Nottingham Forest hafnar til­boði Manchester City

Elliot Anderson átti frábært tímabil með Nottingham Forest. Hann hefur vakið mikinn áhuga hjá stærri félögum Englands og þá sérstaklega Manchester United og Manchester City.

Manchester City hefur gert tilboð í miðjumanninn en því hefur verið hafnað af Nottingham Forest. Búist er við að Manchester City muni gera annað tilboð í miðjumanninn.

Elliot Anderson var með fjögur mörk og fjórar stoðsendingar í ensku úrvalsdeildinni á síðasta tímabili. Hann er varnarsinnaður miðjumaður og vinnuhestur sem er einn mikilvægasti leikmaður Nottingham Forest.

Elliot Anderson er núna með enska landsliðshópnum við æfingar í Flórída. Þetta eru æfingabúðir fyrir HM í fótbolta sem hefst í næstu viku. Búist er við að Anderson muni spila stóran þátt í liði Englands á mótinu.