Tók skýrslu af stúlkum sem numdar voru á brott

Lögreglan á Húsavík tók í dag skýrslur af stúlkunum þremur í Laugaskóla, sem teknar voru nauðugar úr rúmum sínum aðfararnótt föstudags á heimavist skólans. Farið var með stúlkurnar í hús í nágrenninu og, samkvæmt því sem fram kemur á bloggsíðum nemenda, var einni þeirra stungið ofan í klósett.

Guðjón Valur markahæstur á HM

Guðjón Valur Sigurðsson varð markakóngur heimsmeistaramótsins í handknattleik í Þýskalandi með 66 mörk. Þetta var ljóst eftir að keppninni lauk í dag. Fimm Íslendingar eru í hópi tólf markahæstu manna á heimsmeistaramótinu.

Ætla að senda þúsundir sjálfsmorðsárásar-manna af stað

Talibanar segjast munu senda þúsundir sjálfsmorðsárásarmanna gegn herliði NATO sem statt er í Afganistan og reynir að ráða niðurlögum þeirra. Frá þessu greindi einn leiðtoga þeirra í samtali við Reutersf-fréttastofuna í dag

Þjóðverjar heimsmeistarar í handknattleik

Þjóðverjar tryggðu sér í dag heimsmeistaratitilinn í handknattleik á heimavelli þegar þeir lögðu nágranna sína Pólverja í úrslitaleik frammi fyrir fullu húsi í Köln. Lokatölur í leiknum urðu 29-24.

Áframhaldandi skærur á Gasaströndinni í dag

Vopnahlé sem fylkingar Fatah-hreyfingarinnar og Hamas-samtakanna sömdu um á föstudag hefur ekki haldið í dag því komið hefur til átaka milli fylkinganna á Gasaströndinni.

Ætla að kenna breskum ungmennum mandarín og urdu

Breskum táningum verður boðið upp á læra tungumálin mandarín og urdu til jafns við frönsku og þýsku samkvæmt nýjum hugmyndum breskra menntamálayfirvalda.

Þriggja bíla árekstur í hálku norðan Hvalfjarðarganga

Þriggja bíla árekstur varð á Vesturlandsvegi skammt norðan við Hvalfjarðargöng nú fyrir stundu. Ekki hafa fengist upplýsingar um það hvort einhver sé alvarlega slasaður en lögregla í Borgarnesi segir flughált frá Hvalfjarðargöngum og upp í Borgarnes.

Vindhviður sagðar hafa farið upp í 73 metra á sekúndu

Íbúar í miðhluta Flórída sem urðu fyrir barðinu á kröftugum stormi sem gekk yfir svæðið á föstudag héldu í dag áfram að leita að heillegum munum í rústum húsa sinna. Fram kemur á fréttavef CNN að vindhviður hafi farið upp í 73 metra á sekúndu og rifið allt sem á vegi þeirra varð.

Starfsmenn alþjóðlegu geimstöðvarinnar í endurbótaleiðangri

Tveir af starfsmönnum alþjóðlegu geimstöðvarinnar fóru í dag í geimgöngu þar sem lokið verður við að koma upp nýju kælikerfi í stöðinni.

Flutt á sjúkrahús eftir bílveltu nærri Grundartanga

Betur fór en á horfðist þegar bíll fór út af Vesturlandsvegi um einn kílómetra norðan við afleggjarann að Grundartanga um tvöleytið í dag. Tvennt var í bílnum og þurfti að beita klippum til að ná fólkinu út úr honum.

Viðurkenna að herþyrlur hafi verið skotnar niður

Bandaríkjaher hefur viðurkennt að fjórar þyrlur sem hrapað hafa í Írak síðustu vikur hafi að líkindum verið skotnar niður. Alls hafa 20 manns týnt lífi í atvikunum fjórum

Vilja leggja nýjan Kjalveg með einkaframkvæmd

Félagið Norðurvegur vill hefja lagningu nýs vegar yfir Kjöl í einkaframkvæmd og áætlar að kostnaður við framkvæmdina verði um 4,2 milljarðar króna.

