Skotinn 34 sinnum í höfuðið með naglabyssu

Lögreglan í Sydney í Ástralíu birti á föstudaginn röntgenmynd af höfði kínversks innflytjanda sem skotinn var 34 sinnum í höfuðið með naglabyssu í fyrrahaust.

Jay Leno forfallast í fyrsta sinn á 17 ára ferli

Jay Leno forfallaðist í gær, í fyrsta sinn á 17 ára ferli sínum í The Tonight Show, en hann var lagður inn á sjúkrahús með hraði rétt áður en taka átti þáttinn upp.

Fengu 1.400 milljarða vegna íslensku bankanna

Breska ríkið greiddi þegnum sínum, sem töpuðu inneign sinni í íslensku bönkunum, 7,4 milljarða punda, jafnvirði rúmlega 1.400 milljarða króna. Þetta kemur fram í fjárlagafrumvarpi bresku stjórnarinnar. Yfir 300.000 Bretar fengu greiðslu frá ríkinu eftir að íslensku bankarnir hrundu í október.

Þorskkvóti í Barentshafi aukinn um 50.000 tonn

Samkeppni um sölu á þorskafurðum á erlendum mörkuðum mun fara harðnandi strax á næsta ári, því allt stefnir í að þorskkvótinn í Barentshafi verði aukinn um 50 þúsund tonn og enn meira á þarnæsta ári.

Innbrot í Lyf og heilsu á Þorlákshöfn

Brotist var inn í verslun Lyfja og heilsu í Þorlákshöfn í nótt. Tilkynning um innbrotið barst á sjötta tímanum í morgun og er lögreglan á Selfossi á vettvangi að rannsaka málið. Ekki liggur enn fyrir hvort eða hverju var stolið, en þjófarnir komust undan.

Víða þurfti aðstoð vegna veðurs á Vesturlandi

Björgunarsveitarmenn frá Barðaströnd voru kallaðir út á sjöunda tímanum í gærkvöldi til að aðstoða fólk í nokkrum föstum bílum á Klettshálsi á Vestfjörðum.

Sveitarfélaginu sagt mismunað

Bæjaryfirvöld á Álftanesi segja sveitarfélagið bera hlutfallslega miklu meiri kostnað af fræðslu- og uppeldismálum og æskulýðs- og íþróttamálum en algengast sé meðal sveitarfélaga landsins.

Formenn bjartsýnir fyrir kosningarnar

Formenn framboðanna til Alþingis eru allir bjartsýnir á gott gengi í komandi kosningum þrátt fyrir mismunandi útkomu í könnun Fréttablaðsins á fylgi flokkanna á landsvísu.

Ríkisstjórnin með meirihluta

Útlit er fyrir öruggan sigur vinstri flokkanna samkvæmt skoðanakönnun Fréttablaðsins og Stöðvar 2.

Upplýsir ekki um styrki sína

Illugi Gunnarsson, þingmaður Sjálfstæðisflokksins, vill hvorki játa né neita því að hann hafi fengið háa styrki frá FL-Group og Baugi. Hann segir vel koma til greina að setja reglur um að upplýsingar verði gefnar um styrki, en í þeim efnum verði eitt yfir alla að ganga.

Gagnrýna leynd um verðmat bankaeigna

Bjarni Benediktsson, formaður Sjálfstæðisflokksins, og Sigmundur Davíð Gunnlaugsson, formaður Framsóknarflokksins, gagnrýna að þeir og almenningur hafi ekki fengið að sjá upplýsingar um verðmat þeirra eigna sem fluttar voru úr þrotabúum gömlu bankanna til að mynda efnahag þeirra nýju. Sigmundur segir að upplýsingum um raunverulegt ástand mála í þjóðfélaginu sé haldið frá almenningi.

Formaður Framsóknar inni

Samfylking er stærsti flokkurinn í Reykjavíkurkjördæmi norður, samkvæmt nýrri skoðanakönnun Fréttablaðsins og Stöðvar 2. 33,0 prósent styðja flokkinn í kjördæminu og fengi flokkurinn því þrjá kjördæmakjörna þingmenn. Flokkurinn fékk 29,2 prósent atkvæða í kosningunum 2007.

