Valur sam­þykkti til­boð í Gylfa

Þetta herma heimildir Vísis. Valur hafi í gærkvöld samþykkt tilboð beggja liða í Gylfa og honum sé nú heimilt að ræða við bæði lið um kaup og kjör. Forráðamenn Vals vildu ekki tjá sig um málið í morgunsárið þegar eftir því var leitað.

Allskyns orðrómar hafa verið á kreiki síðustu daga og Gylfi sagður vilja breyta til. Valsmenn hafa hafnað þeim orðrómum út á við en nú virðist sem Gylfi hafi fengið sínu framgengt og sé á förum. Hann þurfi nú að velja milli Íslandsmeistara Breiðabliks og silfurliðs Víkings.

Gylfi skoraði ellefu mörk í 19 leikjum með Valsmönnum í Bestu deild karla í fyrra. Tímabil Vals þótti vonbrigði, Arnari Grétarssyni var sagt upp á miðri leiktíð og tók Srdjan Tufedgzic við. Valur hafnaði í þriðja sæti deildarinnar.