Medvedev hrósar stórsigri í Rússlandi

Frambjóðandi Vladimirs Putins til forsetaembættis í Rússlandi hefur unnið stórsigur, samkvæmt útgönguspám sem bárust klukkan sex.

Einn af hverjum 100 Bandaríkjamönnum í fangelsi

Einn af hverjum 100 fullorðnum Bandaríkjamönnum situr í fanagelsi samkvæmt nýrri skýrslu frá dómsmálaráðuneyti landsins.

Starfsfólk sjúkrahúss í Eyjum komst loks heim

Starfsfólkið á sjúkrahúsinu í Vestmannaeyjum sem staðið hafði vaktina samfleytt í 17 klukkutíma, losnaði loks úr vinnunni nú um fjögurleytið þegar næstu vakt tókst að komast á staðinn. „Við óðum bara skaflana í kolvitlausu veðri,“ sagði sjúkraliði, nýkominn á vaktina, fyrir stundu.

Leigubílstjóri handtekinn vegna lyga um kornabarn

Leigubílsstjóri sem kom ungabarni á slökkvistöð í New York á fimmtudag og sagði að barnið hefði verið skilið eftir í bílnum hjá sér hefur verið handtekinn. Hann er ákærður fyrir að skálda upp söguna til að hjálpa fjölskyldu að losna við barnið.

Undrabarn meðal þátttakenda á Skákhátíð í Reykjavík

Undrabarnið og skáksnillingurinn Illya Nyzhnyk lærði að tefla fjögurra ára gamall með því að horfa á skákir Bobby Fischers. Búist er við því að Illya verði yngsti skákmeistari sögunnar innan skamms. Hann er einn fjölmargra sem tekur þátt í Alþjóðlegu skákhátíðinni í Reykjavík sem hefst á morgun.

Áttræður situr uppi með ónýtan bíl

Ökumaður klessti á kyrrstæðan bíl manns á áttræðisaldri við Hraunbæ í Reykjavík fyrir helgi og stakk af. Bíllinn er ónýtur og situr eigandi bílsins uppi með tjónið gefi ökumaðurinn sig ekki fram.

Ólöf vill að borað sé fyrir fleiri jarðgöngum

Menn þurfa að bora miklu meira, segir Ólöf Nordal, varaformaður samgöngunefndar Alþingis, sem telur að gefa verði í við jarðgangagerð um land allt.

Hundur ættleiðir kiðling

Hundur í Bretlandi hefur tekið sér munaðarlausan kiðling samkvæmt frétt breska blaðsins Daily Mail. Billy er boxarahundur og hefur tekið 12 daga kiðlingnum eins og eigin afkvæmi. Hann sefur við hlið hans, þvær honum og fylgist með hverju spori hans í dýragarði í Devon á englandi.

Rafmagnsbyssur sagðar bjarga mannslífum

Rafmagnsbyssurnar eru umdeildar og til dæmis eru samtökin Amnesty international á móti þeim. Fjölmargar fréttir hafa verið sagðar af því að menn hafi látist eftir að hafa fengið í sig skot úr rafbyssum.

Drengur faldi sig eftir að keyra á húsvegg

Fimm ára gamall tékkneskur drengur ákvað að láta sér ekki leiðast þegar hann vaknaði um miðja nótt. Miroslav Novak tók bíllykla foreldra sinna, skellti sér undir stýri fjölskyldubílsins, startaði honum, bakkaði út úr innkeyrslunni og keyrði af stað. Hann ók tæpa tvo kílómetra í heimabæ sínum í Mimon áður en hann endaði á húsvegg.

Tímamótaheimsókn Íransforseta til Írak

Mahmoud Ahmadinejad forseta Íran var fagnað við komuna til Bagdad í dag. Þetta er fyrsta heimsókn í sögunni þar sem íranskur forseti heimsæki Írak. Heimsóknin er hápunktur ferlisins sem stuðlar að eðilegum samskiptum landanna eftir langvarandi stríð milli þjóðanna á níunda áratugnum.

ESB yfirlýsing gæti hjálpað efnahagslegum stöðugleika

Yfirlýsing um að Ísland stefndi að aðild í Evrópusambandinu gæti umheiminum fyrirheit um hver stefna landsins væri á næstu tíu árum og gæti hjálpað til að koma efnahagslegum stöðuleika á. Þetta sagði Árni Páll Árnason þingmaður Samfylkingarinnar í Silfri Egils í dag. Hann benti á að þegar önnurlönd sem sótt hefðu um aðild að sambandinu hefðu gefið út yfirlýsingu þess efnis, hefði það haft áhrif í þá veru. Steingrímur J. Sigfússon þingmaður VG var þó ekki sammála Árna og benti á að sú hefði ekki verið raunin í Eistlandi.

