Ákærð fyrir úlpuþjófnað

Lögreglustjórinn á höfuðborgarsvæðinu hefur ákært tæplega tvítuga konu fyrir að stela rándýrum úlpum úr fatahengi í Valhúsaskóla á Seltjarnarnesi í nóvember í fyrra.

Þúsundir mótmæla í Aþenu

Þúsundir mótmælenda hafa nú safnast saman fyrir framan þinghúsið í Grikklandi en í dag munu þingmenn greiða atkvæði um aðgerðir í efnahagsmálum. Samkvæmt breska ríkisútvarpinu bíður lögreglan grá fyrir járnum en í gær brutustu út mikil átök. Í dag er annar dagur verkfalls á almennum vinnumarkaði í Grikklandi.

Gaddafí fallinn - myndir birtar af líkinu

Varað er við myndum með þessari frétt. Reuters fréttastofan hefur eftir Abdel Majid talsmanni uppreisnarmanna í Líbíu að Gaddafí hafi særst skotsári á höfði sem hafi dregið hann til dauða. Þetta hefur þó ekki verið formlega staðfest fremur en fyrri fregnir. Majid fullyrti fyrir hádegið að Gaddafí hafi verið handsamaður og að hann hafi særst á báðum fótum.

Sjö mánaða fangelsi fyrir umfangsmikil fjársvik

Tuttugu og fjögurra ára karlmaður hefur verið dæmdur í sjö mánaða fangelsi fyrir umfangsmikil fjársvik en hann sveik út vörur og þjónustu fyrir milljónir króna hjá ýmsum fyrirtækjum á höfuðborgarsvæðinu. Hann þarf að greiða á þriðju milljón króna í skaðabætur til fórnarlamba sinna.

Bílasali dæmdur fyrir fjársvik

Einn karlmaður var sakfelldur fyrir fjársvik og annar sýknaður í Héraðsdómi Reykjavíkur í morgun. Mönnunum var gefið að sök að hafa rifið varahluti úr bílum í eigu fjármagnsfyrirtækjanna Avant og Lýsingar en voru í vörslu bílasölu sem var í eigu mannanna. Sá sem var dæmdur starfaði sem framkvæmdastjóri bílasölunnar.

Gaddafí handsamaður - særður á báðum fótum

Talsmenn Líbíska þjóðarráðsins, bráðabirgðastjórnar uppreisnarmanna í landinu segja að Múammar Gaddafí fyrrverandi einræðisherra landsins hafi verið handsamaður. Fréttastofa Reuters hefur eftir talsmönnunum að einræðisherrann sé á lífi en að hann hafi særst á báðum fótum.

Um 33 prósent segja koma til greina að kjósa nýtt framboð Guðmundar

Einn af hverjum þremur segir það koma til greina að kjósa nýtt framboð Guðmundar Steingrímssonar, samkvæmt skoðanakönnun sem MMR framkvæmdi 6. til 10 október síðastliðinn. Minnstur stuðningur við framboðið er meðal Sjálfstæismanna en mestur meðal Samfylkingarfólks.

Framtíðarsýn á Þingvelli í hugmyndaleit

Sumir vilja fækka mannvirkjum í þjóðgarðinum á Þingvöllum. Aðrir telja veitingastað nauðsyn. Nefndir eru sýningarskálar, siglingar og kláfur yfir Almannagjá í tillögum um framtíð friðlandsins.

Hjón stefna DV og Jóhannesi Kr. fyrir brot á höfundarrétti

Hjón hafa stefnt DV og Jóhannesi Kr. Kristjánssyni, þáverandi blaðamanni DV, fyrir að brot á höfundarrétti þegar hann á að hafa birt tvívegis tvær myndir í eigu hjónanna.

Lýsa yfir fullnaðarsigri í Sirte

Hersveitir bráðabirgðarstjórnarinnar í Líbíu segjast hafa náð fullu valdi á borginni Sirte fæðingarbæ Múammars Gaddafís fyrrverandi einræðisherra. Sirte var síðasta vígi stuðningsmanna Gaddafís og hafa harðir bardagar geisað í borginni síðustu vikur. Nú hafa fánar uppreisnarmanna verið dregnir að húni á byggingum í miðborg Sirte og fullnaðarsigri verið lýst yfir.

Með raflostbyssu og testósteron í sprautu

Karlmaður á á fertugsaldri hefur verið dæmdur í fangelsi í einn mánuð fyrir fíkniefnalagabrot og brot á vopnalögum.