Hesthúsabyggð endurskoðuð

Endurskoða á nýsamþykkt deiliskipulag sem gerði ráð fyrir nýrri hesthúsabyggð nærri Elliðaánum. Skipulagsráð Reykjavíkur samþykkti þetta á þriðjudag í framhaldi af fundum formanns skipulagsráðs, Júlíusar Vífils Ingvarssonar og embættismanna með formanni Hestamannafélagsins Fáks, framkvæmdastjóra og formanni Stangaveiðifélags Reykjavíkur og veiðimálastjóra ásamt sérfræðingum Veiðimálastofnunar. „Voru það opinskáir og hreinskiptir fundir. Frumkvæði Hestamannafélagsins Fáks í framhaldi af þessu er þakkarvert“ segir í tillögu Júlíusar um að reyna eigi að ná sátt um nýtingu svæðisins. - gar

Zuma verður næsti forseti

Nánast öruggt var talið að Afríska þjóðarráðið færi með sigur af hólmi í þingkosningum í Suður-Afríku þegar Fréttablaðið fór í prentun í gær.

Greitt fyrir umferð með fjölda aðgerða

Borgarstjórinn í Reykjavík og vegamálastjóri undirrituðu fyrr í mánuðinum samkomulag um vegbætur í Reykjavík. Samkvæmt því á að fara í fjölda aðgerða sem munu auka umferðarflæði og bæta umferðaröryggi. Hanna Birna Kristjánsdóttir borgarstjóri segir samkomulagið dæmi um það hve hægt er að áorka miklu án þess að fara í stórar framkvæmdir.

Fengu ekki að greiða atkvæði

„Þetta er frekar spælandi þegar maður ætlar að taka þátt í sennilega mikilvægustu kosningum lífs síns,“ segir Hrefna Kap Gunnarsdóttir, sem í gær var vísað frá kjörstað á ræðismannsskrifstofu Íslands í Árósum í Danmörku.

Skólplykt í fjörunni senn úr sögunni

Ekki til að hafa áhyggjur af

Vatnsstaðan í Blöndulóni er nú í sögulegu lágmarki. Að sögn Guðmundar Ólafssonar hjá Blönduvirkjun stafar þessi óvenjulega staða af bilun sem varð í Sultartangavirkjun í fyrra og olli því að keyra þurfti Blöndustöðina meira en vanalega. „En þetta er í sjálfu sér ekkert óeðlilegt og á eftir að jafna sig,“ segir Guðmundur. Ómögulegt sé að svara því hvort þetta muni seinka því að Blanda fari á yfirfall í sumar. „Veiðimenn spyrja mikið um þetta en það eru svo margir þættir sem geta haft áhrif og vatnsstaðan breyst fljótt.“ - gar

Unnið gegn bótasvikum

Á fundi eftirlitsdeilda tryggingastofnana á Norðurlöndum, sem haldinn var fyrr í mánuðinum, var lögð áhersla á að unnið yrði gegn bótasvikum. Svikin geti numið háum fjárhæðum svo eftir miklu sé að slægjast. Bótasvik felast sérstaklega í rangri skráningu á búsetu og hjúskap og rangri upplýsingagjöf sem leiðir til of hárra bótagreiðslna. Á undanförnum árum hafa norrænu þjóðirnar lagt aukna áherslu á eftirlit með slíkum svikum. Á fundinum var lögð áhersla á að vekja stjórnmálamenn til umhugsunar um málið. Ekki væri vanþörf á í kreppunni.- kóp

Parið fundið sem skildi þrjú börn eftir á pizzastað

Ítalska lögreglan fann þýskt par sem skildi þrjú börn eftir á pizzastað um síðustu helgi. Lögreglumenn fundu þau Inu Caterinu Remhof, móður barnanna, og kærasta hennar Sascha Schmidt í útjarði borgarinnar Aosta. Ina 26 ára og Sascha er 24 ára. Þau eru nú yfirheyrð af lögreglu.

Neyðarástandi aflétt í Bangkok

Neyðarástandi hefur verið aflétt í Bangkok höfuðborg Tælands og á nærliggjandi svæðum eftir mótmælaöldu andstæðinga forsætisráðherrans. Hermenn tóku sér stöðu á götum úti eftir að Abhisit Vejjajiva, forsætisráðherra, lýsti yfir neyðarástandi 12. apríl.

Sigmundur telur allsherjarhrun framundan

Sigmundur Davíð Gunnlaugsson, formaður Framsóknarflokksins, segir að hér sé að hefjast fullkomið kerfishrun og allsherjarhrun íslensks efnahagslífs. Hann vill að ríkisstjórnin birti mat endurskoðunarfyrirtækisins Deloitte og matsfyrirtækisins Oliver Wyman fyrir kosningar.

