Enn er barist vegna Pinochet

Til átaka kom í Chile í dag vegna heimildamyndar um Pinochet. Lögregla notaði táragas til að leysa upp mótmæli sem fram fóru vegna sýningar myndarinnar.

Risastórar "hamstrakúlur“ fyrir börn

Nýtt skemmtitæki fyrir börn var tekið í notkun í Fjölskyldugarðinum um helgina. Skemmtitækið minnir á hlaupakúlur fyrir ofvaxna hamstra. Börn geta svo skriðið inn í kúlurnar og hlaupið innan í þeim yfir vatnstjörnina í garðinum.

Búið að slökkva eldinn

Eldsvoðinn við Ljósafossvirkjun reyndist minniháttar og slökkvilið hefur þegar ráðið niðurlögum hans.

Eldur við Ljósafossvirkjun

Eldur er laus í bílskúr við húsnæði við Ljósafossvirkjun. Dælubílar slökkviliðs eru á leiðinni á svæðið. Enn er hvorki nokkuð vitað um upptök eldsvoðans né hefur tekist að ráða niðurlögum hans.

Enn ekki nákvæmar upplýsingar um skotárásina

Skotárás varð við stúdentaíbúðir í Auburn í Alabama í Bandaríkjunum síðustu nótt. Fréttastofur af svæðinu hafa sagt að þrír hafi látið lífið og tveir aðrir slasast alvarlega. Það hefur ekki fengist staðfest með ótvíræðum hætti og lögregla hefur ekki gefið út yfirlýsingu vegna málsins.

Þóra: Forseta má ekki þykja vænt um völd

Þóra Arnórsdóttir forsetaframbjóðandi telur ekki heppilegt að forseti sé manneskja sem þykir vænt um völd. Valdsvið embættisins hafi haldist óbreytt frá stofnun lýðveldisins og að ekki sé þörf á breytingum.

Sósíalistar og samherjar efstir

Útgönguspár frá Frakklandi benda til þess að Sósíalistaflokkur Francois Hollande fái svipað mikið fylgi og hægri flokkurinn UMP. Flokkarnir mælast nú með 35% hvor.

Sjónarspil að sjá 430 manns hjóla af stað

Bláalóns þrautin fór fram í dag þegar 430 manns hjóluðu saman frá Hafnarfirði og að Bláa Lóninu. Leiðin er 60 km. Ljósmyndarinn Vilhelm fór á stúfana og myndaði keppendur á leiðinni.

"Ómaklegar, órökstuddar og feiknalega ósanngjarnar"

Steingrímur J. Sigfússon segir ómaklegt og fáránlegt hjá þingmönnum Sjálfstæðisflokksins að kenna núverandi ríkisstjórn um óvænt útgjöld vegna yfirtökunnar á Sparisjóðnum í Keflavík. Ríkið hafi þar fengið vanda í fangið sem skapaðist vegna þess hvernig sparisjóðnum var stýrt.

Björgunarsveitir fylgja skemmtibáti í land

Björgunarsveitir á höfuðborgarsvæðinu voru kallaðar út í dag þegar menn á skemmtibáti lentu í vandræðum skammt frá Kjalarnesi. Þrír menn voru á bátnum og áttu við gangtruflanir í vél að stríða. Bátur frá björgunarsveitunum var sendur út til móts við bátinn rétt fyrir klukkan fimm í dag. Honum var svo fylgt í land.

Farsælasti forsetinn

Kristjáni Eldjárn tókst hvort tveggja, að láta til sín taka á hinu pólitíska sviði þegar nauðsyn krafði en vera um leið sameiningartákn sem langflestir kunnu að meta. Guðni Th. Jóhannesson fjallar um farsælasta forseta lýðveldisins.

Górillur fá líka hláturskast - myndband

Með því að kitla apa hafa vísindamenn komist að þeirri niðurstöðu að hlátur mannfólksins hafi byrjað að þróast fyrir 10 til 16 milljón árum.

Brotið blað í íslenskri flugsögu

Í gær frumsýndi Þyrluþjónustan nýja þyrlu sem notuð verður í skoðunarferðir ferðamanna um Ísland. Þetta er í fyrsta sinn sem þyrla er keypt til landsins gagngert til farþegaflugs og því ákveðið skref sem Þyrluþjónustan steig með þessu uppátæki.

