Þúsundir vilja út í geim

Sjö þúsund manns hafa lýst sig reiðubúna til að greiða andvirði fimmtán milljónir króna fyrir að fljúga út í geiminn með Virgin að sögn aðaleigandans, Richards Branson. "Við erum afar ánægð því þetta þýðir að sú áhætta sem við tókum virðist ætla að borga sig," sagði hann.

Þvers og kruss í félagsmálum

Þrátt fyrir að George W. Bush Bandaríkjaforseti og demókratinn John Kerry hafi deilt hvað harðast um stríðið í Írak og atvinnumál kemur munurinn á þeim einna best í ljós þegar litið er til afstöðu þeirra til ýmissa félags- og réttlætismála.

Grípa hefði átt inn í strax

Félagsmálastjórinn í Reykjavík segir að grípa hefði átt inn í kennaraverkfallið strax og að það sé á sameiginlegri ábyrgð ríkisstjórnar, sveitarfélaga og samfélagsins alls. Það yrði ekki látið viðgangast í siðmenntuðum löndum að börn væru án kennslu svo vikum skipti.

Grátbiður um hjálp

Margaret Hassan, sem situr í haldi mannræningja í Írak, grátbiður bresk stjórnvöld að kalla hersveitir sínar heim frá Írak á myndbandsupptöku sem arabísk sjónvarpsstöð sýndi í dag.

Ótrúlegar aðferðir handrukkara

Móðir Thelmu Gígju Kristjánsdóttur, sem fyrirfór sér 20. ágúst síðastliðinn, lýsir því í helgarviðtali DV hvernig handrukkarar hröktu hana í opinn dauðann vegna fíkniefnarskuldar sambýlismanns Thelmu.

Deilendur á fund forsætisráðherra

Forsætisráðherra hefur kallað til sín deilendur í kennaradeilunni á mánudag. Hann segir að viðræðuslitin í gær séu mikil vonbrigði. Ekki hafi þó verið rætt um að setja lög á verkfallið. Kennarar sóttu hart að menntamálaráðherra á Akureyri í dag. 

Bush stendur höllum fæti

Bush Bandaríkjaforseti stendur höllum fæti í kosningabaráttunni í Bandaríkjunum, þó að fylgi þeirra Kerrys sé því sem næst jafnt á landsvísu. Þetta er mat sérfræðings AP-fréttastofunnar.

Ný stjórn Skjás eins

Orri Hauksson, framkvæmdarstjóri þróunarsviðs Símans, var kjörinn formaður stjórnar Skjás eins á hluthafafundi félagsins í gær. Orri hefur MBA-gráðu frá Harvard - háskóla og starfaði sem aðstoðarmaður Davíðs Oddssonar, fyrrverandi forsætisráðherra, á árunum 1997 til 2000. Aðrir sem kosnir voru í stjórn Skjás eins eru Gunnar J. Birgisson, Páll Ásgrímsson, Örn Guðmundsson og Sigfús Ingimundarson.

Uppsögn dregin til baka

Iceland Express hefur dregið til baka uppsagnir 34 flugliða félagsins. Uppsagnirnar áttu að taka gildi um næstu mánaðamót. Flugfreyjufélag Íslands og Iceland Express eiga nú í viðræðum um nýjan kjarasamning fyrir flugfreyjur og flugþjóna félagsins. Í tilkynningu frá flugfélaginu segir að viðræðunum hafi miðað vel og því hafi uppsagnirnar verið dregnar til baka.

Nýtt rannsóknar- og nýsköpunarhús

Nýtt rannsóknar- og nýsköpunarhús var tekið í notkun á Akureyri í gær. Húsið er 5.500 fermetrar að stærð og á sjö hæðum. Margar stofnanir koma til með að hafa aðstöðu í húsinu. Þar á meðal Atvinnuþróunarfélag Eyjafjarðar, Hafrannsóknastofnunin, Veðurstofa Íslands og Rannsóknarstofnun og aðalskrifstofa Háskólans á Akureyri.

Fyrirtæki hugsa sér til hreyfings

Það er að skapast mikil hætta á því að íslensk iðnaðar- og hátæknifyrirtæki flytji starfsemi sína til útlanda. Þetta er mat Vilmundar Jósefssonar, formanns Samtaka iðnaðarins. "Ég er bara að benda á hættuna því þetta getur haft mjög slæmar afleiðingar," segir Vilmundur. "Dönsk og bresk hátæknifyrirtæki flytjast í nokkrum mæli til Indlans þar sem þau fá vel menntað en ódýrt starfsfólk. Íslensk fyrirtæki kunna að fara sömu leið."

