Fótbolti

Dagur Dan kallaður inn í ís­lenska lands­liðið

Aron Guðmundsson skrifar
Dagur Dan í leik með Orlando
Dagur Dan í leik með Orlando Vísir/Getty

Dagur Dan Þór­halls­son, leik­maður Or­lando í Bandaríkjunum, hefur verið kallaður inn í lands­liðs­hóp ís­lenska karla­lands­liðsins í fót­bolta fyrir komandi leiki liðsins gegn Skot­landi og Norður-Ír­landi. Bjarki Steinn Bjarka­son er meiddur og þurfti að draga sig úr hópnum.

KSÍ greinir frá meiðslum Bjarka Steins í morgun en Arnar Gunn­laugs­son, lands­liðsþjálfari, hafði áður valið hann í lands­liðs­hópinn fyrir vináttu­lands­leikina tvo. Bjarki Steinn er leik­maður Venezia á Ítalíu og á að baki 5 A-lands­leiki.

Dagur Dan er á miðju tíma­bili með Or­lando í MLS deildinni og hefur þar komið við sögu í sex­tán leikjum á tíma­bilinu. Dagur á að baki 6 A-lands­leiki fyrir Ís­lands hönd.

Ís­land mætir Skot­landi á Hamp­den Park þann 6.júní næst­komandi og Norður-Ír­landi nokkrum dögum síðar á Windsor Park, nánar til­tekið þann 10.júní. Báðir leikirnir verða sýndir í beinni út­sendingu á Stöð 2 Sport.

Landslið karla í fótbolta

Tengdar fréttir

Aron Einar með en enginn Gylfi

Arnar Gunnlaugsson hefur tilkynnt hóp íslenska karlalandsliðsins í fótbolta fyrir vináttulandsleikina gegn Skotlandi og Norður-Írlandi. Aron Einar Gunnarsson er í hópnum en ekki Gylfi Þór Sigurðsson.

Mest lesið


Fleiri fréttir

Sjá meira


×

Mest lesið