Viðræðurnar hefjast formlega á morgun

Ísland mun formlega hefja aðildarviðræður við Evrópusambandið á ríkjaráðstefnu ESB sem hefst á morgun á hádegi að íslenskum tíma. Í dag munu utanríkisráðherrar ríkja ESB, að öllum líkindum, samþykkja viðræðurnar.

Sætum í Herjólfi fjölgað um 100

Sætum í ferðum Herjólfs verður fjölgað um 100 í kringum þjóðhátíð í Vestmannaeyjum. Í hverri ferð verða því 500 farþegar í stað 400.

Flogið til Nuuk tvisvar í viku

Flugfélag Íslands hefur ákveðið að fljúga framvegis til Nuuk á Grænlandi allt árið. Flogið hefur verið þangað öll sumur frá árinu 2007 en nú verður flogið þangað tvisvar í viku.

Búist við brottrekstri forstjóra BP

Tony Hayward, forstjóri British Petroleum (BP), lætur af störfum á allra næstu dögum, að því er breskir fjölmiðlar greina frá. Stjórn BP staðfestir ekki orðróminn og hefur gefið frá sér tilkynningu í þá veru að Hayward njóti trausts fyrirtækisins.

Kjötfarsverð stöðugast af unnu kjöti

Miklar verðsveiflur hafa verið á unnum kjötvörum á síðustu árum. Verðbreytingar hafa þó verið misjafnar eftir vöruflokkum, eins og sjá má á meðfylgjandi töflu frá Hagstofunni og DataMarket.

Foreldrar stúlku með hvítblæði ætla að kæra Orkuveituna

Foreldrar fimm ára stúlku sem greindist með hvítblæði skoða nú réttarstöðu sína og hyggjast kæra Orkuveitu Reykjavíkur, en mælingar leiddu í ljós að rafsegulsvið var langt yfir hættumörkum í húsi þeirra. Of hátt rafsegulsvið hefur mælst á heimilum þriggja barna sem glíma við hvítblæði.

Einn stærsti leki í sögu Bandaríkjahers

Wikileaks vefsíðan hefur birt meira en 90 þúsund skjöl frá bandaríska hernum sem innihalda upplýsingar um stríðið í Afganistan frá árunum 2004 til dagsins í dag. Þrjú stórblöð sem birt hafa upplýsingar úr skjölunum segja að þau hafi að geyma áður óbirtar heimildir um að óbreyttir afganskir borgarar hafi verið drepnir í stríðinu.

Nágrannaerjur í Garðabæ: Fjölskyldurnar flúnar heimili sitt

Báðar fjöskyldurnar sem eiga í nágrannaerjunum í Garðabæ hafa flúið heimili sín. Önnur fjölskyldan hefur fengið fjölmargar hótanir.

Blóðvatn á Eskifirði: Heilbrigðiseftirlitið átti að loka veitunni

Andrés Elísson fyrrverandi bæjarfulltrúi í Fjarðarbyggð gagnrýnir heilbrigðiseftirlitið harðlega eftir að blóðvatn lak í vatnsveitubæjarins í byrjun mánaðarins. Hann segir að eftirlitið hafi gefið grænt ljós á vatnsveituna eftir að hafa bara tekið sýni á einum stað. Nokkrum dögum síðar hafi hundrað til tvö hundrað manns verið með niðurgang og fólk farið á spítala í kjölfarið.

Garðbæingar halda samstöðufund

Um 70 manns ætla að mæta í Aratún í Garðabæ í kvöld og sýna þeim sem hafa orðið fyrir ofbeldi frá nágrönnum sínum stuðning. Á Snjáldurskinnu segir að fundurinn verður haldinn fyrir utan hús þeirra sem fyrir ofbeldinu urðu til að sýna þeim stuðning. „Hann er ætlaður til að sýna það svart á hvítu að samfélagið sættir sig ekki við hegðun eins og þau urðu fyrir,“ segir á síðunni.

Prjónar 17 kílómetra trefil

Kona á Siglufirði fékk þá hugdettu að prjóna 17 kílómetra langan trefil sem næði milli miðbæjar Ólafsfjarðar og Siglufjarðar. Hugmyndin varð að veruleika og nú þegar er trefillinn orðinn rúmlega 6 kílómetra langur.

Botni kreppunnar náð

Ýmsar hagtölur sem mæla lífsmörk hagkerfisins benda til þess að botni kreppunnar sé náð. Hagfræðiprófessor segist vona að svo sé, en þó eigi enn eftir að finna lausn á stórum vandamálum.

