Ríkir Rússar skoða jarðir á Suðurlandi

Íbúum Reykholts í Biskupstungum brá heldur betur í brún í vikunni þegar þar lenti þyrla á planinu við Bjarnarbúð. Ekki varð undrunin minni þegar í ljós kom á þarna voru á ferð rússneskir í auðmenn í leit að landi til að kaupa.

Skaut konur og börn með köldu blóði - minnsta kosti 16 látnir

Að minnsta kosti sextán manns eru látnir eftir að bandarískur hermaður réðist á tvö heimili í Afganistan og myrti íbúa þeirra. Meðal þeirra sem hermaðurinn myrti eru konur og börn. Fimm eru slasaðir eftir árásina.

Tólf fjölskyldur ætla í mál vegna drómasýki eftir svínaflensusprautu

Að minnsta kosti tólf fjölskyldur áætla að stefna bæði norska ríkinu og bresku lyfjafyrirtæki vegna hugsanlegra tengsla svínaflensubólusetningar og drómasýki í börnum.

Ólíðandi að upplýsingagjöf einkarekinna læknastofa sé óskýr

Velferðarráðherra segir ólíðandi að ekki sé skýrt hvaða upplýsingar einkareknar læknastofur gefi heilbrigðisyfirvöldum. Í framhaldi af þeim álitaefnum sem upp komu í tengslum við PIP-sílíkonpúðana, hefur ráðherra skipað starfshóp til að fara yfir einkarekstur í heilbrigðisgeiranum.

Rautt táknar vindhviður yfir 20 metrum á sekúndu

Miklar vindhviður eru víðast hvar á landinu eins og sést á meðfylgjandi Vegsjá, sem finna má á vef Vegagerðarinnar. Rauði liturinn táknar sem sagt þá staði þar sem vindhviðurnar fara yfir 20 metra á sekúndu. Guli liturinn táknar hviður á bilinu 15-19 metrar á sekúndu.

Tvær farþegaþotur lentu með veika farþega sama daginn

Tvær farþegaþotur í millilandaflugi þurftu að lenda á Keflavíkurflugvelli í gærdag og í gærkvöldi vegna veikinda farþega. Önnur flugvélin var frá þýsku flugfélagi en hin frá bresku. Sú breska þurfti að lenda hér á landi um klukkan níu í gærkvöldi og gekk vel þrátt fyrir vont veður.

Ár liðið frá náttúruhamförum í Japan

Í dag er eitt ár er liðið því að jarðskjálfti upp á 9 á richter skók japanska jörð og flóðbylgja skall á landinu með þeim afleiðingum að um tuttugu þúsund létu lífið og mörg þúsund neyddust til að yfirgefa heimili sín

Enn þungt haldin

Líðan framkvæmdastjóra Lagastoðar, sem slasaðist lífshættulega í hnífaárás fyrir tæpri viku, er enn óbreytt. Samkvæmt vakthafandi lækni á gjörgæsludeild er honum haldið sofandi í öndunarvél.

Áfram stormur á Norður- og Austurlandi

Það var enn mjög hvasst klukkan sex í morgun en þá var suðvestan átt og víða fimmtán til 25 metrar á sekúndu.

Brutust inn í sundlaug og skildu eftir sig skítuga sokka

Um síðustu helgi var brotist inn í sundlaugina í Ólafsvík, innbrotsþjófarnir höfðu ekki mikil verðmæti upp úr krafsinu en þó var einhverjum peningum og varningi stolið samkvæmt heimasíðu Snæfellsbæjar.

Bandarískur hermaður fór um og skaut saklausa borgara í Afganistan

Bandarískur hermaður fór um í grennd við borgina Kandahar í Afganistan í morgun og skaut á óbreytta borgara.

Kosning hafin í biskupskjöri

Biskupskjör í er fullum gangi, kjörgögn voru send til kjósenda fyrir viku og frestur til að skila inn atkvæðum rennur út þann nítjánda mars.

