Fjórtán Litháar í haldi vegna þjófnaða í borginni

Fjórtán Litháar sem taldir eru tengjast umfangsmiklum þjófnaði úr verslunum á höfuðborgarsvæðinu að undanförnu eru nú í haldi lögreglunnar. Sjö þeirra voru handteknir í gærkvöld og hefur lögregla farið fram á gæsluvarðhald yfir þeim öllum. Hinir sjö voru handteknir í morgun og á eftir að taka ákvörðun um það hvort krafist verður gæsluvarðhalds yfir þeim.

Krónan er ekki böl

Geir H. Haarde, forsætisráðherra, segir umræðuna um krónuna á villigötum og að krónan sé ekki sérstakt böl á íslenska hagkerfinu. Þetta kom fram í máli ráðherra í utandagskráumræðu á Alþingi í dag.

Salmonella finnst í nagbeini

Salmonella greindist í nagbeini úr svínslegg sem var til sölu í gæludýrabúðinni Tokyo í Hafnarfirði. Salmonellan kom í ljós við reglubundið eftirlit Landbúnaðarstofnunar með gæludýrafóðri. Gæludýraeigendur sem gætu hafa keypt bein úr sömu sendingu eru beðnir um að skila þeim eða farga.

Gagnrýnir mótvægisaðgerðir ríkisstjórnarinnar

Mótvægisaðgerðir ríkisstjórnarinnar vegna niðurskurðar í þorskkvóta ná ekki til sjómanna og hjálpa fiskvinnslufólki og útgerðum lítið. Þetta kom fram í máli Guðna Ágústssonar, formanns Framsóknarflokksins, í utandagskráumræðu á Alþingi í dag. Hann efast um að boðaðar aðgerðir dugi til að leysa vandann.

Maður á áttræðisaldri tekinn fyrir ölvunarakstur

Karlmaður á áttræðisaldri var meðal þeirra fjögurra ökumanna sem lögreglan á höfuðborgarsvæðinu stöðvaði vegna gruns um ölvunarakstur í gær og nótt.

Óskað eftir að selja og kaupa ýmsar eignir

Stóðhestastöðin í Gunnarsholti og húsakynni Fangelsismálastofnunar og Vegagerðarinnar í Borgartúni eru meðal eigna ríkisins sem óskað er eftir heimild til að selja í nýju fjárlagafrumvarpi. Þá er óskað eftir heimild til að selja hluta af landsvæðum ríkisins við Litla-Hraun og ráðstafa andvirðinu til endurbóta á fangelsinu.

Þingmenn í flokki Bhutto ætla að segja af sér

Þingmenn í flokki Benazir Bhuttto, fyrrverandi forsætisráðherra Pakistans, ætla að segja af sér þingmennsku áður en þingmenn kjósa nýjan forseta landsins. Pervez Musharaf forseti sækist eftir endurkjöri en til þess að af því megi verða þarf hann stuðning þingsins.

Varar við gengdarlausum viðskiptahalla

Hagstjórnin er í molum og allar hagspár ómarktækar að mati Steingríms J. Sigfússonar, formanns Vinstri grænna. Þetta kom fram í máli hans í utandagskráumræðu um horfur í efnhagsmálum og hagstjórn á Alþingi í dag. Hann varar við gengdarlausum viðskiptahalla. Staða þjóðarbúsins aldrei verið betri segir forsætisráðherra.

Björn opinn fyrir einkareknum fangelsum

Björn Bjarnason dómsmálaráðherra segir ekki óeðlilegt, að þeirri spurningu sé velt fyrir sér, hvort stofna eigi með samningi til samstarfs við einkaaðila um byggingu og jafnvel rekstur fangelsa. Þessi orð lét ráðherrann falla í ávarpi sínu á Kvíabryggju í dag er kynnt var þar fjölgun á rýmum úr 14 og í 22.

Stærri Lagarfossvirkjun vígð

Nýr áfangi Lagarfossvirkjunar verður vígður á laugardaginn kemur. Hornsteinn að virkjuninni verður lagður af fjármálaráðherra Árna M. Mathiesen. Nýji áfanginn stækkar Lagarfossvirkjun úr 8 MW í rúm 28 MW og orkuframleiðsla RARIK samstæðunnar tvöfaldast, að því er fram kemur í tilkynningu.