Ófriður á stjórnarheimilinu

Ríkisstjórnin gæti misst stuðning þingmeirihlutans ef kaupin á Magma Energy ganga í gegn, en þingmönnum sem neita að styðja ríkisstjórnina ef svo fer fjölgar. Stjórnmálafræðingur telur ekki ólíklegt að að boðað verði til kosninga fyrir lok kjörtímabilsins.

Skuldbingar ríkissjóðs vegna ríkistryggðra skuldabréfa 29 milljarðar

Ríkissjóður hefur greitt um fimm milljarða króna frá hruni vegna ríkistryggðra skuldabréfa sem bankarnir tóku yfir við einkavæðingu. Heildarskuldbindingar vegna þessa nema tæpum tuttugu og níu milljörðum króna.

Furða sig á niðurstöðu héraðsdóms

Hagsmunasamtök heimilanna furða sig á niðurstöðu héraðsdóms síðastliðinn föstudag að bæta skuli lögbrjóti upp forsendubrest sem varð til vegna lögbrota hans. Dómarinn fríi lögbrjótinn frá því að taka ábyrgð á lögbroti sínu og í reynd verðlaunar hann, ef dómurinn verður fordæmisgefandi fyrir gengistryggð húsnæðislán.

Umferð farin að þyngjast

Umferð í gegnum Borgarnes er farin að þyngjast samkvæmt upplýsingum frá Lögreglunni í Borgarnesi. Umferðin hefur verið jöfn og þétt í allan dag, en nú er orðið „frekar þröngt á milli bíla", eins og varðstjóri orðaði það. Þrír hafa verið teknir fyrir of hraðan akstur í umdæminu í dag.

Síðasta Love Parade gangan

Í ljós hörmunganna í Love Parade göngunni í Duisburg hafa skipuleggjendur hátíðarinnar ákveðið að halda gönguna ekki aftur. 19 létust og 340 slösuðust þegar múgæsing greip um sig í undirgöngum sem lágu að hátíðarsvæðinu.

Harmleikurinn í Duisburg - lögreglan varaði skipuleggjendur við

Að minnsta kosti 19 eru látnir og yfir 340 slasaðir eftir að stærsta danspartý í heimi breyttist í harmleik. Forseti Þýskalands hefur krafist rannsóknar á orsökum slyssins. Gestir á Love Parade eða Gleðgöngunni í Duisburg þurftu margir hverjir áfallahjálp eftir að hafa horft á fólk troðast undir og láta lífið.

Forstjóri BP stígur til hliðar

Forstjóri olíurisans BP, Tony Hayward, mun hætta hjá fyrirtækinu á næstunni að því er fréttavefur BBC greinir frá. Hayward og aðrir stjórnendur fyrirtækisins hafa verið gagnrýndir harðlega eftir að olíulekinn á Mexíkóflóa kom upp. Olíuslysið er talið eitt stærsta umhverfislys síðari ára og hafa björgunaraðgerðir kostað félagið stórfé. Olíusprengingin varð í byrjun sumars en hún kostaði þrettán manns lífið auk þess sem fjöldi særðist. Talið er að olía haldi áfram að leka frá borholunni og því sé ekki útséð með endanlegar afleiðingar þessa umhverfislyss.

Þingmaður VG: Mun ekki heldur styðja ríkisstjórnina

Þingmaður Vinstri grænna segist eiga afar erfitt með að styðja þá ríkisstjórn sem ekki gerir allt sem í hennar valdi stendur til að stöðva kaup Magma Energy á HS Orku.

Ölvun á bæjarhátíðum en ólæti lítil

Þrír voru teknir fyrir ölvunarakstur á hátíðinni Á góðri stundu á Grundarfirði þar sem yfir 2000 manns voru samankomnir. Að sögn lögreglu fór hátíðin vel fram og skein sólin blítt hátíðargesti á laugardaginn.

Mikil ölvun á Mærudögum

Fjölmenni er á tjaldsvæðum og hátíðum víða um land. Þær upplýsingar fengust hjá lögreglunni á Húsavík að mikil ölvun hafi verið í bænum en þar fara nú Mærudagar fram. Hins vegar hefði ekkert stórvægilegt komið upp á þrátt fyrir nærveru bakkusar. Sömu sögu var að segja af Akureyri. Þar voru fáir í bænum - fámennt en góðmennt.

