Ætla að halda Smartkortunum

Reykjavíkurborg mun ekki hætta þróun og vinnu við uppsetningu Smartkorta hvort sem Strætó dregur sig út úr samstarfinu eður ei. Þar er litið á kortin sem tæki til sóknar í markaðssetningu.

Unglingar myrtir í Lundúnum

Sautján unglingar hafa verið skotnir eða stungnir til bana í Lundúnum á þessu ári. Breska lögreglan leitar nokkurra unglinga sem taldir eru tilheyra glæpagengi en þeir eru grunaðir um að hafa myrt sextán ára pilt í suðurhluta Lundúna í gær. Piltarnir eltu fórnarlambið uppi á hjólum í ninjubúningum og skutu til bana.

Svona eru lögin

Dómsmálaráðherra sér ekki ástæðu til að breyta því að fólki sem dæmdar eru bætur vegna ofbeldis, þurfi sjálft að sækja bæturnar í hendur ofbeldismanna.

Fallið frá ákæru á hendur indverskum lækni

Fallið hefur verið frá ákæru á hendur Mohamed Haneef, indverskum lækni, sem grunaður var um aðild að hinum misheppnuðu sprengjutilræðum í London og Glasgow í síðasta mánuði. Haneef hefur verið sleppt úr haldi áströlsku lögreglunnar en bíður eftir að ákvörðun verði tekin um vegabréfsáritun hans.

Keyrt á gangandi vegfaranda í Hafnarfirði

Keyrt var á gangandi vegfaranda á Reykjavíkurvegi í Hafnarfirði um fimmleytið í dag. Að sögn sjónarvotta er um að ræða unglingsstúlku sem var að fara yfir gangbraut á grænu ljósi.

Forsætisráðherra á Íslendingadögum í Kanada

Geir H. Haarde forsætisráðherra og Inga Jóna Þórðardóttir, eiginkona hans, eru á leið í opinbera heimsókn til Kanada þar sem þau munu dvelja dagana 28. júlí til 8. ágúst næstkomandi. Þau munu fara til Nova Scotia, Nýfundnalands, Labrador og Manitoba. Forsætisráðherra mun funda með ráðamönnum, fulltrúum félagasamtaka og fyrirtækja.

Engin göng til Eyja

Öll áform um gerð jarðganga milli lands og Vestmannaeyja verða lögð á hilluna. Þetta var tillaga Kristjáns L. Möller samgönguráðherra, sem ríkisstjórnin samþykkti á fundi sínum í dag, þegar ráðherran kynnti skýrslu um mat á kostnaði á gerð jarðganga milli Vestmannaeyja og lands.

Kaþólskir trúboðar í Second Life

Kaþólskir trúboðar hafa ávallt farið á ókannaða og hættulega staði á jörðinni til þess að boða orð drottins. Núna er verið að hvetja þá til þess að fara inn í sýndarveruleikaheiminn Second Life til þess að bjarga sýndarveruleikasálum.

Páfagarður varar við sókn múslima í Evrópu

Páfagarður hefur varað við útbreiðslu islamstrúar í Evrópu. Sagt er að evrópubúar megi ekki vera blindir fyrir því að múslimar ógni sjálfsímynd þeirra. Það var einkaritari Benedikts sextánda páfa sem lét þessi orð falla í viðtali við þýska blaðið Süddeutsche Zeitung, sem birt er í dag.

Tvennt slasaðist í mótorhjólaslysi á Öxnadalsheiði

Ökumaður og farþegi á mótorhjóli slösuðust þegar hjól þeirra datt ofarlega í Bakkaselsbrekku á Öxnadalsheiði fyrr í dag. Að sögn lögreglunnar á Akureyri var fólkið á vesturleið þegar það reyndi að taka fram úr bíl, en datt þá af hjólinu. Fólkið var flutt á slysadeild en mun ekki vera alvarlega slasað.

Ritskoðun á internetinu breiðist út

Ritskoðanir á vegum ríkisstjórna á notkun internetsins hafa nú breiðst út til fleiri en 20 landa sem nota ýmsar reglugerðir til þess að koma í veg fyrir að fólk sé á netinu og kæfa hverskonar pólitíska andstöðu. Þetta kemur fram í niðurstöðum nýrrar skýrslu frá OSCE, Öryggis- og framfarastofnun Evrópu, sem ber heitið „Að stjórna internetinu.“

Ríkisstjórnin leggur áform um Vestmannaeyjagöng á hilluna

Ríkisstjórnin samþykkti í morgun tillögu Kristjáns Möller samgönguráðherra um að leggja öll áform um gerð Vestmannaeyjaganga á hilluna. Tillagan var gerð í ljósi hins mikla kostnaðar og óvissu vegna jarðfræðilegra aðstæðna við gerð jarðganganna, sem gerð var grein fyrir í nýrri skýrslu um málið frá Verkfræðistofu Sigurðar Thoroddsen hf. um mat á kostnaði á gerð jarðganga milli Vestmannaeyja og lands. Samgönguráðherra gerði grein fyrir þessari niðurstöðu ríkisstjórnarinnar á fréttamannafundi áðan.

