Draumur Stígs rættist með stóðhestinum Steini Valur Páll Eiríksson skrifar 18. apríl 2024 08:00 Guðbrandur Stígur hefur beðið lengi eftir tækifærinu sem gafst um síðustu helgi. Hann er KR-ingur mikill rétt eins og hinn brúnskjótti Steinn frá Stíghúsi, og hefur löngum lagt áherslu á mikilvægi þess að strauja treyjuna á tyllidögum. Samsett/Úr einkasafni/Henk Petersen Stóðhesturinn Steinn frá Stíghúsi vakti verðskuldaða athygli um síðustu helgi er hann safnaði 500 þúsund krónum fyrir stuðningsfélagið Einstök börn. Hann vakti þó ef til vill meiri athygli fyrir KR-ljómann í kringum sýningu hans, en við það rættist ósk eiganda hestsins. Árleg stóðhestaveisla var haldin í Ölfushöllinni fyrir smekkfullu húsi á laugardaginn var. Hrossið Steinn frá Stíghúsi var einn þeirra glæsilegu stóðhesta sem fram kom og var tollur undir hann boðinn upp til styrktar samtökunum Einstökum börnum. Steinn frá Stighúsi og Þorgeir Ólafsson, knapi.Mynd/Henk Petersen Knapi á Steini var Þorgeir Ólafsson en klæðnaður hans og lagið sem var spilað á meðan Steinn kom fram vakti athygli og kátínu viðstaddra. Þorgeir var íklæddur KR-treyju og stuðningslag félagsins hljómaði í hljóðkerfinu. Það var gert að beiðni eiganda Steins, Guðbrands Stígs Ágústssonar, sem lét þar með langþráðan draum rætast. „Þegar ég byrjaði í þessari hestamennsku fyrir einhverjum árum tók ég þá ákvörðun innra með mér að ef ég myndi einhvern tímann lenda í því að hestur frá mér færi sem uppboðstollur á svona sýningu þá myndi ég fá knapana til að vera hátíðarklædda, í vel straujaðri og fallegri KR-treyju,“ segir Guðbrandur Stígur. „Því eins og þjóð veit þá er KR flottasta íþróttafélag landsins. Það skemmdi ekki fyrir að hesturinn sem var þarna, Steinn frá Stíghúsi er brúnskjóttur, eða svartur og hvítur. Þá liggur nú beinast við að blasta fallegasta stuðningslagi allra tíma, KR-laginu með Bubba Morthens, undir. Það var það sem við gerðum,“ bætir hann við. Klippa: Stóðhesturinn Steinn í KR-stuði Tugir milljóna safnast fyrir góð málefni Tollur undir Stein seldist nafnlausum styrktaraðila á 500 þúsund krónur sem renna til samtakanna Einstök börn, stuðningsfélags barna og ungmenna með sjaldgæfa sjúkdóma eða sjaldgæf heilkenni. Hin árlega stóðhestaveisla er gjarnan nýtt til fjáröflunar fyrir góð málefni og hrósar Guðbrandur skipuleggjendum í hástert. Hér er þeim Magnúsi og Rakel gefinn tollur undir Stein frá Stíghúsi og salurinn klappar fyrir framlagi þeirra undanfarin ár. Frá vinstri: Benjamín Sandur, Rakel, Magnús, Steinn frá Stíghúsi, Þorgeir og Guðbrandur Stígur.Mynd/Henk Petersen „Þau sem eru aðalsprautan í þessari stóðhestaveislu hafa verið Magnús Benediktsson og kona hans, Rakel. Síðan þau byrjuðu með þessa veislu hafa þau safnað fyrir líknarfélög, góðgerðafélög og einstaklinga, á milli 50 og 60 milljónum í gegnum þessar veislur,“ „Það er náttúrulega alveg einstakt verk hjá þeim að gera þetta og mikil vinna. Þau hafa staðið sig alveg svakalega vel að framfylgja þessu,“ segir Guðbrandur. Líst vel á sumarið og vill strákinn heim Karlalið KR