432 nemendur útskrifast frá HR

Í dag brautskráðust 432 nemendur frá Háskólanum í Reykjavík. Á árinu hefur háskólinn útskrifað hátt í 900 nemendur samtals.

Fjármögnun íslenskra háskóla var gert að umfjöllunarefni í ávarpi Dr. Ara Kristins Jónssonar til útskriftarnemenda.

„Staðreyndin er hins vegar sú að háskólakerfið á Íslandi er afar illa fjármagnað, en það sést til dæmis á því að opinber framlög hér á landi eru að meðaltali helmingi minni til hvers háskólanema en á hinum Norðurlöndunum. Í ljósi þessa og mikilvægis háskólastarfs, er harkalegur niðurskurður síðustu ára illskiljanlegur," sagði Ari. „Þessu verður að breyta. Aðeins með því að standa vörð um menntun getum við tryggt samkeppnishæfni, lífsgæði og velferð á Íslandi til framtíðar."

Háskólinn í Reykjavík hefur verið til í núverandi mynd frá árinu 2005, þegar HR og Tækniháskóli Íslands voru sameinaðir. Skólinn útskrifar tvo af hverjum þremur sem ljúka tækninámi á háskólastigi á Íslandi, helming þeirra sem ljúka viðskiptanámi og þriðjung þeirra sem nema lög. Að auki birtir HR birtir flestar ritrýndar greinar á þessum sviðum, segir Jóhanna Vigdís Guðmundsdóttir, forstöðumaður samskiptasviðs.