Flutt með þyrlu fyrir dómara

Kona sem var handtekinn í Vestmannaeyjum, grunuð um að hafa kveikt í íbúð sinni þar á miðvikudaginn, var flutt með þyrlu Landhelgisgæslunnar til Selfoss í gær, til að færa hana fyrir dómara Héraðsdóms Suðurlands.

Gríðarlegar rigningar í gærkvöldi

Vatn flæddi yfir þjóðveginn í Fáskrúðsfirði og í Álftafirði á Suðuausturlandi í gærkvöldi vegna gríðarlegrar rigningar. Þá höfðu dælur ekki undan í kjallara einnar byggingar á svæði Fjarðaáls og varð að kalla til slökkvilið með auka dælur. Engar skemmdir urðu í húsinu.

Innbrotsþjófur handtekinn á Skólavörðustíg

Lögreglan á höfuðborgarsvæðinu handtók innbrotsþjóf undir morgun, þar sem hann var að brjótast inn í verslun við Skólavörðustíg.

Þrettán tonna bátur sökk í Sandgerðishöfn

Þrettán tonna eikarbátur, Hafrós KE 2, sökk í smábátahöfninni í Sandgerði um klukkan hálftólf í morgun. Björgunarsveit Sandgerðis tókst að koma bátnum á flot og var hann dreginn að Norðurbryggju þar sem hann liggur við flotbelgi, eftir því sem fram kemur í dagbók lögreglunnar á Suðurnesjum. Ekki er vitað orsök óhappsins en málið er í rannsókn.

Þorgerður Katrín tjáir sig ekki um laun útvarpsstjóra

Þorgerður Katrín Gunnarsdóttir menntamálaráðherra sagðist ekkert vilja láta hafa eftir sér um laun Páls Magnússonar útvarpsstjóra.

Mesta skógareyðing hérlendis af mannavöldum framundan

Áform borgaryfirvalda um að taka skógræktarsvæði á Hólmsheiði undir iðnaðarsvæði fela í sér mestu skógareyðingu af mannavöldum á Íslandi í meira en öld að mati Skógræktarfélags Reykjavíkur.

Háskóla Íslands skipt upp í fimm fræðasvið

Háskóla Íslands verður skipt upp í fimm fræðasvið og vald fært frá rektor og yfirstjórn skólans til forseta fræðasviðanna, samkvæmt skipulagstillögum sem háskólaráð hefur samþykkt.

Sterk króna skaðar meira en niðurskurður þorskkvótans

Sterk staða krónunnar skaðar sjávarútveginn jafnvel meira en niðurskurður þorskkvótans, að mati sjávarútvegsráðherra. Formaður útvegsmanna segir biðlund þeirra gagnvart Seðlabankanum á þrotum. Þessu var haldið fram á aðalfundi Landssamband útvegsmanna í dag.

Ellisif Tinna Víðisdóttir leiðir endurskipulagningu á Ratsjárstofnun

Utanríkisráðherra hefur falið Ellisif Tinnu Víðisdóttur að leiða yfirfærslu á verkefnum og endurskipulagningu á starfi Ratsjárstofnunar. Þetta kemur fram í tilkynningu frá utanríkisráðuneytinu.

Meira en 80 kindur drápust í bílveltu

Sjötíu og níu kindur drápust þegar flutningabíll með um 230 kindum valt við afleggjarann að Arnarstöðum við Stykkishólm skömmu fyrir klukkan þrjú í dag.

Stærra skref en margir gera sér grein fyrir

Séra Ólafur Jóhannsson, prestur í Grensáskirkju og formaður Prestafélags Íslands, segir niðurstöðu Kirkjuþings um að heimila prestum þjóðkirkjunnar að staðfesta samvist samkynhneigðra stærra skref en margir geri sér grein fyrir. Hann segir að reynslan verði að leiða það í ljós hvort einhverjir prestar muni ekki gefa saman samkynhneigða.

Ásatrúarmenn kæra til Mannréttindadómstólsins

Ásatrúarmenn ætla að kæra niðurstöðu Hæstarétts frá því í dag til Mannréttindardómstólsins í Strassborg að sögn Hilmars Arnar Hilmarssonar, allsherjargoða. Hann segir niðurstöðuna vera vonbrigði.

Ríkisútvarpið braut ekki gegn friðhelgi einkalífsins

Ríkisútvarpið var í Hæstarétti í dag sýknað af kröfu um brot á friðhelgi einkalífsins. Um er að ræða sjónvarpsþáttinn Sönn Íslensk sakamál sem sýndur var í sjónvarpinu í mars árið 2002 og byggði á atburðum Stóragerðismálsins svokallaða.