hefur farið vel af stað í Bestu deild karla og unnið fyrstu tvo leiki sína, í fyrsta skipti frá árinu 2013. Fram er næsti andstæðingur á laugardaginn kemur en Guðbrandur er spenntur fyrir sumrinu. „Mér líst bara vel á það. Ég er búinn að fylgjast dálítið með vorleikjunum og mér finnst vera skemmtileg ára yfir Vesturbænum og KR-liðinu og þetta leggst vel í mig. En ég held að hópurinn sé smá brothættur, við erum ekki með stóran hóp en ef það verða ekki mikil meiðsli ættum við að geta gert gott mót. Ég er alveg viss um það,“ segir Guðbrandur. Gyrðir Hrafn er í svarthvítu en faðir hans vonast eftir að sjá hann í röndóttu á ný.Vísir/Hulda Margrét Gyrðir Hrafn Guðbrandsson er sonur hans en sá leikur með FH, eftir að hafa verið á mála hjá KR um tíma. Blessunarlega spila FH-ingar einnig í svörtu og hvítu. „Það góða við það er að það er svarthvítur búningur, en ég verð að hryggja FH-ingana, vini mína, með því að hann er ekki jafn flottur og sá röndótti. Gyrðir hefur staðið sig vel en vonandi kannski fær hann einhvern tíma að klæðast aftur þeim röndótta,“ segir Guðbrandur Stígur að endingu. Hestaíþróttir Hestar KR Mest lesið Uppgjörið: ÍBV - Vestri 0-2 | Vestramenn aftur á toppinn Íslenski boltinn Sjö marka leikur í Lundúnum og enn eitt tap United Enski boltinn „Borgar þrjátíu en færð hundrað prósent“ Handbolti Leikmaður Palace vann tvær og hálfa milljón á skákmóti Enski boltinn Í beinni: FH - Valur | Botnliðið fær taplausa gesti Íslenski boltinn Meistaraþynnka hjá Liverpool og Chelsea græddi mikilvæg stig Enski boltinn Markmaðurinn á batavegi eftir harkalegt höfuðhögg Fótbolti Uppgjörið: ÍA - KA 3-0 | Skagamenn risu upp og Viktor fann markaskóna Íslenski boltinn „Verið að kveðja góðan mann með mjög glæstan feril“ Körfubolti „Þetta var minn síðasti körfuboltaleikur“ Körfubolti Fleiri fréttir Nik sendi Ástu skeyti: „Mikil eftirvænting fyrir þessari frumraun“ Hörður í hóp eftir tæplega tveggja ára meiðsli Uppgjörið: ÍA - KA 3-0 | Skagamenn risu upp og Viktor fann markaskóna Í beinni: FH - Valur | Botnliðið fær taplausa gesti Í beinni: Njarðvík - Haukar | Nær Dinkins að svara fyrir sig? Bayern varð sófameistari Logi skoraði í tapi en Stefán setti sigurmark Erfitt hjá Íslendingunum í Svíþjóð Gríðarlega spenna á toppnum en stórleikur Viggós dugði ekki til Uppgjörið: ÍBV - Vestri 0-2 | Vestramenn aftur á toppinn Vont tap hjá Alberti í Rómarborg Meistaraþynnka hjá Liverpool og Chelsea græddi mikilvæg stig Isak tryggði Skjórunum stig gegn Mávunum Sjö marka leikur í Lundúnum og enn eitt tap United Hamrarnir jöfnuðu gegn Spurs en biðin eftir sigri lengist enn Styrmir gulltryggði sigur Belfius Mons og var stigahæstur á vellinum Titilvonir Real Madrid lifa og El Clásico framundan Yngstur til að byrja leik fyrir United í ensku úrvalsdeildinni Leo vann brons í Svíþjóð Leikmaður Palace vann tvær og hálfa milljón á skákmóti „Verið að kveðja góðan mann með mjög glæstan feril“ Sjáðu markaveislu Breiðabliks og FH og mörkin úr sögulegum sigri Fram Sterk liðsheild Denver á meðan Clippers féll á prófinu Ætla að nýta reiðina í Meistaradeildinni „Borgar þrjátíu en færð hundrað prósent“ Dagskráin í dag: Annar úrslitaleikurinn, Formúlan og fótbolti Markmaðurinn á batavegi eftir harkalegt höfuðhögg „Þetta var minn síðasti körfuboltaleikur“ „Ég kom til Íslands með eitt markmið“ Börsungar sneru við blaðinu gegn botnliðinu Sjá meira