Ný risaeðla með 800 tennur

Vísindamenn hafa kynnt til sögunnar nýjan dínósaur, eða risaeðlu, sem fannst í Utah í Bandaríkjunum. Um er að ræða svokallaða "andarnefju" en þessi hafði um 800 tennur í kjálkunum og var grasbítur. Risaeðlunni hefur verið gefið nafnið Gryposaurus.

Framsóknarmenn gagnrýna Ingibjörgu

Framsóknarmenn gagnrýndu utanríkisráðherra harðlega á fundi utanríkismálanefndar Alþingis í morgun. Telja þeir að ákvörðun ráðherra um að draga starfsmann friðargæslunnar í Írak til baka sendi röng skilaboð út í alþjóðasamfélagið. Eðlileg ákvörðun segir varaformaður nefndarinnar.

Guðni var skemmtilegastur

Vísir fékk Einar Mar Þórðarson stjórnmálafræðing til að leggja mat sitt á ræður formanna stjórnmálaflokkanna á Alþingi í gærkvöld. Ræðurnar voru líflegar eins og venja er þegar forsætisráðherra flytur stefnuræðu. Einar Mar hafði þetta að segja um málið.

Flestir landeigendur við Jöklu vilja dómsmál

Meginþorri eigenda vatnsréttinda við Jökulsá á Dal eða 61 þeirra hefur ákveðið að una ekki úrskurði matsnefndar um verðmæti réttindanna vegna Kárahnjúkavirkjunnar og skjóta ágreiningnum til dómstóla. Frestur til að ákveða slíkt rann út í dag, 3. október. Það verður lögmannstofan Regula á Egilsstöðum sem annast málið fyrir landeigendur.

Rifu hús án tilskilinna leyfa

Deildarstjóri Mengunarvarna Reykjavíkurborgar rak upp stór augu þegar hann las á Vísi í gær að hafið væri niðurrif á húsinu á Grenimel 46. Þar á bæ kannaðist nefnilega enginn við að hafa veitt tilskilin leyfi fyrir niðurrifinu. Fulltrúar mengunarvarna og vinnueftirlitsins mættu á svæðið í morgun og þar var farið yfir málið. Komust menn þá að þeirri niðurstöðu að réttast væri að halda niðurrifinu áfram þar sem ófært væri að láta húsið standa að svo komnu máli.

Undrast umfjöllun norsks fjölmiðils um rítalínnotkun hérlendis

Ekkert bendir til þess að rítalín sé ofnotað hér á landi að sögn Matthíasar Halldórssonar, landlæknis. Hann segir umfjöllun norska dagblaðsins Dagsavisen þar sem rítalínnotkun hér á landi er borin saman við neyslu í fátækrahverfum Bandaríkjanna vera einkennilega.

Líkt og Kínaforseti væri með innkaupalista yfir samstarfsmál

Forseti Íslands segir engu líkara en Kínaforseti hafi verið með innkaupalista Íslendinga yfir samstarfsmál við Kínverja þegar forsetarnir tveir hittust á fundi í Sjanghæ í gær. Málefnin sem hafi borið á góma hafi verið margfalt fleiri nú en í heimsókn til Kína fyrir tveimur árum.

Smákafbátar í rannsóknum milli Íslands og Færeyja

Rannsóknir með þremur fjarstýrðum smákafbátum á hafsvæðinu á milli Íslands og Færeyja ganga vel að því er fram kemur á heimasíðu færeysku hafrannsóknastofnunarinnar. Öldungadeild bandaríska þingsins lætur sig málið varða þar sem að bandaríski sjóherinn hefur fjármagnað rannsóknirnar að hluta.

Ekki hægt að líða hundaárásir

Nágrannakona hundamannsins, sem átti árásarhundinn umtalaða á Akranesi, segir að hundurinn hafi ekki ógnað sér.

Bætur Tryggingastofnunnar hækka um fjórðung

Bætur sem Tryggingastofnun greiðir út hafa í heild aukist um rúmlega fjórðung þegar borinn er saman reikningur árisins 2006 og fjárlagafrumvarpið fyrir næsta ár. Hækkun bóta Tryggingastofnunar ríkisins er með öðrum orðum 25,4% hærri samkvæmt fjárlagafrumvarpinu en þær voru samkvæmt reikningi ársins 2006.