Treglega gekk að draga út svar frá Steingrími um olíuvinnslu

Steingrímur J. Sigfússon segir Vinstri græna hlynnta rannsóknum á Drekasvæðinu. Fréttamaður þurfti hins vegar að ítreka spurningu sex sinnum áður en svar fékkst við því hvort flokkurinn styddi olíuvinnslu á svæðinu og hvort hún samrýmdist hugmyndafræði flokksins.

Pakistan að verða banvæng ógn við heimsfriðinn

Pakistanar hafa reynt að friðþægja talibana með því að eftirláta þeim heilu héruðin í landi sínu. Með því vonuðust þeir til að koma í veg fyrir vopnuð átök.

Jóhanna og Bjarni ósammála um styrki til frambjóðenda

Formenn Samfylkingarinnar og Sjálfstæðisflokksins eru ósammála um hvort opna skuli prófkjörsbókhald frambjóðenda. Forsætisráðherra vill að almenningur fái upplýsingar um styrki til frambjóðenda. Formaður Sjálfstæðisflokksins segir það hins vegar undir einstaklingum komið hvort þeir upplýsi um slíka styrki.

Getum sagt skilið við ESB mislíki okkur

Ef við göngum í Evrópusambandið og mislíkar, getum við gengið út strax. Eiríkur Bergmann, stjórnmálafræðingur, segir að ákvörðunin myndi þó verða okkur dýrkeypt.

Ákvarðanafælni í borgarstjórn

Borgarstjórn þorir ekki að taka ákvarðanir og þess vegna er allt stopp segja verktakar sem vilja framkvæma. Þeir þora þó ekki að koma fram af hræðslu við að lenda á svörtum lista hjá borginni.

Útstrikanir geta haft áhrif á röð þingmanna

Útstrikanir á kjörseðlum í komandi kosningum geta haft nokkur áhrif á röð þingmanna. Á kjörseðlinum sem við fáum í hendurnar á laugardaginn eru kassar fyrir fram hvern bókstaf til að sýna okkur hvar við eigum að setja x-ið okkar. En það er hægt að gera meira í kjörklefanum.

Keyrði á löggubíl á 110 kílómetra hraða

Bandarískur lögregluþjónn slapp naumlega þegar eftirlýstur afbrotamaður keyrði á hundrað og tíu kílómetra hraða á bíl hans. Lögreglumenn á eftirlitsferð í Ohio í Bandaríkjunum fengu upplýsingar um að eftirlýstur afbrotamaður væri á leið í átt til þeirra á miklum hraða á stolnum sendiferðabíl.

Árásarmaðurinn fundinn

Karlmaður sem stakk annan mann með hnífi í lærið og handlegg fyrir utan verslun Krónunnar í Jafnaseli í Seljahverfi í dag hefur verið handtekinn. Árásarmaðurinn var handsamaður skömmu eftir árásina í bifreið sinni í Holtaseli. Hann var einn í bifreiðinni.

Ingibjörg fór á svig við sáttmála Þingvallastjórnarinnar

Björn Bjarnason, fyrrum dómsmálaráðherra, segir að Ingibjörg Sólrún Gísladóttir, fyrrum utanríkisráðherra, hafi farið á svig við stjórnarsáttmála Þingvallastjórnarinnar.

Nyrsti kosningafundurinn í dag

Steingrímur J. Sigfússon, formaður Vinstri grænna, hélt kosningafund í Grímsey í morgun. Fram kemur í tilkynningu að alls hafi 23 atkvæðisbærir íbúar mætt á fundinn sem er nærri helmingur kosningabærra Grímseyinga.

Maður stunginn með hnífi

Karlmaður var stunginn með hnífi í lærið fyrir utan verslun Krónunnar í Jafnaseli í Seljahverfi á fimmta tímanum í dag. Hann var fluttur á slysadeild en er ekki talinn mikið slasaður, að sögn lögreglu.

Veðrið gæti hjálpað sjálfstæðismönnum

Veðrið á kjördag gæti hjálpað sjálfstæðismönnum en unnið gegn framsóknarmönnum. Þetta segir Sigurður Ragnarsson, veðurfræðingur á Stöð 2, oft kallaður Siggi Stormur eða Stormurinn. Hann telur að vinstriflokkarnir nái sætum sigri.

