndband: Vísir vitni að Vítisenglahandtöku

Vísir var við landganginn þegar Vítisenglarnir komu með seinni vélinni frá Osló í kvöld. Vélin lenti klukkan 18:26 og voru hátt í 50 lögreglumenn sem tóku á móti hópnum. Vísir náði upp á myndband þegar einn Vítisenglanna var leiddur á brott í lgreglufylgd.

Lögmaður Vítisengla hefur enn ekki hitt þá

Oddgeir Einarsson, lögmaður tveggja vítisengla sem handteknir voru í Leifsstöð fyrr í dag hefur enn ekki fengið að hitta skjólstæðinga sína. Hann hefur engar upplýsingar fengið um málið og er farinn aftur til Reykjavíkur. Hann segir að ef svo fari að mönnunum verði vísað úr landi án þess að fá aðstoð lögfræðings væri það magnað.

Tíu til tólf handteknir til viðbótar

Tíu til tólf karlmenn voru handteknir á Keflavíkurflugvelli nú í kvöld þegar seinni vélin frá Osló lenti klukkan 18.26. Þeir eru grunaðir um að vera meðlimir í mótorhjólasamtökunum Hells' Angels og samkvæmt heimildum Vísis voru nokkrir þeirra í leðurvestum merktum samtökunum. Von er á fleiri vítisenglum í kvöld þegar vélin frá Kaupmannahöfn lendir klukkan tíu.

Glitnir ásælist Þeistareyki

Landsvirkjunarmenn og Húsvíkingar fóru í hart í vor gegn áformum Akureyringa um að hleypa Glitni að jarðhitanýtingu Þeystareykja. Landsvirkjun óttaðist að missa forystuhlutverk sitt og Húsvíkingar að orkuöflun vegna álvers á Bakka yrði ógnað.

Hvarf hljóðfæra úr Smáraskóla kært til lögreglu

Bæjarráð Kópavogs samþykkti í gær að vísa til opinberrar rannsóknar lögreglu hvarfi á hljóðfærum og hljómflutningstækjum úr Smáraskóla.

Áhersla á launahækkanir sem tryggi kaupmátt

Þingi Landsambands íslenzkra verzlunarmanna lauk í dag og en á þinginu var meðal annars ályktað um kjaramál. Landsambandið leggur áherslu á að í komandi kjarasamningum verði samið um launahækkanir sem tryggi launafólki aukinn kaupmátt.

Hættir hjá LHG eftir 35 ára starf

Í dag lét Tómas Helgason flugstjóri af störfum eftir tæplega 35 ára farsælt starf hjá Landhelgisgæslu Íslands. „Tómas hóf störf hjá Landhelgisgæslunni í febrúar árið 1973 og starfaði þá á fyrstu Fokker flugvélinni, TF-SYR. Eftir um 15 ára starf á flugvélinni starfaði hann sem þyrluflugmaður og flugstjóri í allnokkur ár, þar til hann snéri sér alfarið að flugi á núverandi Fokker vél Landhelgisgæslunnar, TF-SYN. Þeirri vél hafði hann jafnframt flogið samhliða þyrlufluginu,“ segir í tilkynningu frá Landhelgisgæslunni.

Ólafur Ragnar seldi lyklakippur í Smáralind

Ólafur Ragnar Grímsson, hleypti formlega af stokkunum átaki Slysavarnafélagsins Landsbjargar "Neyðarkall frá björgunarsveitum" í Smáralind í dag. Forseti seldi lyklakippur með björgunarsveitarkonu til og tóku gestir verslunarmiðstöðvar honum vel.

Vilhjálmur mun aldrei segja af sér

Vilhjálmur Vilhjálmsson mun aldrei segja af sér sem oddviti borgarstjórnarflokks Sjálfstæðisflokksins þrátt fyrir að hafa verið harðlega gagnrýndur fyrir framgöngu sína í sameiningarferli REI og GGE. Þetta hefur Vísir frá nánustu samstarfsmönnum Vilhjálms.

Lögmaður fær ekki að hitta Vítisengla

Oddgeir Einarsson, lögmaður norsku Vítisenglanna sem nú eru í haldi lögreglu á Leifsstöð, fær ekki að hitta skjólstæðinga sína. Hann yfirgaf flugstöðina rétt í þessu en er væntanlegur aftur innan skamms.

Kaupás vill rannsókn á ásökunum um samráð

Kaupás, sem meðal annars rekur Krónuna, mótmælir harðlega þeim ásökum um ólöglegt samráð og segir vegið að orðspori og óendanlega mikilvægu trúnaðartrausti verslunarinnar og viðskiptavina hennar.

Umferðartafir vegna slyss við Grensásveg

Fjórir voru fluttir til aðhlynningar á slysadeild Landspítalans eftir árekstur fólksbíls og sendibíls á mótum Grensásvegar og Mikluabrautar laust eftir klukkan þrjú í dag.

