Fær bara aðgang að hlerunargögnum um sjálfan sig

Þjóðskjalasafnið veitti nú síðdegis Kjartani Ólafssyni, sagnfræðingi og fyrrverandi alþingismanni, leyfi til að skoða gögn sem varða hleranir á honum sjálfum. Kjartan er ekki sáttur við úrskurðinn og vill fá sama aðgang að gögnum og Guðni Jóhannesson sagnfræðingur fékk og ætlar með málið til dómsstóla, ef menntamálaráðherra skikkar ekki þjóðskjalasafnið til að breyta úrskurði sínum.

Íslenska friðargæslan kostar 600 milljónir

Íslenska friðargæslan kostar sex hundruð milljónir króna á ári. Hér eftir mun hún snúa sér að borgaralegum verkefnum, en utanríkisráðherra vill þó ekki afvopna Íslensku friðargæsluna.

Forsetalisti HR birtur

Bestu nemendur Háskólans í Reykjavík voru heiðraðir við hátíðlega athöfn í skólanum í dag. Að þessu sinni hlutu 65 nemendur viðurkenningu fyrir frábæran námsárangur á síðustu önn. Þessir nemendur komust á svokallaðan Forsetalista Háskólans í Reykjavík, en það þýðir að þessir nemendur fá felld niður skólagjöld við HR á yfirstandandi önn.

Watson óheimilt að koma inn fyrir 12 mílur

Framkvæmdastjórn Evrópusambandsins fordæmir hvalveiðar Íslendinga og segir að ef hún fengi að ráða yrðu hvalveiðar alfarið bannaðar að eilífu. Paul Watson, stofnandi Sea Shepherd-samtakanna, sem sökkti tveimur hvalveiðiskipum á níunda áratugnum, boðar komu sína á Íslandsmið, en honum er óheimilt að koma inn í íslenska lögsögu.

Grundvöllur skylduaðildar brostinn ef til skerðingar kemur

Aðalfundur Öryrkjabandalags Íslands skorar á stjórnir þeirra fjórtán lífeyrissjóða sem boðað hafa skerðingar og niðurfellingar lífeyrisgreiðslna til öryrkja að hverfa frá þeim áformum sínum. Að öðrum kosti lítur Öryrkjabandalagið svo á að grundvöllur núverandi skylduaðildar að lífeyrissjóðunum í landinu sé brostinn.

Þjónustuíbúðir fyrir geðfatlaða í Kópavogi

Kópavogsbær tók í dag formlega í notkun sjö þjónustuíbúðir í Hörðukór í Kópavogi fyrir einstaklinga með geðfötlun ásamt sameiginlegum þjónustukjarna.

Fangar hafa aflýst hungurverkfalli

Fangar í Hegningarhúsinu við Skólavörðustíg hafa ákveðið að aflýsa hungurverkfalli sem þeir ætluðu að hefja klukkan fjögur í dag. Talsmaður fanganna segir þá hafa fengið skrifleg svör við beiðnum sínum í dag og að komið hafi verið til móts við hluta af kröfum þeirra um bætta aðstöðu, svo sem fæði og loftræstingu í klefum.

Hlaut Fjöreggið í dag

Guðrún Adolfsdóttir matvælafræðingur hlaut í dag Fjöreggið, verðlaun Matvæla- og næringarfræðafélags Íslands, á ráðstefnu í tilefni matvæladags MNÍ.

Dráttartaug komin í trilluna

Búið er að koma dráttartaug í vélavana trillu sem er skammt úti fyrir Siglunesi. Björgunarsveitin Sigurvin á Siglufirði fór að trillunni sem rak að landi. Einn maður er um borð.

Þórhildur sækist eftir 6.-8. sæti í prófkjöri í Reykjavík

Þórhildur Þorleifsdóttir, leikstjóri og fyrrverandi þingkona, sækist eftir sjötta til áttunda sæti í prófkjöri Samfylkingarinnar í Reykjavík vegna komandi þingkosninga.