Hæstiréttur hafnar kröfu Ásatrúarfélagsins um sóknargjöld

Hæstiréttur staðfesti í dag dóms héraðsdóms í máli sem Ásatrúarfélagið höfðaði á hendur íslenska ríkinu vegna sóknargjalda. Ásatrúarfélagið taldi jafnræðisreglu stjórnarskrárinnar brotna þar sem þjóðkirkjan fengi meiri greiðslur úr ríkissjóði en önnur trúfélög. Í því fælist ólögmæt mismunun.

Útvarpsstjóri fékk 78% meiri launahækkun en forstjóri Flugstoða

Á meðan laun Páls Magnússonar útvarpsstjóra hækkuðu um 87,5% þegar Ríkisútvarpinu var breytt í opinbert hlutafélag hækkuðu laun Þorgeirs Pálssonar, forstjóra Flugstoða, um 9,75% þegar það sama var gert við Flugmálastjórn. Páll er með sex hundruð þúsund krónum hærri mánaðarlaun en Þorgeir.

Hæstiréttur þyngir dóma í BMW-smyglmáli

Hæstiréttur þyngdi í dag dóm héraðsdóms yfir þremur mönnum sem dæmdir voru fyrir að smygla um 15 kílóum af amfetamíni og tíu kílóum af hassi í BMW-bifreið inn til landsins. Dómarnir voru allir þyngdir um eitt ár

Kirkjulögum breytt á kjörtímabilinu

Lögð verður fram lagabreyting á núverandi kjörtímabili í samræmi við samþykkt kirkjuþings í morgun um að leyfa prestum að staðfesta samvist samkynhneigðra að sögn Birgis Ármannssonar, formanns allsherjarnefndar Alþingis. Hann segir þó ekki liggja fyrir hvenær málið kemur til kasta Alþingis.

Konur í miklum meirihluta brautskráðra frá HÍ á laugardag

Alls verða 400 manns brautskráðir frá Háskóla Íslands við hátíðlega athöfn í Háskólabíó á laugardaginn kemur. Þar af ljúka 111 meistaragráðu. Af meistaranemum eru tæplega 70 prósent konur, en af heildafjölda kandídata eru konur um 63 prósent en karla 37 prósent.

Úithús fauk upp í fjall í Breiðdal

Útihús á bænum Randversstöðum í Breiðdal á Austfjörðum skemmdist mikið í veðurofsa sem gengið hefur yfir Austurland í dag.

Óljóst og loðið hjá kirkjunni

Samþykkt kirkjuþings í morgun um að leyfa prestum að staðfesta samvist samkynhneigðra er loðin og óljós að mati formanns Samtakanna 78. Hann sakar forystu þjóðkirkjunnar um að vilja viðhalda aðskilnaðarstefnu gagnvart samkynhneigðum.

Bæjarráð styður uppbyggingu í fangelsismálum við Litla-Hraun

Bæjarráð Árborgar styður eindregið áskorun starfsmanna Litla-Hrauns um að ráðist verði í enn meiri uppbyggingu þar í fangelsismálum en áætlanir gera ráð fyrir.

Tiltrúin á Hafró minni en nokkru sinni fyrr

Björgólfur Jóhannsson formaður LÍÚ gerði Hafrannsóknarstofnun m.a. að umræðuefni í ræðu sinni á aðalfundi LÍÚ sem nú stendur yfir. Segir hann að að tiltrú manna í sjávarútvegi á niðurstöður og ráðgjöf Hafrannsóknastofnunarinnar er minni nú en nokkru sinni fyrr. Efasemdir eru um að ástand þorskstofnsins geti verið eins dapurt og nýjasta stofnmat stofnunarinnar segir til um.

Tugir kinda drápust í veltu á Snæfellsnesi

Flutningabíll með um 230 kindum valt við afleggjarann að Arnarstöðum við Stykkishólm skömmu fyrir klukkan þrjú í dag. Gísli Guðmundsson varðstjói lögreglunnar á Snæfellsnesi sagði að verið væri að reka féð í hús og greina skaðann. Einhverjir tugir kinda og lamba drápust í slysinu, en nákvæm tala fæst ekki fyrr en seinna í dag.