Eins og að Osama Bin Laden sé að koma til landsins

Gríðarlegur viðbúnaður er á Leifsstöð þessa stundina vegna komu félaga úr Hells Angels í Noregi hingað til lands. Vísir er á staðnum og hefur rætt við fólk sem er að koma úr flugstöðinni. Einn þeirra skaut á að um 70 lögreglumenn biði komu norsku Hells Angels mannanna. Annar hafði það á orði að ástandið í flugstöðinni væri líkt og Osama Bin Laden væri væntanlegur til landsins.

Neitar því að fíkniefni og vopn hafi verið gerð upptæk

Jón Trausti Lúthersson, félagi í vélhjólaklúbbnum Fáfni, neitar því að lögregla hafi lagt hald á fíkniefni og vopn við húsleit í húsakynnum Fáfnis í gærdag.

Vísir sýnir beint frá komu Hells Angels til Íslands

Eins og sagt var frá hér á Vísi fyrr í dag er hópur Hells Angels manna frá Noregi væntanlegur til Íslands í dag. Hópur Fáfnismanna er á Keflavíkurflugvelli til þess að taka á móti mönnunum. Gert er ráð fyrir að lögreglan verði með töluverðan viðbúnað á Leifsstöð vegna þessa. Vísir verður á staðnum og verður hægt að horfa á beina útsendingu frá Leifsstöð hér á vefnum rétt eftir klukkan 16:00

Lögreglan með aðgerðir vegna komu Hell´s Angels

Íslensk lögregluyfirvöld hafa undirbúið aðgerðir vegna komu norrænna félaga í vélhjólasamtökunum Hell's Angels til landsins. Þetta kemur fram í tilkynningu frá Ríkislögreglustjóra. Þar segir að að Ríkislögreglustjóri fari með yfirumsjón aðgerðarinnar en lögreglarn á Suðurnesjum og á höfuðborgarsvæðinu hefur umsjón með framkvæmd einstakra þátta aðgerðarinnar.

Samþykkt á fundi OR að fallast á tillögu borgarráðs

Samþykkt var einróma á fundi stjórnar Orkuveitu Reykjavíkur í dag að fallast á tillögu borgarráðs að falla frá hinum umdeilda samruna Reykjavik Energy Invest og Geysir Green Energy sem samþykktur var á stjórnarfundi Orkuveitunnar þann 3. október.

Lífeyrisfrumvarpið afgreitt til annarar umræðu á þingi

Fyrstu umræðu um breytingar á lífeyrisgreiðslum æðstu embættismanna þjóðarinnar lauk á alþingi í dag og var málið afgreitt til annarar umræðu og allherjarnefndar. Markmiðið með flutningi frumvarpsins er að alþingismenn, ráðherrar og hæstaréttardómarar njóti sömu lífeyriskjara og ríkisstarfsmenn, en búi ekki við sérstök forréttindi.

Sektaður fyrir að hafa ekið dópaður í tvígang

Héraðsdómur Suðurlands dæmdi í dag karlmann til að greiða 180 þúsund krónur í sekt og svipti hann ökurétti í fimm mánuði fyrir að hafa ekið undir áhrifum fíkniefna í tvígang árinu.

Salmonella finnst aftur í nagbeini

Salmonella fannst í óinnpökkuðum svínseyrum og nagbeinum fyrir hunda úr nautgripum við eftirlit Landbúnaðarstofnunar á dögunum. Fram kemur í tilkynningu frá stofnunni að vörurnar hafi verið til sölu í gæludýraversluninni Tokyo í Hafnarfirði.

Foreldrar 7100 barna hafa nýtt sér frístundakortið

Foreldrar 7100 barna og unglinga í Reykjavík hafa nú sótt um frístundakortið og ráðstafað styrknum til félaga sem voru búin að skrá sig hjá borginni. Eru það um 60 prósent af þeim fjölda sem gert var ráð fyrir að myndi nýta sér frístundakortið í fyrsta áfanga.

Hells Angels meðlimir væntanlegir til Íslands í dag

Félagar úr mótohjólaklúbbnum Fáfni eru á leið til Keflavíkur að taka á móti félögum úr Hells Angels mótorhjólasamtökunum sem væntanlegir eru til landsins síðdegis í dag.

Íslenskir barnaníðingar kynntir í Haag

Tveir Íslendingar eru í alþjóðlegum hring barnaníðinga sem sagt verður frá á blaðamannafundi sem Interpol og Eurojust halda á mánudaginn.

RÚV og Árvakur máttu vinna saman í kannanamálum

Samkeppniseftirlitið gerir ekki athugasemdir við það að Ríkisútvarpið og Árvakur hafi í sameiningu samið við Capacent Gallup um gerð og birtingu vikulegra skoðanakannana á fylgi stjórnmálaflokkanna í aðdraganda síðustu alþingiskosninga.