Einn öflugasti gervihnöttur sögunnar á braut um Jörðu

Einum öflugasta gervihnetti sem smíðaður hefur verið var skotið á braut um Jörðu með rússneskri Proton eldflaug í morgun.

Rúm 36% treysta Jóhönnu best sem formanni

Liðlega 36 prósent Samfylkingarmanna treysta Jóhönnu Sigurðardóttur best til að gegna formennsku flokksins og rúmlega 28 prósent Guðbjarti Hannessyni, heilbrigðisráðherra.

Mikið að gera á hjólbarðaverkstæðum

Mikið var að gera á hjólbarðaverkstæðum á Akureyri í gær þegar bíleigendur fóru að skipta yfri á vetrardekkin og þess varð líka vart á höfuðborgarsvæðinu, eftir fyrstu hálku vetrarins þar um slóðir.

Elísabet Bretadrottning heimsækir Ástralíu

Elísabet II Bretlandsdrotting er nú stödd í 10 daga opinberri heimsókn til Ástralíu en hún kom til landsins í gærdag. Talið er að þetta sé síðasta opinbera heimsókn drottningarinnar til Ástralíu vegna þess hve öldruð Elísabet er orðin en hún er 85 ára gömul.

Hátt í 800 farast í flóðum í Suðaustur Asíu

Hátt í 800 manns hafa nú farist í Suðaustur Asíu vegna mikilla flóða í kjölfar monsúnrigningatímabilsins þar frá því í sumar.

Lindsey Lohan aftur í handjárn

Leikkonan Lindsey Lohan er aftur komin í mikil vandræði en hún var sett í handjárn um tíma í gærdag.

Gríska þingið samþykkti mikinn niðurskurð

Þing Grikklands samþykkti í gærkvöldi annað af tveimur frumvörpum um mikinn niðurskurð í ríkisrekstrinum. Hitt frumvarpið kemur til atkvæðagreiðslu í dag.

Carla Bruni og Nicolas Sarkozy eignuðust fallega dóttur

Nicolas Sarkozy Frakklandsforseti og eiginkona hans Carla Bruni eignuðust sitt fyrsta barn saman í gærkvöldi, velskapaða stúlku samkvæmt fréttum erlendra fjölmiðla.

Leyndardómar góðrar kjötsúpu eru mismunandi

Íslenski kjötsúpudagurinn er framundan um helgina á Skólavörðustíg. Hver kokkur þar á sitt leyndarmál við kjötsúpugerðina.

Rolex telur ránið stórt á alþjóðavísu

Úraránið í verslun Michelsen úrsmiða þykir stórt á alþjóðlegan mælikvarða Rolex. Listi yfir þau úr sem var rænt á mánudag hefur verið afhentur fyrirtækinu og lögreglu, að sögn Franks Michelsen úrsmiðs. Hann gefur ekki upp hversu mörgum úrum var stolið. Frank hefur lofað milljón krónum í verðlaun fyrir upplýsingar sem geta orðið til þess að ránið verði upplýst. Hann segist hafa fengið fjölda ábendinga en bendir fólki á að hafa samband við lögregluna ef það hefur upplýsingar um málið.

Lögreglumaður skar sér hryggvöðva

DÓMSMÁL Ríkissaksóknari hefur ákært varðstjóra í lögreglunni á Höfn í Hornafirði fyrir að misnota stöðu sína og verða sér með því úti um hryggjarvöðva úr hreindýri. Maðurinn neitaði sök við þingfestingu málsins fyrir Héraðsdómi Austurlands í fyrradag.

Viljayfirlýsingar um orkuna fyrir norðan

Þrjú fyrirtæki hafa undirritað viljayfirlýsingu við Landsvirkjun um nýtingu orkunnar í Þingeyjarsýslum, samkvæmt heimildum Fréttablaðsins. Útboð er í gangi varðandi hönnun á mannvirkjum varðandi virkjanir við Bjarnarflag og Þeistareyki, sem samanlagt munu gefa 180 megavött.

Mötuneyti skólanna sögð sem þrælabúðir

„Vinnan í sumum mötuneytum er farin að líkjast meira þrælabúðum en eðlilegum vinnustað,“ segir í yfirlýsingu Samtaka faglærðra matreiðslumanna í grunnskólum Reykjavíkur.

Frjókorn aldrei mælst fleiri

Aldrei hafa verið fleiri frjókorn í lofti yfir Reykjavík en í sumar og á Akureyri mældust frjókorn yfir meðallagi. Niðurstöður frjómælinga hafa verið birtar á vef Náttúrufræðistofnunar Íslands.