Viðurkenndi að hafa myrt Palme í bréfi til kærustu sinnar

Christer Pettersson, sem grunaður var um að hafa myrt Olof Palme, forsætisráðherra Svíþjóðar, viðurkenndi fyrir leynilegri kærustu sinni að hann hefði drepið forsætisráðherrann. Frá þessu greinir sænska blaðið Aftonbladet og vitnar í bréf sem Petterson skrifaði til kærustunnar.

Leita sér aðstoðar vegna vændiskvennafíknar

Ráðgjafarskrifstofa í tengslum við vændi í Danmörku hefur haft í nógu að snúast frá því að henni var komið á fót fyrir hálfu ári. Eftir því sem segir á vef Jótlandspóstsins hefur skrifstofan haft í nógu að snúast við að hjálpa karlmönnum sem sagðir eru háðir því að kaupa þjónustu vændiskvenna.

Karíus og Baktus mæta í Borgarleikhúsið

Sýningar á hinu sívinsæla verki um Karíus og Baktus, sem Leikfélag Akureyrar hefur sett upp, hefjast í Borgarleikhúsinu í dag. Samkvæmt tilkynningu frá Leikfélagi Akureyrar er gríðarlegur áhugi fyrir sýningunni og er þegar uppselt á allar sýningar í febrúar og mars.

Á fjórða tug dó í námuslysi

32 kólumbískir verkamenn biðu bana í sprengingu í kolanámu norðausturhluta landsins í gærkvöld. Talið er að neisti hafi komist í gas á um fjögur hundruð metra dýpi í námugöngunum og þau hrunið.

Fjölgaði um 80 prósent í strætó þegar gjaldtöku var hætt

Farþegum með almenningsvögnum í Reykjanesbæ fjölgaði um áttatíu prósent þegar gjaldtöku var hætt í vögnunum. Árni Sigfússon bæjarstjóri telur að reynslan af ókeypis strætó sé afar jákvæð.

Of lítill stuðningur í baráttunni við stera

Birgir Guðjónsson, læknir og meðlimur í lyfjanefnd Alþjóðafrjálsíþróttasambandsins, segir að stjórnvöld hafi of lítið stutt við baráttu gegn misnoktun stera hér á landi.

Nýtt pólitískt afl á hægri vængnum í burðarliðnum

Nýtt afl er að koma fram á sjónarsviðið í íslenskum stjórnmálum eftir því sem segir á bloggsíðu Margrétar Sverrisdóttur. Þar segir Margrét að fundað hafi verið í gær og að á næstunni verði sett fram skýr markmið framboðs sem sé hægra megin við miðju í pólitísku litrófi stjórnmálanna.

Skýrslutökur halda áfram vegna brottnáms stúlkna

Skýrslutökur halda áfram hjá lögreglunni á Húsavík í dag vegna máls sem kom upp í Laugaskóla aðfararnótt föstudags. Þá fóru nokkrir eldri nemar í hópi drengja við skólann inn á herbergi þriggja ungra stúlkna þar sem þær sváfu fáklæddar á heimavist, tóku þær nauðugar af vistinni og tróðu þeim í skottið á bíl.

Þúsund fallnir á sjö dögum

Forsætisráðherra Íraks kennir stuðningsmönnum Saddams Hussein um hryðjuverkið í Bagdad í gær sem kostaði 135 mannslíf. Um eitt þúsund manns hafa látið lífið undanfarna viku í ofbeldisverkum í landinu.

Álögur auknar á fjármagnstekjufólk

Ríkisstjórnin undirbýr frumvarp sem kveður á um að þeir sem hafa einungis fjármagnstekjur skuli greiða í framkvæmdasjóð aldraðra. Þá hefur frumvarpið sjálfkrafa í för með sér að nýr nefskattur Ríkisútvarpsins verður lagður á fjármagnstekjufólkið.

Ók inn í þvögu í brúðkaupi í Stokkhólmi

Lögregla í Stokkhólmi leitar nú manns sem ók á bíl inn í hóp fólks sem stóð fyrir utan veitingastað í borginni þar sem verið var að halda brúðkaupsveislu. Eftir því sem sænska ríkisútvarpið greinir frá slösuðust sjö þegar maðurinn keyrði inn í þvöguna, þar af einn alvarlega.