Tugir fallnir eftir sjálfsmorðsárásir

Að minnsta kosti 76 féllu í tveimur sjálfsmorðsárásum í Írak í dag. 48 féllu þegar hryðjuverkamaður sprengdi sjálfan sig upp á veitingastað í Baquba sem er í norðausturhluta landsins. 70 eru sagðir alvarlega slasaðir.

Ekkert greitt fyrir menntun Íslendinga á Norðurlöndunum

Norrænu menntamálaráðherrarnir undirrituðu samkomulag í dag sem tryggir námsmönnum á Norðurlöndunum aðgang að æðri menntun í öllum aðildarríkjum Norrænu ráðherranefndarinnar. Ísland fær undanþágu frá samkomulagi sem gert er um greiðslur milli landa og greiðr ekki neitt, en tekur þátt í samstarfinu á jafnræðisgrundvelli.

Sérkennilegt að Kolbrún sé leiðrétt af Vinstri grænum

Árni Finnsson, formaður Náttúruverndarsamtaka Íslands, segir sérkennilegt að Kolbrún Halldórsdóttir, umhverfisráðherra sé leiðrétt af samflokksmönnum sínum og talin svíkja grænar áherslur með því að lýsa yfir efasemdum og andstöðu við tilraunaboranir eftir olíu á Drekasvæðinu. Þetta kemur fram í bréfi sem Árni sendi Vinstrihreyfingunni grænu framboði í morgun.

Hjörleifur hlaut Íslensku þýðingaverðlaunin

Íslensku þýðingaverðlaunin árið 2009 voru afhent á Gljúfrasteini í fimmta sinn í dag. Að þessu sinni hlaut Hjörleifur Sveinbjörnsson verðlaunin fyrir þýðingu sína sýnisbók kínverskrar frásagnarlistar frá fyrri öldum, Apakóngur á Silkiveginum.

Hægt að hlusta á Laxness lesa Atómstöðina

Landsmönnum hefur verið gert kleift að hala niður án endurgjalds lestri Halldórs Laxness á Atómstöðinni á vef Forlagsins. Eftir hádegi munu erfingjar Halldórs undirrita nýjan samning við Vöku-Helgafell um útgáfu verka skáldsins á komandi árum. Samningurinn verður undirritaður á Gljúfrasteini en í dag er er fæðingardagur Halldórs.

Greifi þungt haldinn eftir morðtilræði

Sænskur greifi sem er góðvinur konungsfjölskyldunnar liggur þungt haldinn á sjúkrahúsi eftir morðtilræði. Fyrrverandi eiginkona hans hefur verið handtekin.

Víðavangshlaup ÍR þreytt í 94. sinn

Hið árlega Víðavangshlaup ÍR hófst að klukkan 12 við Ráðhús Reykjavíkur. Keppendur hlaupa 5 kílómetra langa vegalengd. Þetta er 94. sinn sem Víðavangshlaup ÍR fer fram.

Skátarnir áberandi í hátíðarhöldum dagsins

Skátar, skrúðgöngur, lúðrablástur, vöfflur og rjómi. Sumardagurinn fyrsti er runninn upp og fraus saman við síðasta vetrardag, mörgum hjátrúuðum landsmönnum áreiðanlega til mikillar gleði.

Þykir á stundum grunnhygginn

Afríska þjóðarráðið vann öruggan sigur í þingkosningum sem fram fóru í Suður-Afríku í gær. Næsti forseti landsins þykir á stundum grunnhygginn.

Iðnaðarráðherra: Ekki ágreiningur um olíuvinnslu í stjórninni

Vinstri grænir segjast ekki vera á móti olíuleit á Drekasvæðinu þrátt fyrir að umhverfisráðherra flokksins hafi lýst því yfir í gær. Iðnaðarráðherra segir engan ágreining í ríkisstjórninni varðandi olíuvinnslu.

Gylfi: Þjóðarbúið rambar ekki á barmi gjaldþrots

Það er fullkominn misskilningur að þjóðarbúið hér rambi á barmi gjaldþrots, þvert á móti er útlit fyrir að hreinar skuldir íslenska ríkisins verði jafnvel minni en margra nágrannaríkja þegar um hægist, þetta segir Gylfi Magnússon, viðskiptaráðherra, í grein þar sem hann reynir að stappa stálinu í þjóðina.