Maður skallaður í miðbænum

Talverð ölvun var í miðbænum í nótt og voru tvær líkamsárásir tilkynntar til lögreglu. Fyrri líkamsárásin átti sér stað laust fyrir klukkan fimm. Þar hringdi maður í lögregluna og sagði fólk á bíl hafa komið og ráðist á sig. Seinni líkamsárásin tengdist skemmtistað gegnt Þjóðleikhúsinu. Klukkan tuttugu mínútur í sex barst lögreglu tilkynning um að maður hefði verið skallaður á staðnum. Að sögn vakstjóra hjá Lögreglunni í Reykjavík var nóttin annars tíðindalaus enda fjöldi fólks úr bænum.

Harmi slegnir yfir slysinu

Forseti Þýskalands, Christian Wulff, er harmi sleginn yfir slysinu í Gleðigöngunni í Duisburg í gær, þar sem að minnsta kosti 18 manns fórust og fjöldi fólks slasaðist. Hann krefst þess að orsakir slyssins verði rannsakaðar.

Ný hreppsnefnd Reykhóla skipuð

Nú liggur fyrir hverjir munu skipa nýja hreppsnefnd í Reykhólasveit eftir að kosið var í dag. Það eru þau Andrea Björnsdóttir, Eiríkur Kristjánsson, Ásta Sjöfn Kristjánsdóttir, Sveinn Ragnarsson og Gústaf Jökull Ólafsson.

Fimmtán krömdust í mannfjölda

Að minnsta kosti 15 manns fórust í Gleðigöngu tónlistarhátíðinni í Duisburg í Þýskalandi í dag, eftir því sem BBC hefur eftir þýsku lögreglunni. Áður en slysið varð hafði lögreglan reynt að stöðva fólk í að fara á svæðið þar sem gangan var vegna þess hve mikill fjöldi hafði safnast þar saman.

Mikill fjöldi á frönskum dögum

Mikill fjöldi er saman kominn á frönskum dögum á Fáskrúðsfirði. Hátíðin hefur gengið vel en auk Íslendinga hafa gestir frá vinabæ Fáskrúðsfjarðar í Frakklandi lagt leið sína á hátÍðina.

Börnum boðið í Viðey

Börn og foreldrar þeirra eru boðin sérstaklega velkomin á sérstakan barnadag sem haldinn verður hátíðlegur í Viðey á morgun. Guðlaug Elísabet Ólafsdóttir, verkefnastjóri fyrir Viðey, segir að þetta sé þriðja árið sem

Ágætis kosningaþátttaka á Reykhólum

Kosningar til sveitastjórnar í Reykhólahreppi hafa gengið vel það sem af er degi, segir Halldór D. Gunnarsson, formaður kjörstjórnar. Þær hófust klukkan níu í morgun og munu standa þar til klukkan sex í kvöld.

Lausn Magma málsins forsenda fyrir stuðningi við ríkisstjórnina

Þingflokksformaður Vinstri grænna segist ekki styðja ríkisstjórnina áfram verði kaup Magma Energy á HS orku ekki gerð ógild. Það sé skýlaus krafa þingflokksins að þeim verði að rifta, ekki sé nóg að takmarka nýtingarréttinn. Iðnaðarráðherra segir að ríkið geti ekki rift samningi sem það er ekki aðili að.

Sóttu konu sem hafði slasast í Esjunni

Sjúkraflutningamenn fóru í hlíðar Esjunnar um fimmleytið í dag til að aðstoða konu sem hafði misstigið sig, tognað á ökkla og treysti sér ekki til að ganga niður. Sjúkraflutningamenn þurftu því að bera konuna niður, en hún var þó ekki hátt uppi þegar hún slasaði sig.

Ómar Ragnarsson tók lagið

Ómar Ragnarsson tók lagið þegar að hann tók á móti peningagjöf úr fjársöfnun sem efnt var til í tilefni af sjötugsafmæli hans. Hann fékk féð afhent í Café Flóru í Grasagarðinum í Laugardal í dag. Það var Friðrik Weishappell sem efndi til söfnunarinnar eftir að hann las um að Ómar væri klyfjaður skuldum vegna baráttu sinnar fyrir náttúruvernd. Söfnunin fór að mestu fram á samskiptasíðunni Facebook.

Lýst eftir Jóni Helga

Lögreglan á höfuðborgarsvæðinu og Barnavernd Reykjavíkur lýsa eftir Jóni Helga Lindusyni 16 ára.

Ómar fær afmælisgjöfina í dag

Ómar Ragnarsson fær í dag afhentan árangur af vikulangri afmælissöfnun sem veitingamaðurinn Friðrik Weisshappel hratt af stað í gegnum fésbókina.