Vill að fæðuöryggi þjóðarinnar verði tryggt

Forseti Íslands, Ólafur Ragnar Grímsson, hvatti til þess við setningu Búnaðarþings á Hótel Sögu fyrir stundu að sáttmáli yrði mótaður um að tryggja fæðuöryggi þjóðarinnar. Hann kvaðst sannfærður um að landbúnaðurinn ætti eftir að verða Íslendingum enn mikilvægari á komandi árum en hingað til. Heimurinn hefði tekið stakkaskiptum. Til merkis um það nefndi forsetinn þætti eins og fólksfjölgun, stækkun borga, bættan efnahag, hlýnun jarðar, hækkun sjávarborðs og breytingar á vatnabúskap jarðar.

Reyndi að mata látinn föður sinn

Þroskaheftur maður sem bjó með öldruðum foreldrum sínum í Bournemouth í Bretlandi reyndi að næra föður sinn eftir að hann var látinn. Lögregla var kölluð til þegar nágrannar létu vita um að ekki væri allt með felldu.

19 umferðaróhöpp á höfuðborgarsvæðinu í dag

Nítján umferðaróhöpp hafa verið tilkynnt til Lögreglunnar á höfuðborgarsvæðinu það sem af er degi í dag, eða frá klukkan sjö í morgun. Árekstrarnir og útafakstur eru að mestu vegna hálku og slæmrar færðar.

Lögregla kölluð að slagsmálum á Hverfisgötu

Lögregla var kölluð til vegna áfloga á Hverfisgötu í Reykjavík um klukkan hálf tvö í dag. Tilkynnt var um að þrír menn væru að slást fyrir utan hús númer 102 við Hverfisgötu. Þrír lögreglubílar voru sendir á staðinn en málið reyndist ekki alvarlegt.

Þróun bólusetningarlyfja ungbarna mikilvæg

Varnir ungbarna yrðu sterkari gegn bakteríusýkingum sem valda meðal annars eyrnabólgu, lungnabólgu og heilahimnubólgu, ef börn yrðu bólusett á fyrstu vikum eftir fæðingu. Mikilvægt er að þróa bólusetningarlyf þannig að hægt sé að nota þau í þeim tilgangi.

Björgunarsveitir í Eyjum komast ekki að sjúkrahúsinu

Björgunarsveitir í Vestmannaeyjum komast ekki að sjúkrahúsinu í Vestmannaeyjum vegna ófærðar og hefur því ekki tekist að hafa vaktaskipti hjá starfsfólki frá því í gærkvöldi. Heilbrigðisstarfsfólk, sem kom á vaktina klukkan ellefu í gærkvöldi, hefur því ekki komist heim en vaktaskipti áttu að vera í morgun. Það sér nú fram á að þurfa að standa sína þriðju vakt í röð á sjúkrahúsinu þar sem óvíst er hvort björgunarsveitum takist að flytja starfsfólk um bæinn fyrir næstu vaktaskipti klukkan fjögur.

Vegagerðin til liðs við áhugamenn um risaborkaup

Vegagerðin er komin í samstarf með Austfirðingum og Norðmönnum í könnun á hagkvæmni þess að nota risabor við heilborun jarðganga fyrir þjóðvegi.

Öryggisráðið fordæmir árásir fyrir botni Miðjarðarhafs

Öryggisráð Sameinuðu þjóðanna hefur fordæmt bæði eldflaugaárásir Palestínumanna á Ísrael, og viðbrögð Ísraela við þeim árásum. Um eitthundrað manns hafa fallið í átökum Ísraela og Palestínumanna undanfarna daga. Mahmoud Abbas forseti Palestínu hefur hætt friðarviðræðum við Ísraela í kjölfar árásanna.

Rót byggðavanda Vestfjarða vegna fólksflótta kvenna

Rót byggðavandans á Vestfjörðum sem og annars staðar er að erfiðlega gengur að halda konum á svæðinu. Þetta segir Dofri Hermannsson, framkvæmdastjóri þingflokks Samfylkingarinnar. Hann segir lausn vandans felast í að koma til móts við þarfir kvenna.

Abbas hættur friðarviðræðum við Ísraela

Um eitthundrað manns hafa fallið í átökum Ísraela og Palestínumanna undanfarna daga. Þetta eru hörðustu átök sem hafa orðið lengi og þau stefna friðarferlinu í verulega hættu.