Skipin bundin við bryggju

Öll fjögur rækjuveiðiskip Íshafs á Húsavík liggja bundin við bryggju. Því veldur aflaleysi og hátt verð á olíu. Bergsteinn Gunnarsson, framkvæmdastjóri fyrirtækisins, segir skipin hafa veitt minna af rækju en gert hafi verið ráð fyrir þegar þau hófu veiðar á síðasta ári. Hann vonast til þess að veiðar verði hafnar að nýju eftir áramót. Á meðan sé rækjuvinnslu Íshafs haldið gangandi með aðkeyptri rækju sem veiðist á Flæmska hattinum.

Tvíbreið brú í stað einbreiðrar

Verið er að leggja lokahönd á gerð nýrrar brúar yfir Vatnsholtsá í Staðarsveit á Snæfellsnesi, en þar var fyrir einbreið brú.

Móttaka í Bjarkahlíð

Í tilefni af því að í mánuðinum er heil öld liðin frá fæðingu Hákonar Guðmundssonar, fyrsta formanns Landverndar, bjóða dætur hans, Skógræktarfélag Íslands og Landvernd til samkomu í Bjarkahlíð við Bústaðaveg á morgun klukkan tvö, að því er fram kemur á Vef Landverndar.

Án búðar í hálfan mánuð

Í dag opnar Bónus nýja verslun í Stykkishólmi, en það er fyrsta Bónusverslunin sem opnar á Snæfellsnesi.

Endurgreiðslur hækka um 4 prósent

Fjögurra prósenta hækkun gjaldskrár tannlækninga var kynnt á ríkisstjórnarfundi í gær. Heilbrigðisráðuneytið gefur gjaldskrána út, en hún er notuð sem grunnur vegna endurgreiðslna Tryggingastofnunar ríkisins.

Skilaboð á Akureyrarstrætó

Nýir auglýsingaborðar eru komnir á strætisvagna Akureyrar með áletrunum "Mamma er mín fyrirmynd! Foreldrar eru bestir í forvörnum" og "Pabbi er mín fyrirmynd! Foreldrar eru bestir í forvörnum".

Kópavogur vildi sérsamninga

<p>Eftir að ljóst varð að kennarar voru ekki tilbúnir að ganga að tillögu ríkissáttasemjara í kjarabaráttu þeirra við sveitarfélögin íhugaði Kópavogsbær að ganga að kröfum Kennarasambandsins og semja sér við sína kennara.

Óvönduð stjórnsýsla við H.Í.

Umboðsmaður Alþingis segir Háskóla Íslands hafa brotið gegn góðum stjórnsýsluháttum þegar hann síðasta vetur ákvað að stytta tímabilið sem nemendur hafa til að greiða skrásetningargjald við skólann. Þá átaldi Umboðsmaður skólann fyrir seinagang.

Íslenski hesturinn sló í gegn

Íslenski hesturinn sló í gegn á stórsýningu og keppni sem nýverið fór fram í Bretlandi. Að sögn Jónasar R. Jónssonar, umboðsmanns íslenska hestsins, voru áhorfendur um 60 þúsund talsins.

Hætti vegna sviðsskrekks

Sviðsskrekkur varð til þess að frambjóðandi til þingkosninga í Indíanafylki í Bandaríkjunum yfirgaf skyndilega svið þar sem fara áttu fram kappræður síðasta fimmtudag.

Fernt flutt á sjúkrahús

Fjórir voru fluttir á sjúkrahús í Reykjavík eftir harðan árekstur þriggja bíla við Blástein á Vesturlandsvegi síðdegis í gær. Fólkið var ekki talið alvarlega slasað.

Skipulagi ekki fylgt

Þrátt fyrir að markmið í skipulagsmálum höfuðborgarsvæðisins séu skýr er erfitt að uppfylla þau, segir Þorsteinn Víglundsson forstjóri BM Vallár þjónustufyrirtækis á byggingarmarkaði.

Íslenski hesturinn sló í gegn

Íslenski hesturinn sló sannarlega í gegn á stórsýningu og keppni í Bretlandi, að sögn Jónasar R. Jónssonar umboðsmanns íslenska hestsins. Íslensku sýningarnar fengu frábær viðbrögð hjá þúsundum áhorfenda, sem voru undrandi á hæfileikum hestanna.