Makrílaflinn margfaldast milli ára

Makrílafli íslenskra skipa hefur tæplega nífaldast á milli ára. Alls hafa 28 íslensk skip og bátar veitt rúmlega 36.300 tonn af makríl á þessu ári. Þar af eru 15 skip með meira en 1000 tonna makrílafla hvert. Júpíter ÞH er aflahæsta skipið með 4381 tonn samkvæmt upplýsingum sem InterSeafood.com hefur fengið hjá Fiskistofu.

Einar segir mikinn styrk krónunnar óviðunandi

Einar K. Guðfinnsson sjávarráðherra ræddi m.a. um gengi krónunnar í ræðu sinni á aðalfundi LÍÚ sem nú stendur yfir. Kvað hann mikinn styrk krónunnar skapa óviðunandi ástand fyrir útflutningsgreinarnar.

Ekið á gangandi vegfaranda við Suðurver

Betu fór en á horfðist þegar ekið var á gangandi vegfaranda á Kringlumýrarbraut til móts við Suðurver laust eftir hádegi í dag. Þær upplýsingar fengust hjá lögreglu að það hefði verið lán í óláni að vegfarandinn lenti ekki framan á bílnum heldur rann hann með hlið bílsins.

Veðramót fékk 11 tilnefningar, Astrópía eina

Kvikmyndin Veðramót eftir Guðnýju Halldórsdóttur fær langflestar tilnefningar til Edduverðlaunanna í ár, eða 11 talsins. Foreldrar í leikstjórn Ragnars Bragasonar fær næstflestar tilnefningar eða sex talsins. Þá hlýtur kvikmyndin Köld slóð fjórar tilnefningar. Það vekur athygli að Astrópía, sú mynd sem hefur fengið hvað mesta aðsókn skuli einungis fá eina tilnefningu, fyrir leikstjórn.

Tveggja mánaða fangelsi fyrir að stela spritti og lærissneiðum

Ógæfumaður á sextugsaldri var í dag dæmdur af Héraðsdómi Reykjavíkur til tveggja mánaða fangelsisvistar fyrir ýmis konar þjófnað.

Stjórnskipulagi HÍ breytt með samruna við KHÍ

Umtalsverðar breytingar verða á stjórnskipulagi Háskóla Íslands um leið og Háskólinn sameinast Kennaraháskóla Íslands um mitt næsta ár. Þetta kom fram á fundi Kristínar Ingólfsdóttur rektors með starfsmönnum og nemendum Háskólans nú í hádeginu.

Vildi óska þess að geta boðið bláan Opal

Blár Opal á sér greinilega marga aðdáendur þó nokkur ár séu liðin frá því framleiðslu hans var hætt. Á Netsamfélaginu Facebook hefur nú verið stofnuð síða þar sem Nói og Síríus er hvatt til að hefja sölu á ný. Tæplega tvöþúsund manns, hvaðanæva að úr heiminum, hafa skráð sig á síðuna. Gunnar B. Sigurgeirsson, markaðsstjóri Nóa Síríus segir erfitt að segja til um hvort von sé á endurkomu sælgætisins en hann vonar það besta.

30 milljónir söfnuðust eftir Kompásþátt

Um 30 milljónir söfnuðust eftir sýningu Kompásþáttar í vor þar sem hjálparstarf ABC barnahjálpar í Kenýa var til umfjöllunar. Fjárframlögin breyttu miklu fyrir samtökin og nú eiga 340 börn bjartari framtíð fyrir höndum í landinu. Þó er enn þörf á mikilli hjálp til að sinna þeim verkefnum sem eru á döfinni að sögn Guðrúnar Margrétar Pálsdóttur formanns ABC barnahjálpar.

Geta ekki keppt við nýsjálenska bændur vegna ólíkra aðstæðna

Þótt íslenskir bændur fái hæstu styrki í heima en nýsjálenskir bændur nær enga styrki munu þeir íslensku aldrei geta keppt við starfsbræður sína á Nýja-Sjálandi, að mati hagfræðings Bændasamtaka Íslands. Íslenskir neytendur eygja þó von um verðlækkun á lambakjöti með afnámi útflutningsskyldu á næsta ári.

Horfði á húsið sitt brenna

„Þetta var mjög mikill eldur og ég held það sé allt ónýtt fyrir ofan mig,“ segir Aðalheiður I Sveinsdóttir Waage sem býr fyrir neðan íbúðina að Hilmisgötu 1 í Vestmannaeyjum þar sem eldur kom upp síðdegis í gær.