Aftakaveður í Vestmannaeyjum

Aftakaveður hefur verið í Vestmannaeyjum í morgun. Varla sést á milli húsa og er ófært innanbæjar. Í fyrsta sinn í tæpan áratug falla niður messur í Landakirkju vegna fannfergis og skafhríðar.

Bíll valt á Gullinbrú

Engan sakaði þegar fólksbíll valt á Gullinbrú í Reykjavík um klukkan hálf ellefu í morgun. Ökumaður bifreiðarinnar var einn í bílnum. Talið er að bíllinn hafi runnið út af veginum í hálku. Sjúkralið og slökkvilið komu á staðinn stuttu eftir bílveltuna og komu bílnum aftur á hjólin. Ökumaðurinn afþakkaði frekari aðstoð.

Olmert vígreifur gegn Hamas á Gaza

Ehud Olmert forsætisráðherra Ísraels hefur heitið því að halda árásum áfram gegn herskáum uppreisnarmönnum á Gaza þrátt fyrir að alþjóðasamfélagið hvetji til að Ísraelar haldi að sér höndum. Olmert sagðist ekki hafa nein áform um að hætta baráttunni, „jafnvel ekki í eina mínútu,“ er haft eftir honum á fréttavef BBC.

Átta látnir í mótmælum í Armeníu

Átta mótmælendur létust í átökum við lögreglu í Jerevan höfuðborg Armeníu í gær vegna úrslita forsetakosninganna, en mótmælendur segja brögð hafa verið í tafli. Ríkisstjórnin lýsti yfir neyðarástandi í gær og herinn og lögregla halda uppi eftirliti í borginni með brynvörðum bílum.

Skíðasvæði opin á Siglufirði og í Hlíðarfjalli

Skíðasvæðin á Siglufirði og í Hlíðarfjalli eru opin í dag en lokað er í Bláfjöllum og Skálafelli vegna hvassviðris.

Búnaðarþing hefst í dag

Búnaðarþing verður sett við hátíðlegri athöfn á Hótel Sögu klukkan hálftvö í dag. Haraldur Benediktsson, formaður Bændasamtaka Íslands, flytur ávarp en yfirskrift setningarathafnarinnar verður „Að lifa af landsins gæðum".

Hringvegurinn lokaður við Reynisfjall

Hringvegurinn er lokaður við Reynisfjall vestan við Vík í Mýrdal vegna ófærðar. Mikil ofankoma og hvassviðri hefur verið á Vík undanfarna daga. Leiðindaveður er í Vík og töluvert kóf eins og Gísli Reynisson, íbúi í bænum lýsti því í samtali við fréttastofu í morgun. Hann sagði töluvert af snjó í bænum enda hefði snjóað mikið síðustu daga og fokið í skafla.

Mikill erill hjá lögreglu á höfuðborgarsvæðinu

Mikill erill var hjá lögreglunni á höfuðborgarsvæðinu í nótt. Átta gistu fangageymslur vegna ölvunar, þar af tveir vegna gruns um ölvun við akstur. Sex voru teknir af þeim sökum í nótt. Tvær minniháttar líkamsárásir áttu sér stað í miðbænum í nótt. Þá urðu sex árkestrar á höfuðborgarsvæðinu en engin slys urðu á fólki.

Ófærð á Suðurnesjum

Mikill erill hefur verið hjá björgunarsveitum á Suðurnesjum í morgun við að ná bílum úr ófærð. Dimm él og skafrenningur eru á svæðinu. Þrír bílar fóru útaf á Reykjanesbrautinni í morgun og náðu björgunarsveitir bílunum upp svo hægt væri að skafa brautina. Áhersla er lögð á að halda henni opinni.

Rússar kjósa eftirmann Putins

Rússar ganga að kjörborðinu í dag í forsetakosningum sem búist er við að leiði til þess að Vladimir Putin haldi áfram að stjórna landinu á bakvið tjöldin.

Breska lögreglan varar fjölmiðla við

Lögregla sem rannsakar ásakanir um misnotkun á upptökuheimili í Jersey hefur varað fjölmiðla alvarlega við því hvernig fjallað er um málið svo rannsóknarhagsmunir skaðist ekki. Viðvörunin kemur í kjölfar viðtals sem Sky fréttastofan átti við fyrrverandi vistmann heimilisins sem ólst þar upp.

Tengist mafían hruni Tvíburaturnanna?