Láta ekki svelta sig

"Kennarar munu aldrei verða sveltir til hlýðni," sagði Jón Pétur Zimsen grunnskólakennari á baráttufundi kennara á Ingólfstorgi í gær. Um 3.000 kennarar mættu í kröfugöngu frá Hlemmi og á fundinn.

Lífvörður drottningar járnaður

Gremja í garð sigursælla Íslendinga á hestasýningu á Englandi leiddi til þess að flytja þurfti einn lífvarða bretadrottningar burt í járnum. Atvikið varð eftir sýninguna þar sem Íslendingar sköruðu fram úr og hlutu nafnbótina "Star of the Show" eða Stjörnur sýningarinnar.

Búið að ná sambandi við mennina

Lögreglan er búin að ná sambandi við mennina þrjá, sem réðust á fréttastjóra DV á ritstjórn blaðsins í gær og tóku hann meðal annars kverkataki þannig að á honum sá og höfðu í hótunum við starfsfólk. Lögregla boðaði alla mennina til skýrslutöku í dag, en enginn þeirra var handtekinn í gær, sem bendir til þess að lögregla hafi aðeins náð símasambandi við þá.

55 hafa týnt lífi í Japan

Öflugasti og mannskæðasti fellibylur sem gengið hefur yfir Japan olli flóðum og skriðum þar í nótt og gærdag. 55 hið minnsta týndu lífi í veðurofsanum og þrjátíu og þriggja er enn saknað. Björgunarmenn eiga nú í kappi við tímann og reyna eftir megni að bjarga fólki sem grafið er í aur og eðju.

Fundur í gangi

Samningafundur í kennaradeilunni stóð hjá ríkissáttasemjara til klukkan 11 í gærkvöldi og var þá nýr fundur boðaður í morgun og hófst hann klukkan 9. Samningamenn hafa ekkert tjáð sig eftir fundinn í gærkvöldi.

Lögreglan komin á sporið

Lögreglan i Lynkjöping í Svíþjóð hefur fengið fjölmargar ábendingar vegna rannsóknarinnar á morðunum á átta ára gömlum dreng og 56 ára konu sem myrt voru í bænum á þriðjudaginn. Lögregla telur sig hafa fundið hnífinn sem morðinginn notaði. 

Slapp naumlega undan ofsaakstri

Maður slasaðist þegar hann kastaði sér frá bíl, sem ekið var á ofsahraða eftir Mýrargötu, skammt frá Slippnum í Reykjavík laust fyrir klukkan tíu í gærkvöldi. Maðurinn var á leið yfir götuna þegar bíllinn birtist skyndilega og sló ekkert af þrátt fyrir að maðurinn væri á götunni, og greip maðurinn þá til þess ráðs að kasta sér frá upp á líf og dauða.

Hefst við í stolnum bílum

Húsnæðismál ungs manns eru í uppnámi eftir að lögreglan hafði afskipti af ólöglegum og óvenjulegum búferlaflutningum hans. Það hófst með því að maðurinn fannst sofandi í bíl á bílastæði uppi í Breiðholti. Kom í ljós að bíllinn var stolinn og annar stolinn bíll fannst skammt frá þar sem bílnum, sem maðurinn fanst sofandi í, hafði verið stolið.

Slapp vel úr veltu

Ökumaður, sem var á ferð undir Eyjafjöllum undir kvöld í gær, slapp lítið meiddur þegar fjárflutningavagn, sem hann dró, tókst á loft í vindhviðu. Við það kom mikill hnykkur á bílinn og hann skekktist á veginum með þeim afleiðingum að bæði vagn og bíll ultu út af veginum og stór skemmdust.

Sjóræningjaútgáfan allt öðruvísi

Kolombíski nóbelsverðlaunarithöfundurinn Gabriel Garcia Marquez sýndi útgefendum sjóræningjaútgáfu nýjustu bókar sinnar í tvo heimana algjörlega óviljandi. Bókin kemur út í næstu viku en nokkuð er síðan að ólögleg eintök birtust á götum borga í heimalandi rithöfundarins.

Olían hækkar aftur

Enn á ný hækkaði olíuverð í nótt. Frá því á mánudagsmorgun hefur verðið lækkað um ríflega tvo dollara en en nú á ný komið í hæstu hæðir. Í morgun var það rétt undir 55 dollurum á fatið. Ástæðan er sú, að bandarísk yfirvöld segja olíu til kyndingar í lágmarki vestan hafs.