Léku rangan þjóðsöng

Stjórnvöld á eynni Grenada í Karabíska hafinu eru í öngum sínum eftir að þjóðsöngur Taívans var leikinn í stað þess kínverska þegar nýr íþróttavöllur var tekinn í notkun um helgina í höfuðborginni St. Johns.

Segja helming árásarmanna koma frá Sýrlandi

Íröksk stjórnvöld segja að helmingur þeirra andófsmanna úr röðum súnnía sem staðið hafi fyrir sprengjuárásum að undanförnu í Írak hafi komið frá Sýrlandi. Segjast yfirvöld í Írak jafnframt hafa sýnt sýrlenskum stjórnvöldum sannanir þar að lútandi.

Harður árekstur í Reykjanesbæ í gærkvöld

Harður árekstur varð á gatnamótum Reykjanesbrautar og Aðalgötu í Reykjanesbæ um sjöleytið í gærkvöld. Lögregla og sjúkralið fóru á vettvang og voru tveir fluttir á Heilbrigðisstofnun Suðurnesja en meiðsl þeirra voru minni háttar.

Aukin útgjöld til varnarmála

George Bush Bandaríkjaforseti segir að í næstu fjárlögum ríkisins verði útgjöld til varnarmála aukin á kostnað útgjalda til innanríkismála.

Vara við árásum á Íran

Þrír fyrrverandi hershöfðingjar úr Bandaríkjaher vara eindregið við hernaðaraðgerðum gegn Írönum í bréfi sem þeir birta í breska blaðinu Sunday Times í dag.

Byrjað að slátra kalkúnum á býlinu í Suffolk-héraði

Yfirvöld í Bretlandi hafa þegar hafist handa við að slátra þeim 160 þúsund kalkúnum sem aldir hafa verið á kalkúnabúinu í Suffolk-héraði þar sem fuglaflensa af H5N1-stofni greindist í gær. Eins og kunnugt er getur veiran borist í menn og dregið þá til dauða en sérfræðingar segja litlar líkur á því að það gerist nú.

Rúmlega helmingur Breta vill Blair burt strax

Ríflega helmingur Breta telur að Tony Blair, forsætisráðherra Bretlands, ætti að hætta strax samkvæmt könnun sem birt er í dagblaðinu Sunday Express í dag. 56 prósent aðspurðra segja tímabært að forsætisráðherrann taki pokann sinn en aðeins 37 prósent vilja að hann starfi áfram.

Reyndu að ræna sígarettum og morgunkorni

Tveir svangir og sígarettulausir ungir menn brutust inn í verslun á Akureyri í nótt og höfðu á brott með sér þær nauðsynjar sem þeir þurftu til að mæta sínum þörfum. Ekki komust þeir langt því lögregla greip þá þar sem þeir voru á hlaupum frá innbrotsstað.

Óttast farsóttir

Mikil flóð í Jakarta, höfuðborg Indónesíu, hafa kostað níu mannslíf og hrakið tvö hundruð þúsund manns af heimilum sínum. Gríðarleg úrkoma hefur verið á þessum slóðum að undanförnu enda stendur regntímabilið sem hæst.

Slegist á þorrablótum á höfuðborgarsvæðinu

Mikill erill var hjá lögreglunni á höfuðborgarsvæðinu í nótt líkt og fyrrinótt og voru allar fangageymslur fullar í morgun. Að sögn lögreglu var mikið um pústra og átök í tengslum við þorrablót víða um höfuðborgarsvæðið en engin alvarleg líkamsárás var þó gerð.

Þúsund fallnir á einni viku

Íraska ríkissstjórnin kennir stuðningsmönnum Saddams Hussein um hryðjuverkið í Bagdad í gær sem kostaði 135 mannslíf. Um eitt þúsund manns hafa látið lífið undanfarna viku í sjálfsmorðsárásum, skotárásum og bardögum á milli hermanna og uppreisnarmanna að því er Reuters-fréttastofan hermir.

Sjúkrabíll í hörðum árekstri í útkalli

Harður árekstur varð á Eyrarbakkavegi um fimmleytið í nótt þegar fólksbíl var ekið í veg fyrir sjúkrabíl á leið til Þorlákshafnar. Lögregla hafði kallað á sjúkrabílinn vegna líkamsárásar sem átti sér stað á dansleik í Þorlákshöfn en þar var meðal annars sparkað í höfuð manns.