Fleiri barnabílstólar í bílaleigubílum

Fjöldi barnabílstóla hjá bílaleigunum hefur verið aukinn eftir að ný reglugerð um búnað barna í bílum var gefin út. Reglugerðin gerir auknar kröfur um verndarbúnað barna.

Tour de France er sjúkur sirkus

Fulltrúi Danmerkur í alþjóða Ólympíunefndinn kallar Tour de France hjólreiðakeppnina sjúkan sirkus sem ætti að leggja niður. Áður en Daninn Michael Rasmussen var rekinn úr keppninni fyrir að mæta ekki í lyfjapróf var Kai Holm þeirrar skoðunar að dómnefnd ætti að skera úr um hvað gert yrði við hann.

Sko- ég vil hafa mínar kellingar

Arabískur höfðingi frá Katar seinkaði flugi British Airways frá Linate flugvellinum í Mílanó um nærri þrjá tíma þar sem þrjár konur skyldar honum sátu við hlið karlmanna sem þær þekktu ekki.

Bandaríkin og Indland ljúka viðræðum um samstarf í kjarnorkumálum

Bandaríkin og Indland sögðu í dag að þau hefði lokið viðræðum um samvinnu í kjarnorkumálum. Þau segja að samningurinn muni færa báðum löndum umtalsverðan ávinning. Hvorugur aðilinn var þó tilbúinn til þess að ljóstra upp atriðum samningsins en þau viðurkenndu þó að enn ætti eftir að ljúka nokkrum atriðum áður en samningurinn gæti tekið gildi.

Danir reka Íraka úr landi

Danir hafa rekið fjóra íraska afbrotamenn úr landi og sent þá til Norður-Íraks, þaðan sem þeir voru. Ekkert er sagt um aldur eða stöðu mannanna eða hvort þeir frömdu brot sín í Danmörku eða í Írak. Alls bíða 150 Írakar í Danmörku eftir því að vera sendir heim.

Krónprinsessa Noregs - Marta Lovísa læknaði mig

Norska krónprinsessan Mette-Marit hefur upplýst að Marta Lovísa prinsessa sem er mágkona hennar hafi læknað sig af slæmum nýrnakvilla með því að leggja yfir sig hendur. Mette-Marit segir frá þessu í opinberri ævisögu Mörtu Lovísu, sem er í vinnslu. Það vakti mikla athygli um allan heim þegar Marta Lovísa skýrði frá því að hún gæti talað bæði við engla og dýr.

11 létust og 43 særðust í sprengjuárás í Islamabad

Að minnsta kosti 11 manns létust og fleiri en 43 særðust þegar sprengja sprakk á veitingastað ekki langt frá Rauðu moskunni í Islamabad í Pakistan í morgun. Samkvæmt fyrstu fregnum frá lögreglunni á staðnum var um sjálfsmorðsárás að ræða en rannsókn er þegar hafin á atvikinu.

Rottur herja á flóðasvæði í Englandi

Rottur herja nú á flóðahús í Bretlandi á sama tíma og eigendur þeirra hafa sumir hverjir haldið heim á ný. Karl Bretaprins heimsækir íbúa á flóðasvæðinu í dag en þúsundir eru enn án rafmagns og vatns.

Tveir stöðvaðir fyrir ölvunarakstur í gær og nótt

Lögreglan tók tvo ökumenn fyrir ölvunarakstur á höfuðborgarsvæðinu í gær og nótt. Karlmaður á sjötugsaldri var stöðvaður í Hafnarfirði og 19 ára piltur var tekinn í miðborginni.

Fólk í annarlegu ástandi stal bíl

Þremur bílum var stolið í Reykjavík í gær. Einum var stolið í Breiðholti í gærmorgun en bíllinn fannst svo síðdegis á öðrum stað í borginni. Tveir piltar og stúlka, sem öll eru undir tvítugu, voru handtekin vegna málsins.