Norsk Hydro tengt mútuhneyksli í Líbíu

Framkvæmdastjóri Norsk Hydro er undir miklum þrýsingi vegna rannsóknar á mútumáli í Líbíu. Talið er að hundruð milljóna króna hafi skipt um hendur.

Lækka skatta á fólk og fyrirtæki

Ríkisstjórnin hyggst lækka skatta á fólk og fyrirtæki á kjörtímabilinu. Þetta kom fram í stefnuræðu forsætisráðherra á alþingi í gærkvöldi. Persónuafslátturinn verður hækkaður og almannatryggingar endurskoðaðar til að bæta hag lágtekjufólks og millitekjufólks. Stjórnarandstaðan sagði ræðuna flata.

Þjófagengi lék lausum hala í borginni

Lögreglan á höfuðborgarsvæðinu upprætti þjófagengi í borginni í gær. Sjö útlendingar voru handteknir vegna gruns um skipulagða þjófnaði úr hinum ýmsu verslunum.

Samskiptaerfiðleikar ástæða þess að samningum var sagt upp

Miklir samskiptaerfiðleikar urðu til þess að talmeinafræðingar hjá Talþjálfun Reykjavíkur sögðu sig af gildandi samningum við Tryggingastofnun. Það á þó ekki að koma í veg fyrir að foreldrar barna sem eru í þjálfun hjá fyrirtækinu fái styrk frá ríkinu að mati Daggar Pálsdóttur.

Rætt um friðargæsluna á fundi utanríkismálanefndar

Utanríkismálanefnd Alþingis kom saman til fundar í morgun þar sem málefni íslensku friðargsælunnar voru meðal annars til umræðu að beiðni Sivjar Friðleifsdóttur, fulltrúa Framsóknarflokksins, í nefndinni.

Umferðartafir eftir að tengivagn valt við Bifröst

Umferð um Norðurárdal stöðvaðist um tíma í morgun eftir að tengivagn losnaði aftan úr flutningabíl og valt á hliðina skammt frá Bifröst.

Stal baðvigt og öðrum búnaði fyrir samtals sex milljónir króna

Tuttugu og fimm ára gamall Reykvíkingur hefur verið ákærður fyrir að brjótast inn í Stima hf. í byrjun september. Hann stal baðvigt og öðru þýfi að andvirði samtals sex milljónir króna.

Strokufangarnir handteknir í húsi í Vesturbænum

Strokufangarnir sem struku frá fangelsinu að Litla-Hrauni voru handteknir í húsi í miðborginni nú fyrir stundu. Bifreiðin sem þeir stálu í nótt er einnig komin fram. Mennirnir veittu enga mótspyrnu við handtökuna.

Breytir ekki skilyrðum vegna samruna á sviði fraktflutninga

Samkeppniseftirlitið telur ekki forsendur fyrir því að fella niður skilyrði sem sett voru fyrir samruna Icelandair, Bláfugls og Flugflutninga árið 2005. Þetta kemur fram á vef Samkeppniseftirlitsins. Þá rannsakar eftirlitið hvort félögin hafi brotið gegn skilyrðium ákvörðunarinnar.

Thaílensk chili-sósa skapar ótta um eiturefnaárás

Krydduð chili-sósa á thaílensku veitingahúsi í London skapaði ótta nærstaddra um að eiturefnaárás væri í gangi og leiddi til þess að lögreglan lokaði og rýmdi göturnar sem veitingahús stendur við. Samkvæmt frétt í The Times voru þrjár götur rýmdar og íbúar þeirra fluttir á brott eftir að dularfull lykt og reykur hékk yfir svæðinu í þrjá tíma.

Olmert og Abbas funda í Jerúsalem

Ehud Olmert, forsætisráðherra Ísrael, og Mahmoud Abbas, forseti Palestínu, funda í Jerúsalem í dag. Leiðtogarnir munu meðal annars ræða fyrirhugaða ráðstefnu ríkja fyrir botni Miðjarðarhafs um málefni Palestínu sem halda á í næsta mánuði.