Harður árekstur á Suðurlandsvegi við Selfoss

Ökumaður fólksbíls var fluttur á slysadeild Landspítalans eftir harðan árekstur á Selfossi um ellefuleytið í morgun.

Björgólfsfeðgar vilja Fáfnismenn úr sínum húsum

Klúbbhús mótorhjólaklúbbsins Fáfnis, sem sérsveit lögreglu réðst inn í í gær, er í eigu eignarhaldsfélagsins Vatns og lands. Vatn og Land er í eigu Samson Properties sem aftur er í eigu feðganna Björgólfs Guðmundssonar og Björgólfs Thors Björgólfssonar.

Svandísarmáli frestað um tvær vikur

Málflutningi í máli Svandísar Svavarsdóttur, borgarfulltrúa vinstri grænna, gegn Orkuveitu Reykjavíkur hefur verið frestað um tvær vikur, að beiðni Ragnars Hall, lögmanns Svandísar.

Taka beri á samráði reynist ásakanir réttar

Formaður viðskiptanefndar segir ásakanir á hendur Krónunni og Bónuss, um mögulegt verðsamráð alvarlegar og taka beri á þeim reynist þær réttar. Samkeppniseftirlitið hvetur alla sem telja sig vita um ólögmætt verðsamráð í verslunum að tilkynna það til eftirlitsins.

Reyndi að eignast hlut í einu verðmætasta háhitasvæði landsins

Glitnir freistaði þess í vor að eignast stóran hlut í Þeistareykjum ehf., sem hefur nýtingarrétt á einu verðmætasta háhitasvæði landsins. Akureyringar opnuðu á viðræður um sölu en Húsvíkingar og Landsvirkjun snerust gegn áformunum. Málið er nú í biðstöðu.

Fimmtán rjúpur veiddar í gær samkvæmt veiðidagbók UST

Fimmtán rjúpur veiddust í gær samkvæmt fyrstu tölum úr rafrænni veiðidagbók sem veiðistjórnunarsvið Umhverfisstofnunar heldur utan um.

Hendur vopnaframleiðenda á Hilton á litaðar blóði

Samtök hernaðarandstæðinga gagnrýna harðlega fund stjórnenda vopnaframleiðslufyrirtækisins BAE Systems í Reykjavík. „Vopnaiðnaðurinn er án nokkurs vafa óviðfelldnasta atvinnugrein samtímans," segir í ályktun frá samtökunum.

Minnihluti höfuborgarbúa á nagladekkjum í vetur

Útlit er fyrir að innan við helmingur íbúa á höfuðborgarsvæðinu verði á nagladekkjum í vetur ef marka má könnun sem unnin var fyrir framkvæmdasvið Reykjavíkurborgar í haust.

Með reiðhjólalager í hjólageymslunni

Lögreglan í Grafarvogi fann á dögunum allmikinn hjólalager í hjólageymslu fjölbýlishúss í hverfinu. Var það eftir ábendingu um að hjólum hefði fjölgað óvenju mikið í geymslunni á skömmum tíma.

Ekki hægt að útiloka bótaskyldu borgarinnar

Sigurður Líndal lagaprófessor segir að ekki sé hægt að útiloka bótaskyldu borgarinnar vegna þess að samruna REI og Geysir Green verði rift. „Ég hef að vísu ekki kynnt mér málið nánið en við fyrstu sín blasir þetta við,“ segir Sigurður Líndal í samtali við Vísi.

Telur Orkuveituna ekki skaðabótaskylda vegna REI-máls

Bryndís Hlöðversdóttir, stjórnarformaður Orkuveitu Reykjavíkur, telur ekki að fyrirtækið hafi skapað sér skaðabótaskyldu vegna þeirrar ákvörðunar borgarráðs að hafna samruna Reykjavik Energy Invest, útrásararmi Orkuveitunnar, og Geysis Green Energy. Hún segir þó að þetta sé eitt af þeim málum sem stjórn Orkuveitunnar muni ræða þegar hún kemur saman til fundar í hádeginu í dag.

Geir: Vaxtahækkun Seðlabankans ekki heppileg

Geir H. Haarde forsætisráðherra segir ákvörðun Seðlabankans um að hækka stýrivexti ekki heppilega sérstaklega þegar horft sé til þeirra kjaraviðræðna sem fram undan eru. Þetta kom fram í umræðum á Alþingi í morgun. Þá sakaði Ingibjörg Sólrún Gísladóttir utanríkisráðherra Seðlabankann um að horfa til fortíðar í stað framtíðar í ákvörðunum sínum um stýrivexti.

Grunur um miltisbrandssmit í Garðabæ

Slökkvilið höfuðborgarsvæðisins var kallað að byggingasvæði í Garðabæ um klukkan ellefu í morgun vegna gruns um miltisbrandssmit.