Dræm aðsókn í Ísafjarðarbíó

Aðsókn í Ísafjarðarbíó, elsta starfandi kvikmyndahús landsins, hefur verið ansi dræm í sumar. Fréttavefurinn Bæjarins besta eftir Steinþóri Friðrikssyni hjá Ísafjarðarbíói að hann telji að svokallaðar sjóræningjaútgáfur kvikmynda, sem hægt er að nálgast á netinu, spili þar stórt hlutverk.

Jóhanna sækist eftir 2.-3. sæti í prófkjöri Samfylkingarinnar

Jóhanna Sigurðardóttir þingkona hefur ákveðið að bjóða sig fram í 2.-3.sæti í prófkjöri Samfylkingarinnar í Reykjavík sem fram fer 11. nóvember. Þetta kemur fram í tilkynningu frá henni.

Björgunarsveit á leið að vélarvana bát við Siglufjörð

Björgunarsveit á björgunarbátnum Sigurvin á Siglufirði hefur verið kölluð út vegna vélarvana trillu skammt úti fyrir Siglunesi sem rekur að landi. Einn maður er um borð. Að sögn vaktstöðvar siglinga er björgunarskipið á leið á vettvang en jafnframt er verið að reyna að útvega hraðskreiðari bát til að fara til móts við trilluna.

Segir verulegan árangur hafa náðst með átaki

Umferðarstofa segir að verulegur árangur hafi náðst nú þegar með umferðarátakinu „Nú segjum við stopp!“ sem hófst um miðjan síðasta mánuð.

Forsætisráðherra segir tækifæri í hvalaskoðun

Tækifæri í sjávarútvegi á Íslandi eru mörg, svo sem hvalaskoðun sem nú dafnar víða vel, sagði Geir H. Haarde, forsætisráðherra, í ræðu sinni á landsfundi Landssambands íslenskra útvegsmanna í dag.

Starfshópur á að fara yfir löggjöf um ólöglegar veiðar

Samþykkt var á ríkisstjórnarfundi í morgun að stofna starfshóp til að fara yfir löggjöf um ólöglegar veiðar á úthöfum.

Vilja stofna sérstakt Loftlagsráð

Þingmenn Vinstri - grænna hafa lagt fram þingsályktunartillögu á Alþingi þar sem lagt er til að ríkisstjórninni verði falið að koma á fót Loftslagsráði sem meðal annars hafi það verkefni að stuðla að samdrætti í losun gróðurhúsalofttegunda og annarra skaðlegra efna og meta líkleg áhrif loftslagsbreytinga á þjóðarhag og þjóðaröryggi.

Varað við sandfoki á Mýrdalssandi

Vegagerðin varar við sandfoki á Mýrdalssandi og á minnir á að hálkublettir eru víða á Vesturlandi, Vestfjörðum og á Norðvesturlandi. Hálka er á Lágheiði. Þá er hálka og hálkublettir víða á Norðaustur-og Austurlandi.

ESB fordæmir atvinnuveiðar Íslendinga

Evrópusambandið fordæmir nýhafnar hvalveiðar Íslendinga í atvinnuskyni og hvetur stjórnvöld til að endurskoða ákvörðunina. Í tilkynningu frá framkvæmdastjórn sambandsins, sem greint er frá á vef Reuters-fréttastofunnar, segir að hvalir séu viðkvæmur hlekkur lífkeðju hafsins sem þegar sé í hættu vegna veiða og mengunar af mannvöldum.

Óeðlilegur munur á fé til boltaleikja og íslenskrar menningar

Óeðlilega mikill munur er á þeim upphæðum sem Ríkissjónvarpið ver í kaup á íþróttakappleikjum annars vegar og í innlenda dagskrárgerð hins vegar. Á þetta bendir formaður Bandalags íslenskra listamanna.