Hörð gagnrýni á Ríkiskaup vegna sölu NATO-eigna

Einar Örn Thorlacius sveitarstjóri Hvalfjarðarsveitar hefur sent Ríkiskaupum bréf vegna fyrirhugaðrar sölu ríkisins á fyrrum eignum NATO í Hvalfirði. Í bréfinu koma m.a. fram alvarlegar athugsemdir við framkvæmd sölunnar þar sem þessar eignir séu ekki til í fasteignamatinu og að svæðið sé ekki til á neinu skipulagi.

Nefnd geri tillögur að samstarfi við Færeyinga í heilbrigðismálum

Heilbrigðisráðherrar Íslands og Færeyja, þeir Guðlaugur Þór Þórðarson og Hans Pauli Ström, hafa skipað nefnd sem á að semja tillögur um samstarf þjóðannna í lyfja- og heilbrigðismálum.

Strokufangar á Skoda

Fangarnir sem struku frá Litla-Hrauni í gærkvöldi eru enn ófundnir. Lögreglu hafa borist tilkynningar um innbrot í hesthús á Eyrarbakka og eru vísbendingar um að þar hafi menn dvalið um stund. Þá segir lögregla að Í Tjarnarbyggð á milli Eyrarbakka og Selfoss hafi verið brotist inn í vinnuskúr og þaðan stolið mat en engu öðru. Lögreglan telur víst að fangarnir séu komnir á Höfuðborgarsvæðið.

Deildir sameinaðar í Háskólanum á Akureyri

Til stendur að sameina kennaradeild og félagsvísinda- og lögfræðideild Háskólans á Akureyri undir nafninu Hug- og félagsvísindadeild frá og með næsta hausti.

Kusu leiktæki fyrir róló frekar en utanlandsferð

Bæjarráð Hveragerðisbæjar samþykkti á síðasta fundi sínum tillögu um að hætt verði við ferð tveggja bæjarfulltrúa til Brussel, með Sambandi íslenskra sveitarfélaga.

Jóakim prins aftur í hnapphelduna

Jóakim Danaprins hyggst ganga í það heilaga á ný og verður brúðkaup hans og hinnar frönsku Marie Cavallier í vor. Þetta kemur fram í tilkynningu frá dönsku hirðinni.

Strokufangarnir ófundnir

Lögreglan hefur enn ekki fundið fangana sem létu sig hverfa í lok AA fundar á Litla Hrauni, um klukkan níu í gærkvöldi.

Geir Haarde syngur I Walk The Line á nýrri plötu

Geir H. Haarde forsætisráðherra sýnir á sér nýja hlið nú í haust þar sem hann tekur lagið með hljómsveitinni South River Band á nýrri plötu sveitarinnar sem hlotið hefur nafnið Allar stúlkurnar. Lagið sem Geir valdi að syngja er hið þekkta I Walk The Line eftir Johnny Cash.

Árangursrík barátta gegn eiturlyfjum

John Walters, yfirmaður Bandaríska lyfjaeftirlitsins, segir að barátta gegn fíkniefnainnflutningi í Bandaríkjunum skili nú meiri árangri en hún hefur gert undanfarin 20 ár.

Slösuðust í árekstri við rútubíl

Ökumaður og farþegi í jeppa slösuðust þegar jeppinn lenti í árekstri við rútubíl á mótum Grensásvegar og Fellsmúla síðdegis í gær.

Slasaðist í bílveltu

Einn slasaðist en tveir sluppu ómeiddir þegar bíll valt út af þjóðveginum í Mjóafirði við Ísafjarðardjúp síðdegis í gær.

Ísraelar réðust á Sýrland

Ísraelar viðurkenndu í gær að bera ábyrgð á árás á herstöðvar Sýrlendinga sem gerð var þann 6. september síðastliðinn.

Hillary safnaði 1700 milljónum

Hillary Clinton safnaði því sem nemur tæpum 1700 milljónum íslenskra króna í kosningasjóð sinn á þriðja ársfjórðungi.

Nýr stjórnarsáttmáli Evrópusambandsins

Lögspekingar frá tuttugu og sjö ríkjum Evrópusambandsins hafa samið drög að nýjum stjórnarsáttmála sambandsins. Sáttmálanum er ætlað að koma í stað þeirrar sem franskir og þýskir kjósendur höfnuðu fyrir tveimur árum.