Kristján Þór hugsanlega í formannsslag

Sjálfstæðismaðurinn og þingmaður Norðausturkjördæmis, Kristján Þór Júlíusson hefur boðað til blaðamannafundar á Akureyri í dag þar sem hann mun kynna áform sín um forystukjör í Sjálfstæðisflokknum, eins og hann orðar það í tilkynningu.

Varar við rafvirkjum á barnalandi

Framkvæmdarstjóri Samtaka atvinnurekanda í raf- og tölvuiðnaði, Ásbjörn R. Jóhannsson, varar við réttindalausum rafvirkjum sem auglýsa þjónustu sína á vefsvæðinu Barnaland.is, en grein um þetta mál ritar hann í Morgunblaðið í dag.

Komu í veg fyrir mannskæða árás

Ísraelska lögreglan tilkynnti í morgun að hún hefði komið í veg fyrir mannskæða sprengjuárás herskárra Palestínumanna fyrir utan troðfulla verslunarmiðstöð í Haifa í norðurhluta Ísraels.

Fimm ára næstum drukknuð

Fimm ára stúlka var nær drukknuð í sundlauginni á Hellu síðdegis í gær en með snarræði tókst sundlaugagestum og starfsfólki laugarinnar að bjarga henni. Samkvæmt lögreglunni þá fannst stúlkan meðvitundarlaust á botni laugarinnar. Starfsfólk náði henni upp úr og tókst þeim að endurlífga stúlkuna.

Hellisheiðin fær

Búið er að opna Hellisheiðina eftir að þar var ófært, bæði vegna þriggja bíla áreksturs í gær, og óðveðurs.

Boðar hertar aðgerðir gegn bónusgreiðslum

Barack Obama, forseti Bandaríkjanna, hefur boðað harðara aðhald með bónusgreiðslum fyrirtækja sem hafa hlotið aðstoð bandaríska ríkisins.

Sjálfstæðisflokkur braut lög

Sjálfstæðisflokkur braut lög þegar hann veitti þrjú hundruð þúsund króna styrk frá Neyðarlínunni viðtöku. Framkvæmdastjóri Neyðarlínunnar segir að honum hafi ekki verið kunnugt um að styrkveitingin væri lögbrot. Þetta kom fram í fréttum Stöðvar 2 í kvöld.

Árshátíð Icebank er í kvöld

Árshátíð Icebank verður haldin í kvöld en starfsfólk bankans fengu þær frétti nú rétt fyrir kvöldmat að bankinn yrði settur í greiðslustöðun, á meðan greiðslumiðlun bankans færi undir Seðlabanka Íslands. Viðskiptaráðherrann, Gylfi Magnússon, sagði á blaðamannafundi fyrr í kvöld að hugur hans og fleirri væru hjá starfsfólki Sparisjóðabankans auk SPRON.

Gylfi Magnússon: Hugur okkar er hjá starfsfólkinu

Fjármálaeftirlitið hefur sett skilanefnd yfir SPRON og ákveðnir þættir munu færast yfir til Kaupþings, þá mun greiðslumiðlun Sparisjóðabankans færast til Seðlabankans. Sparisjóðabankinn fer hinsvegar hefðbundna leið í greiðslustöðvun sem er undanfari gjaldþrots.Þetta var tilkynnt á blaðamannafundi með Gylfa Magnússyni, viðskiptaráðherra og Gunnarri Haraldssyni stjórnarformanni Fjármálaeftirlitsins sem var haldinn í Þjóðmenningarhúsinu um hálf sjö í kvöld.

Sex Sparisjóðir óska eftir aðstoð

Sex Sparisjóðir hafa óskað eftir aðstoð ríkisins í samræmi við við reglur sem gefnar voru út 17. desember síðöast liðinn um framlag ríkissjóðs til sparisjóða.

Segir viðbrögð vegna hvalveiði skaðleg þjóðinni

Fjármálaráðherra segir að viðbrögð bandarísku verslunarkeðjunnar Whole Foods Market við hvalveiðum Íslendinga sýni, að veiðarnar hafi skaðleg áhrif á hagsmuni þjóðarinnar. Meta þurfi hvort hvalveðum skuli haldið áfram.

Kostnaður einkaspítalans fellur ekki á skattborgara

Kostnaður við bráðaþjónustu myndi aldrei falla á íslenska ríkið segir hjúkrunarfræðingur hjá Salt sem hyggur á samstarf með Mayo Clinic í Reykjanesbæ. Hægt væri að hefja starfsemina í lok ársins.