Bradshaw hefur engan rétt til að tala svo harkalega til annarra þjóða

Einar K. Guðfinnsson, sjávarútvegsráðherra, segir að starfsbróðir hans í Bretlandi hafi engan rétt til að tala til annarra þjóða með þeim hætti sem hann talaði til Íslendinga þegar hann gagnrýndi hvalveiðar Íslendinga í gær. Hvalur níu hefur enn ekki sett í hval eftir tæplega þriggja sólarhringa leit.

Paul Watson siglir gegn hvalveiðiskipunum

Paul Watson, formaður umhverfisverndarsamtakanna Sea Shepherd og einhver stórtækasti skemmdarverkamaður Íslandssögunnar, segist ætla að senda tvö skip á Íslandsmið til að koma í veg fyrir hvalveiðar hér.

Utanríkisráðuneytið greiðir götu alþjóðabjörgunarsveitarinnar

Utanríkisráðuneytið og Íslenska alþjóðabjörgunarsveitin (ICE-SAR) skrifuðu í dag undir samstarfssamning þess efnis að utanríkisráðuneytið beri kostnað af útköllum alþjóðabjörgunarsveitarinnar auk þess að styrkja fulltrúa sveitarinnar til að fara á samráðsfundi alþjóðlegu leitar- og björgunarnefndarinnar sem starfar á vegum Sameinuðu þjóðanna.

Óþekktarormaleitartæki í skólanum í Bolungarvík

Starfsmenn áhaldahúss Bolungarvíkurbæjar kynntu skólabörnum nýjung í tækjaflóru bæjarins í heimsókn sinni í skólann í fyrradag: tæki sem getur greint hvaða börn eru þæg og hverjir eru óþekktarormar. "Óþekktarormaleitartækið" sem starfsmenn áhaldahússins höfðu meðferðis var reyndar tæki sem leitar að gömlum lögnum í jarðvegi, að sögn fréttavefs Bæjarins besta.

Tvö íslensk fyrirtæki meðal þeirra efstu á Europe´s 500

Tvö íslensk fyrirtæki eru meðal þeirra tíu efstu á lista samtakanna Europe's 500 yfir framsæknustu fyrirtæki í Evrópu fyrir árið 2006. Alls eru fimm íslensk fyrirtæki á listanum og hefur störfum hjá þeim fjölgað hraðast að meðaltali í þeim 25 Evrópulöndum sem listinn nær til.

Setning Kirkjuþings á morgun

Kirkjuþing verður sett á morgun en í ár sitja um sextíu prósent fulltrúa á þinginu Kirkjuþing í fyrsta sinn.

Lög um Námsgagnastofnun verði endurskoðuð

Samkeppniseftirlitið beinir því til menntamálaráðherra að beita sér fyrir endurskoðun á lögum og reglum sem varða útgáfu og sölu Námsgagnastofnunar á kennsluefni fyrir grunnskólanema með hliðsjón af markmiði og ákvæðum samkeppnislaga. Enn fremur beinir eftirlitið þeim fyrirmælum til stofnunarinnar að skilið verði fjárhagslega á milli lögbundins rekstrar og rekstrar sem er í samkeppni við einkaaðila.

Aldrei fleiri útskrifast af framhaldsskólastigi en 2004-2005

Aldrei hafa fleiri nemendur úrskrifast af framhaldsskólastigi en skólaárið 2004-2005 samkvæmt nýjum tölum Hagstofunnar. Alls brautskráðust rétt rúmlega 4.800 nemendur af framhaldsskólastigi með hátt í 5300 próf en í þeim hópi voru konur nokkru fleiri en karlar.

Tjónið líklega í kringum 600-900 milljónir

Bráðabirgðamat á stórbruna í verksmiðju íslenska fyrirtækisins Fram Foods SA í Saran í Frakklandi í síðustu viku bendir til að tjónið nemi á bilinu 600-900 milljónum íslenskra króna. Fram Foods er vátryggt fyrir eignatjóni og tapi af framleiðslustöðvun. Starfsemin er þegar komin í gang í hluta af verksmiðjunni sem var í öðrum húsum en því sem brann.

