„Ég sé Messi ekki missa af HM 2026“

Messi var kosinn besti leikmaður síðasta heimsmeistaramóts þar sem hann varð heimsmeistari í fyrsta skiptið eftir mjög langa bið. Hann hefur ekki gefið það út hvort hann verði með á HM 2026.

„Auðvitað þegar heimsmeistaramótið nálgast þá mun hann taka ákvörðun,“ sagði Nicolás Otamendi í útvarpsviðtalið hjá Radio La Red.

„Ég sé Messi ekki missa af HM 2026,“ sagði Otamendi.

Messi hélt upp á 38 ára afmælið sitt á þriðjudaginn en hann er þessa dagana að keppa með Inter Miami á heimsmeistaramóti félagsliða. Næsti leikur Inter Miami er á móti hans gömlu félögum í Paris Saint-Germain í sextán liða úrslitum.

Otamendi hefur verið liðsfélagi Messi í landsliðinu frá 2009. Hann vonast til þess að Messi verði með á sínu sjötta heimsmeistaramóti.

„Leo er Leo, besti leikmaður sögunnar. Núna lifir hann fyrir hverja stund inn á vellinum. Hann er að njóta þess að spila á HM félagsliða. Hann einbeitir sér að hverju verkefni fyrir sig, tekur einn mánuð í einu og sér síðan hvernig honum líður,“ sagði Otamendi.

„Hann mun taka þessa ákvörðun út frá því hvernig honum líður líkamlega. Ástríða Leo verður aldrei tekin frá honum. Hann vill alltaf keppa og vill hjálpa liðinu. Það er í hans DNA. Leo er öðruvísi en við hin,“ sagði Otamendi.