Einn stunginn í lærið annar í andlitið

Maður var stunginn í lærið með hníf í Tryggvagötu í Reykjavík um hálfþrjúleytið í nótt og var hann fluttur á slysadeild. Skömmu síðar stöðvaði lögregla bíl í Lækjargötu og tók eftir því að einn farþeganna var með stungusár í andliti.

Hátt í tvö þúsund heimilislausir eftir eldsvoða í Perú

Hátt í sexhundruð heimili urðu eldsvoða að bráð í tveimur íbúðarhverfum í Lima höfuðborg Perú í gær. Ekki er vitað til þess að nokkur hafi látið lífið en þarlend yfirvöld hafa reist tjaldbúðir fyrir rúmlega sextánhundruð manns sem misstu heimili sín.

Rafmagnstruflanir í Dalabyggð

Rafmagn fór af Saurbæjalínu í Dalabyggð um kl. 07:15, en truflanir hafa verið á línunni frá því snemma í morgun.

Dularfullur blossi í beinni útsendingu

Fréttastöðin KSAZ-TV, í Phoenix í Bandaríkjunum, náði sérkennilegum blossa á myndband þegar sjónvarpskona flutti fréttir af veðri á fimmtudagsmorgun. Samkvæmt frétt AP um málið er ekki vitað hvað olli blossanum sem líkist sprengingu.

Sparkað til góðs

Fræknar og frægar konur eltu bolta og sýndu lítt meistaralega takta á KR vellinum í dag en þar tókust á FC Ógn og hið svokallaða "celeb" lið íslenskra kvenna. Raunar var allt gert í góðgjörðarskyni og til að minna fólk á að lifa lífinu lifandi.

Halldór teiknar Landsdóm

Fyrsta vika réttarhaldanna fyrir Landsdómi hefur runnið sitt skeið. Ólíkt því sem sumir höfðu vonað er þetta engin skemmtidagskrá - í sem stystu máli má segja að þarna hópist miðaldra fólk og ræði efnahagsmál klukkustundum saman. Þetta á heldur ekki að vera skemmtilegt. Það er jú verið að sækja mann til saka.

Stefán Jón íhugar forsetaframboð - furðar sig á rökstuðningi Ólafs

Stefán Jón Hafstein, sem íhugar nú forsetaframboð, gagnrýnir Ólaf Ragnar Grímsson harðlega í aðsendri grein í Fréttablaðinu í dag.

Forritarar etja kappi í HR - frí námsvist í verðlaun

Um 120 framtíðar forritarar taka nú þátt í Forritunarkeppni framhaldsskólanna á vegum Háskólans í Reykjavík í samvinnu við Nýherja.

Búnir að bjarga tugum ökumanna - stormur í kvöld

Björgunarsveitir á landinu eru þegar byrjaðar að bjarga ökumönnum í vanda en samkvæmt upplýsingum frá Landsbjörg hafa björgunarsveitir víða um land bjargað tugum ökumanna síðastliðinn sólarhring. Meðal annars þurfti að bjarga fimm ökumönnum á Mosfellsheiðinni.

Grunur að olía leki úr gámaskipi nærri ströndum Noregs

Gámaskip strandaði skammt frá suðvesturströnd Noregs í gær en grunur leikur á að skipið leki olíu. Samkvæmt AP fréttastofunni var skipið með 280 þúsund lítra af olíu um borð og 67 þúsund lítra af dísel. Fjórtán manna áhöfn sem var frá Rússlandi, Filippseyjum og Úkraníu. Enginn þeirra slasaðist við strandið.

Rúmur þriðjungur hefur íhugað sjálfsvíg

45 einstaklingar sem leituðu til Stígamóta í fyrra höfðu gert tilraunir til sjálfsvígs og rúmur þriðjungur hafði íhugað það. Flestir upplifa skömm og sektarkennd því ábyrgðin er ekki lögð á ofbeldismenn, segir talskona samtakanna.