Rússneskar fótboltabullur til rannsóknar

UEFA mun beita agavaldi sínu vegna óviðeigandi hegðunar rússneskra stuðningsmanna á fótboltaleik landsliðsins gegn Tékkum síðasta föstudag. Fjórir starfsmenn á vellinum urðu fyrir árás stuðningsmannanna og voru sendir á spítala. Sömuleiðis voru þeir sakaðir um kynþáttafordóma sem beindust gegn tékkneska varnarmanninum Theodor Gebre Selassie, sem er svartur. Málið verður tekið til meðferðar næsta miðvikudag.

Obama móðgaður vegna ásakana um leka

Barack Obama, forseti Bandaríkjanna, segir það móðgandi að gefa í skyn að Hvíta húsið sé á bak við leka um árásir mannlausra fjarstýrðra loftfara á bækistöðvar grunaðra hryðjuverkamanna í Mið-Austurlöndum en fréttir af þessum árásum að undanförnu hafa gert ríkisstjórn Obama berskjaldaða fyrir harðri gagnrýni frá bæði hægri og vinstri væng stjórnmálanna um leynd þessara aðgerða, sem þykja mjög umdeildar. Eric Holder, dómsmálaráðherra Bandaríkjanna, hefur skipað tvo lögmenn sem eiga að stýra rannsókn á því hvort leynilegum trúnaðargögnum stjórnvalda um þessar árásir hafi verið lekið til fjölmiðla, að því er fram kemur í Financial Times.

Frakkar að kjörborðinu

Frakkar ganga að kjörborðinu í dag og kjósa neðri deild þingsins. Niðurstöður úr kosningunum munu ráða því hve hratt hinn nýkjörni formaður Francois Hollande mun koma umbótaáætlunum sínum í framkvæmd og hve umfangsmiklar þær verða.

Búið að ræsa hjólagarpana

Reiðhjólakeppnin Bláalónsþrautin var ræst klukkan 10 í morgun. Fjöldi litríkra keppenda hafði safnast saman við rásmarkið í Hafnarfirði. Þeir munu hjóla að Bláa Lóninu.

Mubarak þungt haldinn

Hosni Mubarak, fyrrverandi forseti Egyptalands, liggur þungt haldinn á fangelsissjúkrahúsi í Kaíró. Heilsu hans hefur hrakað mikið frá því hann var dæmdur í lífstíðarfangelsi fyrir um viku og segja egypskt yfirvöld hann nú einungis geta neytt matar í vökvaformi. Eiginkona Mubaraks og tvær tengdadætur heimsóttu hann í morgun eftir að orðrómur um andlát fyrrum forsetans fór á kreik.

Ólafur með hreinan meirihluta í nýrri könnun

Ólafur Ragnar Grímsson hefur mestu fylgi að fagna miðað við könnun sem gerð var fyrir útvarpsþáttinn Sprengisand á Bylgjunni. Ólafur mældist með 50,2% fylgi, eða hreinan meirihluta. Þóra Arnórsdóttir kemur næst á eftir Ólafi með 33,2% fylgi.

Skákuppboð aldarinnar í dag

Uppboð á tveimur sögulegum taflsettum úr fórum Friðriks Ólafssonar, fyrsta stórmeistara Íslendinga, fer fram í Ráðhúsi Reykjavíkur í dag. Uppboðið, sem kallað hefur verið Skákuppboð aldarinnar, er liður í uppskeruhátíð Skákakademíu Reykjavíkur sem haldin er í dag.

Skotárás við stúdentaíbúðir í Alabama

Nokkrir særðust í skotárás við stúdentaíbúðir í borginni Auburn í Alabamafylki í Bandaríkjunum. Skotárásin varð í nótt. Ekki er enn vitað um líðan fórnarlambanna né hve mörg þau voru, en lögregla hefur sagt að þau hafi verið fleiri en eitt.

Ari Trausti í fjallgöngu

Forsetaframbjóðandinn Ari Trausti bauð öllum áhugasömum með sér í fjallgöngu. Gangan hófst klukkan tíu í dag en göngutíminn verður alls um 3 klukkutímar.

Eitraður kræklingur við Ísland

Matvælastofnun varar við neyslu á kræklingi sem safnað er í Hvalfirði og Eyjafirði. Tekin voru sýni af sjó á þessum stöðum í síðustu viku til greiningar á eitruðum þörungum. Í Eyjafirði var PSP eitur yfir mörkum, en það getur valdið lömun, og í Hvalfirði mældist DSP eitur yfir mörkum, sem sem getur valdið uppköstum og niðurgangi.