Eyjamenn vilja stærri ferju og fleiri ferðir

Róbert Marshall, aðstoðarmaður samgönguráðherra, segir að minnisblað bæjarráðs Vestmannaeyja þar sem lagðar eru fram kröfur varðandi nýja ferju, verði teknar til skoðunnar í stýrihópnum sem nú vinnur að málinu. Róbert, sem á sæti í stýrihópnum segir tillögur Vestmannaeyinga ganga heldur lengra en menn hafi hingað til gert ráð fyrir.

Hrefnuveiðimenn hættir veiðum á þessu ári

Hrefnuveiðibátarnir eru hættir veiðum á þessu ári þótt 23 dýr séu óveidd af kvótanum.

Fleiri skjálftar í hádeginu

Lítið lát virðist vera á jarðskjálftum á Suðurlandi en þrír skjálftar mældust þar nú rétt eftir klukkan tólf. Stærsti skjálftinn mældist 3 á Richter en tveir minni mældust 2.3 á Richter. Íbúi á Selfossi sem hafði samband við Vísi sagði að allt hefði leikið á reiðiskjálfi í íbúð sinni sem er á fjórðu hæð.

Þjóðvegur rofnaði næstum því í Hvalfirði

Minnstu munaði að þjóðvegurinn í Hvalfirði rofnaði í morgun vegna vatnavaxta og tjón hefur orðið í vatnsveðrinu Suðaustanlands að undanförnu.

Pósthússtræti lokað hluta vegna framkvæmda við tónlistarhús

Pósthússtræti milli Tryggvagötu og Geirsgötu verður lokað fyrir bílaumferð í einhvern tíma vegna framkvæmda við undirbúning lóðar fyrir Tónlistar- og ráðstefnuhús.

Fagnar niðurstöðu Kirkjuþings

Kristín Þórunn Tómasdóttir, ein þeirra sem lögðu fram tillögu á Kirkjuþingi um að prestum Þjóðkirkjunnar verði heimilt að vígja staðfesta samvist samkynheigðra, fagnar niðurstöðu Kirkjuþings í dag. Þingið samþykkti tillögu biskups sama efnis en tillaga Kristínar og félaga var dregin til baka.

Óskar Bergsson fær 90 þúsund kall á fund

Óskar Bergsson, húsamsíðameistari og fyrsti varaborgarfulltrúi Framsóknarflokksins fær rúmar 90 þúsund krónur fyrir hvern fund sem hann situr á vegum borgarinnar.

Kona í haldi grunuð um íkveikju

Kona á fertugsaldri er í haldi lögreglunnar í Vestmannaeyjum grunuð um að hafa kveikt í íbúð sinni síðdegis í gær.

Söguleg þáttaskil hjá kirkjunni

Karl Sigurbjörnsson, biskup Íslands, sagði á Kirkjuþingi í morgun að söguleg þáttaskil hefðu orðið hjá kirkjunni með samþykkt tillögu um að heimila prestum að staðfesta samvist samkynhneigðra. Kirkjuþingsfulltrúar klöppuðu eftir að ljóst varð að tillaga biskups var samþykkt samhljóða.

Átta jarðskjálftar undir Ingólfsfjalli í nótt

Átta jarðskjálftar mældust í nótt undir Ingólfsfjalli. Stærstu skjálftarnir mældust rúmlega tveir á Richter og voru þeir á um tveggja kílómetra dýpi. Skjálftarnir fundust vel á Selfossi en þeir riðu yfir á tímabilinu frá klukkan þrjú í nótt og til hálf tíu í morgun. Að sögn Veðurstofu eru skjálftahrinur algengar á þessu svæði.

Tillaga biskups um staðfesta samvist samþykkt á Kirkjuþingi

Samþykkt var á Kirkjuþingi fyrir stundu að lýsa yfir stuðningi við ályktun kenningarnefndar þjóðkirkjunnar um að prestum yrði heimilt að staðfesta samvist samkynhneigðra ef þeir kysu svo og ef Alþingi breytti lögum þar að lútandi.

Haukur í Héraðsdómi á mánudag

Umdeildur eigendafundur í REI, þar sem samruni fyrirtækisins við Geysi Green Energy var samþykktur, verður tekinn fyrir í Héraðsdómi Reykjavíkur á mánudag. Svandís Svavarsdóttir, borgarfulltrúi Vinstri Grænna, kærði framkvæmd hans þar sem hann var ekki boðaður með löglegum fyrirvara. Ragnar H. Hall sækir málið fyrir hennar hönd.