Þjórsá klýfur Samfylkingu

Leggja átti lokaútgáfu rammaáætlunar fyrir ríkisstjórnina í gær en hætt var við á síðustu stundu. Spurningin hvort setja eigi neðri hluta Þjórsár í biðflokk klýfur Samfylkingu. Málið er á borði iðnaðarráðherra.

Veðurstofa Íslands varar við stormi síðdegis

Veðurstofa Íslands varar við stormi seinnipartinn í dag, fyrst um landið vestanvert, en víða um land í kvöld.

Dugar fyrir einni mjólkurúthlutun

Fjölskylduhjálp Íslands safnaði um 280 þúsund krónum með sölu á fatnaði í Kolaportinu um síðustu helgi. Þessi upphæð dugir þó einungis fyrir einni mjólkurúthlutun í Reykjavík og Reykjanesbæ, að sögn Ásgerðar Jónu Flosadóttur, formanns Fjölskylduhjálparinnar.

Hart barist um formannsembættið í Dýraverndarsambandinu

Átakafundur stendur yfir í Dýraverndarsambandi Íslands þar sem tveir frambjóðendur berjast um formannsstólinn. Fjöldi félagsmanna hefur nánast tvöfaldast á einni viku.

Segir að það komi ekki til greina að búa áfram við krónuna

Jóhanna Sigurðardóttir sagði á flokkstjórnarfundi Samfylkingarinnar í morgun að ekki komi til greina að búa við krónuna áfram. Þá sagði hún jafnframt að rammaáætlun verði afgreidd úr ríkisstjórninni á allra næstu dögum. Til stóð að lokaútgáfa hennar yrði lögð fyrir ríkisstjórnina í gær, en hætt var við á síðustu stundu.

Framkvæmdastjóri Lagastoðar enn í lífshættu

Líðan framkvæmdastjóra Lagastoðar, sem slasaðist lífshættulega í hnífaárás á mánudaginn, er enn óbreytt. Samkvæmt vakthafandi lækni á gjörgæsludeild er honum haldið sofandi í öndunarvél.

Aðstoða Norðmenn vegna hættuástands

Norskir sveitarstjórnarmenn horfa til reynslu Íslendinga af viðbúnaðar- og rýmingaráætlunum. Í kjölfar nýrrar skýrslu norskra jarðfræðinga hefur vaknað á ný umræða í landinu um hættuástand sem skapast getur vegna bergskriðs. Bæði er horft til hættunnar af skriðum yfir byggð og flóðbylgjum sem myndast geta þegar gríðarmagn af bergstáli hrynur ofan í þröngan fjörð.

Jóhanna Sigurðardóttir: Rammaáætlun vonandi afgreidd á næstu dögum

Flokkstjórnarfundur samfylkingarinnar hófst klukkan níu í morgun í Rúgbrauðsgerðinni í Reykjavík. Fundurinn hófst á ávarpi Jóhönnu Sigurðardóttur forsætisráðherra.

Flugfreyja fríkaði út: Sagði flugvélina vera að hrapa

Það varð uppi mikið fjaðrafok á alþjóðaflugvellinum í Dallas í gær þegar flugfreyja á vegum flugfélagsins American Airline tilkynnti farþegum sínum rétt fyrir flugtak að flugvélin myndi hrapa og nefndi í sömu andrá hryðjuverkaárásir.

Hvítlaukssvikari dæmdur í sex ára fangelsi

Írinn Paul Begley, sem var einn umsvifamesti ávaxtasali Írlands, var dæmdur í sex ára fangelsi á dögunum fyrir stórfellt skattasvindl. Hann flutti inn hvítlauk frá Kína yfir fjögurra ára tímabil en merkti vöruna sem epli.

Erlendur ferðamaður stal bíl fyrir utan Leifsstöð og ók í næsta skafl

Erlendur ferðamaður um tvítugt tók bíl sem var í gangi hjá flugstöð Leifs Eiríkssonar ófrjálsri hendi um þrjúleytið í nótt og keyrði hann í nokkurn tíma undir áhrifum áfengis.