Árleg stóðhestaveisla var haldin í Ölfushöllinni fyrir smekkfullu húsi á laugardaginn var. Hrossið Steinn frá Stíghúsi var einn þeirra glæsilegu stóðhesta sem fram kom og var tollur undir hann boðinn upp til styrktar samtökunum Einstökum börnum. Steinn frá Stighúsi og Þorgeir Ólafsson, knapi.Mynd/Henk Petersen Knapi á Steini var Þorgeir Ólafsson en klæðnaður hans og lagið sem var spilað á meðan Steinn kom fram vakti athygli og kátínu viðstaddra. Þorgeir var íklæddur KR-treyju og stuðningslag félagsins hljómaði í hljóðkerfinu. Það var gert að beiðni eiganda Steins, Guðbrands Stígs Ágústssonar, sem lét þar með langþráðan draum rætast. „Þegar ég byrjaði í þessari hestamennsku fyrir einhverjum árum tók ég þá ákvörðun innra með mér að ef ég myndi einhvern tímann lenda í því að hestur frá mér færi sem uppboðstollur á svona sýningu þá myndi ég fá knapana til að vera hátíðarklædda, í vel straujaðri og fallegri KR-treyju,“ segir Guðbrandur Stígur. „Því eins og þjóð veit þá er KR flottasta íþróttafélag landsins. Það skemmdi ekki fyrir að hesturinn sem var þarna, Steinn frá Stíghúsi er brúnskjóttur, eða svartur og hvítur. Þá liggur nú beinast við að blasta fallegasta stuðningslagi allra tíma, KR-laginu með Bubba Morthens, undir. Það var það sem við gerðum,“ bætir hann við. Klippa: Stóðhesturinn Steinn í KR-stuði Tugir milljóna safnast fyrir góð málefni Tollur undir Stein seldist nafnlausum styrktaraðila á 500 þúsund krónur sem renna til samtakanna Einstök börn, stuðningsfélags barna og ungmenna með sjaldgæfa sjúkdóma eða sjaldgæf heilkenni. Hin árlega stóðhestaveisla er gjarnan nýtt til fjáröflunar fyrir góð málefni og hrósar Guðbrandur skipuleggjendum í hástert. Hér er þeim Magnúsi og Rakel gefinn tollur undir Stein frá Stíghúsi og salurinn klappar fyrir framlagi þeirra undanfarin ár. Frá vinstri: Benjamín Sandur, Rakel, Magnús, Steinn frá Stíghúsi, Þorgeir og Guðbrandur Stígur.Mynd/Henk Petersen „Þau sem eru aðalsprautan í þessari stóðhestaveislu hafa verið Magnús Benediktsson og kona hans, Rakel. Síðan þau byrjuðu með þessa veislu hafa þau safnað fyrir líknarfélög, góðgerðafélög og einstaklinga, á milli 50 og 60 milljónum í gegnum þessar veislur,“ „Það er náttúrulega alveg einstakt verk hjá þeim að gera þetta og mikil vinna. Þau hafa staðið sig alveg svakalega vel að framfylgja þessu,“ segir Guðbrandur. Líst vel á sumarið og vill strákinn heim Karlalið KR hefur farið vel af stað í Bestu deild karla og unnið fyrstu tvo leiki sína, í fyrsta skipti frá árinu 2013. Fram er næsti andstæðingur á laugardaginn kemur en Guðbrandur er spenntur fyrir sumrinu. „Mér líst bara vel á það. Ég er búinn að fylgjast dálítið með vorleikjunum og mér finnst vera skemmtileg ára yfir Vesturbænum