Veður

Veðurvaktin: Snjó­koman rétt að byrja og víða erfið færð

Lovísa Arnardóttir skrifar
Snjódýpt mælist víða á milli 30 og 40 sentímetrar á höfuðborgarsvæðinu.
Snjódýpt mælist víða á milli 30 og 40 sentímetrar á höfuðborgarsvæðinu. Vísir/Anton Brink

Snjó kyngir niður á höfuðborgarsvæðinu í fyrsta sinn í vetur. Appelsínugul viðvörun hefur tekið gildi við Faxaflóa en tekur gildi klukkan 16 og 17 á Suðurlandi og á höfuðborgarsvæðinu. Fólk hefur verið hvatt að halda sig heima eða koma sér heim sem fyrst. Strætisvagnar séu besti kosturinn. 

Sundlaugum hefur verið lokað og fólk hvatt til að sækja börn snemma í leikskóla geti það gert það. 

Á höfuðborgarsvæðinu var snjómokstur víðast hvar hafinn klukkan fjögur í nótt og eru allar vélar úti í öllum sveitarfélögum. Umferðartafir eru verulegar og færð erfið víðast hvar á höfuðborgarsvæðinu þrátt fyrir snjómokstur. 

Snjókoman á að halda áfram að aukast eftir því sem líður á daginn og fram á kvöld. Snjódýpt hefur mælst á milli 35 og 40 sentímetra víða um höfuðborgarsvæðið í dag. 

Hefur veðrið áhrif á þig? Hvernig? Sendu okkur ábendingu og myndir á ritstjorn@visir.is eða sem Fréttaskot hér.

Fréttastofa fylgist með gangi mála í vaktinni hér að neðan. Ef vaktin birtist ekki er ráð að endurhlaða síðuna.

Veður Færð á vegum Reykjavík Snjómokstur Umferð Samgöngur

Mest lesið


Fleiri fréttir

Sjá meira
×

Mest lesið