Tónleikum í Draugasetrinu frestað

Tónleikar sem áttu að fara fram á Draugasetrinu á Stokkseyri í dag er frestað vegna slæmrar veðurspár. Þess má þó geta að Draugasetrið verður engu að síður opið þrátt fyrir blikur á lofti.

Forseti Sýrlands útilokar pólitískar viðræður

Forseti Sýrlands, Bashar al-Assad, sagði á fundi með Kofi Annan, fyrrverandi aðalritara Sameinuðu þjóðanna, að það væri ekki hægt að eiga í pólitískum samskiptum í Sýrlandi á meðan vopnaðir hryðjuverkahópar væri virkir. Þarna vísar hann til vopnaðra andspyrnu í Sýrlandi sem hefur reynt að koma al-Assad frá völdum.

Samfylkingin samþykkir siðareglur

Flokksstjórn Samfylkingarinnar samþykkti siðareglur flokksins á flokkstjórnarfundi flokksins sem stendur nú yfir í Brauðgerðinni í Reykjavík.

Hvetja til flokkun sorps í Mosfellsbæ

Bæjarstjórn Mosfellsbæjar hvetur íbúa bæjarins til að auka flokkun sorps. Í byrjun júní verður endurvinnslutunnum fyrir pappírsúrgang dreift til allra íbúa bæjarins.

Venizelos fagnar nýju tækifæri

„Í fyrsta sinn í sögu landsins höfum við tækifæri á að draga verulega úr skuldum ríkisins,“ sagði Evangelos Venizelos, fjármálaráðherra Grikklands, þegar hann kynnti niðurstöður viðræðna við helstu lánardrottna ríkisins úr einkageiranum í gærmorgun.

Kofi Annan reynir að miðla málum í Sýrlandi

Kofi Annan, sérlegur sendimaður Sameinuðu Þjóðanna og Arababandalagsins, mun funda með Bashar al Assad Sýrlandsforseta í Damaskus í dag, degi eftir að sýrlenski stjórnarherinn felldi sextíu og átta manns hið minnsta í borginni Homs.

Stefnt að því að styrkja réttarstöðu fólks í kynáttunarvanda

Réttarstaða fólks með kynáttunarvanda, eða transfólks, styrkist til muna ef drög að frumvarpi sem velferðarráðherra hefur móttekið verða að lögum.

Páfinn varar við hjónaböndum samkynhneigðra

Benedikt páfi varaði við giftingum samkynhneigðra í ræðu sinni sem hann hélt í tilefni þess að bandarískir biskupar eru í heimsókn í Vatíkaninu.

Meiri undirliggjandi áhætta hér á landi

Viðbragðshópur Seðlabankans taldi mun meiri undirliggjandi kerfislega áhættu í bankakerfinu vegna samþjöppunar á eignarhaldi hér á landi en í Svíþjóð. Þetta kom fram í vitnisburði Sylvíu Kristínar Ólafsdóttur, fyrrverandi forstöðumanni viðbúnaðardeildar hjá Seðlabankanum, í Landsdómi í gær.

Forseti Landsdóms krafði Össur um nöfn

Báðir bankastjórar Landsbankans fullyrtu við seðlabankastjóra að yfirtaka ríkisins á Glitni hefði engin áhrif á hina bankana. Þetta kom fram í vitnisburði Össurar Skarphéðinssonar fyrir Landsdómi. Jóhanna Sigurðardóttir forsætisráðherra telur forvera sinn hafa gert allt sem hann gat til að afstýra bankahruni árið 2008.

Hefði tekið 2-3 ár að flytja Kaupþing

Verjandi Geirs H. Haarde, Andri Árnason, kallaði fjölmarga fyrrverandi starfsmenn íslensku bankanna og menn sem sátu í skilanefndum þeirra í vitnastúku í gær til að lýsa hvers konar ástand var fyrir eignasölu á árinu 2008. Einn ákæruliðurinn á hendur Geir snýr að því að hann hafi ekki beitt sér nægjanlega gagnvart því að minnka íslenska bankakerfið í aðdraganda hrunsins.