Fimm hugmyndir íbúa skoðaðar á mánuði

Íbúum Reykjavíkurborgar gefst kostur á að hafa bein áhrif á borgarmálin í gegnum vefinn Betri Reykjavík sem hleypt var af stokkunum í gær á slóðinni betrireykjavik.is.

Vilja sakhæfi aftur upp í 15 ár

Dönsk stjórnvöld áforma að hækka sakhæfisaldur aftur úr 14 árum upp í 15 ár. Stjórn Venstre og Íhaldsflokksins færði aldurinn niður fyrir um einu ári. Talsmaður Venstre segir við danska ríkisútvarpið að ekki sé gert ráð fyrir fangelsisdómum yfir 14 ára börnum, heldur séu önnur úrræði til staðar þegar dómur hafi verið kveðinn upp. Stjórnin svarar því hins vegar til að hingað til hafi lækkun sakhæfisaldurs ekki skilað neinum árangri.

Biskup lýsti djúpri sorg vegna mistaka

Um 150 manns tóku þátt í námskeiði á vegum þjóðkirkjunnar í Neskirkju í gær. Dr. Marie M. Fortune fræddi viðstadda um kynferðislegt ofbeldi í samhengi kirkju og trúfélaga og rétt viðbrögð við því.

Gröf með báti og vopnum

Heillegt bátskuml hefur fundist í Skotlandi, á afskekktum skaga sem nefnist Ardnamurchan. Talið er að víkingahöfðingi hafi verið grafinn þar ásamt báti sínum, exi, sverði og spjóti. Kumlið er líklega meira en þúsund ára gamalt, en þetta er fyrsta heillega víkingakumlið sem finnst í Bretlandi og þykir þessi fornleifafundur því afar merkilegur. Reynt er að afla vitneskju um samfélagsþróun á þessum slóðum frá víkingatímanum.

Ríkari krafa um að villidýr verði látin í friði

Harmleikurinn í Zanesville í Ohio í Bandaríkjunum í dag, þar sem fjölda villidýra var sleppt, svo elt aftur uppi og skotin, veldur því að ríkari krafa verður um að einstaklingum verði bannað að halda slík dýr. Greint var frá því í dag að karlmaður á sjötugsaldri hefði hleypt dýrunum, sem hann hélt á bóndabýli sínu, út úr prísund sinni. Um var að ræða ljón, tígrisdýr og birni, svo fátt eitt sé nefnt. Maðurinn fyrirfór sér svo síðan.

Rými Sögusafnsins verður ekki selt

Sá hluti Perlunnar þar sem Sögusafnið er rekið er ekki til sölu, segir Eiríkur Hjálmarsson, upplýsingafulltrúi Orkuveitu Reykjavíkur. Eins og kunnugt er voru tilboð í Perluna opnuð í gær og kom þá í ljós að sex tilboð hafa borist. Ekki er vitað hvernig þau líta út.

Innleiða meiri aga við fjárlagagerð

Fjárlaganefnd Alþingis ætlar að innleiða meiri aga og betri vinnubrögð við fjárlagagerð. Þetta kemur fram í áliti fjárlaganefndar frá því í september vegna skýrslu Ríkisendurskoðunar um ríkisreikning fyrir árið 2009.

George Clooney ætlar ekki í atvinnustjórnmál

Hollywoodleikarinn og hjartaknúsarinn George Clooney ætlar ekki að gera stjórnmál að atvinnu sinni. Hann ætlar, eftir sem áður, að taka þátt í stjórnmálum af hliðarlínunni. Ástæðan fyrir þessum yfirlýsingum Clooneys er sú að hann er um þessar myndir að kynna nýja mynd sem hann leikur í og leikstýrir. Myndin heitir The Ideas of March. Í myndinni leikur hann fylkisstjóra að nafni Mike Morris, sem jafnframt tekur þátt í forkosningum fyrir forsetakjör.

Eiginkona Frakklandsforseta ól stúlku

Carla Bruni, eiginkona Nicolas Sarkozy Frakklandsforseta, ól stúlkubarn klukkan sex í dag að íslenskum tíma. Frönsk blöð segja að margmenni hafi safnast saman fyrir utan La Muette fæðingardeildina áður en hún fæddi.

Eigandi Sögusafnsins kvíðir sölu Perlunnar

Eigandi Sögusafnsins í Perlunni segist lifa milli vonar og ótta um að þurfa ekki að yfirgefa Perluna ef hún verður seld. Sögusafnið er hannað og byggt inn í einn tankinn í Perlunni. Ernst J Backman, sem rekur safnið, segist hafa varið 120 milljónum króna í uppbygginguna.