Merkel á ferð um Miðausturlönd

Angela Merkel, kanslari Þýskalands, kom í dag til Kaíró á fyrsta degi sínum í ferðalagi um Miðausturlönd þar sem hún mun ræða stöðuna fyrir botni Miðjarðarhafs.

Aðgerðasinnar leggja aftur undir sig hús í Kaupmannahöfn

Lögreglan í Kaupmannahöfn handtók undir kvöld um 80 aðgerðasinna sem lagt höfðu undir sig hús í norðvesturhluta borginnar. Hópurinn, sem berst fyrir nýjum samkomustað í borginni í kjölfar þess að Æskulýðshúsinu svokallaða var lokað, lagði húsið undir sig skömmu eftir hádegi í dag en það eru í eigu Kaupmannahafnarborgar.

Tvennt flutt á sjúkrahús eftir árekstur jeppa í Grímsnesi

Tvennt var flutt á sjúkrahús í Reykjavík eftir að tveir jeppar sem komu úr gangstæðri átt rákust saman á Biskupstungnabraut sunnan við Borg í Grímsnesi um hálfsexleytið í dag. Að sögn lögreglu voru fimm í öðrum jeppanum og þrír í hinum og mun hluti hópsins leitað sjálfur til læknis til skoðunar.

Segist munu binda enda á stríðið í Írak sem forseti

Hillary Clinton, sem hefur boðið sig fram sem forsetaefni demókrata í kosningunum 2008, segist munu binda enda á stríðið í Írak ef hún verði fyrir valinu sem forsetaefni flokksins. Þessu lýsti hún yfir á fundi með átta öðrum sem vonast eftir því að verða forsetaefni demókrata í kosningunum.

Stjórnarskrárvarinn réttur til að blóta

Dómstóll í Michigan-ríki í Bandaríkjunum hefur komist að því að lögreglumaður hafi brotið gegn tjáningarfrelsisákvæðum stjórnarskrárinnar með því að handtaka mann fyrir að blóta á almennum borgarafundi.

Hlýnun bætir nýtingu virkjana

Hlýnun loftslags bætir nýtingu virkjana og gerir þær hagstæðari í rekstri. Þetta segir Tómas Jóhannesson, jöklafræðingur. Endurskoðuð umhverfisstefna til ársins 2050 verður lögð fram á næstu dögum, segir Jónína Bjartmarz umhverfisráðherra.

Kraftlyftingamaður handtekinn vegna sterasmygls

Frammámaður innan Kraftlyftingasambandsins var handtekinn í gær vegna innflutnings á þrjátíu þúsund skömmtum af sterum. Á aðalfundi sambandsins í gærkvöld hætti hann í félaginu. Fíkniefnalögreglan hefur aldrei áður lagt hald á jafn mikið magn af sterum en innflutningur þeirra varðar ekki við fíkniefnalöggjöf heldur lyfjalög.

Alþjóðleg umhverfislögregla

Jacques Chirac, Frakklandsforseti, skorar á þjóðir heims að setja umhverfismál í forgang á alþjóðavettvangi. Fjörutíu og sex ríki styðja tillögu Chiracs um nýja umhverfisstofnun sem gæti jafnvel knúið ríki til að framfylgja alþjóðasáttmálum um loftslagsmál.

Framkvæmdasjóður aldraðra borgaði framtíðarsýn heilbrigðisráðherra

Heilbrigðisráðherra fékk eina og hálfa milljón úr framkvæmdasjóði aldraðra til að prenta og dreifa bæklingi um sýn ráðherrans í öldrunarmálum. Ráðherrar heilbrigðismála hafa sótt fé til óskilgreindra þróunarverkefna úr framkvæmdasjóði aldraðra á liðnum árum.

Segja skólabræður sína hafa rænt sér

Hópur unglingsstúlkna segir skólabræður sína hafa rænt sér á aðfaranótt föstudags. Öll ungmennin stunda nám í framhaldsskólanum á Laugum. Lögreglan segir málið litið alvarlegum augum enda virðast stúlkurnar hafa verið beittar valdi. Þá má búast við kæru vegna kynferðisbrots.