Sjáðu tvennur Eiðs og Nikolaj, aukaspyrnu Kjartans og öll hin mörkin

KR - FH 3-2 | Eiður Gauti hetja KR-inga

Kjartan Kári skoraði tvennu fyrir FH, seinna markið beint úr aukaspyrnu, en Eiður Gauti jafnaði og setti síðan sigurmarkið í uppbótartíma.

Víkingur - Aftur­elding 2-1 | Víkingar sluppu með skrekkinn

Nikolaj Hansen var hetja heimamanna. Hansen kom Víkingum yfir á 50. mínútu en Aron Jóhannsson jafnaði leikinn skömmu síðar. Hansen var svo aftur á ferðinni á 79. mínútu þegar hann skoraði mark sem reyndist sigurmarkið.

Fram - ÍBV 2-0 | Sann­gjarn sigur heima­manna

Fram skoraði úr sinni fyrstu alvöru sókn. Már Ægisson komst þá upp að endamörkum hægra megin og gaf hættulega sendingu fyrir markið, boltinn skoppaði ekki af einum heldur tveimur Eyjamönnum áður en hann féll fyrir Frey Sigurðsson sem að kláraði færið vel á nærstöng.

Framarar gengu á lagið og bættu öðru marki við á 28. mínútu. Vuk og Fred spiluðu fallegan þríhyrning upp við vítateiginn og Vuk braust inn á teiginn og lagði boltann fyrir fætur Jakob Byström. Skot hans var varið en hann náði frákastinu sjálfur og setti boltann þægilega í netið.

Vestri - ÍA 0-2 | Sigur í fyrsta leik Lárusar Orra

Ísak Máni Guðjónsson kom ÍA yfir með skoti sem fór af varnarmanni og endaði í netinu. Markið kveikti í gestunum sem sýndu meiri festu og einbeitingu eftir það. Ellefu mínútum síðar, á 66. mínútu, bætti Ómar Björn Stefánsson við öðru marki eftir að Viktor Jónsson skallaði boltann inn fyrir. Ómar fylgdi vel eftir og kom boltanum í netið.

Föstudagsleikirnir

Tveir leikir fóru fram á föstudagskvöldið í Bestu deild karla. Mörkin úr þeim má finna hér fyrir neðan.