Fótboltamaður dæmdur í tveggja og hálfs árs fangelsi

Vloet var dæmdur sekur en bæði hann og saksóknari áfrýjuðu dómnum. Leikmaðurinn ákvað þá að draga áfrýjun sína til baka og saksóknarinn gerði það líka. Vloet var þá dæmdur í tveggja og hálfs árs fangelsi. RTV Oost segir frá.

Atvikið varð 14. nóvember 2021 þegar Vloet keyrði á 193 kílómetra hraða eftir partý í Amsterdam.

Hann olli árekstri þar sem fjögurra ára strákur lést.

Auk þess að vera dæmdur í fangelsi í þennan tíma þá má hann ekki keyra bíl í fjögur ár.

Hinn 29 ára gamli Vloet hefur spilað mörg tímabil á efsta stigi þar á meðal nokkur þeirra í hollensku úrvalsdeildinni.

Hann skoraði meðal annars sextán mörk fyrir Heracles Almelo á einu tímabilinu.

Heracles Almelo setti hann í bann vegna málsins í byrjun árs 2022. Hann fór þaðan til FC Astana í Kasakstan.

Vloet er nú án félags eftir að hafa yfirgefið rússneska félagið Ural í sumar.