Fjöldi villidýra skotinn

Það varð uppi algjör ringulreið í Zanesville í Ohio þegar villidýr sem voru lokuð inni á einum bænum þar sluppu út. Lögregluna grunar að bóndinn á bænum, Terry Thompson, hafi sleppt dýrunum og svo svipt sig lífi. Um 50 manna lögreglulið fór strax á stúfana og skaut að minnsta kosti þrjátíu dýr. Þar á meðal voru ljón, tígrisdýr, úlfar og birnir.

Bensínsprengjum varpað í Aþenu

Grikkir hentu bensínsprengjum að lögreglumönnum í Aþenu í dag og lögreglan svaraði með táragasi. Gríska þingið ræðir nú frumvarp sem gerir ráð fyrir tímabundnum uppsögnum þrjátíu þúsund stöðugilda í opinbera kerfinu og niðurskurð á lífeyri og launakjörum. Atvinnulífið í Grikklandi lamaðist jafnframt í dag en þar hófst tveggja daga verkfall á almennum vinnumarkaði svo allt flug hefur legið niðri og mikil röskun hefur verið á almenningssamgöngum, í skólum og verslunarþjónustu.

Sagði sjálfsagt að ráðherra gæfi Landsvirkjun fyrirmæli

Þrjú skýr dæmi eru um að ríkisstjórnin beitti sér gegn álveri á Bakka. Áður en Steingrímur J. Sigfússon varð fjármálaráðherra lýsti hann þeirri skoðun sinni að sjálfsagt væri að sá sem gegndi því embætti gæti sem yfirmaður Landsvirkjunar gefið fyrirtækinu fyrirmæli.

Gaman að hestarnir séu komnir inn í stórmynd

"Við þekkjum þessa eiginleika mjög vel og þetta er bara mjög gaman að hestarnir skuli vera komnir inn í svona mikla stórmynd,“ segir Einar Bollason, einn helsti ferðaþjónustufrömuður á Íslandi á sviði hestamennsku. Fréttablaðið greindi frá því í morgun að íslenskir hestar yrðu notaðir við tökur á Hobbitanum, sem er undanfari sögunnar um Hringadróttinssögu.

Sá minnsti fetar í fótspor þess stærsta

Minnsti maður í heimi, Khagendra Tghapa Magar, frá Gaglunghéraðinu í Nepal, er staddur hér á Íslandi. Hann er einungis 56 sentimetrar á hæð. Hann er hér á landi til þess að kynna bókina Ótrúlegt en satt - ekki fyrir viðkvæma, sem er að koma út um þessar mundir.

Neðanjarðarhreyfingin Stóra systir krefst úrbóta

Neðanjarðarhreyfingin Stóra systir hefur afhent lögreglu lista yfir 56 nöfn, 117 símanúmer og 29 netföng manna sem fullyrt er að hafi falast eftir vændi í gegnum auglýsingar í Fréttablaðinu og vefjunum Einkamálum og Rauða torginu.

Grunaður dópsali úrskurðaður í gæsluvarðhald

Karl um þrítugt hefur verið úrskurðaður í gæsluvarðhald til 2. nóvember að kröfu lögreglunnar á höfuðborgarsvæðinu vegna gruns um fíkniefnamisferli. Maðurinn er erlendur ríkisborgari og hefur áður komið við sögu hjá lögreglu.

Svíar ósammála um brottvísun 91 árs konu

Yfirvöld í Svíþjóð frestuðu því á síðustu stundu í gær að senda 91 árs gamla úkraínska konu úr landi. Ákvörðunin var tekin eftir að Mannréttindadómstóll Evrópu ákvað að taka mál konunnar fyrir.

Ekið á reiðhjólamann

Ekið var á reiðhjólamann á Dalvegi í Kópavogi rétt fyrir klukkan fjögur í dag. Maðurinn, sem er á miðjum aldri, var fluttur á slysadeild í sjúkrabíl. Samkvæmt upplýsingum frá Slökkviliðinu á höfuðborgarsvæðinu hefur Dalveginum verið lokað við Sorpu á meðan lögregla og sjúkralið athafna sig.

Eldur í matsal

Slökkvilið höfuðborgarsvæðisins var kallað út fyrr í dag vegna elds í loftljósum í matsal að Skúlagötu 19 í Reykjavík en þar er sjúkraþjálfun til húsa. Varðstjóri hjá slökkviliðinu segir að allir starfsmenn hafi brugðist rétt við, yfirgefið húsið og hringt á slökkvilið. Talsverður eldur var í rýminu og mikill reykur. Greiðlega gekk að slökkva eldinn en töluvert tjón er á matsalnum.