Ráðherra lést í þyrluslysi

George Saitoti, öryggismálaráðherra Kenía, lést ásamt sex öðrum þegar þyrla brotlenti í skógi skammt frá höfuðborginni Nairobi. Kenísk yfirvöld greindu frá þessu í morgun. Ekki er vitað hvað olli slysinu að svo stöddu. Saitoti hugðist bjóða sig fram til forseta en næstu forsetakosningar í Kenía fara fram í mars á næsta ári.

Vill hernaðaríhlutun í Sýrlandi

Shaul Mofaz, forsætisráðherra Ísraels, sakaði sýrlensk yfirvöld um þjóðarmorð í útvarpsviðtali í morgun og hvatti alþjóðarsamfélagið til að grípa til hernaðaraðgerða í því skyni að stöðva blóðbaðið þar í landi. Hann gagnrýndi jafnframt helstu þjóðarleiðtoga heims fyrir aðgerðarleysi og var afar harðorður í garð Rússa fyrir að útvega Sýrlendingum vopn. Utanríkisráðherra Rússlands, ítrekaði í gær að hann væri mótfallið tilraunum öryggisráðs Sameinuðu þjóðanna um hernaðaríhlutun í Sýrlandi en kallaði eftir fundi með helstu leiðtogum heims til að ræða friðaráætlun Kofis Annans.

Tala eins og forsetaframbjóðendur í sitthvoru ríkinu

Það er stórhættulegt fyrir Ísland að losarabragur sé á hugmyndum forsetaframbjóðenda á valdsviði forseta, segir stjórnmálafræðingur sem rætt er við í öðrum þætti Stöðvar 2 um forsetakosningarnar.

Bílslys við Skipanes

Bílslys varð við Skipanes nálægt Borgarnesi seinnipartinn í dag. Tveir strákar voru í bílnum sem tók veltu og hafnaði utanvegar þegar ökumaður missti stjórn á honum. Hvorugur mannanna slasaðist alvarlega en þeir voru sendir á slysavaktstofuna á Akranesi til aðhlynningar. Grunur leikur á að bílstjórinn hafi verið undir áhrifum áfengis.

Stærsta hjólreiðakeppni ársins á morgun

Stærsta hjólreiðakeppni ársins, hin svonefnda Bláalóns-þraut, fer fram á morgun. Aðstandendur keppninnar segja hana vera stærsta hjólamót sem haldið hefur verið á Íslandi.

Hreyfihamlaður ofurhugi klífur Hvannadalshnjúk

Leifur Leifsson, ungur maður sem hefur verið bundinn við hjólastól alla ævi, hefur æft níu til tíu sinnum í viku síðastliðna mánuði og styrkt hendur sínar í því skyni að komast upp á hæsta tind landsins.

Vann yfir 73 milljónir í Lottó

Einn einstaklingur var með allar tölur réttar í Lottó í kvöld. Hann hlaut í vinning rúmar 73 milljónir króna. Vinningsmiðinn var keyptur í Leirunesti við Leiruveg á Akureyri.

Bjargað naumlega undan flóðum

Um 150 manns var bjargað naumlega í dag þegar mikil flóð gengu yfir bæi og sumarleyfisstaði á vesturströnd Wales snemma í morgun. Þyrlur voru sendar á svæðið í björgunaraðgerðum nálægt bænum Aberystwyth eftir að tæplega 13 sentímetrar af regni féllu síðastliðinn sólarhring. Enginn slasaðist í flóðunum í morgun en þónokkurt tjón varð eins og myndirnar bera með sér.

Álver opnað á Reyðarfirði

Stærsta kersmiðjan í stærsta álveri landsins, álveri Alcoa Fjarðaáls á Reyðarfirði, var opnuð klukkan þrjú í dag að viðstöddum iðnaðarráðherra, þingmönnum og starfsmönnum fyrirtækisins. Kersmiðjan mun skapa 60 ný störf á Reyðafirði. Vinna hófst við smiðjuna á árinu 2010 en heildarfjárfesting vegna hennar nemur þremur og hálfum milljarði króna. Ker í álverum þarf að endurnýja á 5-7 ára fresti. Í nýju kersmiðjunni verður mögulegt að fóðra þrjú ker í einu, en opnun kersmiðjunnar er lokahnykkurinn í byggingu álversins sem var reist fyrir 5 árum.

Stúlkan fundin

Fríða Níelsdóttir, stúlkan sem lögreglan á suðurnesjum lýsti eftir fyrr í dag er fundin. Hún fannst heima hjá kærastanum í Ytri-Njarðvík. Þar hafði hún ætlað að vera yfir helgina.