Franska Óskarsverðlaunaleikkonan Marion Cotillard hefur komið sér í nokkur vandræði Vestanhafs vegna ummæla sem hún lét falla um árásirnar á tvíburaturnana. Í viðtali á franskri sjónvarpsstöð fyrir ári dró leikkonan í efa að árásirnar á tvíburaturnana hefðu verið af völdum hryðjuverka.

Tveir látnir í óveðri í Þýskalandi

Að minnsta kosti tveir eru látnir eftir óveður sem gengið hefur yfir meginland Evrópu í dag. Stormurinn gengur undir heitinu Emma og nálgast fellibyljastyrk 3 samkvæmt heimildum CNN. Hellirigning hefur fylgt veðrinu og tré sem rifna upp með rótum hafa valdið miklum töfum á umferð og lestarsamgöngum.

Neyðarlög sett í Armeníu

Neyðarlög hafa verið sett í Armeníu á ellefta degi mótmæla gegn meintu svindli forsetakosninganna. Rober Kocharyan forseti undirritaði tilskipunina til að „forðast ógn gegn stjórnarskrárlegri reglu,“ er haft eftir forsetanum á fréttavef BBC.

Auglýsingastríð Clinton og Obama

Barack Obama og Hillary Clinton berjast nú um atkvæði í Texas og Ohio nokkrum dögum fyrir forkosningar í ríkjunum sem gætu skipt sköpum fyrir Clinton. Bæði framboð Obama og Bill Clinton hafa lýst því yfir að Hillary verði að ná góðum árangri í ríkjunum á þriðjudag ef hún á að halda áfram baráttu fyrir tilnefningu Demókrata.

Bloggfærslur hurfu af bloggi Össurar

Umdeild bloggfærsla Össurar Skarphéðinssonar um Gísla Martein Baldursson borgarfulltrúa hvarf af heimasíðu Össurar í gærkvöldi ásamt fjölda annarra sem meðal annars fjölluðu um málefni Orkuveitunnar. Össur segist ekki hafa eytt færslunum út og að verið sé að kanna hvernig stóð á hvarfi þeirra.

Hægt að draga úr eyrnabólgum ungbarna

Útlit er fyrir að hægt verði að draga verulega úr eyrnabólgu hjá ungbörnum með nýrri aðferð við bólusetningu samkvæmt nýrri rannsókn doktorsnema við Læknadeild Háskóla Íslands.

Tvöfalt fleiri leita til Kvennaathvarfsins

Rúmlega tvöfalt fleiri konur hafa leitað til Kvennaathvarfsins vegna heimilisofbeldis það sem af er þessu ári en á sama tíma í fyrra. Tæplega 30 konur hafa dvalið í athvarfinu síðustu tvo mánuði og er helmingur þeirra af erlendum uppruna.

Síðasta kvöldmáltíðin besta auglýsingin

Síðasta kvöldmáltíðin með þeim Júdasi og Jesú Kristi var valin besta sjónvarpsauglýsingin í keppni Ímarks um Íslensku auglýsingaverðlaunin. Síminn auglýsti þar farsímaþjónustu. Sama auglýsing hreppti einnig verðlaun sem besta dagblaðaauglýsingin. Fyrirtækið EnnEMM framleiddi auglýsingarnar.

Vilja olíuhreinsistöð til að sporna við fólksflótta

Vestfirðingar eru orðnir langþreyttir á að ekkert sé gert til að hindra byggðaflótta af fjörðunum. Hugmyndin um olíuhreinsunarstöð er því kærkomin þó ekki sé fyrir annað en að hún skapar umræðu um ástandið. Skortur á kvenhylli gæti verið örsok byggðavandans segir varaborgarfulltrúi Samfylkingar.

Tíminn að renna út með kaup á risabor

Sveitarstjórnarmenn og verktakar á Austurlandi kanna nú möguleika á að kaupa síðasta risaborinn í Kárahnjúkum áður en hann verður sendur úr landi eftir tvo mánuði. Íslendingum býðst að fá borinn fyrir lágt verð en forsenda kaupanna er að samstaða náist milli sveitarfélaga og stjórnvalda um að ráðast í jarðgangagerð á Miðausturlandi.

Kornabarn skilið eftir í leigubíl

Klever Sailema átti einskis ills von þegar hann tók mann með kornabarn upp í leigubílinn sinn.

Rændu vitlausan bar

Tveir ástralskir ræningjar munu líklega í framtíðinni kanna betur þá staði sem þeir ætla að ræna. Það er að segja þegar þeir sleppa út af sjúkrahúsinu og svo út úr fangelsinu.