Tekist á um sunnlenska orku

Sjálfstæðismenn í Suðurkjördæmi halda kjördæmisþing á Hótel Selfossi í dag og hófst þingið klukkan 13. Samkvæmt heimildum Sunnlendings.is hyggjast sjálfstæðismenn í Árnessýslu bera fram tillögu á þinginu þess efnis að virkjuð orka á Suðurlandi verði nýtt til atvinnuuppbyggingar á Suðurlandi en ekki annarsstaðar. Á þinginu mun kjörnefnd jafnframt kynna tillögu að framboðslista Sjálfstæðisflokksins í Suðurkjördæmi vegna komandi kosninga til Alþingis.

Skíðasvæði víða opin

Skíðasvæðið á Siglufirði opnar klukkan tíu og verður opið til fjögur. Vindurinn er hægur og veðrið milt. Þá er skíðasvæðið í Tindastól einnig opið til kl 17 í dag.

Þriggja bíla árekstur á Hellisheiðinni

Færðin á hellisheiðinni snarversnaði nú síðdegis með skyndilegri snjókomu en fyrir tæplega hálftíma síðan varð þriggja bíla árekstur við Kambana.

Íslensk yfirvöld geta kyrrsett eignir á aflandseyjum

Í nýrri skýrslu sem Arnar Jensson, tengiliður Ríkislögreglustjóra við Europol, sendi frá sér í dag, kemur fram að íslensk yfirvöld séu nú í samstarfi við sérstaka skrifstofu Europol sem aðstoðar samstarfslöndin viða að hafa uppi á ávinningi afbrota, kyrrsetja/haldleggja hann og undibúa upptökukröfur.

Ungir Framsóknarmenn fengu styrk Valgerðar

„Þessu styrkur var fyrir norræna ráðstefnu ungs fólks sem Samband ungra Framsóknarmanna áttu aðild að, en styrkurinn var í gegnum þá," segir Valgerður Sverrisdóttir, fyrrum utanríkisráðherra, en í skýrslu ríkisendurskoðunar um fjárframlög til stjórnmálaflokka kemur fram að utanríkisráðuneytið hafi styrkt Framsóknarflokkinn um nítíu þúsund krónur. Þá gegndi Valgerður stöðu utanríkisráðherra.

Aldís fannst látin

Aldís Westergren fannst látin í Langavatni í dag. Lögreglan og hjálparsveitir voru búnir að leita á svæðinu áður, en vegna betra færis þá fannst hún í dag.

Utanríkisráðherrann Valgerður styrkti eigin flokk

Utanríkisráðuneytið styrkti Framsóknarflokkinn um nítíu þúsund krónur árið 2006 samkvæmt gögnum Ríkisendurskoðunar um fjárframlög til stjórnmálaflokka. Þá var Framsóknarkonan Valgerður Sverrisdóttir utanríkisráðherra en hún gengdi því embætti frá 2006-2007.

Össur Skarphéðinsson: Útilokar samstarf við Sjálfstæðismenn

Iðnaðarráðherran Össur Skarphéðinsson skrifar í pilsti á vefsvæði Eyjunnar að hann sé sammála formannsefni Sjálfstæðisflokksins, Bjarna Benediktssonar, um að flokkarinn ættu ekki að fara í samstarf eftir næstu kosningar.

Gyurcsany segir af sér

Ferenc Gyurcsany, foræstisráðherra Ungverjalands, tilkynnti í morgun að hann ætlaði að láta af embætti. Vinsældir ríkisstjórnar hans hafa hrunið vegna efnahagsþrenginga í alheimskreppunni.

Meðstjórnendur kosnir hjá VG

Kosning til meðstjórnanda á flokksþingi Vinstir grænna var að ljúka. Greidd voru 251 atkvæði og náðu eftirtaldir félagar kjöri sem aðalmenn í stjórn flokksins:

Neyðarlínan var í meirihlutaeigu ríkisins

Neyðarlínan var ekki orðinn opinbert hlutafélag þegar Sjáfstæðisflokkurinn falaðist eftir framlagi til flokksins en félagið var hinsvegar í meirihlutaeigu ríkisins.

Bandaríkjamenn styðja Fogh Rasmussen

Bandaríks stjórnvöld ætla að styðja Anders Fogh Rasmussen, forsætisráðherra Danmerkur, í embætti framkvæmdastjóra Atlantshafsbandalagsins. Þetta fullyrðir Pulitzer verðlaunaður dálkahöfundur á vef bandaríska blaðsins Washington Post í dag.