Suður-Kóreumenn í haldi talibana enn á lífi

22 Suður-Kóreumenn sem eru í haldi talibana í Afganistan eru enn á lífi þrátt fyrir að frestur sem þeir gáfu til þess að semja um lausn þeirra hafi runnið út. Munir Mungal, aðstoðarinnanríkisráðherra Afganistan, sem er í samninganefndinni sem reynir að fá Suður-Kóreumennina lausa, skýrði frá þessu í morgun.

Hundruð þúsunda Indverja flýja heimili sín vegna flóða

Gríðarlegar rigningar í Indlandi undanfarnar vikur hafa neytt hundruð þúsunda í austurhluta landsins til þess að flýja heimili sín. Í ríkinu Bihar, sem er í austurhluta Indlands, hefur 21 látið lífið. Þá hafa tæplega 1.800 hús eyðilagst. Samgöngur hafa raskast verulega þar sem vegir og járnbrautarteinar skemmdust töluvert.

Bette Midler í kvöldverði á Bessastöðum

Bandaríska söng- og kvikmyndaleikkonan Bette Midler snæddi í gærkvöldi kvöldverð á Bessastöðum í boði forseta Ísland. Midler mætti á Bessastaði ásamt eiginmanni sínum og dóttur í gær. Leikkonan og fjölskylda hennar snæddu kvöldverð með forsetanum en Dorrit Moussaieff forsetafrú var erlendis.

Gengu þvert yfir landið

Göngugarparnir Hilmar Egill Sveinbjörnsson og Gunnar Júlíus Helgason úr Vogum luku í gærkvöldi göngu sinni þvert yfir landið. Gangan hófst þann 6. júlí og er því búin að taka 20 daga.

Hálfur milljarður í súginn

Allt útlit er fyrir að greiðslukortakerfi sem sett var upp hjá Strætó verði aldrei tekið í notkun. Nálægt hálfum milljarði króna hefur verið varið í verkefnið en fyrirtækið sem hannaði það varð gjaldþrota.

Forvarnarfé skilyrði þess að lækka áfengiskaupaaldur

Ef lækka á áfengiskaupaaldur niður í átján ár þarf að fylgja stóraukið fé til forvarna, segir Jóhanna Sigurðardóttir félagsmálaráðherra sem lagði fram frumvarp fyrir fjórum árum þess efnis.

Á 125 km hraða í Hvassahrauni

Lögreglan í Reykjavík stöðvaði franskan ökumann á 125 kílómetra hraða á Reykjanesbraut við Hvassahraun á ellefta tímanum í morgun. Þegar manninum var tilkynnt að hann yrði sektaður um 70 þúsund krónur brást hann hinn versti við og kvaðst mjög ósáttur við íslenskar reglur um hámarkshraða. Hann neitar að greiða sektina en vafalaust munu mótbárurnar skila honum litlu.

Ítölsk stjórnvöld fordæma ákvörðun FIA

Stjórnvöld á Ítalíu fordæmdu í dag ákvörðun FIA að refsa ekki McLaren liðinu þrátt fyrir að það hafi haft undir höndum leynilegar upplýsingar um vélbúnað Ferrari keppnisbílana. FIA, Aþjóðasamband bifreiða, sagði að þó svo að McLaren hafi haft gögnin undir höndum sé ekki hægt að sýna fram á að liðið hafi hagnast af því.

Geimfarar hátt uppi

Sérstök rannsóknarnefnd bandarísku Geimferðastofnunarinnar NASA hefur komist að því að geimfarar hafa að minnsta kosti tvisvar sinnum farið á dúndrandi fyllerí innan við tólf tímum fyrir geimferð. Nefndin var sett á fót eftir að geimfarinn Lisa Nowak réðst á annan kvengeimfara vegna afbrýðisemi. Hlutverk nefndarinnar var að kanna geðheilsu bandarískra geimfara.

Putin segir enga lausn í Kosovo án aðkomu Serbíu

Friður kemst aðeins á í Evrópu ef að landamæri ríkja eru virt og þá sérstaklega Serbíu. Þetta sagði Vladimir Putin, forseti Rússlands, í morgun þegar hann var að svara spurningum um hugsanlegt sjálfstæði Kosovo.

Laug um fjarvistarsönnun þegar Madeleine var rænt

Þrjú ný vitni halda því fram að Robert Murat hafi logið til um fjarvistarsönnun sína þegar bresku telpunni Madeleine McCann var rænt í Portúgal þriðja maí. Murat sem er búsettur í Portúgal var sterklega grunaður og tekinn til yfirheyrslu í upphafi rannsóknarinnar. Hann gaf þá fjarvistarsönnun að hann hefði verið að borða kvöldmat með móður sinni þegar Madeleine litlu var rænt af hótelherbergi sínu.