og KR-liðinu og þetta leggst vel í mig. En ég held að hópurinn sé smá brothættur, við erum ekki með stóran hóp en ef það verða ekki mikil meiðsli ættum við að geta gert gott mót. Ég er alveg viss um það,“ segir Guðbrandur. Gyrðir Hrafn er í svarthvítu en faðir hans vonast eftir að sjá hann í röndóttu á ný.Vísir/Hulda Margrét Gyrðir Hrafn Guðbrandsson er sonur hans en sá leikur með FH, eftir að hafa verið á mála hjá KR um tíma. Blessunarlega spila FH-ingar einnig í svörtu og hvítu. „Það góða við það er að það er svarthvítur búningur, en ég verð að hryggja FH-ingana, vini mína, með því að hann er ekki jafn flottur og sá röndótti. Gyrðir hefur staðið sig vel en vonandi kannski fær hann einhvern tíma að klæðast aftur þeim röndótta,“ segir Guðbrandur Stígur að endingu.
Hestaíþróttir Hestar KR Mest lesið Uppgjörið: ÍBV - Vestri 0-2 | Vestramenn aftur á toppinn Íslenski boltinn Sjö marka leikur í Lundúnum og enn eitt tap United Enski boltinn „Borgar þrjátíu en færð hundrað prósent“ Handbolti Leikmaður Palace vann tvær og hálfa milljón á skákmóti Enski boltinn Í beinni: FH - Valur | Botnliðið fær taplausa gesti Íslenski boltinn Meistaraþynnka hjá Liverpool og Chelsea græddi mikilvæg stig Enski boltinn Markmaðurinn á batavegi eftir harkalegt höfuðhögg Fótbolti Uppgjörið: ÍA - KA 3-0 | Skagamenn risu upp og Viktor fann markaskóna Íslenski boltinn „Verið að kveðja góðan mann með mjög glæstan feril“ Körfubolti „Þetta var minn síðasti körfuboltaleikur“ Körfubolti Fleiri fréttir Nik sendi Ástu skeyti: „Mikil eftirvænting fyrir þessari frumraun“ Hörður í hóp eftir tæplega tveggja ára meiðsli Uppgjörið: ÍA - KA 3-0 | Skagamenn risu upp og Viktor fann markaskóna Í beinni: FH - Valur | Botnliðið fær taplausa gesti Í beinni: Njarðvík - Haukar | Nær Dinkins að svara fyrir sig? Bayern varð sófameistari Logi skoraði í tapi en Stefán setti sigurmark Erfitt hjá Íslendingunum í Svíþjóð Gríðarlega spenna á toppnum en stórleikur Viggós dugði ekki til Uppgjörið: ÍBV - Vestri 0-2 | Vestramenn aftur á toppinn Vont tap hjá Alberti í Rómarborg Meistaraþynnka hjá Liverpool og Chelsea græddi mikilvæg stig Isak tryggði Skjórunum stig gegn Mávunum Sjö marka leikur í Lundúnum og enn eitt tap United Hamrarnir jöfnuðu gegn Spurs en biðin eftir sigri lengist enn Styrmir gulltryggði sigur Belfius Mons og var stigahæstur á vellinum Titilvonir Real Madrid lifa og El Clásico framundan Yngstur til að byrja leik fyrir United í ensku úrvalsdeildinni Leo vann brons í Svíþjóð Leikmaður Palace vann tvær og hálfa milljón á skákmóti „Verið að kveðja góðan mann með mjög glæstan feril“ Sjáðu markaveislu Breiðabliks og FH og mörkin úr sögulegum sigri Fram Sterk liðsheild Denver á meðan Clippers féll á prófinu Ætla að nýta reiðina í Meistaradeildinni „Borgar þrjátíu en færð hundrað prósent“ Dagskráin í dag: Annar úrslitaleikurinn, Formúlan og fótbolti Markmaðurinn á batavegi eftir harkalegt höfuðhögg „Þetta var minn síðasti körfuboltaleikur“ „Ég kom til Íslands með eitt markmið“ Börsungar sneru við blaðinu gegn botnliðinu Sjá meira