Khamenei krefst aðgerða

Khamenei æðstiklerkur í Íran segist ekki sjá neina breytingu á afstöðu Bandaríkjamanna gagnvart Íran. Hann vill þó ræða málin. Obama Bandaríkjaforseti bauð fyrir helgi nýtt upphaf í samskiptum Bandaríkjanna og Írans.

Neyðarlínan styrkti Sjálfstæðisflokkinn

Opinbera hlutafélagið Neyðarlínan ohf greiddi Sjálfstæðisflokknum þrjúhundruð þúsund krónur í framlag til kosningabaráttu flokksins fyrir síðustu kosningar. Hámarks framlag til stjórnmálaafls eru þrjú hundruð þúsund krónur. Athygli vekur að ríkissjóður á 73,6 prósent í Neyðarlínunni, restin skiptist á milli Reykjavíkurborgar, Landsvirkjunnar og Orkuveitu Reykjavíkur.

Steingrímur endurkjörinn formaður

Steingrímur Jóhann Sigfússon var endurkjörinn sem formaður Vinstri grænna en hann hefur gegnt embættinu frá stofnun flokksins.

Grunaður um fíkniefnaakstur og þjófnað

Einn karlmaður var handtekinn á Suðurnesjum grunaður um lyfjaakstur í nótt. Lögreglan færði manninn á lögreglustöðina þar sem þvag- og blóðprufa voru teknar úr manninum. Í ljós kom að í bifreið mannsins mátti einnig finna þýfi.

Hefur þú séð skartgripaþjófinn?

Lögreglan á höfuðborgarsvæðinu leitar manns sem hefur síðustu daga komið í skartgripaverslanir með það fyrir augum að stela verðmætum. Í hádeginu í gær var gerð tilraun til ráns í skartgripaverslun við Laugaveg. Starfsmaður verslunarinnar var úðaður með piparúða en maðurinn náði engu fémætu.

Ekki fleiri mótmælafundir - í bili

Raddir fólksins, sem hafa staðið fyrir mótmælafundum á Austurvelli í allan vetur, eða síðan 11. október, boða hér með hlé á fundunum um óákveðinn tíma. Enginn fundur verður því á Austurvelli á morgun, laugardaginn 21. mars.

Sjálfstæðisflokkur og Samfylking ekki á leið í samstarf

Geir H. Haarde segir að langt sé í að Sjálfstæðisflokkur og Samfylking fari aftur saman í samstarf. Þetta kom fram í spjalli Geirs við Sölva Tryggvason á Skjá einum nú í kvöld. Geir sagðist biðjast afsökunar á öllum þeim mistökum sem hann hefur gert. Hann gæti hinsvegar ekki beðist afsökunar á mistökum annarra.

Samfylkingin stendur vel þrátt fyrir tap

Samfylkingin tapaði mest allra stjórnmálaflokka á árinu 2007 eða um 90 milljónum króna. Skúli Helgason fyrrum framkvæmdarstjóri flokksins segir tapið skiljanlegt þar sem rekstur stjórnmálaflokka sé nokkurskonar vertíðarbúskapur. Á kosningaári eyði flokkarnir en noti hin til þess að safna fé. Hann segir Samfylkinguna hafa náð að greiða allar sínar kosningaskuldir frá árinu áður sem sé einsdæmi.

Nauðsynlegt að dreifa áhættu af orkusölu

Fulltrúar Samfylkingar og Vinstri grænna telja ljóst af endurskoðunarskýrslu við ársreikning 2008 að nauðsynlegt sé að dreifa mun betur áhættu af orkusölu til stóriðju.

Varast skal pólitískar stöðuveitingar

Í skýrslu Endurreisnarnefndar Sjálfstæðisflokksins sem birt var í dag segir að flokknum hafi verið legið á hálsi að hafa staðið fyrir pólitískum stöðuveitingum. Því verði flokkurinn að taka af skarið og heita því og sjá til þess að opinberar stöðuveitingar verði ákveðnar á faglegum og hlutlægum grundvelli. Þá segir að Sjálfstæðisflokkurinn hefði átt að beita sér fyrir því að skera á tengsl stjórnmálaflokka, ríkisstofnana og viðskiptabanka.