Mýrin fær 4 stjörnur

Mýrin, ný kvikmynd leikstjórans Baltasars Kormáks sem byggir á samnefndri glæpasögu Arnaldar Indriðasonar, fær 4 stjörnur af 4 mögulegum í fyrsta dómi sem birtur var um hana á íslenskum kvikmyndavef í kvöld. Gagnrýnandi fer þar lofsamlegum orðum um myndina. Myndarinnar er beðið með töluverðri eftirvæntingu.

Bannað að nota firmanafnið Orms lyftur

Neytendastofa hefur bannað Orms lyftum ehf. að nota firmanafnið Orms lyftur í kjölfar kvörtunar Bræðranna Ormsson ehf. og Íslandslyfta ehf. Fram kemur í ákvörðun Neytendastofu að hún telur að Orms lyftur ehf. hafi með notkun trúnaðarupplýsinga úr rekstri Bræðranna Ormsson ehf., með bréfi til viðskiptavina og með notkun firmanafnsins Orms lyftur ehf. brotið gegn ákvæðum um atvinnuleyndarmál og firmanöfn í lögum um óréttmæta viðskiptahætti.

Frjármálaráðherra fundar með 3 framkvæmdastjórum ESB

Árni M. Mathiesen, fjármálaráðherra, átti í gær og í dag fundi með þremur framkvæmdastjórum Evrópusambandsins, þeim Joaquín Almunia, sem fer með efnahagsmál, Lasló Kóvaks sem fer með tolla- og skattamál og Dalíu Grybauskaité sem fer með fjármál sambandsins. Tilgangur fundanna var að ræða um stefnumál og þróun sambandsins á þessum sviðum. Auk þess heimsótti ráðherrann Eftirlitsstofnun EFTA og fékk kynningu á starfseminni sem felst í að fylgjast með framkvæmd samningsins um evrópska efnahagssvæðið hjá Íslandi, Noregi og Lichtenstein.

Segja ríkisstjórnina klofna í afstöðu til hvalveiða

Áhöfninni á Hval níu hefur enn ekki tekist að fanga hval á þeim tæpu tveimur sólarhringum sem liðnir eru frá því skipið hélt til veiða á þriðjudagskvöld. Hart var deilt á Alþingi í morgun um ákvörðun sjávarútvegsráðherra um að heimila veiðarnar og gefið í skyn að ríkisstjórnin væri klofin í málinu vegna fyrirvara umhverfisráðherra.

Háskólinn baðaður bleikum lit á morgun

Háskóli Íslands tekur á táknrænan hátt þátt í átaki helgað árvekni um brjóstakrabbamein og mun lýsa upp Aðalbygginguna í bleika lit átaksins. Kveikt verður á lýsingunni annað kvöld kl. 19:30 í tengslum við Háskólahátíð sem verður haldin daginn eftir.

ASÍ segir ríkisstjórnina svíkja loforð um leiðréttingu vaxtabóta

Forysta Alþýðusambandsins segir stjórnvöld hafa svikið loforð frá því í sumar um leiðréttingu á vaxtabótakerfinu. Nýtt frumvarp fjármálaráðherra dragi mun minna úr skerðingu vaxtabóta en heitið hafi verið.

Kynbundinn launamunur nánast ekkert minnkað á 10 árum

Kynbundinn launamunur hefur sama og ekkert minnkað á síðustu tíu árum, samkvæmt nýrri rannsókn. Magnús Stefánsson félagsmálaráðherra lýsir yfir vonbrigðum með þessa niðurstöðu og kallar eftir samvinnu við aðila vinnumarkaðarins.

