Lífið

Elt á röndum með drónum

Oddur Ævar Gunnarsson skrifar
Það er ekki tekið út með sældinni að vera nýgift.
Það er ekki tekið út með sældinni að vera nýgift.

Bandaríska söngkonan Lana Del Rey er orðin langþreytt á því að hún og nýbakaður eiginmaður hennar krókódílamaðurinn Jeremy Dufrene eru elt á röndum með drónum. Söngkonan segir að nágrannapar séu sökudólgar í málinu, nágrannapar sem starfi sem papparassar.

Í umfjöllun PageSix um málið kemur fram að Del Rey hafi opnað sig um málið á samfélagsmiðlum. Líkt og fram hefur komið er örstutt síðan hjónin giftu sig við árbakka í Louisiana þar sem Dufrene rekur fyrirtæki sitt sem sérhæfir sig í leiðsögn um fljótið og skoðun á krókódílum.

„Því miður eru íbúar í Houma sem hætta ekki að fljúga drónum á gluggana okkar hvern einasta morgun og elta okkur,“ skrifar söngkonan á Instagram. Hún segir klárt að Jeremy sé sá eini rétti, þau séu afskaplega hamingjusöm.

„En ef Sara Michelle Champagne og Kruesch (mjög frægur papparassi frá New Orleans) gætu hætt að skipta um bíla til þess að elta fjölskylduna og hætta að elta okkur um óbyggðir og breyta myndum af giftingarhringnum mínum í perlur, þá veit ég að við myndum upplifa okkur miklu öruggari.“

Hollywood

Tengdar fréttir

Lana Del Rey og krókódílamaður vekja athygli

Söngkonan Lana Del Rey virðist vera að slá sér upp með nýjum gaur ef marka má myndir sem náðust af henni um helgina. Sá heppni heitir Jeremy Dufrene og er skipstjóri frá Louisiana sem sem sérhæfir sig í krókódílatúrum.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.