Engan sakaði í sprengingu í rússneskum kafbáti

Lítil sprenging varð í morgun í rússneskum kafbáti sem talið er að sé kjarnorkuknúinn en engin geislun lak frá kafbátnum. Kafbáturinn var í höfn í Severodvinsk, við Hvíta hafið, vegna viðgerða þegar atvikið átti sér stað. Engan sakaði í sprengingunni. Umhverfisstofnanir segjast ekki hafa fundið neina geislun og Norðmenn eru einnig að fylgjast með hugsanlegri geislun vegna sprengingarinnar.

Höfða mál gegn umhverfisráðherra vegna vegar í gegnum Teigsskóg

Landeigendur, Náttúruverndarsamtök Íslands og Fuglaverndarfélag Íslands hafa ákveðið að höfða mál gegn umhverfisráðherra til að láta reyna á hvort fyrrverandi umhverfisráðherra hafi brotið lög er hún féllst á vegalagningu Vestfjarðavegar 60 í gegnum Teigsskóg.

Kínverjar hvetja Vesturlönd til þess að sýna þolinmæði vegna Darfur

Kína varði í morgun afstöðu sína til mála í Darfur-héraði Súdan og hvatti Vesturlönd til þess að sýna þolinmæði í málefnum þess. Á sama tíma gagnrýndu Vesturlönd Kína og sögðu að afstaða þeirra gæti dregið úr þeirri velvild sem landið fær vegna Ólympíuleikanna sem fara fram í Peking á næsta ári.

Neytendur kannabisefna líklegir til að fá geðklofa

Neytendur kannabisefna eru 40% líklegri en aðrir til þess að fá geðsjúkdóma á borð við geðklofa. Þetta kemur fram í nýrri grein eftir sérfræðinga við háskóla í Bristol og Cardiff í Bretlandi.

Nýr formaður Félags vélstjóra og málmtæknimanna

Örn Friðriksson hefur tekið við formennsku í VM - Félagi vélstjóra og málmtæknimanna af Helga Laxdal sem nú gegnir stöðu varaformanns. Þetta er í samræmi við samkomulag sem gert var við sameiningu Félags járniðnaðarmanna og Vélstjórafélags Íslands í VM – Félag vélstjóra og málmtæknimanna.

Villipen sætir rannsókn

Formleg rannsókn er hafin á framferði Dominiques de Villepin, fyrrverandi forsætisráðherra Frakklands í tengslum við meinta rógsherferð gegn Nicolas Sarkozy fyrir síðustu forsetakosningar. Dreift var fölsuðum lista yfir menn sem áttu innistæðu í fjármálafyrirtæki í Luxembourg. Nafn Sarkozys var á þeim lista.

Rússar aðstoða Grikki í baráttunni við skógarelda

Rússar ætla að senda fimm flugvélar til Grikklands sem eiga að aðstoða við að slökkva skógarelda sem geisa í landinu. Karamanlis, forsætisráðherra Grikklands, hafði samband við Vladimir Putin, forseta Rússlands, og bað hann um aðstoð við að slökkva skógareldana.

Lögregla lýsir eftir vitnum að umferðaslysi á Kringlumýrarbraut

Umferðarslys varð á gatnamótum Kringlumýrarbrautar, Laugavegs og Suðurlandsbrautar klukkan 21:00 mánudaginn 23. júlí síðastliðinn. Þar skullu saman jepplingur og fólksbifreið. 

Rúta með ferðamönnum nærri oltin

Rúta með 26 ferðamönnum innanborðs var nálægt því að velta á grjótgarði sem liggur að Dyrhólaey rétt eftir klukkan átta í kvöld. Rútan vék út í kannt þegar hún var að mæta fólksbíl með þeim afleiðingum að kanturinn gaf sig.

Fullir geimfarar

Geimfarar hjá Nasa hafa að minnsta kosti tvisvar farið út í geim undir áhrifum áfengis. Þetta kemur fram í rannsókn sem stendur nú yfir á starfsemi stofnunarinnar og sagt er frá í tímaritinu Aviation Week & Space Technology.

Búlgörsk börn boðin til sölu

Búlgörsk börn eru boðin til sölu á um 60 þúsund evrur með loforði um að þeim verði smyglað til annarra landa. Þetta kemur fram í nýjum sjónvarpsþætti sem fréttamenn á vegum BBC hafa unnið.

Tugir gætu átt von á ákærum frá Helga Rafni

Helgi Rafn Brynjarsson, sá sem sakaður var um hrottalegt morð á hundinum Lúkasi á spjallsíðum internetsins, hefur kært þá sem harðast gengu fram í hótunum þegar málið stóð sem hæst.