Anonymous mótmælir í Indlandi

Hakkarar í hópnum Anonymous mótmæltu í dag ritskoðun á internetinu í Indlandi. Mótmælin fóru fram í 16 borgum.

Forseti fundaði með Google

Forseti átti í gær fund með sendinefnd frá Google sem heimsækir Ísland í boði hans. Tilgangur ferðarinnar er að kanna möguleika á samstarfi um ábyrgara eftirlit með veiðum á höfum heims. Einkum var litið til hvernig upplýsingatækni og reynsla Íslendinga nýtist í þessum efnum.

432 nemendur útskrifast frá HR

Í dag brautskráðust 432 nemendur frá Háskólanum í Reykjavík. Á árinu hefur háskólinn útskrifað hátt í 900 nemendur samtals.

Stærsta kersmiðjan í stærsta álverinu vígð

Síðasta áfanganum í byggingu álvers Alcoa á Reyðarfirði er nú lokið en stærsta kersmiðjan í stærsta álveri á Íslandi var formlega vígð við hátíðlega athöfn í dag. Vinna hófst við kersmiðjuna á árinu 2010. Á meðan á framkvæmdunum stóð unnu að jafnaði um 70-80 manns við byggingunna en 160 þegar umsvifin voru í hámarki. Sagt er að smiðjan muni skapa aukalega 50-60 störf á Reyðarfirði. Heildarfjárfesting vegna hennar er um 3,5 milljarðar króna.

Týnd stúlka

Lögregla leitar nú að Fríðu Níelsdóttur, 14 ára stúlku úr Grindavík. Fríða er 162 cm á hæð og um 58 kg. Hún er með ljósbrúnt hár niður fyrir axlir og blá augu. Fríða var klædd í svarta hettuspeysu með nafninu hennar á bakinu, svörtum legging og bleikum Kawasaki skóm.

Fjölmenni á hjólauppboði

Um tvö til þrjú hundruð manns mættu á reiðhjólauppboð lögreglunnar í dag. Boðin voru upp reiðhjól sem fundist hafa á höfuðborgarsvæðinu og enginn hefur hirt um að sækja. Uppboðið fór fram í húsnæði Vöku í Skútuvogi.

Forsetaefnin skýra áherslur sínar

Forsetaframbjóðendurnir skýrðu afstöðu sína til fjögurra málefna sem varða hlutverk forseta í Fréttablaðinu í dag. Fram komu m.a. skoðanir frambjóðenda á siðareglum, málskotsréttinum og tengslum forseta við viðskiptalífið.

Forsetaefnin fjalla um stór pólitísk málefni

Forsetaefnin lýstu skoðun sinni á því hvort forseti ætti að taka afstöðu til stórra pólitískra mála í Fréttablaðinu í dag. Spurt var: Á forseti að lýsa yfir afstöðu sinni til stórra pólitískra deilumála á borð við umsókn um aðild að Evrópusambandinu?

Forsetaefnin fjalla um utanríkisstefnu forseta

Forsetaefnin fjölluðu um hlutverk forseta á alþjóðavettvangi í Fréttablaðinu í dag. Spurt var: Á forseti markvisst að lýsa eigin sjónarmiðum á alþjóðavettvangi, jafnvel þótt þau gangi gegn stefnu sitjandi ríkisstjórnar?

Forsetaefnin fjalla um málskotsréttinn

Forsetaefnin lýstu skoðunum sínum á málskotsréttinn í 26. gr. stjórnarskrárinnar í Fréttablaðinu í dag. Spurt var: Hver er afstaða þín til beitingar málskotsréttar forseta samkvæmt 26. grein stjórnarskrárinnar?

Forsetaefnin fjalla um siðareglur forseta

Forsetaefnin skýrðu áherslur sínar varðandi siðareglur forseta og tengsl hans við viðskiptalífið í Fréttablaðinu í dag. Spurt var: Finnst þér að setja eigi siðareglur um samskipti forseta við viðskiptalífið? Hvernig á forsetinn að beita sér í þágu einstakra fyrirtækja og atvinnugreina?

Talíbanar drepa franska hermenn

Fjórir franskir hermenn létu lífið í sjálfsmorðstilræði í Afganistan í dag. Herskáir talíbanar hafa lýst yfir ábyrgð á árásinni sem átti sér stað á Kapisa-svæðinu í austurhluta landsins. Nú eru tæplega 3.300 franskir hermenn í Afganistan en stefnan er að franskar hersveitir hafi yfirgefið landið í lok þessa árs.