Krufning kostar 95 þúsund

Það getur kostað sitt að leita sér lækninga á spítala. Sjúklingar geta þurft að reiða fram þúsundir á þúsundir ofan. Þeir sem oftast þurfa til læknis fá afslátt. Fólk sem ekki er sjúkratryggt á Íslandi þarf að borga allt að þrettán hundruð þúsund krónur fyrir aðgerð. </font /></b />

56 létust í gassprengingu

Gassprenging í kolanámu í mið-Kína kostaði 56 manns lífið. 148 er saknað og er talið afar ólíklegt að nokkur þeirra finnist á lífi. Í öðru sambærilegu atvikið í suðvesturhluta Kína fórust sex í gasleka. Slys af þessu tagi eru mjög algeng í kínverskum námum þar sem öryggi er mjög ábótavant.

Breskir sérsveitarmenn til Íraks?

Breska ríkisstjórnin mun í dag að öllum líkindum ákveða að senda 650 sérsveitarmenn til Bagdad, en Bandaríkjamenn hafa beðið um liðsauka þar. Fram til þessa hafa breskar sveitir einungis verið að störfum í suðurhluta Íraks, í kringum Basra. Talið er víst að þingmenn Verkamannaflokksins verði æfir, enda vitað að stór hluti þeirra er með öllu andsnúinn frekari afskiptum af gangi mála í Írak.

Fjórir féllu í árás byssumanna

Fjórir féllu í árás byssumanna á rútu sem flutti starfsmenn til alþjóðaflugvallarins í Bagdad í morgun. Fjöldi særðist, en 25 farþegar voru í rútunni þegar árásin var gerð. Sjónarvottar segja að rútan hafi verið eins og gatasigti eftir kúlnahríðina.

Nefbrotin lögga þorir ekki að kæra

Lögreglumaður þorði ekki að kæra Jón Trausta Lúthersson sem barði hann í Leifsstöð í desember. Ástæðan var að annar vítisengill hafði hótað börnum lögreglumannsins. Yfirmaður lögreglumannsins segist hafa lagt hart að honum að kæra. Jón Trausti er sá sem réðst á fréttastjóra DV í gær.

Brákaður en ekki bugaður

Fidel Kastró, forseti Kúbu féll niður stiga þegar hann var á leið niður af sviði eftir klukkustundarlanga ræðu og brákaði sig bæði á hné og á hendi. Margir í salnum brustu í grát en Castro, sem orðinn er 78 ára bað strax um að fá hljóðnemann og sagði áheyrendum að allt væri í lagi með sig. "Ég get talað, jafnvel þó ég sé í gifsi," sagði Kastró.

Harry barði ljósmyndara

Harry Bretaprins lenti í útistöðum við ljósmyndara fyrir utan næturklúbb í Lundúnum í nótt. Í yfirlýsingu frá bresku konungsfjölskyldunni segir að Harry hafi verið laminn í andlitið með myndavél og hafi þá ýtt henni frá sér í sjálfsvörn með þeim afleiðingum að myndavélin lenti á vörinni á ljósmyndaranum svo hún sprakk.

Sjómenn langþreyttir á þófinu

Sjómenn segjast fara að verða langþreyttir á samningaþófi sínu við LÍÚ, en fertugasti samningafundurinn hófst hjá Ríkissáttasemjara í morgun og deilendur voru ekki bjartsýnir fyrir hann. Samningar sjómanna, annarra en vélstjóra, hafa verið lausir frá áramótum og var viðræðum vísað til Ríkissáttasemjara strax í febrúar.

Ekki sátt um aukinn herafla

Það er talið fullvíst að breska ríkisstjórnin ákveði í dag að senda breska hermenn til að að aðstoða Bandaríkjaher við að koma böndum á uppreisnarhópa í Bagdad og nágrenni. Málið er líklegt til að valda uppþoti innan Verkamannaflokksins.

Fundurinn stendur enn

Samningafundur í kennaradeilunni stóð hjá ríkissáttasemjara til klukkan 11 í gærkvöldi. Boðað var til nýs fundar í morgun og hófst hann klukkan níu og stendur enn yfir. Samningamenn hafa ekkert tjáð sig eftir fundinn í gærkvöldi.