Sport

Kol­beinn nálgast topp fimm­tíu í heiminum

Aron Guðmundsson skrifar
Kolbeinn Kristinsson er ríkjandi Baltic Boxing Union meistari. Hann er á meðal hundrað bestu þungavigtar boxara á heimsvísu og hefur ekki tapað bardaga á sínum atvinnumannaferli
Kolbeinn Kristinsson er ríkjandi Baltic Boxing Union meistari. Hann er á meðal hundrað bestu þungavigtar boxara á heimsvísu og hefur ekki tapað bardaga á sínum atvinnumannaferli Mynd: Kristinn Gauti

Íslenski atvinnumaðurinn í hnefaleikum og ríkjandi WBF heimsmeistarinn Kolbeinn Kristinsson klifrar upp í 62.sæti á heimslista þungavigtarkappa eftir sigur hans á Þjóðverjanum Mike Lehnis um síðastliðna helgi.

Bardaginn gegn Lehnis, sem fór fram í Nurnberg, var stöðvaður við upphaf sjöundu lotu þegar að Þjóðverjinn sá sér ekki fært að hefja lotuna eftir að hafa tekið við þungum höggum frá Kolbeini.

WBF heimsmeistarabeltið kom því heim til Íslands með Kolbeini en það er sjötta stærsta beltið í þungavigtarflokknum á heimsvísu og mikilvægt fyrir næstu skref Kolbeins á ferlinum.

Fyrir bardagann sat Kolbeinn í 79.sæti heimslistans í þungavigtarflokknum en nú er hann kominn upp í 62.sætið og færist óðum topp 50 listann.

Kolbeinn er áfram ósigraður á sínum atvinnumannaferli. Hann hefur nú unnið átján bardaga í röð.

Box

Mest lesið


Fleiri fréttir

Sjá meira


×

Mest lesið