Óvenjuleg samskipti við ótamin ljón

Suður-Afríkumaðurinn Kevin Richardson á í vægast sagt óvenjulegum samskiptum við ljón. Hann hefur unnið með atferli ljóna í meira en áratug á verndarsvæði sínu nærri Jóhannesarborg. Ljónin virðast viðurkenna hann fullkomlega, en rétt er að taka það fram að ekki er um tamin ljón að ræða.

Björgvin skipar efsta sætið í Suðurkjördæmi

Kjördæmisþing Samfylkingarinnar í Suðurkjördæmi samþykkti framboðslista sinn fyrir komandi kosningar til Alþingis á fundi sínum í kvöld. Björgvin G. Sigurðsson skipar efsta sæti listans en athygli vekur að Lúðvík Bergvinsson þingmaður er í tuttuguasta sæti listans. Á listanum eru jafn margar konur og karlar og hlutfall kynjanna er líka jafnt í 10 efstu stætunum og í þeim 10 neðstu.

Rætt um að krónubréf fari í mannvirkjagerð

Viðræður standa yfir við erlenda eigendur krónubréfa um að hluta þeirra verði umbreytt í fjárfestingar í orkuverum og samgöngumannvirkjum á Íslandi. Slíkir samningar gætu létt þrýstingi af krónunni og um leið stuðlað að umfangsmiklum framkvæmdum.

Ráðherra hefur spurningar um einkasjúkrahús

Ögmundur Jónasson heilbrigðisráðherra vill fá því svarað hvort íslenskir skattgreiðendur eigi að verða bakhjarl einkasjúkrahúss fyrir erlenda sjúklinga, sem áformað er á Suðurnesjum.

Rúmlega fjögur þúsund plöntur á þremur mánuðum

Lögreglan stöðvaði aðra stóra kannabisverksmiðju á Kjalarnesinu í gær. Alls hafa rúmlega 4000 plöntur verið haldlagðar það sem af er ári. Við erum enn að fá ábendingar um framleiðslustaði og erum ekki hættir segir yfirmaður fíkniefnadeildar.

Vara við fölskum atvinnutilboðum

Efnahagsbrotadeild ríkislögreglustjóra segir að upp á síðkastið hafi borið á því að íslenskum aðilum hafi borist tölvupóstar frá erlendum aðilum sem óska eftir að ráða fólk til vinnu. Atvinnutilboð þessi eru gjarnan um að viðkomandi taki að sér að leggja til bankareikninga í sínu nafni sem hinn erlendi aðili geti millifært inn á peninga.

„Við eða Sjálfstæðisflokkurinn“

Pólarnir í íslenskum stjórnmálum eru Vinstrihreyfingin grænt framboð og Sjálfstæðisflokkurinn. Flokkarnir eru hinir raunverulegu valkostir, að mati Steingríms J. Sigfússonar.

Allir stjórnmálaflokkarnir töpuðu fé árið 2007

Allir stjórnmálaflokkar landsins sýndu tap á rekstri sínum árið 2007 samkvæmt úttekt Ríkisendurskoðunar. Mesta tapið varð hjá Samfylkingunni eða 90 milljónir kr. en tekjur flokksins þetta ár námu 193 milljónum kr.

Benjamín: Mætti að halda að dómarinn og Ragnar séu frændur

Benjamín Þór Þorgrímsson, sem einnig er þekktur sem Benni Ólsari, er ósáttur með fjórtán mánaða fangelsisdóm sem hann hlaut í dag fyrir þrjár líkamsárásir. Hann er búinn að áfrýja dómnum til Hæstaréttar.

Aðalmeðferð í máli ofbeldisfulls föður

Aðalmeðferð fór fram í máli þriggja barna föður á höfuðborgarsvæðinu sem sakaður hefur verið um hrottalegt ofbeldi gagnvart þremur börnum sínum. Mál mannsins komst í hámæli síðastliðið haust þegar að fréttastofa Stöðvar 2 og Vísis sagði frá máli mannsins en hann hefur meðal annars verið sakaður um að nota eitt barna sinna sem hnífaskotskífu.

Framsóknarforysta í mótsögn við sjálfan sig

Sigurður Kári Kristjánsson, þingmaður Sjálfstæðisflokksins, segir verðugt verkefni að komast því hversu margar mótsagnir hafi komið fram í málflutningi forystumanna Framsóknarflokksins á síðustu vikum um stuðning flokksins við minnihlutastjórn Jóhönnu Sigurðardóttir.