Þyrla Gæslunnar sækir mann frá Grundarfirði

Þyrla Landhelgisgæslunnar fór á tólfta tímanum í dag í átt að sjúkrabíl sem flytur slasaðan mann frá Grundarfirði. Maðurinn virðist hafa lamast á vinstri hlið líkamans. Hann hafði átt í ryskingum í nótt en lögreglan segir ekki hægt að fullyrða um að þær séu ástæðan fyrir eymslum sem maðurinn finnur núna fyrir. Maðurinn verður fluttur til Reykjavíkur.

Niðurstaða í Magma málinu í næstu viku

Katrín Júlíusdóttir aftekur með öllu að þingflokkur VG hafi komið þeirri skýlausu kröfu á framfæri vð Samfylkinguna að fundin yrði leið til að rifta kaupum kanadíska orkufyrirtækisins Magma Energy á HS Orku.

Grunur um salmonellusmit

Grunur leikur á um salmonellusmit í ferskum kjúklingi framleiddum af Matfugli ehf. Í tilkynningu frá fyrirtækinu kemur fram að frekari rannsókna sé þörf til þess að staðfesta gruninn en þangað til þyki fyrirtækinu rétt að innkalla vöruna. Um er að ræða kjúkling með rekjanleikanúmerunum (Rlnr.)

Sóttu mann suðvestur af Látrabjargi

Sjúkraflutningamenn fóru að Hafnarfjarðarhöfn í gærkvöld til að sækja erlendan veikan mann um borð í bát sem var við hafnarmynnið. Maðurinn var talinn bráðveikur og var í fyrstu ákveðið að grípa til þess ráðs að ferja sjúkraflutningamenn til bátsins með öðrum björgunarbát. Síðan var ákveðið að kalla til þyrlu Landhelgisgæslunnar til að flytja manninn í land. Þrátt fyrir björgunaraðgerðir var maðurinn úrskurðaður látinn þegar búið var að flytja hann í land.

Venables fær nýtt nafn

Jon Venables, annar þeirra sem myrtu hinn tveggja ára gamla James Bulger fyrir 17 árum, fær nýtt nafn þegar að hann losnar úr fangelsi.

Slökktu eld í gaskút

Eldur kviknaði í gaskút undir gasgrilli í Heiðargerði um sjöleytið í gærkvöld. Slökkviliðsmaður sem fréttastofa talaði við segir að venjulegast myndist

Krefjast riftunar á kaupum Magma

Þingflokkur Vinstri grænna hefur komið þeirri skýlausu kröfu á framfæri við samstarfsflokkinn í ríkisstjórn að fundin verði leið til að rifta kaupum kanadíska orkufyrirtækisins Magma Energy á HS Orku. Samkvæmt heimildum Fréttablaðsins varð þetta einróma niðurstaða þingflokksfundar sem haldinn var um Magma-málið í gærkvöldi.

Hundrað hvalir skornir

Sjómenn í Þórshöfn í Færeyjum ráku í gærmorgun á land grindhvalavöðu sem í voru um 110 skepnur.

Leigusamningar áfram í erlendri mynt

Íslandsbanki og Lýsing hafa komist að þeirri niðurstöðu að dómur Hæstaréttar um ólögmæti gengistryggingu lána nái eingöngu yfir kaupleigusamninga en ekki aðra leigusamninga svo sem fjármögnunarleigusamninga.

Segir fjármálastöðugleika ekki ógnað

„Ef þetta verður niðurstaðan verður fjármálakerfið fyrir talsverðu tjóni, en mun minna en ef samningsvextir verða látnir gilda,“ segir Gylfi Magnússon, efnahags- og viðskiptaráðherra, spurður um áhrif dómsins á fjármálakerfið. Hann segir að staðfesti Hæstiréttur niðurstöðu héraðsdóms sé fjármálastöðugleika ekki ógnað. Eitthvað tap myndi þó falla á ríkissjóð vegna málsins, vegna eignarhlutar í Landsbankanum og öðrum fjármálafyrirtækjum.

Gera alheimsúttekt á jarðvarmageiranum

Greining íslenska ráðgjafarfyrirtækisins Gekon og doktor Michaels Porter á íslenska jarðvarmaklasanum verður undir­staða heildarúttektar endurskoðunarfyrirtækisins KPMG á jarðvarmageiranum á heimsvísu, arðsemi hans og tækifærum.