Reykjavík verði valkostur fyrir erlend kvikmyndafyrirtæki

Borgarráð samþykkti í morgun, að tillögu Björns Inga Hrafnssonar, formanns borgarráðs, að hrinda af stað átaki sem miði að því að gera Reykjavík að áhugaverður valkosti fyrir erlend kvikmyndafyrirtæki. Verkefnisstjórn, skipuðum fulltrúa Reykajvíkurborgar, innlendra kvikmyndafyrirtækja, Kvikmyndmiðstöðvar og Kvikmyndahátíðarinnar í Reykjavík, verði falið að gera tillögur í þeim efnum. Framkvæmdaáætlun verði síðan lögð fyrir í borgarráði í síðasta lagi 1. júlí 2007.

Kirkjan styrkir fátæka íslenska unglinga til náms

Þjóðkirkjan hefur stofnað sjóð til að styrkja fátæka íslenska unglinga í gegnum framhaldsskóla.

Ísafjarðarbær dæmdur til að greiða bætur vegna skíðaslyss

Hæstiréttur dæmdi í dag Ísafjarðarbæ til að greiða manni um sex milljónir króna í skaðabætur vegna slyss sem hann varð fyrir í skíðaferð á vegum Súðavíkurskóla á skíðasvæði bæjarins í Tungudal árið 2002. Sneri hann að hluta til við dómi héraðdóms sem hafði sýknað Ísafjarðarbæ og Súðavíkurhrepp vegna slyssins.

Gísli Tryggvason stefnir í 2. sæti Framsóknar í Suðvesturkjördæmi

Gísli Tryggvason hefur ákveðið að gefa kost á sér í 2. sæti á lista Framsóknarflokksins í Suðvesturkjördæmi fyrir Alþingiskosningar vorið 2007. Gísli hefur gegnt embætti talsmanns neytenda síðan það var sett á fót um mitt ár 2005. Áður var Gísli framkvæmdarstjóri og lögmaður Bandalags háskólamanna í tæp 7 ár og hefur hann einnig starfað sem blaðamaður, segir í tilkynningu frambjóðandans.

Mildar dóm yfir Landssímamönnum

Hæstiréttur hefur mildað dóm Héraðsdóms yfir fjórum mönnum sem gefið var að sök að hafa ekki staðið skil á virðisaukaskatti og staðgreiðslu opinberra gjalda hjá einu eða fleiri af fimm hlutafélögum, þar á meðal Japís og Planet Reykjavík.

Fékk sex mánuði fyrir tilraun til ráns

Karlmaður var í dag dæmdur í sex mánaða fangelsi í Hæstarétti Íslands fyrir ránstilraun og fíkniefnabrot. Félagi hans sem tók þátt í brotunum hlaut tólf mánaða skilorðsbundinn dóm en sá hafði ekki áður gerst sekur um hegningarlagabrot.

Fjögurra ára fangelsi fyrir innflutning á vökva sem innihélt amfetamínbasa

Hæstiréttur Íslands dæmdi í dag litháan Roman Kosakovskis í fjögurra ára fangelsi fyrir stórfellt fíkniefnalagabrot. Hann flutti til landsins verulegt magn af vökva sem innihélt amfetamínbasa og brennisteinssýru. Hæstiréttur þyngdi dóm Héraðsdóms Reykjavíkur.

Segja atvinnuveiðar á hval ekki sjálfbærar

Hvalaskoðunarsamtök Íslands segja ráðherra fara með rangt mál þegar þeir skilgreini atvinnuveiðar á hval sem sjálfbæar.

Yfirlætislegt tal að segja að meiri hagsmunir víki fyrir mini

Það yfirlætislegt tal að halda því fram um nýhafnar hvalveiðar að meiri hagsmunir víki fyrir minni. Þetta sagði Einar K. Guðfinnssona sjávarútvegsráðherra í ræðu sinni á aðalfundi LÍÚ í dag. Einar sagði að í hvalveiðum fælust gríðarlegir efnahagslegir hagsmunir. Bent hefði verið á að afrakstur þorskstofnsins gæti orðið allt að fimmtungi minni ef hvalastofnanir væru friðaðir.