Arnar kynnti nýjasta hópinn og mætti í spjall

Sindri Sverrisson skrifar 16. september 2026 12:33

Arnar Gunnlaugsson er á leið með íslenska landsliðið í fjögurra leikja törn. Getty/Jane Barlow

Vísir var með beina útsendingu frá höfuðstöðvum KSÍ í dag þar sem Arnar Gunnlaugsson kynnti landsliðshóp sinn fyrir fyrstu fjóra leikina í Þjóðadeildinni.

Eftir blaðamannafundinn mætti Arnar beint í viðtal við þá Henry Birgi Gunnarsson og Val Pál Eiríksson, fulltrúa Vísis á staðnum, í beinni útsendingu.

Fundinn og viðtalið má sjá í spilaranum hér að neðan.

Leikmannahópinn má sjá hér að neðan. Ísland er án Sverris Ingi Ingasonar, Hjartar Hermannssonar og Kristians Nökkva Hlynssonar, vegna meiðsla.

Á meðal þeirra sem koma inn í hópinn eru markvörðurinn Rúnar Alex Rúnarsson, kantmaðurinn Arnór Sigurðsson og sóknarmaðurinn Ísak Snær Þorvaldsson, sem og Andri Lucas Guðjohnsen sem snýr aftur eftir meiðsli.

Á meðal þeirra sem ekki fá sæti í hópnum núna eru markvörðurinn Anton Ari Einarsson, miðjumaðurinn Tómas Bent Magnússon og sóknarmaðurinn Daníel Tristan Guðjohnsen.

Landsliðshópur Íslands:

Markmenn:
Elías Rafn Ólafsson - FC Midtjylland - 15 leikir
Hákon Rafn Valdimarsson - Brentford F.C. - 22 leikir
Rúnar Alex Rúnarsson - FC Köbenhavn - 27 leikir
Varnarmenn:
Guðlaugur Victor Pálsson - AC Horsens - 58 leikir, 5 mörk
Bjarki Steinn Bjarkason - FC Südtirol - 7 leikir
Daníel Leó Grétarsson - AGF - 31 leikur
Aron Einar Gunnarsson - Qatar SC - 110 leikir, 5 mörk
Hörður Björgvin Magnússon - Atromitos F.C. - 54 leikir, 2 mörk
Logi Tómasson - Samsunspor A.S. - 16 leikir, 1 mark
Mikael Egill Ellertsson - Genoa CFC - 31 leikur, 2 mörk
Miðjumenn:
Stefán Teitur Þórðarson - Hannover 96 - 37 leikir, 1 mark
Hákon Arnar Haraldsson - LOSC Lille - 31 leikur, 3 mörk
Andri Fannar Baldursson - Kasimpasa A.S. - 14 leikir
Ísak Bergmann Jóhannesson - 1. FC Köln - 44 leikir, 6 mörk
Gylfi Þór Sigurðsson - Víkingur R. - 86 leikir, 28 mörk
Mikael Neville Anderson - AGF - 39 leikir, 2 mörk
Jón Dagur Þorsteinsson - Hertha BSC - 55 leikir, 6 mörk
Arnór Sigurðsson - Kalamata FC - 36 leikir, 2 mörk
Kristall Máni Ingason - SK Brann - 9 leikir
Sóknarmenn:
Albert Guðmundsson - Lazio - 47 leikir, 14 mörk
Orri Steinn Óskarsson - Real Sociedad - 18 leikir, 9 mörk
Ísak Snær Þorvaldsson - Lyngby Boldklub 1921 - 7 leikir, 1 mark
Andri Lucas Guðjohnsen - Blackburn Rovers F.C. - 39 leikir, 10 mörk
Brynjólfur Andersen Willumsson - FC Groningen - 10 leikir, 1 mark

Ísland er í fjögurra liða riðli með Eistlandi, Lúxemborg og Búlgaríu, í C-deild Þjóðadeildarinnar, eftir tap í umspili gegn Kósovó í mars 2025, í fyrstu leikjunum undir stjórn Arnars Gunnlaugssonar.

Hópurinn hans þarf að spila fjóra leiki á ellefu dögum, eftir breytingarnar sem gerðar hafa verið á landsleikjadagatalinu. Síðustu tveir leikirnir í riðlinum verða svo í nóvember.

Leikir Íslands í C-deild Þjóðadeildar:

26. sept kl. 16: Ísland - Eistland
29. sept kl. 18:45: Lúxemborg - Ísland
3. okt kl. 16: Ísland - Búlgaría
6. okt kl. 18.45: Eistland - Ísland
13. nóv kl. 19.45: Búlgaría - Ísland
16. nóv kl. 17: Ísland - Lúxemborg

Ísland þarf að vinna riðilinn til þess að komast beint upp í B-deild á næstu leiktíð, sem hefst eftir EM 2028, og þá gæti sigur í riðlinum mögulega gagnast í baráttunni um sæti á Evrópumótinu.

Liðið í 2. sæti riðilsins fer í umspil um sæti í B-deild en liðin í 3. og 4. sæti sitja eftir í C-deild sem þá verður neðsta deildin í þriggja deilda fyrirkomulagi.

Landslið karla í fótbolta Þjóðadeild karla í fótbolta

Mest lesið

Fleiri fréttir